21/01/2026
මේ ගසේ නම...........
මේක මගුල් කරද ගහක්.
කරඳ ජලාශ්රිත පරිසර පද්ධති ආශ්රිතව සුලභව හමුවන තරමක් විශාල දේශීය ශාකයකි. අළු පැහැති පොත්ත සිනිඳු ය. පැසුණු ලීය කහ පැහැයට හුරු සුදු පැහැති ය. පත්රිකා යුගල වශයෙන් පිහිටා තනි පත්රිකාවකින් කෙලවර වේ. පත්ර නටුව සෙ.මි. 12.5 පමණ දිගු විය හැකි අතර පත්රිකා 5-9 අතර සංඛාවක් පිහිටයි. දෙපැත්තම දිළිලෙස සුලු පත්රිකා හැඩයෙන් අණ්ඩාකාර හෝ ලංසාකාර ය.
ඒකාක්ෂ පුෂ්ප මංජරියක හට ගන්නා රෝස පැහැති මල් අලංකාරවත් ය. අප්රේල් මාසයේදී මල් හට ගනී. ඵලය ඕවලාකාර-ආයත හැඩයෙන් යුත් නොපැලෙන කරලකි. සෙවන සඳහා ද වැවිය හැකි කරඳ ශාකය Fabaceae කුලයට අයත් ය.
වර්ගීකරණය හා නාමකරණය
විද්යාත්මක නාමකරණය
Pongamia pinnata
ප්රාදේශිය නාමකරණය
කරඤ්ජ, පෙර කළ "මඟුලේ යන්නා" යන රහස් නාමයෙන් හඳුන්වා ඇත්තේ ද මඟුල් කරඳ ශාකයයි.
ප්රයෝජන
දන්ත රෝග, ග්රහණි රෝග, ප්රමේහ, ගුල්ම, ඉරුවාරදය, ආමවාතය, පණු රෝග, රුධිර දෝෂ, වණ, වාතරක්ත, කුෂ්ඨ ආදී රෝගයන්ට ප්රතිකාර කිරීමට මඟුල්කරඳ ශාකයේ මුල්, මුලේ පොතු, කඳේ පොතු, කොළ, දලු, ඇට ආදිය භාවිතා කරයි. කරඳ ඉදිමුම් සහ වේදනාවන් නසන, අක්මාව උත්තේජනය කරන, රුධිරය පිරිසිදු කරන ආදී ගුණයන් සහිතයි. කරඤ්ජාදී චූර්ණය, කරඤ්ජාදී තෛලය, චිත්ර කරඤ්ජාදී තෛලය, කරඳ පොතු ප්රලේපය, කරඳ දලු තුලසී ප්රලේපය ආදී කරඳ යොදා නිපදවන ඖෂධ රැසකි.
කළකට පෙර බෞද්ධ ශික්ෂූන්වහන්සේලා සහ ගැමියන් දත් මැදීමට දැහැටි කූරු ලෙස සුලභව භාවිතා කළේ කරඳ කෝටුය.
කරඳ ඇටවලින් ලබා ගන්නා තෙල්වල කෘමි නාශක සහ විෂබීජ නාශක ගුණ ඇති බව සඳහන්. මෙම තෙල් හම් පදම් කිරීමට, සබන් වර්ග සෑදීමට, ලිහිසිකාරකයක් ලෙස සහ පහන් දැල්වීම ආදියට භාවිතා කළ හැකිය.
ව්යාප්තිය / රෝපනය
කරද ශාකය උද්යාන අලංකරණයේ දි යොදා ගත හැක්කේ කොයි ආකාරයෙන්ද .?
කරද ශාකය වඩාත් යෝග්ය වන්නේ උද්යානයේ ඔබ සෙවන වැඩි වශයෙන් ලබා ගැනිමට බලාපොරොත්තුවන ස්තානයටය.
හේතුව........
කරද ශාකය ඉතා ඉක්මනින් වැඩෙන ශාක කුලකයක් වීම.
අතු පතර විහිදා වීශාල ප්රදේශයකට සෙවනක් ලබා ගැනිමට හැකිවිම.
කරද කද ශක්තිමත් බවින් වැඩි හෙයින් අවදානමකින් තොරව උද්යානයට එකතු කරගැනිමට හැකිවිම.
ඉතා අවම සාත්තුවක් යටතේ අවම නඩත්තුවක් යටතේ රෝපණය කරගැනීමට හැකි ශාකයක් වීම.
කරද ගහක් පෝච්චියක හදන්න පුලුවන්ද ?
2×2 ශාකයට පැවැත්ම සදහා ප්රමානාත්මක වන පෝච්චියක වගා කරගත හැකිය.මෙවැනි ශාක බදුන් වල සිටුවා ගැනිමේදි ඉතා සැලකිලිමත් විය යුතු කරුනු අනුගමනය කිරිම ඉතා වැදගත් වන්නේය.
කරද ගහක් ගේ ඇතුලේ හිටවන්න බැරිද ?
කරද වැනි ශාකයක් නිවෙස් ඇතුලට ගැලපෙන්නේ නැත.ඊට හේතු ගනනාවක් පවතින්නේය.
විශාල ප්රත්ර,විශාල කදවල් සහිත විම.
ඉතින් ඔබටත් මෙවන් ශාකයක් ඔබේ උද්යානය හැඩකරවා ගන්න අවශ්ය නම් නොපමාව අමතන්න
0713282843
0710892269
"රූට්බෝල් කලාවේ මහගෙදර superplants "
