10/01/2026
🏠 පෘතුගාලයේ බිහිවන "රොනාල්ඩෝගේ මාලිගාව" - පෘතුගාලයේ මිල අධිකම නිවස! ⚽🇵🇹
ක්රිස්ටියානෝ රොනාල්ඩෝ (CR7) සිය ක්රීඩා දිවියෙන් විශ්රාම ගැනීමෙන් පසු පදිංචි වීම සඳහා පෘතුගාලයේ "Cascais" ප්රදේශයේ අති සුපිරි මන්දිරයක් ඉදිකරමින් පවතිනවා. මේ වන විට මෙහි වැඩකටයුතු බොහෝ දුරට අවසන් වෙමින් පවතින අතර, මෙය පෘතුගාලයේ මෙතෙක් ඉදිවූ මිල අධිකම පෞද්ගලික නිවස ලෙස ඉතිහාසයට එක්වනවා.
මෙම නිවසේ ඇති විශේෂත්වයන් සහ මෙහි ඇති සුපිරි පහසුකම් කිහිපයක් මෙන්න
💰 නිවසේ වටිනාකම
ආරම්භයේදී යුරෝ මිලියන 10-12ක් පමණ වැය වෙතැයි ඇස්තමේන්තු කළද, ඉදි කිරීම් අවසාන වන විට මෙහි සම්පූර්ණ වියදම යුරෝ මිලියන 22 - 30 (රුපියල් කෝටි 700 ඉක්මවූ) පමණ වනු ඇතැයි වාර්තා වේ.
🛌 ප්රමාණය සහ පහසුකම්
*වර්ග මීටර් 900කට අධික ඉදි කිරීම් ප්රදේශයක් සහ වර්ග මීටර් 9,000කට ආසන්න භූමි ප්රමාණයක්.
*රොනාල්ඩෝ සහ ජෝජිනා වෙනුවෙන් වෙන්වූ ප්රධාන කාමරය පමණක් වර්ග මීටර් 300ක් විශාලයි!
*රොනාල්ඩෝ සතු මිල අධික සුපිරි මෝටර් රථ එකතුව නවතා තැබීම සඳහා වාහන 30කට වැඩි ප්රමාණයකට ඉඩකඩ ඇති භූගත ගරාජයක් මෙහි ඇත.
*නිවසේ ඇතුළත සහ පිටත පිහිනුම් තටාක ඇති අතර, එක් තටාකයක විශේෂ වීදුරු මාර්ගයක් (Underwater walkway) මගින් ජලය යටින් ඇවිද යා හැකියි.
💎 අනෙකුත් සුවිශේෂී විශේෂාංග
*නිවසේ සියලුම ටැප් සහ ජල නල පද්ධති සඳහා රත්තරන් (Solid Gold) ආලේප කර ඇති බව වාර්තා වේ.
* බිත්ති සහ බිම අලංකාර කිරීමට ලොව ඉහළම ගුණාත්මක භාවයෙන් යුත් ඉතාලි මාබල් භාවිතා කර ඇත.
*නිවසේ අලංකරණය සඳහා ලොව ප්රසිද්ධ Louis Vuitton සන්නාමය මගින් නිර්මාණය කළ සුවිශේෂී මියුරල් එකක් (Mural) ඇතුළත් වේ.
*නිවසේ උෂ්ණත්වය පාලනය කිරීමට සහ ආරක්ෂාව සඳහා නවීනතම ස්මාර්ට් තාක්ෂණය භාවිතා වේ.
මීට අමතරව පෞද්ගලික සිනමා ශාලාවක්, ජිම් එකක්, ටෙනිස් පිටියක් සහ ඔහුගේ පවුලේ අයට අවශ්ය සියලුම සුවපහසු පහසුකම් මෙහි ඇතුළත්.
Copied ✍️
