18/01/2024
ហេតុអ្វីជំនាញស្ថាបត្យកម្មត្រូវការ 𝐒𝐤𝐞𝐭𝐜𝐡?
នៅក្នុងស្ថាបត្យកម្ម យើងតែងតែមានរៀននូវការគូសវាស (Sketching) ដែលវាមានសារៈសំខាន់មិនអាចមើលរំលងបានទេសម្រាប់ជំនាញនេះ។ Sketching ឬការគូសវាស គឺជាឧបករណ៍ចាំបាច់របស់ស្ថាបត្យករ ប្រៀបដូចជាស្តេតូស្កុបរបស់គ្រូពេទ្យអញ្ចឹងដែរ។
ភាពចាំបាច់ចម្បងនៃការគូសវាសនេះ គឺជាមធ្យោបាយទំនាក់ទំនង និងស្វែងរកគំនិតច្នៃប្រឌិតដ៏មានប្រសិទ្ធិភាពនៃស្ថាបត្យករ។ វាក៏ជាការបង្កើតគំនិតថ្មី ការដោះស្រាយបញ្ហាលើគម្រោងដោយការគូសវាសដោយដៃភ្លាមៗគឺមានភាពងាយស្រួល និងលឿនរហ័ស។ ហើយការគូសវាស (Sketch) នេះទៀតសោតត្រូវបានស្ថាបត្យករប្រើប្រាស់ស្ទើរតែគ្រប់ពេលនៃគម្រោង តាំងពីមុនចាំផ្ដើម រហូតដល់ដំណាក់កាលនីមួយៗ និងបញ្ចប់។
Sketching ក្នុងដំណាក់កាលនីមួយៗ៖
: បច្ចុប្បន្នគេស្គាល់ថា Concept។ Parti ឬConcept នៃស្ថាបត្យកម្មគឺជាគំនិតក្ដោបរួមដំបូងដែលកំណត់អត្តចរិតនៃសំណង់ចង់បានបែបណា។ ភាគច្រើនស្ថាបត្យករគូសវាសចេញជាគំនូរព្រាង ជាគំនិតដំបូង ជារូបរាងមូលដ្ឋាននៃអគារដែលសំខាន់សម្រាប់ការអភិវឌ្ឍគម្រោងបន្ត។
&_Planning : ក្នុងដំណាក់កាលក៏ត្រូវការការគូសវាសច្រើនដែរ ព្រោះថានៅពេលចុះទៅប្រមូលទិន្នន័យទីតាំង ត្រូវសិក្សាលើចំនុចជាច្រើន និងស្ដែងចេញជាដំបូងតាមរយៈគំនូរព្រាងដើម្បីងាយស្រួលពិភាក្សាគ្នាបន្ត ដូចជាការបង្ហាញពីទិសខ្យល់ គន្លងព្រះអាទិត្យ សណ្ឋានដី ជំរេល លំហបៃតងជុំវិញ ហេដ្ឋារចនាសម្ព័័ន្ធ ទិដ្ឋភាពជុំវិញ និងការគូសបង្ហាញទំនាក់ទំនងក្នុងតំបន់ជាដើម។
: ពេលមានទិន្នន័យគ្រប់គ្រាន់ហើយ គម្រោងក៏ចាប់ផ្ដើម ដូច្នេះការគូសវាសក៏សំខាន់ដែរនៅទីនេះ ដើម្បីឲ្យស្ថាបត្យករអាចបង្ហាញគំនិតរបស់ខ្លួន ឬពន្យល់ដល់អតិថិជននូវប្លង់កម្រាលព្រាង នៃការបែងចែកលំហតាមការចង់បាន និងតម្រូវការ។
: ដើម្បីនាំគំនិតរបស់យើងចេញជារូបរាងពិត ស្ថាបត្យករត្រូវបង្ហាញឲ្យគេដឹង។ ការគូសវាសគំនិតនៃរូបរាងអគារ គឺជាវិធីដែលបង្ហាញគំនិតទៅអ្នកដទៃបានលឿនភ្លាមៗ។ ការគូសវាសនេះក៏អាចមានបន្ថែមពណ៌ ការបែងចែកជាន់ច្បាស់លាស់ រូបរាងនៃអគារ ការប្រើប្រាស់ផ្ទៃខាងក្រៅជាដើម។
: ការគូសវាសចំនុចលម្អិតនៃស្ថាបត្យកម្មមានសារៈសំខាន់បំផុត ជាពិសេសសម្រាប់ការពន្យល់បច្ចេកទេសសាងសង់ទៅកាន់វិស្វករជាដើម អាចធ្វើឲ្យបង្កើនល្បឿននៃការសាងសង់ ព្រោះងាយយល់ និងយល់លឿន។
ដូច្នេះ សរុបមក ការគូសវាស (Sketch) គឺពិតជាសំខាន់សម្រាប់ស្ថាបត្យករ ការយល់ដឹងពីគំនូរបានច្បាស់កាន់តែជួយឲ្យប្រសិទ្ធភាពការងារកាន់តែល្អ និងច្បាស់លាស់។ លើសពីនោះ ចំនេះដឹងគំនូរ ក៏ផ្ដល់នូវចំនេះដឹងនៃសោភ័ណភាពដល់ស្ថាបត្យករដែរ មើលដឹងអំពីរូបភាពស្អាត ពណ៌ស៊ីគ្នា ការប្រើប្រាស់បន្ទាត់ត្រង់ និងរូបធរណីមាត្រ។ល។
Image: CTTO
