Deluxe Home Design

23/02/2026

ගොඩනැගිල්ලක් කොච්චර උසට ඉදිවුණත් වැඩක් නැහැ, අඩිතාලම වැරදුණොත්! 🏗️📏

සමහරු හිතන්නේ මේක නිකන්ම නූල් අදින වැඩක් කියලා. හැබැයි අඟලක වැරදීමක් මුළු බිල්ඩිමම ඇද කරන්න පුළුවන්. Setting Out කියන්නේ නිරවද්‍යතාවය (Accuracy) සහ ඉවසීම පරීක්ෂා කරන කලාවක්. 💎

3-4-5 ක්‍රමය ගැන දන්නවද?

පාසල් යන කාලේ ඉගෙන ගත්ත පයිතගරස් ප්‍රමේයය ඇත්තටම පාවිච්චි වෙන තැනක් තමයි Foundation Setting Out. 90° කෝණය හරියටම ගන්න මේ සරල '3-4-5' මූලධර්මය අපිට නැතුවම බැහැ.

Setting Out කරන සරල පියවර

1. සැලසුම අධ්‍යයනය (Plan Analysis): මුලින්ම ප්ලෑන් එකේ තියෙන මායිම්, බිත්ති අතර දුර සහ මධ්‍ය රේඛා (Center lines) හොඳින් තේරුම් ගන්න.

2. මූලික රේඛාව තේරීම (Baseline): පාරක හෝ මායිමක සිට ප්ලෑන් එකේ ඇති නිවැරදි දුර මැන පළමු රේඛාව ලකුණු කරන්න.

3. පැත්ත ලෑලි සහ නූල් (Batter boards & Strings): අත්තිවාරම් සීමාවට පිටතින් පැත්ත ලෑලි ගසා ඒවා මත නූල් අදින්න.

4. කෝණ පරීක්ෂාව (Squaring): 3-4-5 ක්‍රමය භාවිතා කර සියලුම කොන් 90° බව තහවුරු කරන්න.

5. ලකුණු කිරීම (Marking): නූල් මට්ටමට අනුව පොළොව මත හුණු වලින් කපන සීමාවන් ඇඳගන්න.

⚠️ සැලකිලිමත් විය යුතු වැදගත්ම කරුණු

• විකර්ණ (Diagonals) මැනීම: වැඩේ අවසානයේ අනිවාර්යයෙන්ම විකර්ණ දෙක මැන බලන්න. ඒවා සමාන නොවේ නම් ගොඩනැගිල්ල ඇද (Out-square) වී ඇත.

• ටේප් එකේ නිරවද්‍යතාවය: දිගු මිනුම් ගැනීමේදී රෙදි ටේප් (Cloth tapes) වෙනුවට වානේ ටේප් (Steel tapes) භාවිතා කරන්න. රෙදි ටේප් ඇදෙන නිසා මිනුම් වැරදිය හැක.

• නූල තදින් ඇදීම: නූල් බුරුල් වුවහොත් සුළඟට හෝ වෙනත් හේතු මත මිනුම් වෙනස් වේ. නූල් හැමවිටම කෙළින් සහ තදින් තිබිය යුතුය.

• පැත්ත ලෑලි වල ස්ථාවරත්වය: පස් කපන විට හෝ සේවකයින් ඇවිදින විට පැත්ත ලෑලි හෙලවීමක් නොවන සේ ශක්තිමත්ව හිටවන්න.

• මායිම් වලින් ඇති දුර (Clearance): නීතිමය ගැටලු මඟහරවා ගැනීමට, ප්ලෑන් එකේ ඇති පරිදි මායිම් වල සිට දුරවල් (Boundary offsets) නැවත නැවතත් පරීක්ෂා කරන්න.

• මට්ටම (Levelling): අත්තිවාරම එකම මට්ටමකට කැපීම සඳහා Auto Level එකක් හෝ වෝටර් ටියුබ් එකක් භාවිතා කර නිවැරදිව ගැඹුර සලකුණු කරන්න.

ප්ලෑන් එකේ තියෙන හීනය පොළොවේ ලකුණු කරන මුල්ම පියවර! 🏠✨
උපුටාගැනීම QS මහත්තයා FB පිටුවෙන්..

20/02/2026

Revit In to D5 Render D5 Render User

18/02/2026

කොලොන්න ප්‍රදේශයේ ඉදිකිරීමට යෝජිත නව බුදුමැදුර 🙏

17/01/2026

Shout out to my newest followers! Excited to have you onboard!

Lakshmi Madhushika Samarapura, Hasith Gunarathna

04/01/2026

Completed Project At Nandanagama, Kolonna.
Architectural Designer: Sampath Garusinghe
Client Name: Sujith Amila

16/12/2025

ණය නැතිව ගෙයක් හදා ගන්න නම් මෙන්න මේ දේවල් අදාළයි...

🏠 අපි හිතනවා ගෙයක් හදන්න නම් සල්ලි විතරයි ඕනෙ කියලා... තියෙන සල්ලි ටික අතට ගත්තම ගෙවල් හදන්න පුළුවන් කියලා. ඒත් මේක එච්චර සරල නෑ. ගෙයක් හදන්න සල්ලි ඕනෙ තමයි, ඉඩම ඕනෙ තමයි, ඒත් මේවා විතරක් නෑ. මුදල් කළමනාකරණය, හරියට සැලසුම් කරගන්න එක, හොඳ කොන්ත්‍රාත්කරුවෙක් හොයාගන්න එක... මේවත් එක හා සමානව වැදගත්.

🔨 ගෙයක් හදන්න යන වැඩියෙන්ම කරදරයක් වෙන්නෙ ඔය බාස්ලා හරහා. ඔයා දන්නවද, සමහර බාස්ලා තියෙන්නෙ අපේ සල්ලි කාලා, අපේ මනස කාලා, අපේ සැලසුම වෙනස් කරලා, ගෙ අතරමග දාලා යන්න. ඇත්ත කතා කරොත්, මෙතනදි අපි ගොඩක් වෙලාවට ලොකු වැරැද්දක් කරනවා.

💰 අද අපි බලමු ඔය ලොකු වැරැද්ද මොකක්ද කියලා. කොච්චර සල්ලි තිබ්බත්, කොච්චර හොඳට කළමනාකරණය කළත්, මිල අඩු තැනින් බඩු ගත්තත්, අපි කරන වැරැද්ද තමයි නිවස හදන්න දෙන බාස් මහත්තයලත් එක්ක කටවචනෙන් එකඟතා හදාගන්න එක! ගෙයක් කියන්නෙ ඔයාගෙ ජීවිතේ විශාලම ආයෝජනයක්. ඒක කටවචනෙන් කියලා භාර දෙන්න එපා.

📝 ඔයා හිතන්න - ගෙයක් හදන්න ඔයා ආයතනයක් තෝරගත්තොත් ඉතින් ආයතනය වගකීම් සහගතව වැඩ කරනවා. හේතුව ඔවුන් කීර්තිනාමය රඳවාගන්න ඕනෙ. නමුත් එහෙම උනත් ගැටළු ඇති වෙන්න පුළුවන්. එහෙනම් පෞද්ගලික බාස් කෙනෙක් එක්ක කරන ගනුදෙනුවල තත්ත්වය කොහොමද කියලා හිතන්න!

📋 මෙන්න තියෙන්නෙ ඔයාලට ගෙයක් හදනකොට අනිවාර්යෙන්ම කරන්න ඕනෙ දේවල්:
**1. ගිවිසුමක් අත්සන් කරන්න**
පොඩි වැඩකට උනත් ලිඛිතව ගිවිසුමක් ලබා ගන්න. ඔයා ලක්ෂ ගානක් වියදම් කරන්න යනවා, ඒත් රුපියල් 500ක් වියදම් කරලා ගිවිසුමක් ලියාගන්න බෑ කියලද?
**2. මුදල් ගෙවීම් හැමදාම ලිඛිතව හා ලදුපත් සහිතව කරන්න**
මුදල් දෙනකොට ඒවා ලිඛිතව සටහන් කරන්න, ලදුපත් ලබා ගන්න. සමහර බාස්ලා ලක්ෂයක් අරගෙන පස්සෙ කියනවා අනූදාහයි කියලා, ඔයාට මොකද හිතාගන්න ඒක ලක්ෂයක්ද අනූදාහක්ද කියලා.
**3. කරන්න තියෙන වැඩ ලිඛිතව දෙන්න**
ඔයා කැමති දේ පැහැදිලිව ලිඛිතව දෙන්න. "ඒ ගැන කිව්වේ නෑ" "ඒ ගාන කිව්වේ අර වැඩේට විතරයි" "ඇහුවේ නෑ" වගේ දේවල් අහන්න එපා පස්සෙ.
**4. වැඩ අතරමඟ දාලා යන බාස්ලාට ප්‍රවේශම් වෙන්න**

ඔයාට තේරෙනවාද මේ මොකක්ද වෙන්නෙ කියලා? බාස් ගොඩක් වෙලාවට මුදල් බොහොමයක් අරගෙන, පොඩි වැඩක් දාලා යනවා. උදාහරණයක් විදියට නානකාමරයක් හදන්න දුන්නොත්, ඔහු මුදල් මුළුමනින්ම වගේ අරගෙන, ෆිටින් ඇතුලු සියලු වැඩ නොකර යනවා. ඔයා නැවත වෙන කෙනෙක්ට එය භාර දෙන්න අවශ්‍ය වෙනවා. ඒ කෙනා තවත් මුදල් ඉල්ලනවා. අන්තිමට වැඩේ අතරමඟ නැවතුනොත් කවුරුත් වගකීම භාර ගන්නෙ නෑ!

🏗️ අහල කියල ඉගෙන ගත්ත තව දෙයක් තමයි - නීතිමය පියවර ගන්න පහසු වෙන්නෙ ඔයා ලිඛිතව දේවල් කළොත් විතරයි. වෘත්තියක් තියෙන හැම කෙනෙක්ම වගකීමක් භාර ගන්න ඕනෙ. ඔයා හරිහැටි ලිඛිතව හරි ගිවිසුම් හදන් නැත්තං ඔයාට ලැබෙන්නෙ මොකක්ද?

⚠️ ඔයා ගෙයක් හදන්න ගිහින් මොකක් හරි වැරදුනොත් මොකද වෙන්නෙ? වියදම දෙගුණ, තෙගුණ වෙනවා. අමුද්‍රව්‍ය වල වටිනාකම නාස්ති වෙනවා. ඔයාගෙ කාලය, මානසික ශක්තිය, ගෙවන මුදල... මේ ඔක්කොම නාස්ති වෙනවා.

📌 ඉතින් මතක තියාගන්න ගෙයක් හදනවා කියන්නෙ මුදල් විතරක් නෙවෙයි, මුදල් කළමනාකරණය වගේම මානව කළමනාකරණයත් වැදගත්. ඕනෑම වැඩක් කරන්න කලින් හරියට සැලසුම් කරලා, ගිවිසුම් හදාගෙන කරන්න.

🙏 ගෙයක් හදන්න බලාපොරොත්තුවක් තියෙන ඔයා මේ දේවල් කියවලා වැඩකට ගන්න.

✍️ මතක තියාගන්න, ගෙයක් හදන්න පුළුවන් ණය නැතිව - ඒත් පරිස්සමෙන් පියවරෙන් පියවර යා යුතුයි!

23/11/2025

️Complected House in Kolonna
Architectural Designer: Sampath Garusinghe
Client Name: Mr. Sanjaya Piumal

01/11/2025

ගෙයක් හදාගන්න අරමුණක් තියෙන අය අනිවාර්යයෙන්ම කියවන්න
නැත්නම් කවදාවත් ගෙදර හදලා ඉවරකර ගන්න බැරිවේවී .!

බාස් කෙනෙක්ට කියලා ගෙයක් හදාගන්නකොට පිළිපැදිය යුතු කරුණු ටිකක්...

නැකත හදන අතරෙ බාසුන්නැහැලගෙන් ගණන් අහගන්න. 10කගෙන් හරි කමක් නෑ අහන්න. දැන් ගොඩක් අය දවස් පඩියට කරන්නෙ නෑ. එහෙම අය ගන්නත් එපා විශ්වාස නැත්නම්. මොකද උන් වැඩේ අදිනව අදිනව දවස් පඩිය ගන්න ඕනි නිසා. ඒක නිසා කන්ට්‍රෑක් ටයිප් එකට දෙන්න. එතකොට ප්‍ර‍ශ්ණයක් නෑ. ගණන් අඩුම කෙනා නෙමේ වැඩත් හොදම කෙනා හොයාගන්න. පුළුවන්නම් කරපු වැඩ බලන්න. එක එක්කෙනා කියන ඒවා අහල වැඩ දෙන්නෙපා. ඔයාගෙ ගේ. ඔයාගෙ සල්ලි. නැති නාස්තිකරගන්න ආස නෑනෙ. ඒක නිසා හොදට හොයල බලලා වැඩේ දෙන්න.


අනික බාසුන්නැහැලගෙන් ගණන් මිනුම් අහද්දි මේ දේවල් ටික හොදට මතක තියාගන්න. ගණන් මිනුම් පැහැදිලිව අහගන්න. ආ ඒක ඒ වෙලාවට බලමුකො මහත්තයො, එහෙම නැත්නම් අඩුවට මං වැඩේ කරල දෙන්නම්කො ඔය වගේ චාටු බස් වලටනම් අහුවෙන්න එපා පුතෝ. මොකද උන් වැඩි හරියක් අපිට ඇතිකමට ඉන්න එවුන් නෙමෙයි. පැහැදිලිව අහගෙන පැහැදිලිව ලියාගන්න මෙන්න මේ ටික.

1 බේස් වලක් කපන්න ගාන
2 අත්තිවාරම කපන්න ගාන
3 බේස් වලක් බදින්න ගාන (කම්බි දමා)
4 අත්තිවාරම බදින්න ගාන. (සමහරවිට කියුබ් ගානට වෙන්නත් පුළුවන්)
5 සිමෙන්ති ගලක් බදින්න ගාන
6 කොන්ක්‍රීට් කණුවක් බදින්න යන ගාන.
7 ලින්ටල් අඩියක ගාන
8 උළුවස්සක් තියන්න ගාන
9 කපරාරුව වර්ග අඩියක් කීයද.
10 බිම පස් තලල කොන්ක්‍රීට් කරන්න
11 බදාම කපන්න
12 ටයිල් අල්ලන්න
13 කණු කපරාරුව සදහා (දික් අඩියක්)
14 පොටි ඇදල පිලර් කෝඩ් දෙක ගාන්න කීයද
15 කම්බි බැද සැටරිම ගහන්න වර්ග අඩියකට කීයද? (සැටරිම එයාලා ගෙනත්)
16 ස්ලැබ් එක දාන්න කීයද? (ඔයාගෙන් බඩු දාලා)

අංක 09න් කියපු දේ තව පැහැදිලි කරන්න ඕනි. මොකද උළුවහු තිබ්බට පස්සෙ කපරාරු කරද්දි උළුවහු පට්ටම් හදන්න බාස්ලා ආයෙත් සල්ලි ඉල්ලනව. සාමාන්‍යයෙන් ඒ ගාන වැඩියි. දික් අඩියක් 85ක් විතර වෙනව. බාසුන්නැහැල ක්‍ර‍ම දෙකකට මේක කරනව. එකක් තමයි බිත්තියෙ වර්ග අඩි ගාණයි, පට්ටම් වල දිග් අඩි ගාණයි වෙන වෙනම ගණන් හදනව. (බිත්තියෙ වර්ග අඩි ගාණ බලද්දි ජනෙල් වල ඉඩ අඩුකරල) එහෙම නැත්නම් ජනෙල් වල ඉඩ අඩුකරන්නෙ නැතුව සම්පූර්ණ බිත්තයට ගාණ හදනව. හැබැයි එතකොට පට්ටම වලට ගාණ හදන්නෙ නෑ හොදේ. ඒක දෙවිදියෙන්ම කතා කරන් එන්න. ඒ කිව්වෙ පට්ටම වලට ගාණත් අහගන්න. පට්ටම් වලට නැතුව කරන්න කැමති ද කියලත් අහගන්න. ඊටපස්සෙ ගෙදර ඇවිත් ලාභ කොයි වැඩේද කියල ගණන් හදල බලල ලාභ ක්‍රමේට වැඩේ කරන්න දෙන්න.

අංක 12 කියපු දේත් තව පැහැදිලි කරන්න ඕනි. මෙතනදි ටයිල් අල්ලන එකේ ගාන අදාල නොවෙන තැන් දෙකක් තියනව. එකක් ඔයාගෙ පැන්ට්‍රි එක. අනික බාත් රූම් එක. ඒකට වෙනම ගාණක් කතාකරගන්න ඕනි. ඒක දැන්ම කතාකරගන්න එපා. ඒවා පස්සෙ කතාකරගන්න පුළුවන්. කතාකරගන්න ඕනි තැනදි මම කියන්නම්.

ඊටපස්සෙ මේ දේ කරන්න. ගන්න පුංචි පිටු 40 පොත් දෙකක්. එකක් තියාගන්න ඔයාට ගේ හදන්න අවශ්‍ය ගල් වැලි සිමෙන්ති අරව මේවා ගේන්න යන වියදම. අනික තියාගන්න බාසුන්නැහැලට සල්ලි දීපුව ලියන්න. අමතක නොකර ඒ පොතේ බාසුන්නැහැට සල්ලි දුන්නම දවස, ගාන, බාසුන්නැහැගෙ අත්සන දාගන්න එයා භාරගත්තා කියල. ඒ වගේම ලියන්න ඒ මුදල දුන්නෙ මොහොකටද කියලත්. මොකද ගගේ මුහුදේ දැම්මත් ගාණක් මිම්මක් තියෙන්න ඕනි. නැත්නම් සල්ලි ඉවරවෙන්නෙ හිතාගන්න බැරි විදියට. තව ඉස්සරහට ඔය දේ පැහැදිලි වෙයි.


අර බාසුන්නැහැගෙන් ගත්තු ගණන් ටික තියනව නේද. ඒ ටික මේ බාසුන්නැහැලට දෙන සල්ලි ලියන පොතේ පළවැනි පිටුවේ පැහැදිලිව ලියන්න. ලියල බාසුන්නැහැගෙන් අත්සනක් ගන්න. හොදට හිනාවෙලා අපි දෙන්නගෙම විශ්වාසෙට මෙහෙම හොදයිනෙ කියල චාටුවක් දාලා අත්සන දාගන්න. මොකද මේ කියපු දේ මේ වෙනස් කරන මිනිස්සු ඉන්නවනෙ. නැත්නම් අනේ මහත්තයා මං කිව්වෙ ඔය ගාන නෙමේ මේ ගාන කියල කියයි වැඩේ ඉවර වුණාම. ඔහොම කළාම ඔයාට ඔය පොත පෙන්නුවෑකි කිසි අවුලක් නැතිව. අනික ලෝක වෙළදපොලේ බොරතෙල් මිල ඩොලර් එකකින් ඉහල ගියත් සිමෙන්ති ගල බදින ගාන වැඩිකරන ජාතියක් බාස්ලා කියන්නෙ.

ඊටපස්සෙ ප්ලෑන් එක පෙන්නල අහගන්න අත්තිවාරම් බදින්න දවස් කීයක් යනවද, ගල් ටික බදින්න දවස් කීයක් විතර යනවද කියල. මොකද අද වැඩට එනව හෙට තව තැනක වැඩට යන මිනිස්සුනෙ. අපට වැඩේ ඉක්මණට කරගන්නනෙ ඕනි. ඒ දවස් ටිකත් ඊළග පිටුවෙ ලියාගන්න.


ඊටපස්සෙ බාස්ට කියන්න ඔයාට කෑම දෙන්න පුළුවන්ද බැරිද කියල. ඔයාට කෑම දෙන්න පුළුවන්නම් කෑම වල ගාණ අඩුකරන්න කතාකරගන්න. නැත්නම් ප්‍ර‍්ණයක් නෑ. ඔයාට පුළුවන් වෙලාවක් තියේනම් තේ ටිකක් දෙන්න. පුළුවන් වෙලාවක් තියේනම් කෑම වේලක් දෙන්න. (හැමදාම නෙමේ) මොකද මොනව වුණත් තමන් ජීවත්වෙන ගේ හදන මනුස්සයනෙ. අනික කෑම වේලක් කෙනෙකුට දුන්නට පවු නෑනෙ.


ඕන් ඊටපස්සෙ තමයි අවශ්‍යම දේ කතාකරන්න තියෙන්නෙ. ඒ තමයි බාසුන්නැහැ අපෙන් සල්ලි ගන්නෙ කොහොමද කියල. හිගන්නා වගේ හැමදාම උදේට 500යි දවල්ට කන්න 500යි හවසට බොන්න 1000යි ඉල්ලන එවුන් ඉන්නවා. එහෙම සල්ලි දෙන්න පුරුදුකරගන්න එපා. අන්තිමට සල්ලි ටික යයි. වැඩේ එතනමයි. කොහොමත් අත්තිවාරම කපන දවසට බාසට 5000ක් වගේ දෙන්න. ඒක අවුලක් නෑ. හැබැයි අත්තිවාරමට යන මුදලෙන් අඩුකරගන්න. බාස් එක්ක මෙහෙම කතා කරගන්න. අපේ ගෙයි පළවැනි කොටස අත්තිවාරම. ඒ කොටස ඉවර වුණාම ඒ කොටසට අදාල මුදල මං ඔයාට දෙනව. හැමදාම හවසට සල්ලි දෙන්න බෑ මට. මොකද මමත් රෝලක් ගහල තමා සල්ලි හොයන් මේ වැඩේ කරන්න හදන්නෙ. අපි කොටසින් කොටස ඔයාට සල්ලි දෙන්නෙ. අත්තිවාරම බැදල ඉවරවුණාම පලවැනි කොටස. ඊටපස්සෙ බිත්ති භාගයක්වත් ඉවරවුණාම. ඊටපස්සෙ බිත්ති සම්පූර්ණයෙන් ඉවර වුණාම. සමහරවිට බාස් කැමති වෙයි. අකමැති වෙලා එයා කිව්වොත් මං හවසට ගෙනියන මුදලින්නෙ මහත්තයො අපි හෙට කන්නෙ. ඒක නිසා ඒ විදියට මට කරන්න අමාරුයි කියල ඔයා මෙහෙම කියන්න. හරි එහෙමනම් මං ඔයාට හවසට සල්ලි දෙන්නම්. හැබැයි ඔයා ඉල්ලන ගාන නෙමේ. වැඩේ කෙරිල තියෙන ප්‍රමාණයට. ඔයා තනියෙන් එක දවසින් සිමෙන්ති ගල් 1000ක් බැන්දොත් මම හවසට ඔයාට ඕනිනම් සිමෙන්ති ගල් 1000ම බදින්න ගිය ගාණ දෙන්නම්. ඔයා බාස්ල 10ක් ගෙනත් ගල් ගෙඩි 10ක් බැන්දොත් මං දෙන්නෙ ගල් ගෙඩි 10 බදින්න ගිය ගාණ විතරයි. එහෙම කැමතිද? කියල අහන්න. එතකොට බාස් දෙකෙන් එකකට කැමති වෙනව. හැබැයි අන්තිමට කියන්න හැබැයි බාසුන්නැහැ හවසට හෙට ගාණින් අඩුකරගන්න රුපියල් 1000ක් දෙන්නකො 2000ක් දෙන්නකො කියල ඉල්ලන්න එපා. ඒක ඔයාටයි මටයි දෙන්නටම කරදරයි කියල. (මේ හැමදේම බොහොම චාටු බසින් කියන්න. මොකද අපේ වැඩෙත් කරගන්න එපැයි)


එකගතාවයකට ආවද? හරි එහෙනම් ඒකත් අර පොතේ ලියන්න. මං මේ හැමදේම පොතේ ලියන්න කියන්නෙ ඇයි කියල ඔයාලා හිතනව ඇති. මොකද දන්නවද? මිනිස්සු වෙනස් වෙනව. අද ඉන්න මනුස්සයා නෙමේ හෙට. අද කියපු දේ නෙමේ හෙට කියන්නෙ. අන්න ඒකයි.


බාසුන්නැහැගෙන් අහන්න අත්තිවාරම සම්පූර්ණ වෙනකම් අවශ්‍ය වෙන කළුගල්, වැලි, සිමෙන්ති, කම්බි (සයිස් එකත් එක්ක) ප්‍ර‍මාණය.

ඊටපස්සේ ළගම තියෙන හාඩ්වෙයාර් වලට යන්න.
කළු ගල් කියුබ් 01හරි බාස්ගෙ ප්‍ර‍ශ්ණ ටික දැන් ඉවරයි.

මං කිව්වනෙ මං මේ කියන්නෙ තට්ටු දෙකේ නිවසකට කියල. හරි එතකොට බේස් වලවල් එහෙම කපන්න ඔනිනෙ. තමන්ට යාළුවො එහෙම ඉන්නවනම් 10ක් 12ක් කට්ටිය හොයාගන්න පුළුවන්නම් ගෙපල කපන දවසට ඒ අයට කතාකරල අත්තිවාරම් කපාගන්න පුළුවන්නම් ලොකු ඉතිරියක්. කන්න වේලයි තේ ටිකටයි විතරනෙ වියදමක් යන්නෙ. එහෙම නැත්නම් පොඩි බැකෝ එකකින් අහල බලන්න බේස් වලක් කපන්න කීයක් යනවද කියල. තමන් ගණන් හදල බලන්න බාස්ලා කපන එකද වාසි බැකෝ එකද කියල. මොකද ඉතුරුවෙන රුපියලත් ඉස්සරහට මසුරන් වටිනව. හැබැයි බැකෝ එක ඉක්මණ් හොදේ.

වැලි කියුබ් 01
කම්බි (ලංවා/මෙල්වා) නූල් 10, නූල් 12
සිමෙන්ති ගලක් 4 * 8 * 16
මෙන්න මේවට කොටේෂන් එකක් ගන්න. යන්න ළග ගල් වලක් තියේනම් ඒකටත්. ඒකෙනුත් ගණන් අහන්න. බ්ලොක් ගල් ගහන වැඩපොලවල් තියේනම් ඒවටත් ගිහින් ගණන් අහන්න. හැබැයි එයාලා ගෙනත් දෙනවදදින්න බලාගෙන දාගන්න එපා. මොකද ගෙපල කපද්දි ඒකට අවහිරයක් නොවෙන්න ඕනි. ලොරි කාරයා ඌට ලේසි තැනක බාලා යයි. ඔයාලා තමයි පරිප්පුව කන්නෙ. ඒක නිසා කොහොම හරි තමන්ට ඕනි තැනට දාගන්න. සිමෙන්ති තෙමෙන්නෙ නැති වෙන්න දාගන්න.
ඊටපස්සෙ අඩුම මිල හොදම විශ්වාසය තියෙන තැන මොකක්ද කියල. විශ්වාසය ගැන කිව්වෙ මේකයි. මනම්පිටිය කියල වෙලේ වැලි ගෙනත් දාලා යන මිනිස්සු ඉන්නව. ඒකයි. සිමෙන්තිනම් කොහෙත් එක ගණන් වගේ තමයි. බාසුන්නැහැ කියපු ගානට වඩා කියුබ් භාගයක් හරි වැඩිය ගෙනාවට පාඩුවෙන්නෙ නෑ. මොකද ඕවා දිරන්නෙ නැති නිසා. ගල් වැලි සිමෙන්ති කම්බි ටික දවස් දෙකකට විතර කලින් ගෙනත් දාගන්න පිළිවෙලකට. ගෙනත් දානකොටත් මතක තියාගන්න. ආපහු වෙනතැනකට අදින්න බලාගෙන දාගන්න එපා. මොකද ගෙපල කපද්දි ඒකට අවහිරයක් නොවෙන්න ඕනි. ලොරි කාරයා ඌට ලේසි තැනක බාලා යයි. ඔයාලා තමයි පරිප්පුව කන්නෙ. ඒක නිසා කොහොම හරි තමන්ට ඕනි තැනට දාගන්න. සිමෙන්ති තෙමෙන්නෙ නැති වෙන්න දාගන්න.

හරි දැන් නැකත හදල ඉවරයි. බාසුන්නැහැලත් හොයාගත්තා. දැන් නැකත දවස කිට්ටුවෙද්දි කරන්න දේවල් ටිකක් තියනව.
ඒ තමා මුල් ගලක් ගේන එක. ඒවා කඩේ ගන්න තියනව අර ඇතුලට දාන ජාතිත් එක්කම. බාසුන්නැහැට කියන්න නැකත වෙලාවට කලින් එන්න කියල. නැත්නම් මිනිහත් එයි විනාඩි පහකට විතර කලින්. ඇවිත් අරක කෝ මේක කෝ කියල කලබල කරයි. ඒක නිසා පැයකටවත් කලින් එන්න කියන්න. ආයුධ එහෙම පනපොවල ලෑස්ති කරල තියාගන්න. ගෙදර ආයුධ නැත්නම් අදුරන අයට කියල තියන්න ඕනි කියල. නැකතට කලින් දවසෙ ගිහින් බඩු ටික අරන් එන්න. ගොක් අතු ටිකක් ඕනි පහන් පැලවල් හදන්න. පන්සලේ හාමුදුරුවන්ට ආරාධනා කරන්න පිරිත් ටිකක් දේශණා කරන්න. බාසුන්නැහැගෙන් අහන්න නූල් අදින්න නූල් බෝල කීයක් විතර ඕනිද කියල. බැකෝ එකෙන් කපනවනම් නූල් අදින්න බැහැ. අළු හුණු පැකට් එකක් ගෙනත් තියාගන්න. කූඤ්ඥ හරිගස්සගන්න. සංග්‍ර‍හ වලට දෙන්න අවශ්‍ය කළමනා ගෙනත් තියාගන්න. කිරිබත් එහෙම හදන්නත් ඕනිනෙ... 😇

ඔබේ නිවාස සිහිනය ඉක්මනින් ඉටුවේවා කියලා මං ප්‍රාර්ථනා කරන්නම්.. 🙏❤️

අනිත් අයටත් දැනගන්න ශෙයාර් කරන්න..

උපුටා ගන්නා ලදී .!

29/10/2025

ත්‍රීමාණ සජීවීකරනය කරනය මගින් ඔබගේ සිහින නිවහන ඉදිකිරීමට පෙර සජීවීව දැකගැනීමට...එක්වන්න අප සමග...

Full Video - https://youtu.be/xCPmxBoiPLI?si=zx8xmLUmP7xtiC07
_________________________________________
© Deluxe Home Design
✆ +94 768273638
https://www.facebook.com/ModernitiveArchitecturalDesigners/ See less

26/10/2025

https://youtu.be/xCPmxBoiPLI?si=85AMmwkxGkL7701q

භූමියේ පිහිටීම අනුව සැළසුම් කල මෙම නිවසෙහි,ප්‍රධාන නිදන කාමරය සමග කාමර තුනකින් සමන්විත වේ...තවත් මෙවැනි වීඩියෝ නැ....

20/10/2025

දකුණු කොරියාවේ සේවය කරන, සේවාදායකයෙක් සඳහා design කරපු සිහින නිවසෙහි, Exterior & Interior 3D Visualization Image Collection එක..
මෙම ඉඩම තරමක ආනතියක් සහිත භූමියක් වුවද එහි ස්වභාවික පිහිටීමට සරිලන ආකාරයට නිවසෙහි Design එක සිදු කර තිබීම සහ On site Solar Analysis එකක් සිදු කර තිබීම විශේෂත්වයකි.
මෙම ⁣Design එක සම්පූර්යෙන්ම Architectural design එක සහ 3D Modeling, Texturing, Lighting, Environment Design හැම දෙයක්ම 90% ක් ම, මා විසින්ම කල දේවල්.
අප හුදෙක් Design එකට අමතරව, ඉදිකිරීම් නිම වන තුරු ඔබ සහ කොන්ත්‍රාත්කරු සමඟ සම්බන්ධ වී ඔබේ සිහිනය යථාර්ථයක් කිරීමට කැපවී සිටින්නෙමු.
ඔබ සිහින මවන සිහින නිවහන ලස්සනට, පිලිවෙලට, Design කර ගන්න, හෝ ඔබට අවශ්‍ය 3D Visualizing project එකක් සඳහා,..
කතා කරන්න...
076 8273638 (WhatsApp)
Sampath Garusinghe Sundara kolonna -සුන්දර කොලොන්න. Deluxe Home Design