Quelles sont les heures d'ouverture ?

Lundi 08:00 - 12:00 13:00 - 17:00 Mardi 08:00 - 12:00 13:00 - 17:00 Mercredi 08:00 - 12:00 13:00 - 17:00 Jeudi 08:00 - 12:00 13:00 - 17:00 Vendredi 08:00 - 12:00 13:00 - 17:00

Bamschoul Martin Wahl

Page d'Accueil
Luxembourg
Eppeldorf
Bamschoul Martin Wahl

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Bamschoul Martin Wahl, Jardinier, 7, Rue Faubourg, Eppeldorf.

16/12/2024

Ab en Donneschdeg, den 19ten Dezember, si mir fir de Rescht vum Joer an eisem Congé annuell 🎄

Déi ganz Equipe vun der Bamschoul Martin Wahl wënscht iech schéi Feierdeeg an ee gudde Rutsch an d'Joer 2025 🌟🎉

09/12/2024

Eis Planz vun der Woch: den zweefaarwegen Zwergbambus

De Pleioblastus simonii 'Variegatus', ob däitsch „Zweifarbiger Zwergbambus“ oder och „Buschbambus 'Variegatus'“ genannt, ass ee richtegen Allrounder ënnert de Bambuszorten: Wéinst sengem net grad sou héischen an éischter platte bzw. iwwerhänkene Wuess eegent sech dësen Zwergbambus ideal als eng Aart Bodendecker.

Do donieft sinn et awer och seng Blieder, déi mat hirer grénger Faarf an de wäisse Sträifen iwwerzeegen.
Den zweefaarwegen Zwerbambus mécht sech gutt eenzel geplanzt, awer och a Kombinatioun mat anere Planzen oder als Beeteinfassung mécht hien eng gutt Figur.

Awer opgepasst: ass een net gewellt, dëse Bambus wëll wuessen ze loossen, ass eng Rhizomsperre fir ee kontrolléierte Wuess ze recommandéieren.

Eckdaten
Héischt: 60 - 80cm
Breet: Wiisst well ouni Rhizomsperre
Blaatfaarf: hellgréng mat wäisse Sträifen
Site: Sonn bis Hallefschied

05/12/2024

Eis Gewënnerin vum Chrëschtbeemchen-Gewënnspill 🎄

Gléckwonsch 🍀

Mir soe jidderengem merci, dee matgemaach huet 🌲

03/12/2024

Eis Planz vun der Woch: d'japanesch Lärche 'Stiff Weeping'

De Larix kaempferi 'Stiff Weeper' ass een Hingucker duerch an duerch: mat sengen erofhänkenen Zweigen a sengem eenzegaartegen Nolekleed zitt hien all Blécker op sech. Besonnesch an der Form vun engem Stämmchen kennt säi Wuess perfekt zur Geltung.
Ab dem Fréijoer an iwwert de Summer iwwerzeegt dës japanesch Lärche mat hire flotte gréngen Nolen, awer och am Hierscht kennen si sech an engem opfällege Giel weise loossen, ier si da vollstänneg eroffalen.

De Larix kaempferi 'Stiff Weeper' eegent sech ideal als Solitärplanz fir zum Beispill als Deel vun engem japanesche Gaart, awer och an engem Bac op enger Terrasse mécht hien eng gutt Figur.

Eckdaten
Héischt: 1,50 - 3m
Breet: 1 - 1,50m
Blatfaarf: Gréng, am Hierscht giel
Site: Sonn bis Hallefschied

27/11/2024

Ho ho ho 🎅

Et ass erëm sou wäit: eist Gewënnspill fir ee Chrëschtbeemchen aus eisem Nordmann-Sortiment geet an déi nächst Ronn 🎄

Spillreegelen: Followt eiser Säit, liked an deelt dëse Beitrag a kommentéiert mat 'Christmas tree'.

D‘Gewënnspill geet bis e Freideg, den 29ten November um 17:00 Auer. De Gewënner gëtt vun eis per PN ugeschriwwen.

Mir wënsche jidderengem vill Gléck 🍀🌟

26/11/2024

It's time 🎄

Den éischten Advent kennt ëmmer mei no an domadder gëtt Virfreed op Chrëschtdag och ëmmer mei grouss 🌟

Wat passt do besser ewéi ee Chrëschtbeemchen?

Bei eis fannt dir Nordmanndännen an alle Gréissten a Formen🌲

Kommt laanscht a sich iech ären Beemche selwer eraus🪓

Pssssst: profitéiert vu 50% wann dir ee vun eisen 'onperfekten Perfekten' huelt 👀

25/11/2024

Eis Planz vun der Woch: d‘Chinaschilf 'Kleine Silberspinne'

D‘Miscanthus sinensis 'Kleine Silberspinne' ass ënnert de Grieser ee richtegen Allrounder: weder ze grouss nach ze kleng kann dëst Chinaschilf quasi an all Gaart eng Plaz fannen.
Iwwert de Summer donkelgréng, ab dem Hierscht da brong iwwerzeegt d'Kleine Silberspinne mat hire filigranen Hallem, déi mat der Zäit liicht iwwerhänken an domat ee flott Bild erginn.

D'Bléie vun dësem Miscanthus sinn awer dat, wat bei dësem Gras den Hingucker sinn: zaart rosawäiss bis deelweis sëlwreg weisen si sech vu Juli bis an den Oktober eran. Gären ginn si als Schnëttplanz geholl.

D‘Chinaschilf 'Kleine Silberspinne' eegent sech ideal als eenzel geplanzte Gras, mécht sech awer och gutt an enger Gruppebeplanzung.

Eckdaten
Héischt: 1 - 1,20m
Breet: 1,10 - 1,30m
Bléizäit a -faarf: Juli bis Oktober; rosawäiss/sëlwreg
Site: Sonn

22/11/2024

Dëse Samschden bléiwen eis Dieren zou.
Dono hu mir erëm ewéi gewinnt op 🕗

18/11/2024

Eis Planz vun der Woch: de Leucothoe 'Zeblid'

D'Traubenheide 'Zeblid' (oder och 'Scarletta') ass an all Gaart ee richtegen Hingucker: mat de knalleg roude bis bronze Spëtzen, déi am Hierscht nach mei eng intensiv Faarf unhuelen, stécht den Zwergstrauch däitlech eraus. Vu Mee bis Juni weist hien seng filigran Bléien, déi duerch hir schéi reng wäiss Faarf ee flotte Kontrast zu den opfällege Blieder duerchstellen.

Zudeem verstréimen si een angeneem séisslechen Doft. Mat enger maximaler Héischt vu ronn 40 Zentimeter eegent sech de Leucothoe 'Zeblid' ideal als Deel vun enger Gruppebeplanzung, awer och eenzel fir an ee Bac léisst hien sech gutt verwenden.

Mëttlerweil ass d'Traubenheide awer och ee festen Deel vum Sortiment fir Griewerbeplanzungen a fir d'Gestaltung vu Coupen.

Eckdaten
Héischt: 30 - 40cm
Breet: 60 - 80cm
Bléizäit a -faarf: Mee bis Juni; wäiss
Site: Hallefschied bis Sonn

11/11/2024

Eis Planz vun der Woch: de Viburnum tinus

De Mittelmeer-Schneeball (oder och Lorbeer-Schneeball genannt) ass villäicht net dee bekanntsten ënnert de Straicher, trotzdeem kann hien an deem een oder anere Punkt iwwerzeegen.
Wärend vill anerer ab dem Hierscht hir Blieder verléieren,behält de Viburnum tinus a léisst de Gaart och an deenen e bësse mei triste Méint gréng wierken.

Vun Mäerz bis Abrëll sinn et awer dann seng Bléien, déi besonnesch erausstiechen: mat hirer wäisser Faarf an engem liichten rosa Stach sinn si e flotte Kontras zu dem Donkelgréng vun de Blieder.

Do donieft verstreimen si een angeneem séiss-gehäerzte Geroch.
De Viburnum tinus mécht sech ideal als Solitärplanz, awer och an der Form vun engem Stämmchen kann hien sech weise loossen.

Eckdaten
Héischt: 80cm - 1,50m
Breet: 60cm - 1m
Bléizäit a -faarf: Mäerz bis Abrëll; wäiss mat engem Stach Rosa
Site: Sonn bis Hallefschied

04/11/2024

Eis Planz vun der Woch: d'Silberblatt

De Sinecio cineraria, op Däitsch Silberblatt oder Weißfilziges Geiskraut genant, ass bei eis virun allem am Beräich Zierpflanzen bekannt.
Seng sëlwereg-gro Blieder maachen hien zu engem beléiften Deel vun enger Coupe oder fir d'Beplanzung vun engem Graf.

Nieft senger Verwendung ronn em Allerhellege mech de Senecio cineraria awer och am Landschaftsbau eng gutt Figur: gäre gëtt hien hei als Bodendecker, fir Bordüren oder fir Gruppebeplanzungen geholl.

Mat senger heller Blatfaarf a senger flotter gieler Bléi stécht hien do däitlech eraus.

Eckdaten
Héischt: 30 - 80cm
Breet: 30 bis 40cm
Blatfaarf: sëlwereg-gro
Bléizäit a -faarf: Mee bis September; giel
Site: Sonn bis Hallefschied

30/10/2024

Dëse Samschden, den 02. November, si mir fir Allerséilen zou.
Dono sinn eis Dieren erëm ewéi gewinnt op 🕗

Adresse

7, Rue Faubourg
Eppeldorf
L-9365

Heures d'ouverture

Lundi	08:00 - 12:00
	13:00 - 17:00
Mardi	08:00 - 12:00
	13:00 - 17:00
Mercredi	08:00 - 12:00
	13:00 - 17:00
Jeudi	08:00 - 12:00
	13:00 - 17:00
Vendredi	08:00 - 12:00
	13:00 - 17:00

Téléphone

+352836186

Site Web

http://www.bamschoulwahl.lu/

Notifications

Soyez le premier à savoir et laissez-nous vous envoyer un courriel lorsque Bamschoul Martin Wahl publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.