02/06/2026
កម្រងរូបភាពសកម្មភាពរបស់ ក្រុមហ៊ុន URATA (CAMBODIA) CO., LTD. 🇰🇭មានកិត្តិយសចូលរួមក្នុងកម្មវិធីសហប្រតិបត្តិការបច្ចេកទេសរបស់ Japan International Cooperation Agency (JICA) ដែលបានរៀបចំដំណើរទស្សនកិច្ចសិក្សានៅប្រទេសជប៉ុនសម្រាប់គណៈប្រតិភូនៃព្រះរាជាណាចក្រកម្ពុជា ក្នុងគោលបំណងផ្លាស់ប្តូរបទពិសោធន៍ និងសិក្សាអំពីប្រព័ន្ធគ្រប់គ្រងវិស័យសំណង់ និងសុវត្ថិភាពអគាររបស់ប្រទេសជប៉ុន 🇯🇵
ក្នុងឱកាសនេះដែល ក្រុមហ៊ុនក៏បានធ្វើបទបង្ហាញអំពីការវិវត្តន៍នៃក្របខណ្ឌច្បាប់ និងបទប្បញ្ញត្តិសំណង់របស់ប្រទេសជប៉ុន ព្រមទាំងចែករំលែកបទពិសោធន៍ជាក់ស្តែងក្នុងការអនុវត្តនីតិវិធីការងារត្រួតពិនិត្យ និងបញ្ជាក់សំណង់នៅកម្ពុជា។
ក្នុងអំឡុងពេលទស្សនកិច្ចការដ្ឋានសំណង់នៅប្រទេសជប៉ុន ក៏បានសិក្សាអំពីការអនុវត្តជាក់ស្តែងនៃ៖
✅ ប្រព័ន្ធគ្រប់គ្រងគុណភាពសំណង់ (Quality Management System)
✅ វិធានការគ្រប់គ្រងសុវត្ថិភាព និងសុខភាពការងារ (Safety & Health Management)
✅ នីតិវិធីត្រួតពិនិត្យ និងផ្ទៀងផ្ទាត់ការងារប្រចាំថ្ងៃ ដើម្បីធានាបាននូវការអនុលោមតាមបទដ្ឋានបច្ចេកទេស និងច្បាប់ពាក់ព័ន្ធ
កម្មវិធីនេះបានផ្តល់នូវឱកាសដ៏មានតម្លៃក្នុងការពង្រឹងការយល់ដឹងអំពីទំនាក់ទំនងរវាងក្របខណ្ឌច្បាប់ ការគ្រប់គ្រងបច្ចេកទេស និងការអនុវត្តជាក់ស្តែងនៅការដ្ឋានសំណង់ ដែលជាមូលដ្ឋានសំខាន់ក្នុងការធានាគុណភាព សុវត្ថិភាព និងភាពជឿជាក់នៃសំណង់ប្រកបដោយចីរភាព។
សូមអរគុណ 🙏🏻
