09/08/2020
අමාරුවේ නොවැටී නිවසක් හදමුද?
නිවාස සැලැස්මක් අනුමත කර ගැනීමට අයදුම් පත ඉදිරිපත් කිරීමේදී සැළකිලිමත් විය යුතු කරුනු.........
👉 සැලකිය යුතුයි: මෙහි සඳහන් ඇතැම් කරුණු අදාළ ප්රාදේශීය සභාව හෝ නගර සභාව අනුව සුලු වශයෙන් වෙනස් විය හැක
1. 1:1000 හෝ 1:500 යන පරිමාණයට අඳින ලද අනුමත කළ බිම් කට්ටි සැලැස්මේ ඡායා පිටපතක් ඉදිරිපත් කිරීම
2. අයදුම්කරු වරිපනම් ලේඛනයේ නම සඳහන් අදාළ දේපළෙහි අයිතිකරු වීම සහ සියලු හිඟ වරිපනම් බදු සභාවට ගෙවා තිබීම
3. නිවාස සැලසුම් පිටපත් තුනකින් යුක්තව ඉදිරිපත් කර තිබීම (මෙම සැලසුම නිවසේ ඉදිරි පෙනුම (Front View), පැති පෙනුම (Side View), තිරස් හා සිරස් හරස්කඩ පෙනුම (Plan View & Cross -Section View), ක්ෂේත්ර සැලසුම (Site Plan), අත්තිවාරමේ විස්තර (Foundation Details), දොර/ජනෙල් වල දිග හා පළල, වැසිකිළි වලෙහි දිග/පළල/උස)
4. සැලසුම් පිටපත් අලවා නොතිබීම
5. සැලසුමේ අයිතිකරු විසින් අත්සන් කර තිබීම
6. සැලසුම් සුදුසුකම් ලත් තැනැත්තෙකු විසින් පිළියෙළ කොට අත්සන් කර තිබීම
7. ගොඩනැගිල්ල ඉදි කරනු ලබන භූමි භාගය හරියාකාරව දැන ගැනීමට ප්රමාණවත් වන පරිදි අවට ප්රදේශයේ කටු සැලැස්මක්
8. ගොඩනැගිල්ලේ කාමර වල සහ වෙනත් කොටස් වල දිග, පළල, ඉලක්කමෙන් දක්වා තිබීම
9. බිත්ති, ගෙබිම්, තට්ටු හා වහලයේ ව්යුහය සඳහා භාවිතා කිරීමට අදහස් කරන ද්රව්ය වර්ග දක්වා තිබීම
10. අපේක්ෂිත සංවර්ධන කටයුත්තේ නියම ස්වභාවය කවරේ ද යන්න සඳහන් කර තිබීම
11. වැසිකිලි වල ඉදිකිරීම ආසන්නයේ පවතින සියලු ළිංවලට අඩි 50 දුරින් සිදු කර තිබීම
12. වර්ග අඩි 4000 ඉක්මවන නිවාස සඳහා වරලත් ගෘහ නිර්මාණ ශිල්පියෙකු ගේ සහතිකය
13. යෝජිත ගොඩනැගිල්ලේ අන්ධ බිත්ති (Blind Wall) සැලසුම් කර ඇත්නම් ඒ සඳහා යාබද ඉඩමට හානියක් නොවන ආකාරයෙන් සිදු කරන බවට වරලත් ව්යුහාත්මක ඉංජිනේරු වරයකු ගේ (Structural Enginner) නිර්දේශය
************************************************
නිවාස සැලැස්මක් අනුමත කර ගැනීමට අයදුම් පත පිරවීමේදී කිරීමේදී සඳහන් කල යුතු කරුනු ..........
1. අයදුම්කරුගේ විස්තර (නම, ලිපිනය හා දුරකතන අංකය)
2. ඉඩමේ අයිතිය පිළිබඳ විස්තර (සින්නක්කර/බදු/කුලී/වෙනත්)
3. ගෘහ නිර්මාණ ශිල්පී/සැලසුම් ශිල්පී/ සැලසුම්කරුගේ විස්තර
4. සංවර්ධන ස්ථානයේ වරිපනම් අංකය, ලිපිනය හා පාරේ නම
5. අයදුම් කරනු ලබන කාරණය (අළුතින් ඉදිකිරීමක්/ නැවත ඉදිකිරීමක්/ එකතු කිරීමක්/ වෙනස් කීරීමක් ද යන වග)
6. සංවර්ධනයේ ස්වභාවය (පවතින/ යෝජිත නේවාසික සැලැස්ම ද යන වග)
7. ඉඩමේ විස්තර (ඉඩමේ ප්රමාණය, ස්වභාවය: ගොඩ ඉඩම/ තැනිතලා/ පහත්/ කුඹුරු/ වගුරු/ බෑවුම් සහිත/ ජල ගැලීමට භාජනය වන)
8. ඉඩමට ඇති ප්රවේශ මාර්ගයේ විස්තර (පළල, අයිතිය: මාර්ග සංවර්ධන අධිකාරිය/ පළාත්බද මාර්ග සංවර්ධන අධිකාරිය/පළාත් පාලන ආයතනය/ පෞද්ගලික)
9. මායිම් වලට ඇති දුර (පාරේ මැද සිට, පිටුපස සිට, දකුණු මායිමේ සිට වම්පස මායිමේ සිට)
10. නිවසේ විස්තර (මහල් ගණන, උස, මහල් අතර උස)
11. නිවසේ නිමාව (බිත්ති, වහල හා ගෙබිම සඳහා භාවිතා කරන ගොඩනැගිලි ද්රව්ය)
12. අපද්රව්ය බැහැර කිරීම (අප ජලය, වැසිකිළි අපද්රව්ය, ඝන අපද්රව්ය, වැසි වතුර)
13. ගොඩනැගිල්ලේ වර්ග ප්රමාණය (පා මහල, බිම් මහල්)
14. කාමර වල විස්තර (භාවිතය, දිග, පළල, ඇතුලත වර්ග ප්රමාණය, දොර/ජනෙල් වල වර්ග ඵලය, වැඩිම උස, අඩුම උස)
