29/03/2026
අධික වියළි කාලගුණ තත්ත්වයක් ඇති මේ දිනවල ඔබගේ උද්යනයේ නිරෝගිකම රැක ගන්නේ කෙසේද ?....,.............................,.................................
මේ දිනවල පවතින අධික හිරු රශ්මිය සහිත වියළි කාලගුණ තත්ත්වයෙන් තම නිවෙස් උද්යානය ආරක්ෂා කරගන්න ඔබ වෙහෙස වෙනවා ඇති. පවතින දැඩි හිරු එළිය නිසා දවස මුළුල්ලේම පිඩකාරී තත්වයක් අපි හැමෝම අත් විදිනවා.
🌿වායුගෝලීය තත්ත්වය උණුසුම් ලෙස වෙනස් වීමට ලක්වීම,
🌿පාරිසරික අර්ද්රතාව අඩු වීම ,
🌿උත්ස්වෙදනය ඉහල යාම,
යනාදි කාරණා නිසා දිගින් දිගටම වර්ධනය වන උණුසුම සහිත හිරු කිරණ පතණය වීමෙන් නිවෙස් උද්යානවල ශාක විශාල පීඩාවකට ලක් වෙනවා. විශේෂයෙන්ම උදෑසන 9.30 න් පමණ පසුව, පස හා වාතයේ උෂ්ණත්වය ඉහළ යාම නිසා, ජලය වේගයෙන් වාෂ්පීකරණයට ලක්වීමෙන් ශාක වෙතින් ජලවාශ්ප මුදා හැරීම හේතුවෙන් ශාක මූල පද්ධතිය වටා වන ජලය සහිත වූ තෙතමනය අඩුවීමට ලක්වෙනවා. ඉතිං මේ සංසිද්ධි නිසා ඇතිවන පාරිසරික තත්වත්ය අපිටත් දරාගැනීම අසීරැ වෙද්දී, නිවෙස් උද්යානයන්හි සජීවී බව නිහඩවම පෝෂණය කරන ශාක සහ ශාක පැලෑටි කෙරෙහි වූ පීඩාව පිලිබදව අපි විශේෂ සැලකිල්ලක් දැකවීම බෙහෙවින් වැදගත් .
ශාකයක නිසි පැවැත්මට හිරු එළිය අත්යවශ්ය සාධකයක් වුවත්, අධික උෂ්ණත්වය සහ වියළි වාතාශ්රයේ සංයොජනය එක්ක එය එක්තරා ආකාරයක පීඩාවක් විය හැකියි.මේ නිසා
🌿පස ඉක්මනින් වියළීම ,
🌿 උත්සවේදනය ඉහල යාම ,
🌿මුල්වලට ලැබෙන ජල ප්රමාණය අඩුවීම ආදී තත්වයනන් නිසා එහි ප්රතිළුලයක් ලෙස
🌿කොළ මැලවීම,
🌿කහ පැහැගැන්වීම,
🌿මල් හා ඵල හට ගැනීම අඩුවීම,
🌿පිපෙන පුංචි පුංචි මල් ඉතා අඩු කාලයකදී වියළී යාම ,
🌿ශාක පිච්චීමට ලක් වීම,
🌿පැලෑටි මියයාම
ආදී ලක්ෂණ දක්නට හැකිය. ඒ නිසාම මේ කාලයේ උද්යානය රැක ගැනීම කියන්නේ විශේෂ සැලකිල්ලක් යටතේ නිවැරදි ක්රියාමාර්ග කිහිපයක අවශ්යතාවය සහිත කාර්යයකි.
මෙවැනි අවස්ථාවක වැදගත්ම දෙයක් තමයි,
💦 ‘ජල කළමනාකරණය‘.
එහිදී ශාක වෙත ජලය යොදන වෙලාව හරිම වැදගත්.උදේ හිරු එළිය තීවෘර වීමට පෙර ජලය විසිරෙන සේ පැලය හෝ ශාකය වෙත ලබාදීම නිසා එය පසට හොඳින් උරාගෙන මුල්වලට ළඟා වීමට අවශ්ය කාලය ලැබීම මත ප්රෙයා්ජ්ය වටිනාකම කාලය මත රදා පවතිනවා. එය ශාකයට දහවල පීඩාකාරී උණුසුමට මුහුණ දීමට ප්රශස්ත හැකියාවක් වෙනවා .අපි අපේ පහසුව හෝ කුමන තත්ත්වයක් මත හෝ දහවලේ ජලය යොදන්නට යොමුවුවහොත් ජලය ශාකය පවත්නා මාධ්යවන පාංශු ස්ථරයේ අභ්යන්තරයට ගමන් කිරීමටත් පෙර මතුපිට ජලතට්ටුව බොහෝ දුරට වාෂ්පවීමට ලක්වීමෙන් ප්රතිඵලය නිෂ්ඵල විය හැකියි. එලෙසම ජලය යොදන අපි ද හිරැ එළියෙන් පීඩාවට ලක්වීම, විජලන තත්ත්ව ඇතිවීම මෙන්ම ජලය අරපිරිමැස්මෙන් භාවිතා කිරීම වගකීමක් වන මොහොතක දහවලේ ජලය යෙදීම පිළිබද ඔබ නැවත් සිතා බැලිය යුතු වෙනවා. මේ සියලු කාරණා නිසා ජලය අරපිරිමැසිම කෙරෙහි අවධානය සහිතව උදෑසන කාලය ජලය යෙදීමට තෝරාගැනීම ශාකවල ජීවය රැකීම මෙන්ම එහි ප්රාෙයා්ගික බලපෑමද ඉහලයි. උදෑසන ජලය යෙදීම මගහැරීම දහවලේ වතුර යෙදීම අවාසිදායක වීම නිසා අපි එලබෙන තව විකල්පයක් තමයි හවසට වතුර දැම්මනම් හරි නේද කියන කාරණය. ඔව්, එය නිසි අවබෝධයක් සහිතව සිදුකළයුතු ක්රියාවක්.මන්ද අපි වගේම ශාකත් හිරැ බැස යද්දි ක්රියාකාරීත්වය මන්දගාමී කර විවේක ගැනීමටයි සැරසෙන්නේ.සවස් යාමයේදී ඔවුන් දහවලේ ලබාගත් හිරැ එළිය, ජලය තුළින් වෙනත් කාර්යයකට සැරසෙනවා. මේ වෙලාවේදී යොදන ජලය ශාකයේ නිසි ක්රියාකාරීත්වයට බාධාවක් වගේම අමතර පීඩාවක් ද විය හැකියි.ඒ නිසා පසෙහි තෙතමනය රදවන්න ස්වල්ප වතුර ප්රමාණයක් පමණක් යෙදීම සුදුසු වුවත් ශාකය රදන භාජනය හෝ වපසරිය පිරී ඉතිරී යන ලෙස ජලය යෙදීම සුදුසු ක්රියාවක් නොවන බව මතක තබාගත යුතු යි . එමෙන්ම මෙය හානිකර බැක්ටීරියා ක්රියාකාරීත්වය සක්රිය කරන්නද රැකුලක් විය හැකියි. එය ද ශාකයේ යහපැවැත්මට බාධාවකි. ඉතිං ඔබට පැහැදිලි නේද වතුර දැමීම සරල ක්රියාවක් වුවත් එහි බලපෑම සුළුකොට තැකිය නොහැකි බව?
කෙසේ වුවත් ජලය යෙදීමම එකම විසඳුම නෙමෙයි. පසෙහි තෙතමනය දවසේ වැඩි වේලාවක් රඳවාගැනීම මේ උණුසුම් තත්ත්වය තුළ බෙහෙවින් වැදගත්. ඒකට හොඳම ක්රමයක් තමයි ;
🍂‘වසුන්‘ (mulching) යෙදීම.
වියළුණු කොළ, පිඳුරු, හෝ ස්වභාවික ද්රව්ය පස මත ස්ථරාණුරෑපීව ඇතිරීමෙන් පසෙහි ජලය ඉක්මනින් වාෂ්ප වීම අඩුකරනවා. නමුත් මෙහිදීත් විශේෂ අවධානය යොමුකළ යුතු කාරණයක් තියෙනවා . සෞඛ්ය සම්පන්න, රෝග රහිත වියළි පත්ර පමණක් ෙම් සදහා භාවිතා කිරීම වැදගත්. කොස්, අඹ, ගිනිසීරියා වගේ කොළ හොඳ වසුන් ද්රව්ය ලෙස සැලකෙනවා. ඒත් රෝග සහිත දිරායාම පරක්කු කොළ හෝ වෙන ශාකවල වර්ධනයට බාධා කරන ශාකපත්ර භාවිතා කිරීමෙන් ප්රතිඵලය ප්රතිවිරුද්ධ වෙන්න පුළුවන්.
තවද, දැඩි අව්වෙන් ආරක්ෂාකිරීමට;
⛺️ පැලවලට තාවකාලික හෙවණක් ලබාදීමත් වටින ක්රමයක්.
විශේෂයෙන්ම නව පැල හෝ බදුන්ගත පැල තද අව්වට ඉතා සංවේදීයි. ඒවට සෙවණ ගෙනදෙන දැල් සහිත ආවරණයක්(Net) ලබා දීම, හෝ සුදුසු තාවකාලික ආවරණයක් යෙදීම ඒවාට ලැබෙන පීඩාව අඩු කරගන්න සමත් වෙනවා .
බදුන් තුළ රෝපිත ශාක බොහෝවිට ,සාපේක්ෂව වියළීමට ලක්වන පුවණතාව වැඩියි.. බදුනේ ඇති පාංශු මාධ්යෙය් ප්රමාණාත්මක බව පසෙහි උෂ්ණත්වය ඉහල යාමට බලපානවා. ඒ නිසා;
☘️බදුන් පැල සෘජු හිරැඑලියට නිරාවරණය නොකර, එකම වර්ගයේ ශාක පැළෑටි ඉතා ආසන්නව තැම්පත් කිරීම නිසා ක්ෂ්ද්රපරිසර තත්ත්වයක් ගොඩනැගීම මෙම පීඩාකාරී වාතාවරණයට මුහුණ දීමට හැකි සඵලදායි පියවර කි.
මේ කාලගුණ තත්ත්වය තුළ;
තණ පළසත් (lawn) විශාල පීඩාවකට ලක් වෙනවා. එය ;
🌱 කහ පැහැ වීම,
🌱වියළීම,
🌱පත්ර හැකිලී අප්රාණික බවක් පෙන්වීම,
🌱 තැන තැන දුඹුරැ පැහැ පැල්ලම් ඇති වීම
වගේ ලක්ෂණ දෘශ්ය වීමට පුළුවන්.
එවැනි අවස්ථාවලදී
🌿 තෘණ පැලෑටියේ ගැඹුරට විහිදෙන ලෙස වතුර යෙදීම,
🌿තණ පත්ර මදක් දිගට තබාගැනීමට කප්පාදුව සීමා කිරීම,
🌿සහ අධික පැගීමට ලක්නොකිරීම
වැනි සරල ක්රියාමාර්ග වලින් එයද සෞඛ්ය සම්පන්නව රැකගැනීම උද්යානයේ ආර්ද්රතාවය මනාසේ පවත්වාගැනීමට සහායක් වෙනවා .
තවද ;
👨🌾 පොහොර යෙදීමේදී ද මේ කාලයේදී ප්රවේශම් සහගතව සිදුකල යුතුයි.
විශේෂයෙන් රසායනික පොහොර අධික ලෙස යෙදීමෙන් ශාක වල අභ්යන්තර උෂ්ණත්වය ඉහළ ගොස් ශාකය වියළී මිය යාමට පවා ඉඩ තිබෙනවා. ඒ වෙනුවට කොම්පෝස්ට් වැනි කාබනික පොහොර භාවිතය මගින් පසෙහි ව්යුහය දියුණු වන අතර ජලය රඳවා ගැනීමේ ශක්තිය ද වැඩි වෙනවා. එමෙන්ම මේ වියළි කාලසීමාව අවසන් වන තෙක් දැඩි ලෙස
✂️ශාක කප්පාදු කිරීමෙන් (Pruning) වැළකී සිටීම වඩාත් සුදුසුයි.
මන්දයත් කප්පාදු කළ ස්ථාන වලින් ශාකයේ තෙතමනය ඉක්මනින් ඉවත් විය හැකි බැවිනි.
මෙකී ස්වභාවික කාලගුණ වෙනසක් යටතේ පූර්ණ වශයෙන්ම උද්යාන වටපිටාව දීප්තිමත්ව තබා ගැනීම සිදුකළ නොහැකි වුවද, අපි කරන පොඩි පොඩි සාධනීය මැදිහත්වීම් තුළින් ශාකවල සජීවි බවට විශාල බලපෑමක් සිදුවිය හැකියි. එය පාරිසරිකවද ඵලදායි යොමුවකි.
💧නිවැරදි වෙලාවේ වතුර යෙදීම,
🏜️පස ආරක්ෂා කරගැනීම,
⛱️හෙවණක් ලබාදීම,
🧑🌾අවදානය සහ නිවැරදි සත්කාරය වෙනදට වැඩිය යොමු කිරීම
ආදී සරල ක්රියාමාර්ග කිහිපයක්ම උද්යානයක් සජීවීව තබාගන්න රැකුලක් වේවි.
ඉතිං ඔබේ උද්යානය අලුතින් සකස් කරගන්න වගේම සකස්කළ උද්යානය නිසි නඩත්තුවක් යටතේ පවත්වාගෙන යාම මේදිනවල බොහො සැලකිල්ලෙන් අවබෝධයෙන් කළ යුතු දෙයක් වෙනවා. ඒ සදහා වූ වෘතිමය දැනුමක් සහ මනා අත්දැකීමක් සහිත උද්යාන අලංකරණ ආයතනයක් වන අපගේ වගකීම් සහගත සේවාව ඔබට බෙහෙවින් වැදගත් වේවි.
මෙහිදී අපව සම්බන්ධකර ගැනීමට පහත අංක ඔස්සේ ඇමතුමක් ලබා ගන්න.
අපි lanka Garden Center
අපගේ සේවාව වෙනුවෙන් අමතන්න - 0715643774 / 0713249100
සටහන - Chathuranga Jeewanthi
සංස්කරනය - උද්යාන නිර්මාණශිල්පී Krishantha Deshapriya
