https://www.facebook.com/122096151440010332/

Mikarakara Taratasy Rehetra, Antananarivo (2026)

28/03/2026

RAHA EFA MATY ILAY OLONA AO AMIN’NY CARTE GRISE DIA INONA NO TOKONY HATAO ? 🚗👇🏻

Fiara efa novidina sy nampiasaina, nefa mbola tsy nahavitana acte de vente légalisé indrisy anefa fa maty ilay olona izay misoratra anaty " carte grise " .

Inona no atao🤔?

👉Azo atao tsara ny manao ny " mutation " , saingy mila arahina tsara ny dingana rehetra ...

__________

🛑 Inona moa ilay hoe mutation fiara ?

👉🏻 Io dia fanovana ny anarana ao amin’ny carte grise avy amin’ny tompony taloha ho amin’ny tompony vaovao.

👉🏻 Ka raha efa maty ilay tompony voasoratra, dia tsy maintsy mandalo amin’ny fandovàna na fanomezan-dalana avy amin’ny mpandova rehetra

⚠ Tsy azo atao mivantana anefa io fanovàna anarana io raha tsy misy porofo fa :
✅ Eken’ny mpandova rehetra
✅ Ara-dalàna ny nahazoanao ilay fiara

🛑 Ireo antontan-taratasy ilaina amin'izany ?

👉🏻 Taratasy momba ilay nodimandry :
✅ acte de décès
✅ Déclaration de succession tany amin'ny Centre Fiscal
✅ acte de notoriété
✅ Fanomezan-dalana (procuration) avy amin’ny mpandova rehetra
na acte de partage raha efa nizara lova

👉🏻 Taratasy momba ny fiara :
✅ Carte grise originale
✅ Acte de vente (raha efa nivarotra taminao ny mpandova)
✅ Attestation de non gage raha numéro any amin'ny Faritra.
✅ Contrôle technique manankery

👉🏻 Taratasy momba anao ( tompony vaovao ) :
✅ Photocopie CIN certifié
✅ Certificat de résidence

🛑 Ireo dingana mila harahina :

✅ Atao mazava tsara amin'ny mpandova rehetra fa amidy ilay fiara
✅ Manao taratasy ara-dalàna : Acte de vente légalisé eny amin'ny Commune.
✅ Manangona ny dossiers rehetra ary manao mutation eny amin’ny CIM.

⚠ Tsy sarotra ny mikarakara azy io raha efa voaomana tsara daholo ny taratasy rehetra.

👉🏻 Inona indray no lohahevitra tianao horesahina manaraka ? Alefaso ao amin'ny commentaire 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny antontan-taratasy rehetra 😊

📍 Birao : Ambohidahy Ankadindramamy
☎ Agence MTR : +261 34 27 576 43

27/03/2026

TANY TSY VITA ENREGISTREMENT FA EFA MISY " RECONNAISSANCE " ENY AMIN’NY COMMUNE , AHOANA NO FIZARANA AZY ? 🏡👇🏻

Betsaka amintsika no manana tany tsy mbola voasoratra ao anaty bokim-panjakana momban'ny Fananan-tany fa efa nanao reconnaissance ny Domaine na ny Commune. Rehefa tonga anefa ny fotoana hizarana azy (lova, fivarotana, na fanomezana), dia maro no very hevitra ...

__________

🛑 Inona moa ilay hoe " Reconnaissance " ?

👉🏻 Io dia taratasy omen’ny Domaine na ny Commune izay manamarina fa misy olona mampiasa ilay tany izay eken’ny fokonolona na ny manodidina.

⚠️ Tandremo anefa fa tsy mitovy amin’ny titre foncier na Certificat Foncier izy io. Izany hoe tsy mbola voasoratra ofisialy.

🛑 Azo zaraina ve ilay tany ?

👉🏻 Eny tompoko , azo zaraina ilay tany fa mila arahina tsara ny dingana mba tsy hisy olana any aoriana :

✅ Atao fanamarinana eny amin'ny Domaine na Commune fa marina sy mbola manan-kery ilay reconnaissance

✅ Raha lova dia mila fifanarahana mazava eo amin’ny mpandova rehetra . Fa raha fizarana kosa dia tokony hisy fankatoavana an-tsoratra.

✅ Miantso Géomètre Expert na Technicien ao amin'ny Bif raha azo atao hanao ny fizaràna . Izay tena zava-dehibe mba hisorohana ady amin’ny sisintany.

⚠️ Raha tsy manao dingana mazava dia mety hiteraka ady amin’ny fianakaviana ary mety tsy ho azo amidy ilay tany any aoriana

👉🏻 Inona indray no lohahevitra tianao horesahina manaraka ? Alefaso ao amin'ny commentaire 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny antontan-taratasy rehetra 😊

📍 Birao : Ambohidahy Ankadindramamy
☎ Agence MTR : +261 34 27 576 43

24/03/2026

RAHA TANY NANJARIANA EFA ELA VE DIA AZO AMIDY NA VIDIANA ? 🏡👇🏻

🗣 : Efa ela izahay no nampiasa ilay tany
( nananjary teo , namboly teo ,nanao ny fanorenana dia nipetrahana teo ), afaka amidy ve izany ilay tany ?

__________

🛑 Inona no atao hoe tany fananjariana?

👉🏻 Io dia tany iray efa nampiasain'ireo ray aman-dreny be tany aloha mandrak'ankehitriny dia mbola hampiasain'ireo taranaka aty afara(solam-pangady ho an'ny tany ambanivohitra )fa mbola tsy misoratra ara-dalana aminy.

🛑 Azo amidy na vidiana ve izany ?

👉🏻 Eny tompoko , azo atao ny mivarotra na mividy izany tany izany fa kosa misy fepetra mila arahana satria tsy misy taratasy fanamarinana fananan-tany ka mety mbola hisy olona hafa hitaky ilay tany.

🛑 Inona avy ireo loza mety hitranga ?

❌ Mety hisy fifandirana na fifanolanana any aoriana
❌ Mety ho very vola ny mpividy
❌ Tsy azo antoka amin’ny banky
❌ Mbola lavalava ny dingana sy fepetra arahana amin'ny fanoratana azy.
❌Mety tany efa manam-tompo.

🛑 Inona avy ny taratasy ilaina raha hivarotra na hividy ilay tany ?

✅ Taratasy fanamarinana fanamaintisamolaly na fananjariana avy amin’ny fokontany izay manamarina hoe tena nampiasain’ilay olona tokoa ilay tany.
✅ Fanambarana ataon'ireo vavolombelona izay
Olona mahalala fa an’ilay mpivarotra ilay tany.
✅Acte sous seing privé eny amin'ny Commune
Na
Fifanolorana eny anivon'ny Fokontany ho an'ny toerana sasany.

⚠ Raha mpividy ianao dia:
✅ Ataovy tsara aloha ny vérification.
✅ Aza mbola maika hividy aloha raha tsy mazava tsara ny tena tompony

⚠ Raha mpivarotra kosa dia :
✅ Soraty amin'ny anaranao ara-dalàna tsara aloha ny taratasy rehetra vao amidy.
✅ Hisy lanjany kokoa ny taninao
✅ Ary ho lafo amin'ny vidiny ambony kokoa izay mifanaraka aminy.

👉🏻 Inona indray no lohahevitra tianao horesahina manaraka ? Alefaso ao amin'ny commentaire 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny antontan-taratasy rehetra 😊

📍 Birao : Ambohidahy Ankadindramamy
☎ Agence MTR : +261 34 27 576 43

23/03/2026

INONA NO MAHA SAMY HAFA NY " ACTE SOUS SEING PRIVÉ " SY NY " ACTE AUTHENTIQUE " ? 🏡👇🏻

Matetika dia tena misy manafangaro izy ireto fa handeha ho fantarina indray ny tena maha samy hafa azy ...

__________

🛑 Inona ny atao hoe " Acte sous seing privé " ?

👉🏻 Io dia taratasy fifanarahana ataon’ny olona roa na maromaro ary atao fanamarinan-tsonia eny amin'ny Commune.
📌 Ohatra : Vente terrain ataon’olona samy olon-tsotra ( fifanarahana tsotra )

👉🏻 Araka ny lalàna Malagasy dia mila sonian’ny andaniny sy ankilany izy io . Manan-kery eo amin’ny mpanao sonia ihany
noho izany dia azo lavina mora kokoa raha sendra misy disadisa

👉🏻 Ny acte sous seing privée dia :
✅ Mora atao kokoa
✅ Mora ihany ny sarany
✅ Vita vetivety ary aingana

Fa kosa :
❌ Tsy azo antoka tsara
❌Mora ny manafoana azy
❌Tsy misy solony raha sanatria may na very na lena ilay taratasy.
❌ Tsy voatery ho eken’ny banky, fitsarana , sns...

🛑 Inona kosa ny hoe " Acte authentique " ?

👉🏻 Io dia taratasy ataon’ny Officier Public toy ny notaire na Délégué ary voasoratra anaty boky.
📌 Ohatra : Vente terrain amin’ny Délégué na Notaire
Donation ( acte officiel ).

👉🏻 Araka ny lalàna dia atao amin’ny fomba ara-dalàna sy voafehy izy io . Voasonia sy voamarina amin’ny Officier Public ary manana hery ara-dalàna matanjaka be.

👉🏻 Ny acte authentique dia :
✅ Azo antoka 100%
✅ Eken’ny fitsarana sy ny banky
✅ Manana hery " exécution directe " raha sanatria misy ny olana.
✅Afaka maka expédition hatrany na firy taona na firy taona aty aorina.

Fa kosa :
❌ Somary lafolafo ny sarany
❌ Maka fotoana kokoa

🛑 Azo avadika ho Acte authentique ve ny acte sous seing privée ?

👉🏻 Eny tompoko , azo avadika tsara raha manana acte sous seing privé ianao:
✅ Azonao atao tsara ny mitondra azy any amin'ny Officier Public dia manaraka ny torolalana izay omeny.
✅ Atao enregistrement na dépot
✅ Dia lasa acte authentique Ilay izy

👉🏻 Izany no atao mba:
✅ Hiantohana ny zo
✅ Hisorohana olana any aoriana
✅ Hampahazo “force légale” ilay taratasy.

➡️ Araka ny hevitray dia mampilamin-tsaina kokoa ny acte authentique.

👉🏻 Inona indray no lohahevitra tianao horesahina manaraka ? Alefaso ao amin'ny commentaire 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny antontan-taratra rehetra😊🙏🏻

📍 Birao : Ambohidahy Ankadindramamy
☎ Agence MTR : +261 34 27 576 43

16/03/2026

INONA NO TENA MAHA SAMY HAFA NY DONATION SY NY VENTE SOUS SEING
PRIVÉ ? 🏡👇🏻

Matetika misy fifangaroana rehefa miresaka famindrana fananana ( toy : ny tany, trano, na zavatra sarobidy ) ary misy olona sasany mieritreritra fa mitovy ny donation sy ny vente sous seing privé .

Handeha hojerentsika indray ary ny mahakasika izay ...

__________

🛑 Inona moa ny atao hoe Donation ?

1️⃣ Ny donation dia fanomezana fananana ataon’ny olona iray ho an’ny olona hafa maimaim-poana, izany hoe tsy misy vola takalony.
✅ Ohatra : Ray aman-dreny manome tany ho an’ny zanany.

2️⃣ Araka ny lalàna malagasy, ny donation dia tsy maintsy atao acte officiel eo anatrehan’ny Officier Public irery ihany (Notaire na Chef d'arrondissement administratif). Ary mila manaiky ilay omena.

3️⃣ Dingana sy ny antonta taratasy ilaina amin'ny donation:
✅ Acte de donation authentique
✅ CIN an’ny roa tonta miampy certificat de résidence
✅ Certificat de situation juridique (CSJ)
✅Plan
✅ Vavolombelona miaraka amin'ny CIN sy certificat de résidence. .
✅ Duplicata titre foncier na Kadasitra

👉🏻 Atao ny Autorisation de Transaction Immobilière
👉🏻 Enregistrement eny amin'ny Centre Fiscal
👉🏻 Mutation eny amin'ny Domaine

4️⃣ Tombotsoa avy amin' io dia :
✅ Tsy mila mandoa vola ny mpandray.
✅ Mora ampiasaina amin’ny fizarana lova mialoha.
✅ Manampy misoroka disadisa amin’ny fianakaviana amin’ny ho avy

5️⃣ Tandremo anefa fa :
❌ Tsy maintsy mandalo Officier Public vao manan-kery
Ary mila vitaina ireo dingana ara-dalàna rehetra.
❌ Misy saram-panjakana sy frais hatrany.
❌ Sarotra ovaina raha efa vita
❌Mila misoratra amin'ilay mpanolotra ny fananana izay tolorana
❌Didim-pitsarana irery ihany no entina manao annulation azy.

🛑 Inona koa ny hoe Vente sous seing privé ?

1️⃣ Ny vente sous seing privé dia fifanarahana fifampivarotana atao an-tsoratra izay hifanaovan'ny mpivarotra sy ny mpividy ihany.
✅ Midika izany fa ny roa tonta ihany no manao sy manasonia ny contrat ary
atao légalisation eny amin'ny Kaominina.
✅ Ny lanjan’ity acte ity dia ambany kokoa noho ny acte authentique satria mora ny manafoana(annulation)azy.

2️⃣ Dingana sy antonta taratasy ilaina amin'izany :
✅ Certificat de situation juridique raha Titre na Kadasitra
Fa Attestation de propriété kosa raha Karatany
✅Plan
✅Ireo taratasy hafa toy acte de décès,acte de notoriété, tombam-pananana, procuration na acte de partage enregistré raha lova no amidy nefa mbola tsy nahavita mutation par décès.
✅Na taratasy hafa mampifandray amin'ilay olona anaty certificat de situation juridique raha toa ka tsy izy mivantana no mpivarotra.
✅ Kadasitra na boky titre na Karatany.

👉🏻 Autorisation de Transaction Immobilière
👉🏻 Enregistrement eny amin'ny Centre Fiscal
👉🏻 Mutation amin’ny service des domaines
👉🏻 Bornage eny service Topographie raha ampahantany nahazoana fanavahana.

👉🏻 Amin’ny tranga sasany (toy ny fananana lafo be), tsy maintsy atao acte notarié fa tsy sous seing privé.

3️⃣ Ireo tombotsoa azo avy aminy io :
✅ Haingana sy tsotra kokoa
✅Eny amin'ny Kaominina dia vita.
✅Mora foanana(annulation)

4️⃣ Tandremo kosa anefa fa :
❌ Mety ho mora iadian-kevitra raha misy olana
❌ Tsy matanjaka araka ny lalàna toy ny acte authentique.
❌ Mety hiteraka olana raha sanatria tsy complet ny dossiers
❌Mora foanana(annulation)

Inona no lohahevitra manaraka mba tianao resahana eto amin'ny page ? Ataovy ao amin'ny commentaire 👇🏻

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana taratasy rehetra 😊

📍 Birao : Ambohidahy Ankadindramamy Tana V
☎ Agence MTR : +261 34 27 576 43

13/03/2026

Inona indray ny lohahevitra mba tianao horesahina manaraka ? 🏡👇🏻

11/03/2026

MISY FETRANY VE NY FANANAN-KERY NY PROCURATION ? 🏡👇🏻

Matetika isika no manome procuration rehefa tsy afaka manatontosa raharaha iray amin’ny tenantsika manokana. Fa maro no manontany hoe : misy ve ny fetran’ny fananan-kery ny procuration ?

Ndao horesahina ...
__________

🛑 Inona moa ilay hoe procuration ?

👉🏻 Ny procuration dia taratasy manome alalana olona iray (mpisolo tena) hanao raharaha na handray taratasy amin’ny anaran’ilay olona nanome fahefana (mpanome fahefana).

🛑 Misy fetrany ve ny faharetany ?

👉🏻 ENY
👉🏻 Mety misy fetrany arakaraka ny voalaza ao anatin’ilay procuration :
✅ Raha voafaritra ao ny daty fiafarany dia manan-kery hatramin’izay daty izay izy.
✅ Raha raharaha tokana no nanaovana azy (ohatra : handray pension, haka taratasy), dia tapitra ny heriny rehefa vita ilay raharaha.
✅ Raha tsy voafaritra ny daty dia 3ans iny no manakery raha tsy nampiasaina mihitsy.

⚠ Mila atao mazava tsara ao anaty procuration kosa anefa ny : raharaha hatao , ny anaran’ilay mpisolo tena , ny daty sy ny sonia

👉🏻 Inona indray no lohahevitra tianao horesahina manaraka ? Alefaso ao amin'ny commentaire ao 😊
__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny antontan-taratasy rehetra 😊

📍 Birao : Ambohidahy Ankadindramamy
☎ Agence MTR : +261 34 27 576 43

05/03/2026

NDAO RESAHANA INDRAY NY MOMBAN'NY PROCURATION 🏡👇🏻

🛑 Inona moa ny atao hoe Procuration ?

👉🏻 Ny procuration dia taratasy ara-dalàna izay manome fahefana olona iray (antsoina hoe mpisolo tena) hanao asa na hikirakira raharaha ho an'ilay olona nanome fahefana (mpanome fahefana).

Ohatra:

Fividianana na fivarotana tany na
Fikarakarana taratasy amin’ny fitsarana na
Fangalana vola na antontan-taratasy
Raharaha administratif isan-karazany

🛑Raha eto Madagasikara daholo ny manome sy ny omena dia tsotra ny fanaovana azy :

👉🏻 Mandeha manatona Commune na Officier public ny roa tonta na ilay mpanome ihany(raha tsotsotra ilay raharaha ilaina azy)
👉🏻 Atao enregistrement eny amin'ny Centre Fiscal iny mba hanakery.

🛑 Raha any ivelany ilay olona mpanome dia inona no tokony hatao ?

👉🏻 Raha any ivelan’i Madagasikara ilay mpanome fahefana dia manatona Notaire any na atao légaliséna any amin'ny la mairie na Ambasady na Consulat-n’i Madagasikara any an-toerana ilay procuration.
👉🏻 Dia alefa original tonga aty Madagasikara satria mila atao dépôt Notaire iny vao manakery.

🛑 Inona avy ireo antontan-taratasy ilaina ?

👉🏻 Miankina amin’ny raharaha atao izy io, fa amin’ny ankapobeny:
✅ Kopian’ny CIN na Pasipaoro
✅ Kopian’ny procuration voasonia sy voamarina
✅ Antontan-taratasy mifandraika amin’ilay raharaha (Certificat de Situation juridique, acte de vente, jugement, sns)

⚠ Tsy manankery ny procuration raha tsy voamarina ara-dalàna
⚠ Mety ho lavina raha tsy misy dépôt des signatures. .
⚠ Tokony hazava tsara ao anatin’ilay procuration ny fahefana omena (tsy atao ankapobeny loatra raha raharaha manan-danja).

👉🏻 Inona indray no lohahevitra tianao horesahina manaraka ? Alefaso ao amin'ny commentaire ao 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny antontan-taratasy rehetra 😊

📍 Birao : Ambohidahy Ankadindramamy
☎ Agence MTR : +261 34 27 576 43

27/02/2026

INONA MOA ILAY HOE PRESCRIPTION ACQUISITIVE ? 🏡👇🏻

Manana lanjany lehibe ny Fizakan-tany na prescription acquisitive satria izy no iray amin’ireo fomba ara-dalàna fangatahana tany sy ny zo amin’ny tany.

__________

🛑 Inona moa no atao hoe Prescription Acquisitive ?

👉🏻 Arakin'ny adininy faha 82 amin'ny didy hitsivolana laharana faha 60-146 tamin'ny 03 oktobra 1960 momban'ny fananantany , io dia fangatahana fizahan-tany nohon'ny fanamaintisa-molaly nandritran'ny 20 taona no mihoatra .

👉🏻 Io no fomba ara-dalàna hahafahan’ny olona mangataka tany iray rehefa ela nampiasainy sy nikarakarany nandritra ny fotoana maharitra, raha tsy misy sakana avy amin'ny tena tompony.

🛑 Inona no tena maha zava-dehibe azy io ?

✅ Manome fahafahana ho an’ireo izay efa niasa sy nikarakara tany nandritra ny fotoana maharitra.
✅ Tsy avela lava volo ny tany noho ny tsy fisian’ny fanarahan-dalàna na tsy fananana antontan-taratasy.

🛑 Inona avy ireo fepetra takiana amin’ny fangatahana Fizakan-tany na prescription acquisitive ?

✅ Ny mpangataka dia tsy maintsy Malagasy
✅ Tsy manana fifandraisana ara-pianakaviana amin’ny tena tompon’ilay tany.
✅ Efa nikarakara sy nampiasa ilay tany nandritra ny 20 taona farafahakeliny ka nitondra tena toy ny tompony.
✅ Tsy nisy nanelingelina

🛑 Inona avy ireo fepetra momba ilay tany ?

✅ Tany vita kadasitra na tany vita titra ireny ihany.
✅ Tany misoratra aman'olo-tsotra ihany.
Tsy azo atao fizakan-tany ireo tany misoratra amin’ny fanjakana.

🛑 Ireo fepetra momba ny fanajariana tany :

✅ Raha tany andrenivohitra: nanao construction :toy ny trano, tamboho, terrassement, sns...
✅ Raha tany ambanivohitra: nanao fambolena, fiompiana na, sns..

👉🏻 Any amin'ny Tribunal misy ilay tany no mampiditra io fangatahana fizakan-tany io.

👉🏻 Inona indray no lohahevitra tianao horesahina manaraka ? Alefaso ao amin'ny commentaire ao 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny antontan-taratasy rehetra

📍 Birao : Ambohidahy Ankadindramamy
☎ Agence MTR : +261 34 27 576 43

24/02/2026

AHOANA NO HAHAFANTARANA FA NISY DIDY MIAFINA NATAO ? 🏡👇🏻

Maro ianareo no nametram-panontaniana mikasika ny tohin'ilay didy miafina ka ho hezahinay valiana ato daholo ...

__________

🛑 Inona no atao hoe didy miafina ?

👉🏻 Ny didy miafina dia taratasy ara-dalàna ataon’olona iray (mpanana fananana) milaza mialoha izay olona handova na hahazo ny fananany ary tsy vakiana izany raha tsy efa maty izy.

👉🏻 Izany dia atao eo anatrehan’ny manampahefana (Officier public=>Notaire na Chef d'arrondissement administratif) mba hanan-kery ara-dalàna.

🛑 Ahoana no hahafantarana fa nisy didy miafina natao ?

👉🏻 Tsara marihina aloha fa tsy mitovy amin’ny didy tsotra ny didy miafina satria tsy mivoaka ho an’ny rehetra avy hatrany fa misy toerana voatokana .

👉🏻 Rehefa manao farimpananana ny mpandova , dia eo no tena hahalalana ny fisian’ny didy miafina satria mila mandalo commune, notaire, sns ...

🛑 Tsy hatahorana ve fa hahodikodina ilay didy miafina ?

👉🏻 Tsia raha ara-dalàna ny fomba nanaovana azy.

👉🏻 Rehefa napetraka tamin’ny fomba ofisialy eo anatrehan’ny Notaire, ary voasoratra ao amin’ny birao tokony handraisana an-tanana azy dia manan-kery ara-dalàna ny didy miafina.

👉🏻 Ny Notaire no mitahiry sy miantoka ny fahamarinany, ka tsy azo atao tsotsotra na hosoka raha tsy misy porofo mitombina.

🛑 Raha sendra maty aloha ilay Notaire nanampy de ahoana ?

👉🏻 Rehefa maty ny Notaire nanampy, tsy midika izany fa very ny didy miafina. Ny taratasy ara-dalàna rehetra (ankoatra ny notaire) dia voatahiry ao amin’ny Biraon’ny Notaire hafa na amin’ny farimpananana, ka azo jerena.

👉🏻 Ny mpandova na ny havana akaiky dia afaka mitondra ny taratasy rehetra (kopian’ny taratasy, acte de décès, sns) any amin’ny Notaire vaovao mba hikarakarana ny didy miafina sy ny farimpananana.

🛑 Iza no vavolombelona ilaina amin'ny fametrahana ny didy miafina ?

👉🏻 Olona roa (02) izay nahita sy niditra an-tsoratra ny didy miafina
👉🏻 Ny Notaire na mpanao taratasy ara-dalàna no mitantana ny antontan-taratasy
👉🏻 Raha mila fanamarinana ofisialy dia azo asiana vavolombelona miankina amin’ny Notaire sy ny fomba nanaovana azy

🛑 Inona avy ny taratasy ilaina rehefa hangataka ny didy miafina?

✅ Copie an’ny acte de décès (taratasy fahafatesana)
✅ Copie an’ny taratasy famantarana (CNI, carte d’identité)
✅ Taratasin’ny mpandova (listan’ny mpandova sy ny fampahalalana momba azy ireo)
✅ Ny nomeraon’ny fifandraisana sy ny toerana misy ny didy miafina raha fantatra
✅ Raha misy ditra hafa toy ny copian’ny fifanarahana ara-bola, fananana, sns — dia tokony entina koa

⚠ Ny didy miafina dia tsara atao raha mila mitahiry tsiambaratelo ny sitrapon’ny olona rehefa maty izy. Na izany aza, mila atao ara-dalàna foana izy io amin’ny Notaire na tompon’andraikitra ofisialy mba tsy hisy olana any aoriana

👉🏻 Inona indray no lohahevitra tianao horesahina manaraka ? Alefaso ao amin'ny commentaire ao 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia namanao amin'ny fikarakarana ny taratasy rehetra

📍 Birao : Ambohidahy Ankadindramamy
☎ Agence MTR : +261 34 27 576 43

19/02/2026

PLAN (SARINTANY) SY CERTIFICAT D'IMMATRICULATION ET DE SITUATION JURIDIQUE ( Fanamarinana Fananan-tany) 🏡👇🏻

__________

🔎 Inona ny PLAN na SARINTANY ?
Ny plan dia sarintany manamarika :

✅ Ny toerana misy ny tany
✅ Ny refin’ilay tany
✅ Ny fetra manodidina

👉🏻 Midika izany fa voasoratra anaty rafitra fotsiny ny tany fa tsy mbola manana Titre Foncier ianao.

🛑 Inona indray ny Certificat d'immatriculation et de situation juridique ?

✅ Taratasy manamarina ara-dalàna fa ianao no tompony.
✅ Manome fiarovana feno amin’ny fitakiana
✅ Ilaina raha hivarotra na hanao crédit, na hampanofa, raha sanatria misy litige, sns...

⚠️ Noho izany dia tsy afaka misaraka ny Plan sy ny Certificat d'immatriculation et de situation juridique ho tena manam-porofo fa ianao no tena tompony.

👉🏻 Inona indray no lohahevitra tianao horesahina manaraka ? Alefaso ao amin'ny commentaire ao 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia manampy anao amin'ny fikarakarana ny antontan-taratasy rehetra 😊

📍 Ambohidahy Ankadindramamy Tana V
☎️ Agence MTR :+261 34 27 576 43

16/02/2026

HANAO DIDY MIAFINA ? IRETO AVY NY DINGANA HARAHINA ? 🏡👇🏻

Maromaro ianareo no nanontany ka ho valianay eto izy androany fa vakio hatramin' ny farany :

__________

🛑 Inona no atao hoe didy miafina ?

👉🏻 Ny didy miafina dia taratasy ara-dalàna ataon’olona iray (mpanana fananana) milaza mialoha izay olona handova na hahazo ny fananany ary tsy vakiana izany raha tsy efa maty izy.

👉🏻 Izany dia atao eo anatrehan’ny manampahefana (Officier public=>Notaire na Chef d'arrondissement administratif) mba hanan-kery ara-dalàna.

🛑 Inona no tena maha zava-dehibe azy io ?

✅ Miaro ny zon’ny mpandova
✅ Manamora ny famindrana fananana
✅ Manaporofo sy fanatanterahana mazava ny fanirian’ny tompony talohan’ny nahafatesany.

⚠ Noho izany dia tena ilaina ny mahafantatra raha misy didy miafina napetraka tamin'ilay fananana iray, satria mety hisy fiantraikany amin’ny fahazoan-dalana sy ny fanoratana ny fananana izany.

🛑 Rahoviana no atao ny didy miafina ?

✅ Rehefa mbola velona sy salama saina tsara ilay olona
✅ Rehefa te-hizara mazava ny fananany mialoha
✅ Rehefa manana fananana (tany, trano, fananana ara-bola, fiara, sns …)

🛑 Ireto avy ny dingana harahina :

👉🏻 Fanomanana ny taratasy :
✅ Manangona ireo taratasy ilay. Ohatra:certificat de situation juridique, plan, sns....
✅ Milaza mazava ny fananana ho atao didy miafina
✅ Manomana kopia CIN.

👉🏻 Fanatrehana Officier Public
✅ Atao eo anatrehan’ny Officier Public irery ihany mba ho voasoratra ara-dalàna. Ary izy irery no mandrafitra sy mitahiry ny didy miafina

👉🏻 Fisoratana anarana sy fitahirizana
✅ Tehirizina ao amin’ny biraon’ny Officier Public ilay didy ary tsy azo avoaka raha tsy aorian’ny fahafatesan’ilay tompony.

⚠️ Tandremo kosa anefa , tsy azo atao ny didy miafina raha toa ka tsy salama saina ilay olona ary tsy maintsy manaja ny lalàna momba ny réserve héréditaire na ny zo fototra.

👉🏻 Inona indray no lohahevitra tianao horesahina manaraka ? Alefaso ao amin'ny commentaire ao 😊

__________

🔵🔴 Torohevitra maimaimpoana hatrany
🔵🔴 Ny Agence MTR dia manampy anao amin'ny fikarakarana ny antontan-taratasy rehetra 😊

📍 Ambohidahy Ankadindramamy Tana V
☎️ Agence MTR :+261 34 27 576 43

Mikarakara Taratasy Rehetra

28/03/2026

27/03/2026

24/03/2026

23/03/2026

16/03/2026

13/03/2026

11/03/2026

05/03/2026

27/02/2026

24/02/2026

19/02/2026

16/02/2026

Address

Telephone

Website

Alerts

Shortcuts

Share

Category