07/05/2024
ගොඩනැගිල්ලක කම්බි බඳිනකොට මොනවද අපි බලන්න ඕනි.?
අපි කලින් ලිපියෙන් දැනුවත් කලා කොගොමද ගෙයක් වගේ ගොඩනැගිල්ලකට හොඳ කම්බි තෝරගන්නෙ කියලා. මේ ලිපියෙන් කතා කරමු වැදගත්ම කොටස.
අදාල තැනට හරියන කම්බිය තීරණය කරන එක දැක පුරුද්දෙන් හෝ කළ පුරුද්දෙන් කරන්න පුළුවන් දෙයක් නෙවෙයි.
අපි හැමදාම කියනවා වගේ ඔයාගෙ Engineer දීලා තියන උපදෙස් බලන්න ඕනි . ඒකේ කියලා තියනවා මම මේ විස්තර කරන කාරනා.
1. කම්බියෙ Type එක සහ Size (diameter) එක.
බලන්න plan එකේ නැතිනම් Drawing එකේ කියලා තියන කම්බියෙ Type/size එකමද අදාල තැනට යොදලා තියනවද කියලා. 10mm , 12mm, 16mm වගේ
තැනින් තැනට යොදන කම්බි වෙනස් වෙනවා. ඒනිසා හැම බීම් එකටම , කණුවටම 12mm කම්බි නොවෙන්න පුළුවන් . බීම් එකේ උඩ කම්බි එක size එකකටත්, යට කම්බි තව සයිස් එකකිනුත් තියෙන්න පුළුවන් . (1 රූපය) Stirrup(ස්ටිරප්) උනත් එහෙමයි.
2. කම්බියේ හැඩය. (Shape) සහ දිග (length).
කම්බිය ඔයාගෙන drawing එකේ පෙන්නලා තියන හැඩය හරියටම නවලා තියනවද? ඒ පෙන්නලා තියන දිගටම තියනවද බලන්න ඕනි.
උදාහරණයක් විදිහට stirrup නවනකොට කරන වැරදි බලන්න. ( 2 රූපය)
3. තියන ස්ථානය (Position).
මේ මොකද්ද? සමහර විශේෂ අවස්ථා වල කම්බිය කම්බි වලට හෝ සැටලිමට සාපේක්ෂව කොතනද තියෙන්න ඕනි බලන්න.
උදාහරණයක් විදිහට බීම් එකේ කම්බි යන්න ඕනි column එකේ කම්බි වලට ඇතුලෙන්ද?,
ස්ලැබ් එකේ කම්බි තියෙන්න ඕනි කොන්ක්රීට් එකේ යටින්ද උඩින්ද? වගේ දේවල්. මේක සවිශක්තියට මේක ගොඩක් වැදගත්.
4. Lap එක.
වැදහත්ම දෙයක් විදිහට එක කම්බියකින් දාන්න බැරි දිගක් තියන තැනකට කම්බි දෙකක් එකතු කරනකොට ඒ දෙක over lap වෙන කොටසට අවම දිගක් තියනවා අපි සාමන්යයෙන් දාන කොන්ක්රීට් එකකදිනම් කම්බියේ size/ විශ්කම්බය (diameter ) වගේ 40 ගුණයක් වත් වෙන්න ඕනි. (3 රූපය)
මේකනම් අනිවාර්යයෙන්ම බලන්න ඕනි. ඕනිම තැනක ශක්තිය රඳාපවතිනවා මේක මත.
5. Concrete Cover
තවත් අනිවාර්යයෙන් බලන්න ඕනි දෙයක් තමයි. කම්බිය කොන්ක්රීට් එක කොච්චර ඇතුලෙන්ද තියෙන්නෙ කියන එක.
මෙතනදි කොන්ක්රීට් දාන වෙලාවට කම්බිය තල්ලු වෙලා cover එක අඩු වෙන එක නවත්තන්න අපි cover blocks පාවිච්චි කරනවා
සාමාන්ය අවස්ථාක පොළවට උඩ concrete එකක් නම් 25mm සහ පොළවය යට වෙන තැනකනම් 40mm පාවිච්චි වෙනවා. කොච්චර මිල අධික කම්බියක් දැම්මත් වැඩක් නෑ පස්සෙ දිරාපත් උනොත්.
පොළව යට තියන කොටසක නම් වතුරටත් expose වෙලා ඔක්කොම මළ ඇවිත් දිරාපත් වෙනකන් අපි දන්නෙ නෑ. ඒනිසා concrete එකක් දාන්න කලින් අමතක නොකර පරීක්ශා කරන්න.
6. ගැට (ties)
හැම කම්බියක්ම concrete දාන වෙලාවට නොසෙල්වෙන්න හොඳින් ගැට ගහලා තියෙන්න ඕනි. Slab එකක නම්, අවම වශයෙන් එක කම්බියක් ඇර කම්බියක්වත් අනිවාර්යයෙන් ගැටගහන්න ඕනි.
තවත් ගොඩාක් දේවල් තියනව පරීක්ෂා කරන්න. සහ මේ දේවල් විශෙස අවස්ථා වලදි වෙනස් වෙනවා.
ඉතින් මේ කථා කලේ මූලිකම කාරණා විතරයි .
ඉතින් හොඳමදේනම් concrete එකක් දාන්න කලින් මේ ගැන දැනුම තියන තාක්ෂණ නිලධාරියෙකු සම්බන්ද කරගන්න එක.
තවත් විස්තර ඊළඟ ළිපියෙන්.
