30/08/2021
අවදානමට පෙර සූදානම් වීම අපිට අවදානම් කටයුත්තක් කිරීමේදී අතිශයින් වැදගත් වන නිසා, අද සිට අපගේ PB Homes පිටුව තුලින් ගොඩනැගිල්ලක් සෑදීමේදී සැලකිලිමත් වියයුතු කරුණු පිළිබඳව ලිපි කීපයක් ඔබවෙත ගෙන ඒමට අප බලාපොරොත්තු වනු ඇත.
නිවසක් කියන්නේ අපගේ ජීවිතයේ අපි උපයන මුදල් වලින් විශාල ප්රමාණයක් යෙදවීමට සිදුවන කටයුත්තක්. තවද, විශාල කාලයකට අපට සිතැඟි පරිදි ජීවත් වීමට තනන අපගේම ලස්සන නවාතැන එයයි. අපි කව්රුත් බලන්නේ මුදල් ඉතිරි කරගෙන හොඳ ප්රමිතියකට මේ නිවස තනා ගන්න. මුදල් වැයවීම පමණක් නොව එම ගොඩනැගිල්ලෙහි ශක්තිය, කල්පැවැත්ම කියන්නේ ඉතාමත්ම වැදගත් දෙයක්. එම නිසා මෙවැනි දෝශ ඇති වීමට පෙර අප කල්තියා කටයුතු කිරීම අපගේම ආරක්ශාවට හා මුදල් ඉතිරියට උපකාරී වේ.
එහිදී අපගේ පළමු ලිපියෙන් අප ඔබ වෙත ගෙන එන්නේ Honeycomb හෙවත් මී වදයක හැඩය ආකාරයට කොන්ක්රීට් එකෙහි ඇතිවන දෝශයක් පිළිබඳවය. ලිපි කියවීමට ගොඩක් පිරිස් රුචියක් නොදක්වන නිසා මෙම ලිපිය කරුණු 4ක් යටතේ කියවීමට පහසු අයුරින් අප සකසා ඇත. එසේනම් අප දැන් පහත ආකාරයට Honeycomb ගැන දැනගමු.
1. මොකද්ද මේ Honeycomb කියන්නේ ?
🔸 ඉහත සඳහන් කල ආකාරයට Honeycomb කියන්නේ මී වදයක සිදුරු ආකාරයට හැඩයක් ගත් කොන්ක්රීට් එකෙහි ඇතිවන දෝශයක්. කොන්ක්රීට් එකක් දාල ඉවර උනාම එහි ඇති, ලී ආදාරක හෙවත් formwork ඉවත් කළ පසු අපට කොන්ක්රීට් මතුපිට මෙය දැකගත හැක. තවද පියවි ඇසට නොපෙනුනද කොන්ක්රීට් එක තුල ද Honeycomb පවතී. ඒවා නිරීක්ෂණයට ඉන්ජිනේරු විද්යාවේදී Ultra Sonic Testing වැනි දේවල් භාවිත කරනු ලබයි. කොන්ක්රීට් එක දැමීමේදී සිදුකළ වැරදි නිසා, කොන්ක්රීට් එකේ ගල් ටික වෙන්වී සිදුරු පෙනීම, යකඩ කම්බි හෙවත් reinforcement එලියට පෙනීම වැනි විවිධ අයුරින් අපට මෙය පෙන්නුම් කරනු ලබයි. මෙය Segregation of Concrete ලෙසද හදුන්වනු ලබයි.
2. Honeycomb ඇති වීමට හේතු හා එය වළක්වන ආකාරය?
(i) කම්බි සදහා නිසි ආවරණයක් නොතිබීම හා එය නිවැරදි පරතරයකින් සවි කර නොතිබීම.
🔸 මුලින්ම column එකක, beam එකක හෝ slab එකෙහි කොන්ක්රීට් එක දැමීමට පෙර එහි formwork එක සවි කිරීම සිදු කරනවා. එයට යොදාගන්නා ලී ඇද වූ හෝ නොසුදුසු අයුරින් තිබිය නොයුතුය. තවද, සාමාන්යයෙන් formwork එකක් සවිකරන විට අපට ලබා දෙන drawings වල, column එකක් නම් එහි කම්බි හා formwork එක අතර තිබිය යුතු නිවැරදි පරතරය එහි සදහන් කරලා තියෙනවා. එනම් එහිදී අප 25mm, 50mm, 75mm වැනි ප්රමාණයේ coverings/ cover blocks මෙම පරතරය තබා ගැනීම සදහා යොදාගනු ලබනවා (1 රූපය). එසේ තබා නොමැති නම් ඇතුළත ඇති කම්බි formwork එකට හේත්තු වීම නිසා formwork ඉවත් කළ පසු 2 රූපයේ ආකාරයට කම්බි එලියට පැමිණ තිබිය හැක. එමනිසා formwork ගැසීමේදී නිවැරැදි ආකාරයට formwork එක හා කම්බි අතර පරතරය තබා ගත යුතුය.
(ii) කොන්ක්රීට් මිශ්රණයේ ජලය ප්රමාණය සුදුසු නොවීම.
🔸 සාමාන්යයෙන් ලොකු construction එකක් කරන විට site එකට කොන්ක්රීට් ගෙනාවාම කොන්ක්රීට් එකෙහි නිසියාකාරව ජලය මිශ්ර වෙලාද යන්න පරීක්ෂා කිරීමට slump test කියලා test එකක් කරනවා (3 රූපය). එම පරීක්ෂාවට අදාල උපකරණ ඇත්නම් නිවසක් සෑදීමේදී වුවද එය කළ හැකි නමුත් මෙය එහිදී එතරම් ප්රායෝගික නොවන නිසා පළපුරුදු අයෙකුට කොන්ක්රීට් එක බැලු පමණින් එය නිසියාකාරව මිශ්රවී ඇත් ද නැත්ද යන්න වටහාගත හැකිය. එමනිසා මිශ්රවී ඇති ජල ප්රමාණය පිළිබඳවද සැලකිලිමත් වියයුතුය.
(iii) කොන්ක්රීට් මිශ්රණයට එකතුකරන ගල් වල විශාලත්වය නිවැරැදි නොවීම.
🔸 කොන්ක්රීට් මිශ්රණයට යොදාගන්නා ගල් වල ප්රමාණය අනවශ්ය ලෙස විශාල වුවහොත් කොන්ක්රීට් දැමීමේ ක්රියාවලියේදී ඇතිවන සිදුරු මගින් ඒවාට ඇතුලට ගමන් කිරීමට නොහැකි නිසා කොන්ක්රීට් එක තුල කුහර ඇතිවිය හැකිය.
(iv) නිසි අනුපාතයය අමුද්රව්ය එකතු කළද, අමුද්රව්ය නිසියාකාරව මිශ්ර නොවීම.
🔸 අමුද්රව්ය නිසි අනුපාතයට එකතු කළද, සමහර පුද්ගලයන් කොන්ක්රීට් එක ඇනීමේ දී එය ඉක්මණින් අවසන් කිරීමේ අරමුණින් එය අඩ වශයෙන් මිශ්ර කරනු ලබයි. එසේ නිසියාකාරව මිශ්ර නොකිරීමද මෙයට හේතුවක් වේ.
(v) Beam to Beam, Column to Beams වැනි joints වලදි reinforcement layer overlap වීම, කම්බි වැඩිවීම, කම්බි ප්රමාණය විශාල වීම වැනි දෑ නිසා කොන්ක්රීට් ඇතුලට ගමන් නොකිරීම.
(vi) කඩින් කඩ කොන්ක්රීට් දැමීම.
🔸 උදාහරණයක් විදියට අපි column එකක් කොන්ක්රීට් කරන කොට කොන්ක්රීට් මදි වීමක් හෝ යම් හේතුවක් නිසා කොන්ක්රීට් දැමීම මගදී නවතා නැවතත් ටික වේලාවකින් එය ආරම්භ කළා යැයි සිතන්න. එහිදී පෙර දැමූ කොන්ක්රීට් layer එක දැනටමත් සවිවී ඇත. එම නිසා නව කොන්ක්රීට් ඒ පරණ layer එකට එකතු කරන විට එම කොටස් දෙක නිසියාකාරව බැඳීමක් හෙවත් Bond වීමක් සිදුවන්නේ නැත. එමනිසා කොන්ක්රීට් දැමීමේදී එය අවසන් වනතුරු නොනවැත්වීමට වග බලා ගන්න.
(vi) Concrete compact කිරීමේදී නිවැරැදිව poker එක භාවිත නොකිරීම.
🔸 කොන්ක්රීට් එක compact කිරීමේදී භාවිත කරන poker එක සුදුසු ප්රමාණයට compact කළ යුතුය. වැඩි වීමෙන් ගල් හා grout වෙන වෙනම වෙන් වී segregation විය හැකි අතර. අඩුවීමෙන් කොන්ක්රීට් එක තුළ කුහර සෑදී එය තුලට grout යාම නැවතිය හැක.
(vi) Concrete dropping/ falling height හෙවත් කොන්ක්රීට් එක වැටීමේ උස නිවැරැදි නොවීම.
🔸 මෙය කොන්ක්රීට් පොම්පයෙන් හෝ bucket එක භාවිත කිරීමේදී බලපානු ලබයි. බහුතරයක් අය කොන්ක්රීට් දැමීමේදී ලොකු උසක සිට පහළට වක් කිරීම සිදු කරනු ලබනවා. එවිට මිශ්රණයක් ලෙස තිබිය යුතු ගල් ටික, සිමෙන්ති ටික, grout ටික වෙන වෙනම වෙන්වෙනවා. එහිදී ද segregation එක සිදුවිය හැක.
අප construction කරනකොට හැමවිටම විවිධ standards/ regulations පාවිච්චි කරනවා. 4 රූපයේ ආකාරයට ACI standard හි සදහන් අකාරයට කොන්ක්රීට් එක දැමීමේදී එය නිදහසේ වැටෙන උස අඩි 3-5 දක්වා විය යුතුය.
3. Honeycomb නිසා සිදුවන හානි?
🔸 මෙම Honeycomb නිසා වාතයට හා ජලයට පහසුවෙන් structure එක තුළට ගමන් කළ හැකිය. එහිදී, යොදා ඇති කම්බිවල මල බැඳීමක් සිදුවනු ඇත. මෙම ක්රියාවලිය දිගින් දිගටම සිදුවීමේදී සිදුරු ඇති ස්ථාන වල පමණක් නොව නිවැරැදිව කොන්ක්රීට් වැටුණු ස්ථාන තුළ ඇති කම්බි මෙන්ම මල බැඳීමට ලක්වනු ඇත.
මෙහිදී පහත ආකාරයේ හානි ගොඩනැගිල්ලට සිදු විය හැක.
🔷 Rusting and Corrosion (මල බැඳීම)
🔷 Decrease the Durability (කල්පැවැත්ම අඩුවීම)
🔷 Decrease the structural strength (ව්යුහාත්මක ශක්තිය අඩු වීම)
🔷 Decrease the load bearing capacity (භාර දරා ගැනීමේ හැකියාව අඩු වීම)
4. Honeycomb ඇති වූ විට එය අපි පිරියම් කරන්නේ කෙසේද?
🔸 ඔබගේ නිවස හෝ ගොඩනැගිල්ල සාදාගෙන යන අතරතුර එහි formwork ගැලවීමේදී මෙසේ Honeycomb මතු වී ඇත්නම් පහත ක්රියාවලිය අනුගමනය කරන්න (සමහරක් සැලකියයුතු ස්ථාන මෙසේ පිරියම් කළ හැක).
(i) මුලින්ම අවශ්ය කොන්ක්රීට් ප්රමාණය ඉවත් කිරීමට 5kg හෝ ඊට වඩා බරින් අඩු මිටියක් සපයා ගන්න. ඊට වඩා බරින් වැඩි මිටියක් භාවිත කිරීමේදී concrete ප්රමාණය අනවශ්ය ලෙස කැඩී යා හැකිය. මෙය බරින් අඩු වුවද මතු වූ කොන්ක්රීට් ප්රමාණය ඉවත් කර ගැනීම උදෙසා පමණක් සීරුවෙන් මිටියෙන් තට්ටු කරන්න.
(ii) දෙවන කටයුත්ත ලෙස, එම කොන්ක්රීට් ඉවත් කිරීමේදී වැටී අපිරිසිදු වූ පෘශ්ඨය පිරිසිදු කර ගැනීම සිදු කර ගැනීම කළ යුතුය. එහිදී, Air Compressor එකක් වැනි ජල පීඩකයක් භාවිත කොට මෙය සිදු කරන්න.
(iii) එම කටයුතු දෙකම අවසන් වූ පසුව, මෙයට කොන්ක්රීට් වක් කරගැනීම සිදු කළ යුතුය. එහිදී මෙයට කොන්ක්රීට් වක් කරගැනීමට සුදුසු අයුරින් මෙහි formwork එක සාදා ගැනීම සිදු කළ යුතුය. මෙයට එකතු කරගන්නා කොන්ක්රීට් මිශ්රණය පහත ආකාරයට සකසා ගත යුතුය.
🔸උදාහරණයක් ලෙස, ඔබ සිමෙන්ති තාච්චි 1ක් ගත් විට එයට හලා වෙන් කරගත් වැලි තාච්චි 4ක් එකතු කරගන්න. පසුව මිශ්රණය වක් කිරීමට හැකි අයුරින් ජලය එකතු කරගත යුතුය (පමණට). තවද මෙහි අලුත්වැඩියා කිරීමේ කොටස අඟල් 1ට වඩා වැඩි නම් එක් ස්ථරයක් දැමීමෙන් පසු ඊළඟ ස්ථරය දැමීමට මිනිත්තු 30කින් පමණ සිදු කරන්න.
මෙහි සඳහන් කරන ලද කරුණු පිළිපැදීම මගින් ඔබට Honeycomb ඇතිවීම මගින් ගොඩනැගිල්ලට සිදුවන හානිය වළක්වා ගත හැක.
මෙවැනි තවත් ලිපි කියවා ඔබගේ ගොඩනැගිල්ල ඉදිකිරීමේදී දෝශ කල්තියා දැන ගැනීමට පහත link එකෙන් අපගේ PB Homes facebook පිටුව හා සම්බන්ධ වී සිටින්න.
https://m.facebook.com/PBHomes7/
මේ ආකාරයටම construction හා සම්බන්ධ තවත් ලිපියක් ඔබ වෙත ගෙන ඒමට බලාපොරොත්තුවෙන් අප මෙම ලිපියේ නිමාව මෙසේ සටහන් කරන අතර දැනට ලෝකයේ පවතින මාරන්තික COVID වසංගතයෙන් ආරක්ශාවීමට ඔබ සැමට ශක්තිය, ධෛර්ය ලැබේවායි අපි ප්රාර්ථනා කරන්නෙමු !!!
