https://www.facebook.com/100222209410254/

Fiainana vaovao, IC 26, Ankaraobato (2026)

22/03/2026

NY Groupe NARINDRA VOALOHANY!
Ny mitambatra ho Groupe NARINDRA voalohany dia ireo izay nandray anjara tamin’ny fahazoana ny Fanampiana voalohany nanomboka tamin’ny 2023. Nahatratra 50 isa latsaka kely ianareo ireo, nefa koa manaraka ny FITÀNA 2. Aorian’ity Fanampiana voalohany ity, dia amin’ny herintaona toy izao indray vao hisy fidirana vaovao amin’ny FITÀNA 2 ihany!
Mila manova fomba fijery tanteraka anefa isika rehefa miditra ny Groupe NARINDRA, satria manaraka ny LALANA sy ny Fiainana FITÀNA isika, ary misy fomba fijery vaovao mila arahina amin’izany fa tsy toy ny Fiainana hatrizay. Mila MIOVA isika fa tsy mijanona amin’ny taloha intsony! Izay ilay LEADERSHIP! Mila MIOVA ianao raha hanaraka ny Lalana sy Fiainana FITÀNA marina! Noho izany, tsy ny rehetra no afaka miditra amin’izany Groupe NARINDRA izany fa ireo izay efa mahalala tsara ny tokony arahina sy hatao ary vonona ny hanaraka izany Fiainana FITÀNA izany marina. Inona izany?
Voalohany aloha, mba hanatanterahana ny Fiainana FITÀNA 2, dia mila mampiseho ny Asatenantsika amin’ny Facebook isika tsirairay avy izay miandry ny Fanampiana voalohany. Asehoy ilay Asatena ataonao, fa hampandroso ny Asatena ataonao ihany ny fahalalan’ny olona ivelany izany! Aza adinoina fa mila alefa aloha ny fampahalalana ny Asatena ataontsika vao mandeha ny fahazoana ny Fanampiana. Tsy hisy mihitsy Fanampiana ho tonga raha tsy mipetraka tsara aloha ilay Asatena mila ho ampiana marina! Ary mba hampandroso marina ny Asatena, dia mila alefa eto amin’ny Facebook izany! Manao ahoana ny fomba tokony hanehoantsika ny Couverture-ntsika tsirairay rehefa mampiseho azy ity amin’ny Facebook isika?
Voalohany mila aseho aloha ny fototry ny Asatenanao! Inona no tanjona kendrenao amin’io Asatenanao io, ka mila avoaka eto? Asatena hanao inona? Inona no Famoronana tena mila asehonao eto? Tahaka io sary navoakako io, dia ny Famokarana Akondro manga no ataony. Ary inona ny anao? Mazava ho azy ihany koa, azonao asiana anarana Orin’asa miaraka aminy raha toa ka misy izany, saingy tsy voatery fa miankina aminao ihany! Ary azonao avoaka sary eo ihany koa ilay vokatra ataonao. Ny faharoa kosa dia mila apetraka ilay soratra FITÀNA amin’ny lokony maitso satria FITÀNA 2 isika eto amin’izao aloha. Izay no eo amin’ny Couverture! Fa ny anarana kosa mitondra ity Facebook ity dia ny anaranao fa tsy solon’anarana velively, raha tsy hoe anarana orin’asa mihitsy indray! Mijoroa ianao amin’ny maha-ianao anao fa aza miafina!
Rehefa vitantsika io dia avoahay amin’ny Facebook ho hitan’ny rehetra, nefa koa, asehoy Amiko, mba ho namako amin’ity Facebook ity io Facebook-nao io, ary koa hahafahantsika hifampiserasera tsy aman’olana intsony. Rehefa hitako io, dia hahazo ny Fanampiana voalohany isika izay hahatontosa izany!
Rehefa samy mahavita izany isika tsirairay avy ireo, dia tsy maintsy hifankahita ihany amin’ny Facebook, satria samy namako ihany ianareo rehetra ireo! Ary isika rehetra ireo no tokony hahay hitambatra hanamboatra indray ny Facebook “Groupe NARINDRA”. Tsy Izaho anefa no tokony hanamboatra azy ity fa ianareo ihany, saingy miditra ho namana ao anatiny fotsiny Aho mba hanoro Lalana antsika ao anatiny ihany. Mila mahay mifampiserasera ianareo rehefa mifankahalala amin’ny Couverture sy ny profil-nareo dia ny soratra “FITÀNA” ihany izany! Noho izany, atsangano ny Groupe NARINDRA mba ho soa ho anareo ihany!
Koa manainga antsika rehetra izay efa miandry ny Fanampiana ankehitriny Aho, mba hiroso amin’izay amin’izany fampisehoana ny Asatena izany isika, fa tsy hiandry fotsiny, sao hampihemotra ny fahazoana ny Fanampiana indray izany tsy fihetsehana izany! Mahaiza mihetsika! Misehoa ianao!
Dia mirary soa ho antsika rehetra hijoro amin’ny maha-isika antsika marina avy amin’ny Asatena ataontsika ihany!
Raha mahaliana anao ity lahatsoratra ity, dia mba ataovy j’aime mba ho hitan’ny hafa ihany koa, nefa koa ho soa ho antsika rehetra ihany.
NORO KRISTY

22/03/2026

MANEKE MIANDRY NY SAINA AMBONY NA INTELLIGENCE!
Anisan’ny zavatra izay kendren’ny ankamaroantsika izay efa voasariky ny Spiritualité, ny fandehanana amin’ny Saina satria tena afaka manome hery sy mitondra lavitra antsika tokoa izany raha haintsika ny mampiasa azy. Saingy ny olana lehibe mbola mipetraka amin’ny ankamaroantsika dia tsy fantatsika fa mbola entin’ny Saina ambany isika ka lasa diso fiheverana fotsiny ihany!
Fantaro fa raha mbola tsy taitra ny olona iray dia mbola mandeha amin’ny Saina ambany na ny Mémoire fotsiny ihany aloha. Ny Mémoire dia natao hitadidy izay rehetra nianarantsika ivelany fotsiny ihany, ka rehefa mahita zavatra betsaka eo amin’ny fiainana isika vao mahita ny lojikan-javatra eo amin’ny fiainana. Tena ilaintsika izany izy ity satria izy no mahatonga antsika hanomboka hahazo marina ny fiainana. Tsy mbola afaka mahazo tanteraka anefa isika eto, fa mbola fanombohany fotsiny ihany. Etsy andaniny ihany koa, ny Mémoire izay entin’ny Saina ambany dia tsy voatery ho marina hatrany satria miainga avy any ivelany hatrany izy, izay voafetra ihany! Nahoana izy no voafetra?
Betsaka isika izay efa nandalina ity Spiritualité ity no nanaraka ireo fomba samihafa nentina nanokatra ireo Fiangonana na Chakras ao anaty. Dia tsy maintsy nahita vokany tsara teo aminy ihany isika, satria nahita ireo karazana fahitana isan-karazany. Betsaka ireo fahitana na endrika ivelany isehoan’ny Spiritualité izay lasa hitantsika rehefa manokatra azy ireo isika. Ary ny fisehony amintsika dia tsy voatery hanaratsy na hitondra ratsy ho antsika izy ireo fa tena manampy antsika mihitsy. Dia vokatr’izay fisehony amintsika izay, dia tena mino isika fa nahita vokany tsara ka miezaka mijanona eo mikaroka zavatra hafa ivelany mba hanatsarana na hanitarana ny efa vita.
Aza gaga ihany koa, raha mahita vokany tsara isika satria ilay Fitiavana entin’ilay Conscience na Andriamanitra Ray ao anatintsika izay eo an-tampon’ny loha, no ezahantsika avoaka. Koa gaga ve ianao raha omeny Fitiavana foana? Misy zavatra betsaka azony hanampiana antsika amin’ny alalan’ny Fitiavana izay entiny ihany. Ary indraindray koa izy dia mampiseho fahitana, satria misy zavatra izay tiany hampitaina amintsika. Saingy azontsika ve ny fahitana omeny? Eo no mipetraka ny olana! Betsaka no nilaza tamiko ny fahazoany fahitana, nefa tsy tena fantany ny dikany! Nahoana isika no tsy mahalala ny dikany?
Tsy mahalala ny dikany isika, satria tsy notairintsika na narahintsika ilay Conscience “afaka mahazo” ao anaty, fa mbola matory ao amin’ny fontsika ao ihany! Ny Saintsika ihany no ampiasaintsika entintsika manokatra ireo Fiangonana samihafa ireo, nefa ity Saina ampiasaintsika ity dia mbola ilay Saina ambany, satria Mémoire fotsiny ihany fa tsy afaka mahazo ny Marina. Koa gaga ve ianao raha tsy mahazo ny dikan’ny fahitana izy?
Mila isika manokatra aloha ilay Fanahy ao anatintsika ary manaiky miandry Azy, mba ho Izy no hitondra antsika marina. Izy ity no hany afaka hitondra antsika amin’ny intelligence, na Saina ambony ka hahafahantsika hahazo ny dikan’ny fahitana rehetra izay azontsika. Raha tsy misokatra ny intelligence, dia tsy tonga ho aiza mihitsy isika. Ny fisokafana’ny intelligence anefa dia mitaky taona maromaro mihitsy, ary mila antsika manana faharetana tanteraka manoloana izany satria mitaky fidinan’ny Mémoire vao mampiakatra tsikelikely azy ity! Saingy ny intelligence dia lehibe dia lehibe nefa avy ao anaty ihany! Izy no Marina, ary mila andrasantsika rehetra, na iza, na iza!
Afaka mahazo azy ity isika rehefa tena manaiky manaraka ny Lalana ao anaty, avy aty ambany mankany ambony. Tsy manokatra fotsiny ireo Fiangonana na Chakras samihafa mankany amin’ny sisiny, fa miandry ny fiakarany mankany ambony hatrany, satria izay no tena Lalana! Aza entin’ny fomba isan-karazany izay mitondra antsika mankany amin’ny sisiny hatrany ka tsy hahafahan’ny intelligence hivoaka akory. Aza voafitaky ny endrika ivelany izay heverintsika matetika fa dingana tsara, nefa lalan-diso ihany, satria tsy miaraka amin’ilay intelligence akory. Lalan-diso satria fantatrao ve fa efa io foana no narahin’ny Aziatika, ary hita porofo fa tsy nitondra azy tamin’ny fandresena ny fahafatesana mihitsy izany? Izay no maha-lalan-diso azy! Koa araho ny Lalana marina ao anatinao! Araho ilay Fanahy ao anatinao fa aza entin’ny Saina fotsiny ihany, ka mbola ny Saina ambany izay voafetra no mitondra fa tsy ny Saina ambony mahita ny rehetra, na ny intelligence.
Ny saina ambony na ny intelligence ihany no afaka mitondra antsika lavitra satria izy no Marina, koa ajanony aloha ny Saina ambany mba hahafahan’ny Saina ambony hitondra ny Marina tanteraka ao anatinao aty aoriana, nefa koa tsy maintsy handresenao ny fahafatesana marina ao aoriana kely.
Raha mahaliana anao ity lahatsoratra ity, dia mba ataovy j’aime mba ho hitan’ny hafa ihany koa, nefa koa ho soa ho antsika rehetra ihany.
NORO KRISTY

22/03/2026

INONA NO VOKA-DRATSY ATERAKY NY “RITUELS”?
Inona no tena mitarika antsika hampiasa “rituels”? Ny tsy fahandrasana ny asan’ny Fanahy ao anaty, na ny fahamaihan’ny Saina te-hanokatra ireo Fiangonana ambiny, hahazoana haingana ireo Hery ao anaty ho ampiasaina, no mitarika antsika hampiasa « rituels ». Sa tsy izany ? Ka raha vao azo ilay Tena Ateraka indray na ny Eveil spirituel marina, dia maika ny hamoaka ny hery avy hatrany isika. Dia lasa diso lalana indray !
Ny hery ao anaty dia tsy maintsy ho tafavoaka foana, atsy aoriana, saingy ny olana amin’ny fanokafana azy mialoha, dia tsy mifanaraka amin’ny asan’ny Fanahy ao anaty ny fanokafantsika ireo Fiangonana ireo, satria tsy izay no tena Lalana izoran’ny Fanahy! Mbola tsy any amin’ny fanokafana azy no ataon’ny Fanahy, raha vao taitra isika, fa ny famoahana ny “intelligence” sy ny fanasitranana antsika fotsiny, nefa efa miezaka manokatra sahady ireo Fiangonana ireo isika! Dia tsy maintsy hitarika fahasarotana eo amin’ny tohin’ny fiainantsika indray izany, ka mahatonga antsika ho azon’aretina vaovao indray manoloana izany. Ary tsy mahagaga raha hitarika fahafatesana ho antsika ihany izany. Sa izay mihitsy no tianao andehanana? Mila arahina ny Lalana marina fa tsy izay tian’ny Saina no hitondràna azy!
Aorian’ny Tena Ateraka indray, dia mila aloha isika mahazo ny Fiainana, avy amin’ny fisedrana maro isan-karazany mila lalovantsika, mba ho entina hanalàna ireo Karma ambiny nefa koa hampisokatra ny “intelligence” ao anatintsika ihany, ary tena maharitra aman-taonany mihitsy io fa tsy vita vetivety. Aza andosirana ny olana! Mila manam-paharetana mihitsy isika eto, mba hampivoaka tsara ny “intelligence”, nefa koa mba handresy ny fahafatesana. Mila mandalo fisedrana maro isika mba hahazo ny Fiainana, vao afaka hisokatra ny Fiangonana fahadimy ao anatintsika! Izay no tanjona voalohany tokony hizorantsika fa tsy ny famoahana ireo hery isan-karazany mihitsy!
Ny tokony ho kendrentsika faharoa indray, dia ny fahaizantsika mihaino ny ao anatintsika, mba ho rentsika marina ny fiasan’ny Fanahy ao anaty, mba ho azontsika tsara ny fanasitranana mbola mila ataony amintsika. Amin’ny voalohany mantsy, noho isika mbola tsy “mahazo”, dia tsy mbola mandre inona ao anatintsika isika, fa aty aoriana kosa dia manomboka miseho amintsika Izy, mba ho afaka hanaraka Azy marina isika! Manomboka eto isika no tairiny amin’ny 1 ora na amin’ny 3 ora maraina mba hiezaka ny HIHAINO Azy marina, mandra-pahavitan’ny fanasitranana hatramin’ny ora voafetra iray izay mitambatra ho 11. Efa henonao ao anatinao ve ny fihetsiny manasitrana anao isan’andro? Efa renao ao anatinao ve Izy, mihodinkodina eo ambonin’ny lohanao rehefa mamarana ny asa ataony? Ataovy aloha izay hahenoanao izany, vao miakatra amin’ny ambonimbony kokoa indray ianao! Mila manaraka Azy isika mba hahafahany manasitrana antsika marina sy hamadika antsika ho Andriamanitra.
Rehefa manomboka mandre isika avy ao anatintsika fa miha-tonga lafatra hatrany, izany hoe efa miparitaka tanteraka amin’ny vatantsika rehetra ilay Lumière mitondra antsika ho Andriamanitra marina, nefa koa tena miseho amin’ny fiainana ety ivelany izany mahatonga lafatra antsika izany, vao tokony hanomboka hihaino sy hiandry ny fivoahan’izany hery ao anaty izany isika, izay Izy no mamoaka azy tsikelikely fa tsy ny Saintsika na fomba avy aty ivelany mihitsy! Mila manana Saina ambony tena manaiky ny handray fotsiny isika! Koa tandremo sao lasa aloha loatra ianao!
Tadidio fa ny Fanahy ao anatintsika ihany no afaka mamadika antsika ho Andriamanitra marina, ary Izy irery ihany no mahalala ny Lalana marina ho amin’izany. Izy no mahay manala ny tsy mety ao anatintsika, vokatry ny aretintsika teo aloha, ka mahatonga sakana ao anatintsika ihany, tsy ivoahan’ny hery ao anatintsika. Ka rehefa afany ny sakana avy amin’ny aretina nahazo antsika hatrizay ary mety tsara ny vatantsika iray manontolo vao afaka hivadika ho Andriamanitra marina isika mba ho afaka hamoaka ny hery ao anatintsika marina Izy! Raha mbola eo ny samihafa tsy mahatonga lafatra antsika, dia mila “rituels” foana isika mamoaka ny hery ao anaty, satria tsy mbola tonga lafatra ka voasakan’ireo aretina sy ny tsy mety ao anaty ny fivoahan’ny hery ao anaty! Aza gaga, noho izany, raha mbola azon’aretina avokoa ny olona mampiasa “rituels”, na dia mety ho sitran’ny “rituels” ataony ihany aza izany! Nefa koa ho azon’ny fahafatesana foana! Sa fanirianao mihitsy ny hamoaka ny hery aorian’ny Tena Ateraka indray, mba ho faty ihany atsy aoriana?
Raha fintiniko dia voalohany, esory aloha ny Karma mba hahazoanao tsara ny Fiainana sy hampivoaka tsara ny “intelligence” ao anatinao ihany. Ary faharoa, sitrano ny tenanao mba hampivadika anao ho Lafatra na Andriamanitra marina mba ho afaka hamoaka ny hery samihafa ao anatinao amin’izay! Aza maika amin’ny fanokafana ireo Fiangonana ambiny, fa araho ny Lalana, mba hampivadika anao marina ho Andriamanitra!
Raha mahaliana anao ity lahatsoratra ity, dia mba ataovy j’aime mba ho hitan’ny hafa ihany koa, nefa koa ho soa ho antsika rehetra ihany.
NORO KRISTY

21/03/2026

SPIRITUALITE : MANÀNA FOMBA FIJERY AMBONY !
Te-handroso ve ianao ? Ary te-hifandray akaiky amin’Andriamanitra?
Ny fiainan’ny olona tsirairay dia mandeha amin’ny Spiritualité avokoa. Fa inona marina no niseho ? Hatramin’izay, tao anatin’ny Fiainana 2ème Dimension, dia niforona ny biby izay tsy manan-kenatra akory tahaka izao iainantsika izao. Tao anatin’ny 3ème Dimension kosa anefa dia tsy izay intsony isika olombelona, satria efa nanana fomba fijery ambony kokoa tahaka ny hitantsika amin’ny fiainantsika amin’izao fotoana izao.
Ny fomba fiainana ao anaty dia azo lazaina ho mizara telo lehibe, dia isika manana fomba fijery, mba HAHALALA sy mba HINO izay hita amin’ireo fisokafan’ireo Chakra roa voalohany ao anatintsika. Ary ambonin’izay kosa, dia isika afaka ny hahalala sy HANDALINA, mba HAHAZO tsara ny tokony ho izy marina eo amin’ny fiainana fa tsy mino fotsiny, rehefa misokatra ny Chakra fahatelo.
Ny tena mampalahelo anefa dia betsaka ireo Mpino, izay manankina ny fiainany tanteraka amin’Andriamanitra, entin’ny Finoana fotsiny, ka tsy mahalala tsara intsony ny Lalana tokony ho aleha fa mijanona amin’izao fotsiny ihany satria tsy mbola « mahazo ». Mila manana ilay fomba fijery afaka ny handalina be be kokoa isika, manana ilay Chakra fahatelo misokatra ao anatintsika ary mahatonga antsika afaka hisaina sy handalina hatrany be be kokoa izay handalovantsika eo amin’ny fiainantsika. Mila antsika tena mandalo FITSAPANA sy FISEDRANA betsaka eo amin’ny fiainana isika, fa tsy fianarana fotsiny ihany. Fantaro fa tian’Andriamanitra kokoa isika mba hahazo marina! Matoa nomen’Andriamanitra ilay « Saina » isika ao anatintsika, dia ilainy isika ny handalina fa tsy hijanona ho « tsy mahazo ». Tsy mahagaga noho izany, raha tsy manaiky ny Finoana intsony fotsiny isika rehetra rehefa “mahazo” satria tsapantsika ny fetran’ny Finoana. Ka aorian’izay fomba fijery “mahazo” izay isika vao lasa te-hahazo be be kokoa marina ny tena Spiritualité izay lehibe sy ambonimbony kokoa, fa tsy toy ny Finoana amin’izao fotsiny ihany! Noho izany, aza mijanona amin’ny Finoana izay mbola natao ho an’ny olona “tsy mahazo” fotsiny ihany, fa mahaiza mandalina mba ho afaka hahazo amin’izay ny Spiritualité izay fototry ny « Fiainana vaovao ».
Mila manana fomba fijery ambony isika ! Inona no fomba fijery ambony?
Misy fomba fijery izay matetika ananantsika Malagasy, ary iainan’ny ankamaroantsika ankehitriny, dia ilay toetrantsika tia manakiana ny hafa. Tsy azontsika an-tsaina anefa fa ilay fanakianana, isaky ny miresaka amin’ny hafa, dia mitondra antsika hidina ambany hatrany na inona zavatra rehetra tenenintsika. Matetika isika dia mieritreritra fa ny tsy mamaly dia “tena ratsy”, satria lasa manaraka ny hafa foana, noho izany, tsara foana ny mamaly ny hafa mba ho afaka ny “hiakatra”?!!!
Tsy izay loatra anefa no fomba fisainana tokony ananantsika. Raha vao be fanakianana hatrany isika, raha vao mahita havaly foana isika hanaratsiana ny hafa, dia lasa tsy afaka mandroso lavitra intsony, lasa tsy afaka manao zavatra betsaka hahafahantsika mandroso fa lany andro amin’ny ady hevitra sy fanakianana. Tsy afaka mandroso isika satria midina mangina ilay Fanahy ao anatintsika amin’ny fotoana hamaliantsika tsy am-piheverana toy izany. Eny, tonga amin’ny hoe tsy afaka mijoro intsony isika, tsy afaka mandà amin’ny fotoana tokony handavana, tsy mahavita zavatra ary mazava ho azy lasa miankina amin’ny hafa. Hitondra antsika ho aiza anefa ny fiankinana amin’ny ivelany hatrany?
Raha te-handroso marina isika, dia manàna aloha fomba fijery tsy manakiana ny hafa, fa mijery ny tena mba hahay hitady vahaolana foana eo amin’ny rehetra atao eo amin’ny fiainana. Rehefa tonga saina isika ka afaka tena mieritreritra sy mandalina dia tsy ho entin’ny hatezerana na oviana, satria tsy entin’ny “fo” fa entin’ny “Saina”, ary lasa mahalala ny vahaolana hitondrana ny fiainana marina, ka afaka mandroso. Tsy aleo ve mijery izay hampandroso hatrany ny tena mba hahafahana miakatra hatrany? Raha te-handroso lavitra isika dia manàna fomba fisainana haka hevitra tsara kokoa amin’ireo izay ambony noho ny tena, ary hahay hanapa-kevitra, fa tsy hitodika mankany ambany hatrany, satria izany no hampandroso ilay ao anatintsika ary hahatody antsika ho lavitra marina.
Raha te-handroso lavitra isika, raha te-hahita ny “Fiainana vaovao”, dia mila mahay mijery ny tenantsika tsirairay avy aloha, mba ho afaka ny hijoro sy handroso marina fa tsy hiankina amin’ny hafa, tsy ho entin’ireo “ratsy mpanjanaka” araka izay tiany fotsiny, fa hahalala ny tokony ho izy, hahay handà ny tokony ho lavina, hahavita zavatra, mba hitondra antsika ho lasa ambony. Ary hitondra hiakatra tsikelikely ity firenentsika ity ihany koa. Raha afaka mandroso tsirairay isika, dia ho afaka hifandray akaiky tsirairay amin’Andriamanitra amin’izay ary hanomboka handroso i Madagasikara. Tsy fantatrao ve fa manankarena ity Nosintsika ity fa isika Malagasy ato anatiny no tsy tonga saina ary tsy mahay miaina?
Dia mirary soa ho antsika tsirairay avy mba ho lasa lavitra marina eo amin’ny fiainana !
Raha mahaliana anao ity lahatsoratra ity, dia mba ataovy j’aime mba ho hitan’ny hafa ihany koa, nefa koa ho soa ho antsika rehetra ihany.
NORO KRISTY

21/03/2026

TENA ILAINA VE NY FAMPIASANA RITUELS ?
Matetika dia efa lasa fahazaran-dratsy ananantsika indray ity fampiasana rituels ity ! Ka rehefa mba nahalala isika na mba nahita ihany koa ny fiainana amin’ity tena Ateraka indray ity, na ny Eveil spirituel marina, dia lasa manana fahazarana tonga dia hamoaka ny hery rehetra ao anatintsika ihany isika avy amin’ny fampiasana ireo karazana rituels isan-karazany, nefa tsy azontsika an-tsaina fa nitarika antsika rehetra ho amin’ny lalan-diso vaovao indray ange izany, tahaka ny nahazo ireo Kristiana rehetra ihany. Dia inona no vokany ? Samy maty avokoa ny rehetra, satria diso Lalana avokoa! Fantatrao ve izany lalan-diso mbola nahavoafitaka ny maro izany ?
Tena ilaina ve ny rituels? Fa nahoana moa isika no mampiasa rituels? F’angaha ianao tsy mahatoky ilay fahaizan’ilay Fanahy na i Kristy ao anatinao no mampiasa azy ity? Ny olona taloha hatrizay dia tsy mba nampiasa rituels, fa lasa fombantsika ankehitriny ny fampiasana azy ity! Fa nahoana?
Ry zareo “ratsy” ihany no fototry ny olana mitondra antsika amin’izy io! Ry zareo “ratsy” mantsy dia tsy manana fahefana hiditra any amin’ny Fiainana vaovao, na ny Fiainana mandrakizay, noho izany haratsiny izany ihany. Saingy efa miaina kosa izy ireo amin’ny 4ème Dimension, izay mbola ambonintsika kokoa izay miaina amin’ny 3ème Dimension, izany hoe isika na ny olona mbola tsy tonga amin’ny TENA Ateraka indray marina. Dia eo isika no araraotiny, ka na olona afaka ny handresy azy aza isika, dia fitahiny avy amin’ny tsy fahazoana zavatra sy ny tsy fahaizana mandalina ihany! Koa mihevera tena ianao!
Raha mieritreritra tsara isika dia mahalala tsara, indrindra ireo Mpanaraka rituels, fa tsy manokatra ireo Chakras na ny Fiangonana ao anatintsika avy aty ambany mankany ambony araka ny filaharany akory isika, fa tonga dia manana fahamaihana ny hanokatra ny any ambony avy hatrany, indrindra ity 3ème oeil ity, mba hahafahantsika hamoaka ny hery ao anatintsika ihany! Mety ve izany aminao? Mety ve ny fandinganana tonga dia hanokatra ny ambony nefa ny eo ambany aza, tsy nandalovana akory? Ara-drariny ve izany aminao?
Fantatrao ve fa talohan’ny nahatongavana tamin’ny Eveil spirituel, dia tsy mbola afaka nitondra antsika mihitsy ny Fanahy tao anatintiska fa mbola natory hatrany teo aloha, ka izany indrindra no antony namohazana Azy? Etsy andanin’izay ihany koa dia mbola betsaka ny zavatra tsy haintsika tsara teo amin’ny fiainana, ka nahatonga antsika nanao zavatra tsy araka ny tokony ho izy, indrindra tamin’ireo fandalovana ireo karazana olana izay nalefan’ny Karma tao anatintsika ihany. Ary rehefa manao zavatra tsy mety isika, na tsy araka ny tokony ho izy, dia mitondra ratsy ho an’ny vatantsika ihany izany, ampian’ny vatantsika izay tsy mbola tsara rafitra tamintsika vao teraka, ka niteraka ireo aretina isan-karazany tao anatintsika ihany. Izany no mahatonga antsika harary hatrizay! Satria mbola tsy mahay isika, mbola tsy mahalala ny lalana tokony ho alehantsika marina, ka mora azon’aretina!
Saingy rehefa manomboka tena olon-dehibe marina isika, ka mahita ny Fiainana marina, ary mahazo ny Lalana tokony ho aleha no manomboka tsy mora andairan’aretina intsony. Ary eto isika no mila mamantatra amin’izay ny tokony ho lalantsika mankany amin’ny Eveil spirituel marina, na ny TENA Ateraka indray. Rehefa tonga eto anefa isika, dia tsy maintsy efa azon’ny tsy araka ny tokony ho izy ny vatantsika noho ny fiainana nolalovantsika teo aloha, ka anjaran’ny Fanahy ao anatintsika, rehefa tena Aterka indray isika, no manamboatra ny tenantsika mba ho tena araka ny tokony ho izy amin’izay. Azo amboarina tsara io tenantsika io, mba hahatonga azy ho mety sy ho tonga lafatra, ka hahatonga antsika ho mendrika ny antsoina ho Andriamanitra marina atsy aoriana.
Noho izany, ny zavatra tokony hilofosantsika voalohany dia ny fanamboarana ny tenantsika aloha! Mbola betsaka ny tsy mety ao anatin’ny tenantsika, koa rariny raha mbola tsy hivoaka avy hatrany ireo “hery” isan-karazany efa ao anatintsika tsirairay avy, raha vao tonga amin’ny Eveil spirituel fotsiny isika! Mbola marary isika ary mila fanasitranana aloha! Koa aza maika loatra hamoaka ireo hery ao anaty avy hatrany!
Inona no fanamboarana voalohany ataon’ny Fanahy aminao? Ny famadihana ny « Mémoire » ao aminao mba ho lasa « Intelligence ». Izay aloha ! Amin’izay isika mba hahazo ny fiainana marina, ary afaka ny hahalala ny Lalana mila aleha marina. Nefa amin’izay ihany koa isika no afaka ny handresy ny fahafatesana marina. Ary rehefa azontsika izy ity, no mahasokatra ilay Fiangonana na Chakra fahadimy isika. Matetika anefa dia ity Chakra fahadimy ity ihany koa no sakanan’ireo “ratsy” ihany amintsika ny fanokafana azy. Tiany isika ny tsy hahazo tsara, amin’izay manaraka ny teniny!
Aza adinoina ihany koa, fa ireo “ratsy” ireo dia tena mila mampiasa rituels mihitsy mba hahafahany mamoaka ny ao anatiny. Saingy tsy mitovy aminy isika. Isika dia olona mendrika ny handray ny Fiainana mandrakizay, raha manaraka tsara ny Lalana, fa tsy olona “ratsy” toa azy ireo akory. Ry zareo no “ratsy” ary tsy mendrika ny hahazo ny Fiainana fa tsy isika! Ny Fanahy ao anatintsika dia efa mahalala tsara ny Lalana tokony hitondrany antsika tsirairay. Noho izany, tsy mila rituels isika, fa efa hain’ny Fanahy ao anatintsika ny mitondra antsika amin’izany! Manàna fahatokisana amin’ilay Kristy ao anatinao ianao!
Rehefa mandresy ny fahafatesana isika, dia mbola tsy tapitra mihitsy ny fanasitranana ireo aretina isan-karazany tao anatintsika! Ary izany indrindra no mbola sakana mahatonga ny hery ao anatintsika tsy hivoaka avy hatrany. Tsy mivoaka ny hery ao anatintsika satria mbola voasakan’ny aretina isan-karazany ka mahatonga ny vatantsika tsy ho araka ny tokony ho izy marina. Fa rehefa tonga kosa isika amin’ny fahasitranana marina, dia tsy maintsy hivoaka ireo hery ireo. Saingy mila manam-paharetana isika miandry izany!
Aza adinoina ihany koa fa teo amin’ny fiainana teo aloha, dia mbola ambany ny tauix vibratoire teto an-tany ka mbola sarotsarotra ny famoahana ireo hery ao anaty tamin’izany. Saingy ankehitriny, dia efa niakatra be ny taux vibratoire teto an-tany, ka lasa mora amintsika kokoa ny mamoaka ireo hery ireo rehefa salama marina ny tenantsika. Koa mbola misy antony ihany ve tokony hilantsika rituels raha salama marina isika, amin’izao “vibration” efa ambony be izao?
Ny olana iray ankoatra ny fahasalamana, mety manakana ny fivoarantsika koa, aorian’ny Fandresena ny fahafatesana, dia ny fahafahantsika mitsakotsako ny momba ity Spirtualité ity, mba tsy hameno toerana be ao anatintsika ihany izy ity, fa ho azo fntinina marina, ka hahazoan’ny fahalalana vaovao indray ho afaka hiditra hatrany ao anatintsika indray. Raha tsy haintsika ny mizara ny marina amin’ny hafa, dia tsy hifintina mihitsy izany fahalalana izany, ka isika ihany no tsy hahazo ireo vaovao mila fantatsika hafa indray. Koa maneke ny hizara ny tsara sy ny marina amin’ny hafa, mba ho azonao indray ny vaovao hampiakatra anao ho ambony hatrany!
Alaivo an-tsaina fotsiny, raha miteny ny tenako sy ny nandalovako aho, dia efa tamin’ny 2012 aho no tonga tamin’ny Eveil spirituel, nefa mbola tsy mahasokatra ny hery rehetra ato anatiko aho ankehitriny, izany hoe efa 10 taona lasa izay, satria fantatro ny aretina mbola sitranin’ny Fanahiko ato anatiko ankehitriny! Mandre ny fihetsiny isan’andro ato anatiko aho, ary tena zava-dehibe izany satria hahalalako ny toerana tena misy ahy ankehitriny! Tsy olana amiko izany, fa manaraka Azy fotsiny aho, satria mahatoky tanteraka Azy aho! Ary ny hahalalako fa mandeha araka ny tokony ho izy ny Spiritualité ato anatiko, dia ny fahitako ny 8:03 izay mitambatra ho 11 izay midika “illumination” isan’andro, nefa manamarina ihany koa fa mety ny fandehan’ny Spiritualité ato anatiko, ampian’ny tenako tsy marary mihitsy fa matanjaka be indray aza. Tsy mampiasa rituels aho, fa mihaino ny ato anatiko fotsiny ary manaraka ireo “Exercices spirituels” izay efa nozaraiko taminao hatrizay ihany!
Koa hoy aho hoe : Aza maika loatra ianao hanokatra ireo “hery” ao anatinao avy hatrany, sao ho azon’ny fahafatesana ihany atsy aoriana, ka voatery handalo ilay Fiainana efa sarotsarotra kokoa noho izao indray, rehefa miverina velona eto an-tany ihany! Tsy aleo ve mba ezahina ny handeha amin’ny fiainana araka ny tokony ho izy marina ankehitriny, avy amin’ny fanarahana ny Lalana marina ao anaty ihany? Tsy manery anao anefa aho, fa toro-lalana fotsiny no omeko, fa ianao ihany no tompon’ny fanapahan-kevitra eo amin’ny fiainanao marina!
Dia mirary soa ho antsika rehetra mba hahita ny Lalana marina, ka tsy hiverina handray indray ny Fiainana sarotsarotra kokoa aorian’ny fahafatesana intsony, fa ho afaka ny hivadika ho Andriamanitra marina isika tsirairay ankehitriny!
Raha mahaliana anao ity lahatsoratra ity, dia mba ataovy j’aime mba ho hitan’ny hafa ihany koa, nefa koa ho soa ho antsika rehetra ihany.
NORO KRISTY

20/03/2026

TENA ILAINTSIKA VE NY MANDALO FITÀNA?
Raha vao niantso ny rehetra aho tamin’ny fananganana ny Groupe NARINDRA, dia betsaka ny nisoratra anarana, saingy vitsy ny tonga sy tena navitrika nanatrika ny fivoriana tamin’izany. Ny nampalahelo koa anefa, dia nahatsapa aho fa nanantena zavatra hafa ny ankamaroan’ireo tonga fa tsy nanam-po ny handray ilay Lalana vaovao mitondra antsika mankany amin’ny Fiainana vaovao marina.
Matetika isika dia mieritreritra foana fa ny Lalana tokony ho arahintsika ankehitriny dia voavaha avy amin’ny fanaovana Exercices spirituels fotsiny. Tena marina fa io no vahaolana amin’ny Lalana ao anaty, ary io efa nomeko antsika rehetra io izany, na iza na iza, afaka mahazo azy avokoa eto, avy amin’ny karazana Pages rehetra napetrako, izay milaza ny fomba FAMPIAKARANA TAUX VIBRATOIRE. Saingy tsy fantatsika fa misy Fiainana ivelany mila iainana ihany koa andavanandro rehefa manaraka io Lalana io isika. Izay rehetra nanaraka io Exercices spirituels nomeko io, dia tsy maintsy nandray ny vokany tsara avokoa! Mandainga izay milaza fa tsy nahazo vokatra tsara raha tena nanaraka ny Exercices nomeko! Saingy matoa isika mbola manana olana dia olana vokatry ny tsy fahalalana ilay fiainana ivelany mila arahina miaraka aminy izany!
Ny Lalana dia efa nazavaiko ombieny ombieny teto, dia isika mila mahay mijoro mba ho Ateraka indray marina, mba hahay hitondra ny tenantsika sy hioty ny intelligence ka hahazo ny Fiainana marina, nefa koa ho afaka handresy ny fahafatesana sy hivadika ho Andriamanitra. Ary io ihany koa no hazavaiko be be kokoa any amin’ny fiofanana miaraka, mba ho azontsika tsara ny Lalana aleha. Ary izay no mahatonga ahy hitaky azy amin’ireo izay manaraka ny Groupe NARINDRA. Ny fahazoana ny Ateraka indray, dia efa betsaka no tokony hahazo azy, indrindra isika izay efa lehibebe sy nandia fiainana betsaka ihany. Saingy ny tohiny no hanahirana antsika ary eo indrindra no mbola ilantsika ihany ny FITANA.
Raha mandray ohatra fotsiny aho, amintsika efa lehibebe taona, ary mety efa manana fiainana ampy fivelomana satria efa manana asa, na ihany koa, ireo efa tsy miasa intsony na retraités. Mba fantatrao moa fa efa niakatra ny taux vibratoire teto an-tany? Ary izany fiakaran’ny taux vibratoire-n’ny tany izany, no mahatonga antsika ankehitirny ho tsy mora maty toy ny olona hatrizay fa matanjaka, izany hoe mety hahatratra 100 taona mahery avokoa ny fiainantsika na tsy tonga amin’ny tena Ateraka indray akory aza isika? Raha hitantsika ny Lalana dia efa hahazo ny Fiainana vaovao isika! Nefa, any no olana! Satria hitombo hatrany ny retraités, ary hihena ny zaza vao teraka! Dia tsy maintsy handalo fahasahiranana ny Fanjakana na ny Mpampiasa amin’izany! Iza indray no ho Mpiasa? Aiza ny vola omena ireo retraités tsy maty? Etsy andaniny koa anefa, raha retraités ianao, tsy mahatsapa ve ianao fa mbola matanjaka tsara ankehitriny ary salama tsara? Mety ianao indray aza no te-hitady zavatra hafa hatao eo amin’ny fiainana satria tsy misy hatao intsony! Sa mieritreritra isika fa hisy vola foana ho azo isam-bolana entina miaina avy amin’ny any ivelany? Hanam-bola foana ho zaraina ho antsika Malagasy ny Mpampiasa? Mba mieritrereta isika tsirairay!
Izay foana no efa nitenenako fa tsy vahaolana mihitsy isika mijanona ho Mpiasa! Ny nanaovan’Andriamanitra ny fiainantsika dia isika afaka hiodina mba hahay hamelona ny tenantsika, noho izany mila mahay mamoaka ny avy ao anatintsika isika ary hahay hiodina amin’izany. Tsy ho vitantsika eo no ho eo mihitsy anefa ny tonga dia hamoaka avy hatrany ny ao anatintsika. Mahaiza aloha miara-miaina amin’ny hafa, nefa Mpampiasa, avy amin’ny fandalovana ny Fanahy Fahendrena na Esprit Managérial ao anaty, mba hahaizanao mitondra ny anao irery amin’izay atsy aoriana. Tsy ho haintsika mihitsy ny hitondra ny antsika samy irery, raha tsy mandalo mahay miara-miaina amin’ny hafa aloha isika! Aza manofy loatra! Universalité aloha vao Unicité! Mahay miara-miaina aloha vao mandeha irery! Ary izay no Lalana mila lalovantsika ao amin’ny FITANA 1.
Ny FITANA 1 izany dia ny fitaritana antsika mba tsy hijanona ho Mpiasa fotsiny, fa hahay hamoaka ny ao anatintsika mba ho vitantsika ny hamelon-tena avy aminy, nefa tsy mandeha irery fa mahay miara-miasa mba hahay hiara-hiaina marina. Mbola mandeha irery isika ankehitriny. Ary mila olona mitovy fomba fijery amintsika izay vonona hiara-hiasa mba hahatrarana tanjona kendrena iray. Izay no Ekipa, ary mila manana fomba fijery miaraka toy izany ny ao anatiny satria mbola tsy mahavita tena irery isika. Tsy natao hijanonana anefa ny Ekipa fa natao handalovana mba hahaizana mitondra ny an’ny tena atsy aoriana dia ny FITANA 2.
Na Mpiasa isika, na retraités na mbola tsy niasa, ny vahaolana eo amin’ny fiainana dia ny fahaizana mamorona sy mamoaka ny ao anaty marina. Tsy misy toerana hahafahana mianatra izany eto amintsika, ka afaka hanoro anao ny rehetra tokony hatao manoloana izany. Ny azontsika hatao dia ny fanarahana ny FITANA ihany na ny fidirana Groupe NARINDRA. Ny hevitra mila arahina amin’izany dia tsy avy aty amiko, fa avy ao anatinao ihany, saingy mila Mpitarika fotsiny ianao! Tsy afaka ny handeha irery avy hatrany ianao fa mila Ahy Mpitarika izany hoe ny Ekipa no mamorona azy fa manitsy na manoro lalana amin’ny fomba tokony hitondrana azy fotsiny Aho! Avy amin’ny famoahanao ny créativité miaraka amin’ny namanao ao anaty Ekipa, no hampivoaka ny ao anatinao ihany koa! Ary tsy indray mandeha fotsiny izany fa maharitra an-taonany mihitsy mba ho azonao tsara, izany hoe mila miaina ao anatiny isika, mba hahitana ny tena mety marina mba ho raisina amin’izay atsy aoriana. Mila trandrahana ny avy ao anaty fa tsy mipoitra avy hatrany amin’izao fotsiny io! Ary izay ilay Fiainana ivelany mila lalovana!
Dia mirary soa ho antsika rehetra hahalala ny Lalana marina tokony ho diavina nefa hahay hizotra amin’izany Lalana izany tokoa!
Raha mahaliana anao ity lahatsoratra ity, dia mba ataovy j’aime mba ho hitan’ny hafa ihany koa, nefa koa ho soa ho antsika rehetra ihany.
NORO KRISTY

Fiainana vaovao

22/03/2026

22/03/2026

22/03/2026

21/03/2026

21/03/2026

20/03/2026

Address

Telephone

Website

Alerts

Shortcuts

Share

Category