Association mitsinjo ny ankizy

21/10/2025

Nahatsiaro nanana adidy sy andraikitra izahay ato amin’ny Association Mitsinjo ny Ankizy (AMA) eto Moramanga, manoloana ny tranga nahazo zaza iray mila fandidiana maika any Antananarivo.

Noho izany, dia nitondra anjara biriky izahay ho fanampiana azy sy ny fianakaviany amin’izao fotoan-tsarotra iainany izao.

Na eo aza izany rehetra izany anefa, dia mbola ilaina hatrany ny fanohanana ara-bola, satria mbola mitohy ny fitsaboana sy ny fandaniana maro. Izany no antony anaovanay antso avo amin’ny vahoaka eto Moramanga sy izay rehetra tsara sitrapo, mba hanampy amin’ny endriny rehetra araka izay azo atao.

Ho an’izay tia hanampy manokana dia afaka miditra amin’ny hafatra miafina (message privé) mba hahazoana ny laharan-telefaonina ifandraisana amin’ilay ny fianakaviany.

Tsy hadino ihany koa ny fangatahana am-bavaka, mba ho tanteraka soa aman-tsara ny fandidiana sy ho tonga amin’ny fahasitranana tanteraka ilay zaza. 🙏

✨ “Sambatra kokoa ny manome noho ny mandray.”
— Association Mitsinjo ny Ankizy (AMA)

08/10/2025

Miarahaba tompoko,

Nahita ity ranty ity izahay ato amin'ny Mitsinjo ny Ankizy, nampian'ny ACM sy Handi'veil 60 ka tonga nitondra ny anjara biriky ho fanampiana azy dimy mianaka kely.
Marihina moa fa jamba ilay rangahy, sahirana izy ireo ary tsy manana fianakaviana. Kambana mianadahy kely ny Zaza ary samy latsaky ny 2kg, ary ramatoa nididy ka mbola tsy afaka mampinono.
Noho izany nanolotra Pre-Nursie 2 boaty, Biberon 1, akanjo sy lamban-jaza vaovao, ireo fanafody nilaina ary fanampiana voatsirambin'ny tanana ho azy ireo izahay.

📌 Ao amin'ny Hopitaly Moramanga - Pédiatrie no misy ny Zaza ho an'izay mbola te hanampy,
📌 Mbola ao amin'ny Maternité kosa no misy ny reniny.

Mirary soa sy fahasalamana ho azy mianakavy kely.

❤️💚"Sambatra kokoa ny manome noho ny mandray."??❤️

06/10/2025

Miarahaba antsika eto Moramanga sy ny manodidina😊
Ao amin'ny La Sagesse indray fotona antsika ihaona amin'ireto mpilalao tantara mahafinaritra be ireto isika🥰😍tongava maro gona fa hafinaritra be io a😍

Manantena anareo izahay amin’ity seho ity

30/11/2024

🩵🩵 Ny omalinay, andro mamy kely ho an'ny ankizy hafa kely 🩵🩵

Notanterahana omaly Zoma 29 Novambra 2024 teny amin'ny EPP Moramanga Ambony ny hetsika fampilalaovana, fampisakafoanana ary fizarana kilalao hoan'ireo ankizy hafa kely na "Autiste".
Izany hetsika izany dia niarahana tamin'ny Association Mitsinjo ny Ankizy Moramanga, Ny Association Action pour les Citoyens Malagasy ary ny Association handi'veil 60

Hetsika natao am-pitiavana avy amin'ny mpikambana izay olon-tsotra, tia mifanampy sy manolotra izay kely eo ampelatanana ho an'ny ankizy ❤️

Eto izahay dia maneho fankasitrahana tanteraka ny Associations telo nifanampy, ny Tale sy ny tompon'andraikitra rehetra ao amin'ny EPP Moramanga Ambony, Ny pejy Ny Ala nanolotra goûters ho an'ny ankizy, ary ireo izay nanohana na fampiantranoana, na ara-pitaovana na ara-bola.
Ary toraka voninkazo manokana ho an'i Madame Clarencia izay mpanabe be fitiavana mikolokolo ireo zaza autiste ireo. 💐💐

Mandray mpikambana hatrany izahay.
"Sambatra kokoa ny manome noho ny mandray."
A.M.A.

27/02/2024

Faly miarahaba atsika rehetra,
Tontosa antsakany sy andavany ny fizarana akanjo sy bonbon, biscuit, ary chocolat kely ho an'ireo zandry,zanaka izay hita fa tena marefo teo anivon'ny fokotany Ambarilava, secteur Bemasoandro ny 21/02/2024 teo .
Koa eto dia maneho fisaorana ho an'ireo izay rehetra nandray anjara t@izany hetsika izany.
Hisaorana:
-Ny Fokotany Ambarilava
-Ny polisim-pokotany ao Bemasoandro nitarika anay nitety trano t@andro mamay be iny
-Ireo rehetra izay nanolotra akanjo,vola,kilalao,kiraro ho zaraina.
-Ireo izay tonga nifantina sy nandamina ireo zavatra nozaraina ireo
-Ireo izay tonga nizara nandritra io fotoana io, tsy nahasaka atsika ny masoandro mamay❤️
-Irei izay nitondra ambavaka sy nanohana ara-kevitra sy ireo rehetra tsy voatanisa.
Mankasitraka tompoko😊🙏🙏

02/01/2024

Izahay ato Mitsinjo ny Ankizy dia faly miarahaba atsika tsirairay avy nahatratra ity taona vaovao 2024 ity.Engane ho taona feno fanambinana sy Fahasalamana ho atsika.Ary Ilay Nahary atsika anie hitantana atsika atao rehetra.❤️

07/08/2023

💥 Miarahaba daholo, Ny Association Mitsinjo ny Ankizy na AMA dia mikarakara hetsika, ho fanampiana, fanohanana ireo ankizy voafantina, afaka CEPE 2023 teo, izay avy ao amin'ny EPP Tsaralalana,
Ambatolampy ary Ankazobe.

💥Ka noho izany, dia misy ny collecte de fournitures scolaires, ary mangataka izay malalatanana, afaka manome, na kely na be izahay, entina hanampiana ireo zaza ireo.

💥Afaka miditra mivantana ato amin'ny pejy ihany koa ianareo, izay maniry na manana fahafahana ny amin'izany.

AMA ❤" Sambatra kokoa ny manome noho ny mandray"❤

21/06/2023

💥 TSARA HO FANTATRA 💥

Ny AMA na Association mitsinjo ny ankizy Dia fikambanana natsangana mba entina hanampiana ireo ankizy sahirana eto Moramanga,
👉Olontsotra avokoa ny mpikambana ao anatiny
👉Fikambanana tsy manao politika
👉Fikambanana tsy manana famatsiambola raikitra fa cotisation'ny mpikambana sy "tsipaipaika" Ary fitadiavambola(opérations madinidinika no entina manao ny hetsika rehetra
Ao koa ireo fanampiana isankarazany izay atolotry ny mpiara-belona maniry hanohana ny AMA
👉Misy ny fivoriana tsy arapotoana izay tanterahina matetika ka @ izay no hanapahana ny tokony hatao rehetra( tsy arapotoana satria mpiasa sy mpianatra n'y ankabeazan'ny mpikambana Dia alamina araky ny fandaharampotoana mety sy afahan'ny maro an'isa ny fotoampivoariana) izay eto Moramanga ihany .

21/06/2023

Miarahaba antsika rehetra 😊👋

🟩 Tontosa omaly 20 Jona 2023 ny hetsika fampisakafoanana ireo mpanala fanadinana CEPE hoan'ireo EPP 3 izay niandraiketan'ny Association Mitsinjo ny Ankizy : EPP Ambatolampy, EPP Ankazobe ary ny EPP Tsaralalàna. Ankizy miisa 254 no novatsian'ny AMA sakafo atoandro izay nitsinjara tamin'ireo foibem-panadinana roa : CEG Tsaralalàna sy CEG Moramanga ambony.

🟩 Nisy ihany koa ny famatsiana fitaovam-pianarana hoan'ny ankizy vitsivitsy notsongaina tamin'ireo ankizy ireo ho fiatrehany ny fanadinana.

🟩 Niezaka nanolotra am-pitiavana izay kely teo ampelatananay hatrany moa izahay mpikambana, ary mamy ery ny nampitsiky sy nanohana ireto zandry kely.
Eto izahay dia mialatsiny be dia be amin'ireo lesoka sy tsy fahatomombana satria manao zavatra moa tsy mora, ary vonona hatrany izahay hanarina sy hanao tsaratsara kokoa ho amin'ny manaraka.
Na nanano-sarotra aza ny fikarakarana, satria tena tianay ny manampy ankizy, dia vonona hatrany izahay hiezaka ho an'izy ireo araka izay tratranay 💚♥️

🟩 Mbola maro moa ny ezaka kasainay ho atao, koa raha misy mana-paniriana hanampy anay, na ara-pitaovana, na ara-bola, na hiditra ho mpikambana, na inona misy any aminao mba hanampiana ireo ankizy tena sahirana dia raisinay am-pitiavana foana izany ❤️❤️

✨Mirary ireo zandry kely rehetra mba ho afa-panadinana soa aman-tsara.✨

🟩 Isaorana be dia be ireo rehetra nanampy ny Association Mitsinjo ny Ankizy (AMA) sy ny Action pour les Citoyens Malagasy (ACM) nahatontosa ity hetsika ity : ny Scierie Dédé nanolotra ny kitay, ny Traiteur Anjooh Ny Ala sy ireo mpanohana rehetra nanampy tamin'ny fitadiavam-bola gâteaux fête des mères, ny EPP Ambatolampy, EPP Ankazobe ary EPP Tsaralalàna nanampy tamin'ny fikarakarana.

Hialana tsiny ho an'ireo izay tsy voatonona nefa tena nanampy be.

Hisaorana manokana sy mitafotafo ireo izay nampiantrano sy namatsy fitaovana t@nikarakarana ny sakafo. COLLEGE PRIVE LE SUCCES❤️

"SAMBATRA KOKOA NY MANOME NOHO NY MANDRAY."
AMA

12/06/2023

Association mitsinjo ny ankizy Moramanga 💚❤️

💚 Jereo izany fahasambaranay ! 🥹💚
Mamy be ho'aho ilay mizara tsiky amin'izay kely ananana 😊😁

Fotoam-pifaliana | Fizarana goûter | Fampilalaovana | Face-painting | Sakafo | Fizarana kilalao sy vatomamy

❤️"Sambatra kokoa ny manome noho ny mandray."❤️

Afaka miditra hafatra miafina izay maniry hiditra ho mpikambana 😊