25/01/2023
උළුවහු පැනීම ..
නැකතට උළුවහු තැබීමේදී උළුවස්ස සවි කිරීමට යෝග්ය පරිදි පොළොව මෙන් ම බිත්තිද සකස් කරගත යුතුය. නැකැත් වේලාව අනුවඋළුවස්ස තැබූ පසු ඇද කුද හැරීමට කියා නැවත පොළොවෙන් උඩට එසවීමක් නොකළ යුතුය.
උලුවහු පැනීම වැඩි වශයෙන් මේ කාලයේ නොකෙරුණත් එයද, වේද ශාස්ත්රයේ එන හැටියට දෙවියන් සතුටු කර වස්දොස් හැරීමක් බැව් පෙනී යයි.මෙහිදී කරනු ලබන්නේ වඩු ඇදුර මල් පැලක් සාදා බුලත්පඬුරු මල් සඳුන් සුවඳ ආදිය තබා, පහන් දල්වා, සුවඳ දුම් අල්ලා, සුදු ඇඳුමින් පේවී, පන්සිල් සමාදන්ව බුදුගුණ සිහිකර, විශ්වකර්ම දෙවියන් නැමද විෂ්ණු දෙවියන් ඇතුළු දෙවි දේවතාවුන්ට පින් පෙත් දීමයි. නමස්කාරය කියා පන්සිල් පිහිටු වන වඩු ඇදුරා ගාථා කියා පසුව ශ්ලෝක කියනු ලැබේ.
මේ ආකාරයට බුදුන් දහම් සඟුන් සිහිකර නියන ,අතකොලුව, මට්ටම් ලෑල්ල ආදී වඩු උපකරණ කිහිපයක් උළුවස්සේන් එහා පැත්තට දමා මොට්ටැක්කිළියෙන් හිස වසාගෙන පැන් භාජනයක් අතින් ගෙන තුන්වරක් එහාට මෙහාට පනින ලැබේ. පසුව මල් පැළ අභියසට ගොස් පැන් මුට්ටිය බිම ගසා බිඳ වස් දොස් හැර දෙවියන්ට පින් දෙනු ලැබේ.
සුබ මොහොතින් කැවිලි පෙවිලි ආදිය ගෙන පුන්කලස් පොල් මල් ආදිය තබා පහන් දල්වා කරනු ලබන මෙම කටයුත්තෙන් පසුව මොට්ටැක්කිලිය සඳහා ගත් සුදු රෙදි නැවුම් කොරහ කලාස් මුට්ටි හා පුදපඬුරු කැවිලි පෙවිලි ආදිය ද වඩු ඇදුරාට හිමිවේ.
උපුටා ගැනීම
රාජමාලිගේ දී
Chamara kodithuwakkau
#වඩුවැඩ
