Novatek

14/05/2026

၂၀၂၆ July မှာ သင်တန်းပီးစီးမယ့်
ဒီဇိုင်းကျောင်းသားတွေထဲကနေ
Live Life Scholarship ကို
ရွေးချယ်ချီးမြင့်မှာ ဖြစ်ပြီး
ဒါကဒုတိယနှစ်အနေနဲ့.. LiveLife က
ဆက်လက်ပံ့ပိုး ချီးမြှင့်ပေးတာဖြစ်ပါတယ်

🎓 𝐃𝐞𝐬𝐢𝐠𝐧𝐞𝐫 ဖြစ်ချင်တဲ့ လူငယ်တွေအတွက် အခွင့်အရေးကောင်းတစ်ခု…

𝐋𝐢𝐯𝐞 𝐋𝐢𝐟𝐞 နဲ့ 𝐍𝐨𝐯𝐚𝐭𝐞𝐤 𝐃𝐞𝐬𝐢𝐠𝐧 𝐒𝐜𝐡𝐨𝐨𝐥 တို့ပူးပေါင်းပြီး ဒုတိယအကြိမ် 𝐒𝐜𝐡𝐨𝐥𝐚𝐫𝐬𝐡𝐢𝐩 𝐏𝐫𝐨𝐠𝐫𝐚𝐦 ကို ထပ်မံစီစဉ်လိုက်ပါပြီ 🎉

𝐃𝐞𝐬𝐢𝐠𝐧 & 𝐂𝐨𝐧𝐬𝐭𝐫𝐮𝐜𝐭𝐢𝐨𝐧 𝐈𝐧𝐝𝐮𝐬𝐭𝐫𝐲 အတွက် မျိုးဆက်သစ် 𝐃𝐞𝐬𝐢𝐠𝐧𝐞𝐫 များ ပိုမို ပေါ်ထွက်လာစေဖို့ ရည်ရွယ်ပြီး ဒီ 𝐒𝐜𝐡𝐨𝐥𝐚𝐫𝐬𝐡𝐢𝐩 𝐏𝐫𝐨𝐠𝐫𝐚𝐦 ကို ထပ်မံ စီစဉ်ပေးတာ ဖြစ်ပါတယ်။

📝 𝟐𝟎𝟐𝟒 – 𝟐𝟎𝟐𝟓 ပညာသင်နှစ်တွင်
𝐏𝐞𝐫𝐟𝐨𝐫𝐦𝐚𝐧𝐜𝐞 အကောင်းဆုံး ရရှိခဲ့တဲ့ သင်တန်းသားတစ်ဦးကို သင်တန်းကြေး 𝟓𝟎% 𝐎𝐟𝐟 𝐒𝐜𝐡𝐨𝐥𝐚𝐫𝐬𝐡𝐢𝐩 အဖြစ် အောင်မြင်စွာ ချီးမြှင့်ခဲ့ပြီး ဖြစ်ပါတယ်။

📝 𝟐𝟎𝟐𝟓 – 𝟐𝟎𝟐𝟔 စာသင်နှစ်အတွက်လည်း
𝐏𝐞𝐫𝐟𝐨𝐫𝐦𝐚𝐧𝐜𝐞 အကောင်းဆုံး ရရှိတဲ့ သင်တန်းသား/သူ တစ်ဦးကို 𝟓𝟎% 𝐎𝐟𝐟 𝐒𝐜𝐡𝐨𝐥𝐚𝐫𝐬𝐡𝐢𝐩 ထပ်မံ ပေးသွားမှာ ဖြစ်ပါတယ်။

💡 အခုလို 𝐒𝐜𝐡𝐨𝐥𝐚𝐫𝐬𝐡𝐢𝐩 𝐏𝐫𝐨𝐠𝐫𝐚𝐦 က 𝐃𝐞𝐬𝐢𝐠𝐧𝐞𝐫 ဖြစ်ချင်တဲ့ လူငယ်တွေကို ပိုမိုကြိုးစားဖို့ တွန်းအားပေးနိုင်မယ်လို့ ယုံကြည်ပါတယ်။
အနာဂတ်မှာ 𝐃𝐞𝐬𝐢𝐠𝐧 & 𝐂𝐨𝐧𝐬𝐭𝐫𝐮𝐜𝐭𝐢𝐨𝐧 𝐈𝐧𝐝𝐮𝐬𝐭𝐫𝐲 အတွက် 𝐃𝐞𝐬𝐢𝐠𝐧𝐞𝐫 ကောင်းများစွာ ပိုမိုပေါ်ထွက်လာမယ်လို့လည်း 𝐋𝐢𝐯𝐞 𝐋𝐢𝐟𝐞 မှ ဆန္ဒပြုပါတယ် 🙏🏻

26/04/2026

ODD cafe
ကော်ဖီဆိုင်အတွက်Interiorကအရေးကြီးပါတယ်။
ဒီဆိုင်လေးကတော့ အဖြူရောင်ကော်ဖီဆိုင်လေး
လို့ ပြောနိုင်ပီး Soft curve တွေ နဲ့ နွေးထွေးတဲ့ သစ်သားပရိဘောဂတွေကို မော်ဒန်ဆန်ဆန် အချိုးညီညီ ပေါင်းစပ်ဒီဇိုင်းလုပ်ထားပါတယ်။
Minimal ဆန်ဆန် ရှင်းလင်းနေပေမယ့်.. လူငယ်တွေ နဲ့ ခပ်စိမ်းစိမ်းဖြစ်မနေပဲ..Emotionally Relate လုပ်လို့ရမယ့် Social Spot တစ်ခု ဖြစ်လာနေပါတယ်။
၁၉၇၀ကျော်က ဖက်ရှင် နဲ့ interior မှာ ခေတ်စားတဲ့ Motif လေးတွေ နဲ့ Impression ယူပီး retro ဆန်ဆန် ရှင်းရှင်းလေးဖန်တီးထားတာကတော့
Catchy ဖြစ်တယ် လို့..လာထိုင်တဲ့သူတွေ ပြောသွားစေတဲ့ ဒီဇိုင်းလျို့ဝှက်ချက်ဖြစ်ခဲ့တယ်လို့ ပြောရမလားပါပဲ

စမဖွင့်ခင်အထိ ဆိုင်နာမည်.. ‌‌ရွေးရင်းရွေးရင်းနဲ့
ဒီဇိုင်းမှာ သုံးပေးလိုက်တဲ့ shape တွေ အရ..ထင်ပါရဲ့..
ဆိုင်ရှင်ပေးလိုက်တဲ့ ဆိုင်နာမည်က
ODD cafe ဖြစ်ပါတယ်တဲ့

လူတွေ ကျ နေတဲ့ ကြားထဲ ဓာတ်ပုံဆရာ ခံစားပီး ရိုက်ကူထားသမျှ.. တစ်ပုံ မှ မချန်ပဲ တင်ပေးလိုက်ပါတယ်

Location -မန္တလေး
ဒီဇိုင်း-NOVATEK
Photos-CAI's Studio
Renovated Interior Project (2025)

17/04/2026

31/03/2026

Idea Development in Designing
လိုချင်တဲ့ ထုထည်တစ်ခုကို trapezoidal prism ပုံစံ ခေါင်မိုးနဲ့ နံရံတွေကို စဥ်းစားမိပါတယ်။ ရလာတဲ့ တြာပီဇီယံအတုံးကို စက္ကူမော်ဒယ်တစ်ခု ပြုလုပ်ပီး အတန်းထဲကို ယူလာပြချိန်မှာ.. အထဲက space ကို အဆောက်အဦဖြစ်အောင် ထပ်ပီး စဥ်းစား ခိုင်းပါတယ်။
အဲတာက ပထမ အကြပ်အတည်းပါ။

စဥ်းစားထားတဲ့ အရာကို အဆောက်အဦနဲ့ ပိုတူတဲ့ ပြတင်း texture စတာတွေ နဲ့ အရွယ်အစားကို ပေါ် လွင်စေမယ့် ဘေးပတ်ဝန်းကျင်ပါတဲ့ Perspective sketch ရေးဆွဲခိုင်းတဲ့ အခါမှာတော့.. ဖြည့်စွက်စဥ်းစားလာရတာက..ဘယ်လောက်အရွယ်အစား နဲ့ ဘယ်လို သုံးမလဲ ဘယ်မှာ အပေါက် ဖောက်မလဲ ..ဆိုတာတွေ ဖြစ်လာပါတယ်။
အဲတာက ဒုတိယ အကြပ်အတည်းပါ။

ဒါကို စဥ်းစားရင်.. ကိုယ်အိုင်ဒီယာတွေက အများကြီး ရှိနေပေမယ့် လက်တွေ့ ဖြစ်နိုင်အောင် လုပ်ဖို့ Productive & Practical Thinking ဘက်ကို ဒီဇိုင်းနာတယောက်က တွေးရတယ်ဆိုတာကို သိလာရပါတယ်။
နောက် အဲတာကို သရီးဒီမော်ဒယ် အကြမ်း ရေးဆွဲပီး တဆင့် develop လုပ်ချိန်မှာ.. ဆရာတွေက..အပြင်မှာ ဘယ်လို ဆောက်မလဲ.. တိုင်တွေကို ဘယ်လို နေရာမှာ ထားမလဲ.. မူလ ထုထည် အိုင်ဒီယာကို ဘယ်လို ဆက်ထိန်းမလဲ ဆိုတာကို ထပ်မံစဥ်းစားရပါတယ်။

အဲတာက တတိယ အကြပ်အတည်းပါ။
ပြတင်းတွေ.. တိုင်တွေ.. နဲ့သုံး မယ့် material တွေကို နောက်တဆင့် ထပ်မံစဥ်းစားချိန်မှာ Civil နဲ့ ကျောင်းပီးထားတဲ့ ကျွန်မအတွက်..ပိုမိုကောင်းမွန်ဖို့ အထောက်အကူပြုခဲ့ပါတယ်။
နောက်ဆုံးအဆင့်မှာတော့.. အတွင်းကို..အရောင်းပြခန်းလိုမျိုး..ပြခန်း တခုခုအဖြစ် သုံးမယ် ဆိုပီး
Conceptual Visualization ပြုလုပ်ကြည့်ချိန်မှာ ကိုယ်တိုင်ရော.. ဆရာတွေပါ ပထမအိုင်ဒီယာနဲ့ နီးစပ်ပီး လက်တွေ့ ဆန်တဲ့အထိ အိုင်ဒီယာကို...ပုံဖော်သွားရတဲ့ အတွေ့အကြုံကိုရပါတယ်။
ဒီ အဆင့် တွေ ကို အပတ်စဥ် ပြသခဲ့ရမှာ..၃-၄ ပတ်ခန့် အချိန် ရခဲ့ပါတယ်
တဆင့်နဲ့ တဆင့်ကြားမှာ.. bottle neck တွေ ကို ကျော်ဖြတ်နိုင်ဖို့.. စိတ်ဖိအားနည်းနည်းတော့ ခံရပါတယ်။
ရရှိတာက တော့.. ကိုယ့်စိတ်ထဲကရှိတဲ့ အိုင်ဒီယာကုန်ကြမ်း တွေကို.. ကောင်းမွန်တဲ့ အချောသတ် ရလဒ် တစ်ခုထွက်အောင်...အဆင့်ဆင့် စဥ်းစားရတဲ့ ဒီဇိုင်း ထုတ်ကြည့်ရတဲ့ အတွေ့အကြုံပဲဖြစ်ပါတယ်။

နွယ်နွယ်ဝင်း

23/03/2026

Architectural Articulation ဆိုတာကို. ကိုယ်အသုံးပြုမယ့် အကြမ်းထည်ထုထည်တစ်ခုကို.. အချိုး-ပြတင်း-ခေါင်ဒီဂရီ-တံစက်မြိတ်-စတဲ့..လိုအပ်တဲ့ဖြည့်စွက်ချက် တွေကို အရွယ်အစားကအစ လိုက်လျောညီထွေ ဖြစ်အောင် တီထွင် စဥ်းစားဖြည့်စွက်ရတဲ့ ပရောဂျက်တစ်ခုလို့မြင်ပါတယ်။
Plan ကနေ 3D Form, 3D form ကနေ ပိုပြီး
Fine တဲ့ treatment တွေ ပြုလုပ်ရတဲ့ ကြားအဆင့် လို့ ပြောနိုင်ပီး အလုပ်မှာ ကျောင်းမှာ ဆိုရင်..ဒီဇိုင်းနာတိုင်း လုပ်တတ် တွေးတတ် ရမယ့် အဆင့် ပဲဖြစ်ပါတယ်။
ဒစ္စနေးရဲတိုက်ပုံစံ Form နှင့် ရတနာပုံခေတ် Expression ပေါင်းစပ် အသုံးပြုမယ့် အချိန်မှာ.. ခေါင်တွေ ရဲ့ အနိမ့်အမြင့်ရေဆင်းတွေ တဆင့်ချင်း စုစည်းထားတဲ့ အင်္ဂါစဥ် လိုက်ဖက်မှုတွေကို ဆရာတွေနဲ့ ဆွေးနွေးရပါတယ်။
ရှိနေပီး ရိုးရာ ကမ္ဘာ့ မြန်မာ့ ပုံစံ တစ်ခုကို ပြန် လုပ်တာမဟုတ်တာ ကြောင့်လည်းပါပါတယ်။
ဒီအဆင့်မှာ.. handsketch တွေ နဲ့ပဲ.. ညှိယူခဲ့ပါတယ်။
ပထမ.. ရတနာပုံ နန်းတော်ပုံစံထုထည်ကနေ ဒစ္စနေပုံစံ ဖြည့်စွက်ချက်တွေ လုပ်ကြည့်တာမှာ.. မြန်မာ့ နန်းတော် မှာ ဥရောပ အလယ်ခေတ် က ပြတင်းတွေ ခေါင်မိုးတွေ နဲ့ ကြည့်ရတာ ကောင်းမွန်တဲ့
အသစ်ဖြစ်လာတယ်လို့ မခံစားရတဲ့ အတွက်..
ပြောင်းပြန်.. ဒစ္စနေ ရဲတိုက်ပုံစံထုထည်ကို ရတနာပုံ ခေတ် အနု စိတ် ဖြည့်စွက်ချက် တွေကို ပြန်လုပ်တဲ့ နည်းကို သုံးခဲ့ပါတယ်။

ဒီပုံက..
မြန်မာအငွေ့ အသက် နဲ့ ဒစ္စနေ ရဲတိုက်ပုံစံ ကို
ဖြည်းဖြည်းချင်း Blend လုပ်သွားတဲ့ ပရောဂျက် တစ်ခု ရဲ့
Hand sketch ကနေ စခဲ့တဲ့ Timeline ဖြစ်ပါတယ်။

အခြေခံ ထုထည် မှာ ရဲတိုက်ပုံစံ က ဥရောပဆန်ပေမယ့်
မြန်မာမှု ကနှုတ် နရီ ဇလာ ဒုရင် ပြသာဒ်များနဲ့ မွန်းမံ ကြည့်ထားတဲ့
ကျွန်တော့် ရဲ့ စိတ်ကူး သက်သက် ပရောဂျက်တစ်ခုဖြစ်ပါတယ်။

မြန်မာ အငွေ့ အသက်အပြည့်ပ ပါတဲ့ ဒစ္စနေ ကာတွန်းကားလေးတွေ ထွက်လာရင် ဘယ်လို မြင်ချင်လည်းဆိုတဲ့ ဆန္ဒကို .. ဆွဲကြည့်တဲ့ ပုံစံဖြစ်ပါတယ်။

Shine Ko Ko
Intake 13 Design School

20/03/2026

ခေါက်ဆွဲဆိုင်ကျောင်းပရောဂျက်-ဂျာနူးအောင်
မြန်မာ-ထိုင်း-တရုတ်-ဗီယက်နမ်-လာအို- ဂျပန်-ကိုရီးယား ဒေသတွေက ခေါက်ဆွဲ အရသာ အမျိုးမျိုးစားကြတဲ့ တိုင်းပြည်တွေ ဖြစ်ပါတယ်။
ကျွန်မတို့ မြန်မာပြည်မှာ.. ခေါက်ဆွဲဆိုင်ဒီဇိုင်း ဆွဲ မယ့် အိုင်ဒီယာဆို ဘယ်သူမဆို စိတ်ဝင်စားနိုင်တာမို့ အသုံးလည်းတည့် နိုင်တာမို့ ရွေးချယ် ဒီဇိုင်းလုပ်ခဲ့ပါတယ်။

ဒီဇိုင်း စမလုပ်ခင်..ဗီယက်နမ်နိုင်ငံ အနောက်မြောက်ဘက်ရှိ Sapa မြို့ရဲ့ ဗီယက်နမ်ရိုးရာ (Pho) ခေါက်ဆွဲဆိုင်များကို လေ့လာခဲ့ပါတယ်
Sapa မြို့ရှိ အိမ်များနှင့် အဆောက်အဦများက သဘာဝပတ်ဝန်းကျင်နှင့် ဆက်စပ်ချိတ်ဆက်ထားသော ရိုးရာဒီဇိုင်းစတိုင်များဖြင့် တည်ဆောက်ထားခြင်းများကို တွေ့ရတယ်။ လေ့လာရင်းနှင့် ဆိုင် တွေက
သေချာပြုလုပ်ထားသလို မထင်ရသော်လည်း site သေးသေးဖြင့် ဒေသရိုးရာ အစားအသောက်နှင့် လူနေမှုများကို ထင်ရှားစွာ ဖော်ပြနိုင်သော ဆွဲဆောင်မှုတစ်ခု ရှိကြောင်း သိရှိလိုက်ရပါတယ် ။ (ပုံ-၁)
တဖက်ကလည်း ကျောင်းကပေးထားတဲ့ ကျဥ်းမြောင်းတဲ့ မြေကွက်တစ်ခုမှာ ဆိုင်ဖွင့်ဖို့ ဘယ်လိုအချက်တွေ စဥ်းစားသင့်သလဲဆိုတာ ရှင်းပြဖို့ ရှာဖွေလေ့လာခဲ့ပါတယ်။

အဲဒီ..အချက်များကို ကိုးကား၍ (15’ x 60’) ခန့်ရှိသော site အတွက် ခေါက်ဆွဲဆိုင်တစ်ခုကို ခေါက်ဆွဲ အမျိုးအမည်စုံ စားတဲ့
ရှေ့တောင်အာရှ ဒေသရိုးရာ လွှမ်းမိုးမှုများဖြင့် ဒီဇိုင်းရေးဆွဲခဲ့ပါတယ်။ Sapa က ဆိုင်လေးတွေကို Inspiration လည်း ယူဖို့ လုပ်ရပါတယ်။

ပထမမြင်သာတဲ့ အချက်အနေဖြင့် open layout ဖြင့် စီစဉ်ထားသော လူ ၄၀ ခန့် ဆန့်တဲ့ Seating ဝိုင်းများ၊ ခေါင်မိုးမြင့်မြင့်နှင့် သစ်သား၊ ဝါးစသည့် ဒေသထွက်ပစ္စည်းများကို အသုံးပြုထားသော စားသောက်ဆိုင်တစ်ခုအဖြစ် တွေ့မြင်နိုင်ပါတယ်။
(ပုံ-၂၊ ပုံ-၃)
သို့ရာတွင် နီးကပ်စွာကြည့်ရှုပါက ရိုးရာ pattern များကို identity အဖြစ် ပရိဘောဂများနှင့် material texture များတွင် ထည့်သွင်းအသုံးပြုထားပါတယ်။

ပြင်ဦးလွင်၊ ကလောမြို့များနှင့် ဆင်တူသော ရာသီဥတုရှိသည့် ဒေသတွင် ဆောက်လုပ်ရန် ရည်ရွယ်ထားပြီး မုတ်သုံရာသီ၏ မိုးရာသီ အငွေ့အသက်ကို မသိမသာ ခံစားရစေရန် ဖန်တီးထားပါသည်။ အလင်းရောင်ဝင်နိုင်သော ပြတင်းပေါက်များနဲ့ သွတ်ပြားအကြည်ကို အလယ်ခေါင်မှာ မိုးစေပီး
အရွက်ဖားဖားရှိသော သစ်ပင်များနှင့် ခပ်ကြမ်းကြမ်း concrete နံရံများ၊ သစ်သားပေါ်သို့ ကျရောက်သော အလင်းအရိပ်များသည် cozy tropical vibe တစ်ခုကို ဖန်တီးပေးထား ပါတယ်။

အဓိက focal point အဖြစ် တဲပုံစံ အလယ်ဗဟို space တစ်ခုကို ဖန်တီးထားပြီး အပေါ်နှင့် အောက်ထိုင်ဝိုင်းများကို ချိတ်ဆက်ပေးသည့် လှေကားကို မြင့်မြင့်မားမား entrance နှင့် ပေါင်းစည်းထားပါတယ်။
Steel structure frame များကို မဖုံးကွယ်ဘဲ ထားရှိပြီး အချို့နေရာများတွင် အလင်းရောင်ကျရောက်စေခြင်းအားဖြင့် ပိုမိုပွင့်လင်းစိတ်လှုပ်ရှားစေသော spatial experience တစ်ခုရရှိစေရန် ရည်ရွယ်ပါသည်။
ပထမ စတင်စဥ်းစားတဲ့ Structure အဆင့် လည်းဖြစ်ပါတယ်။

ထိတွေ့မှုများအနေဖြင့် ဆန် ဂျုံခေါက်ဆွဲ၏ အရသာနှင့် ဆက်စပ်နိုင်ရန် ကြိမ်၊ ဝါး၊ ယင်းလိပ်စသည့် natural materials များကို အသုံးပြုထားပါသည်။ Greenery များနှင့် မြေသားရောင် concrete ကြမ်းခင်းများ၊ နွေးထွေးသော မီးအလင်းများကလည်း homemade noodle menu များကို အဆင်ပြေစွာ စားသောက်နိုင်သော နေရာတစ်ခုအဖြစ် ဖန်တီးပေးပါသည်။

Custom furniture မှစ၍ Interior နဲ့ Architecture Drawing Set များအထိ ပြင်ဆင်ရေးဆွဲကာ ပရောဂျက်တင်ထားပါတယ်။

Jar Nu Aung
13 Intake
Novatek Design School

10/03/2026

Portfolioစာမျက်နှာတွေနဲ့အတူ..ပြောချင်တဲ့သတင်းစကားလေး ၂ခုရှိပါတယ်..
ပထမပိုင်းက Founder တယောက်ရဲ့ အတွေ့ အကြုံပါ။
ဒီဇိုင်း စတူရီယိုနဲ့ သင်တန်းကျောင်း ၂ မျိုး လုံးကိုတွဲပီး
၂၀၁၀ ဒီလိုအချိန်ကစလို့ ၁၆ နစ်လောက် Run ပီးတဲ့အခါမှာ..
ကိုယ့်ရဲ့ အာရုံစိုက်မှုက.. ပရောဂျက်တွေတင်မကပဲ
မျိုးဆက်သစ် ဒီဇိုင်းနာတွေ Grow ဖြစ်လာဖို့
အတွေ့အကြုံတွေရနိုင်ဖို့
သင်ပေးပြီးရင်..အလုပ်လုပ်နိုင်ဖို့
အခွင့်အရေးတွေကိုပါ
အတူတကွ တည်ဆောက်ခဲ့ရတာမျိုးဖြစ်ပါတယ်။
ကျောင်းပါ တွဲနေတာကြောင့်လည်း ဖြစ်မယ်။

ဒါက အချိန်ကြာလာတာနဲ့ အမျှ
ဒီဇိုင်းလုပ်တဲ့ အလေ့အကျင့်ရနေတဲ့သူတွေ..
ဒီဇိုင်း အယူအဆတွေ
အလုပ်အကိုင်သစ်နဲ့ Trend အသစ်တွေ
ဖြစ်ထွန်းလာဖို့ အတွက် ပလက်ဖောင်းတခုကိုပါ တည်ဆောက်နေသလို ဖြစ်လာခဲ့ပါတယ်။

နိုဗာတက်ဆီကို လူတွေကတော့ အသစ်ဝင်လာလိုက်.. ပြန်ထွက်သွားလိုက်..ပါပဲ..
ဒါပေမယ့် တဦးချင်း ဆက်ရှိနေဆဲ ဆိုတာထက်
နှစ်အဆက်ဆက် လက်ဆင့်ကမ်း တည်ဆောက်ခဲ့ကြတဲ့ Novatekကတော့
အသိုက်အမြုံလေးတစ်ခုအဖြစ် ကျန်ရှိနေဆဲပါပဲ။

Novatek မှာ အနည်းဆုံး ၃ နှစ်လောက် အလုပ်လုပ်ခဲ့သူတွေကတော့ ဒီ Eco System ရဲ့ တစိတ်တပိုင်း ဖြစ်ခဲ့ပါပီ..။
ခေတ်အဆက်ဆက် အခက်အခဲ အကွေ့အကောက်..
အတက်အဆင်းတိုင်းမှာ..ရှိနေခဲ့ကြတဲ့ တဦးချင်းဆီကို သတိရလျက်ရှိပါတယ်။
ကျောင်းတက်ပီး Novatek မှာပဲ career life ကို စခဲ့တဲ့သူတွေ ရှိသလို ကိုယ်ပိုင် အလုပ်တွေလုပ်နေကြတဲ့ Alumni တွေက Novatek ရဲ့ Network တွေပဲ ဖြစ်ပါတယ်။

ဒုတိယ သတင်းစကားက တော့.. နောက်အနာဂတ်မှာ..
မျိုးဆက်သစ် Design & Or Teaching ကို ရူးသွပ် စိတ်ဝင်စားတဲ့ ပရော်ဖက်ရှင်နယ်များကို ကမ်းလှမ်းဖိတ်ခေါ် မှု ဖြစ်ပါတယ်။
Collaborated Project တွေ နဲ့ Educational Activities တွေကို Team ထဲမှာ အချိန်ပိုင်း ဖြစ်ဖြစ် အချိန်ပြည့် ဖြစ်ဖြစ် မိမိရဲ့ Skilled တွေ Talent တွေနဲ့ ပူးပေါင်းအလုပ်လုပ်နိုင်ဖို့ ဖြစ်ပါတယ်။

Novatek ရဲ့ လျှောက်လာခဲ့တဲ့ လမ်းကြောင်းကို သိပြီးဖြစ်လို့.. ပိုမိုကောင်းမွန်တဲ့ collaboration တွေ
ဦးဆောင်သူတွေ ပေါ်ထွက်ဖြစ်ထွန်းလာမယ်လို့
မျှော် လင့် ထားပါတယ်။

အောင်ဇော်မင်း
တည်ထောင်သူ
Novatek

05/03/2026

01/03/2026

Prototypical form သည် လူနေထိုင်လို့ရသော space တခုကို..အငယ်စား တည်ဆောက်ကြည့်ခြင်းလို့ပြောနိုင်ပါသည်
( space enclosure structure furniture information light expression စတဲ့..spacial elements များထဲ..
Furniture လောက်ပဲကျန်မယ့် ပရောဂျက်ဖြစ်ပီး
Contemporary thinking အားကောင်းဖို့ရည်ရွယ်တော့.. ကလပ်စစ်တွေ ပြန်မလုပ်စေတော.)
ခုပ ရောဂျက်အပါအဝင်..တည်ဆောက်ကြည့်တဲ့ ပရောဂျက် မျိုး ၂ ခု ပထမ semester မှာသူတို့လုပ်လိုက်ရသည်။ ပထမတခုကတော့..expressionial contemporary shelter/pavilion တခုဖြစ်ခဲ့သည်..

ဒီအင်တိတ်မှာ..
၆လအတွင်း..ပရောဂျက်ဘယ်နှခုလုပ်ပီးပီလဲ
ရေ တွက် ထားတဲ့သူရှိပါသလား?
၅ ခု လောက်..ရှိမယ်ထင်တယ်..

နှစ်ခုလုံးသည်.. Prototype model ချိုးယုံနှင့်မပီးသွားပါ။
ယခုမော်ဒယ်ကို.ခေါင်းထဲကထုတ်မပစ်သေးပဲ.sketchup modelling တွင် develop ပြန်လုပ်ရင်း autoCAD နှင့် functionနှင့် တည်ဆောက်မှုအခက်အခဲများကို ဖြေရှင်းပြသရမည်ဟု
training manager မှတဆင့် ကြေညာလိုက်သည်။
၄င်းသည် ပရောဂျက် နံပါတ်..(..)?

Model ထွက်ရင် စတူရီယိုမှာ ဆရာမကခိုင်းတာ ပီးပြီထင်သော..ကျောင်းသားများအတွက်..ဟင် ဟာ ဖြစ် ကုန်တတ်သည်။
ကိုယ့်ဇာတ်ကိုပီးအောင်ကရမည်ပေါ့..
လုပ်ငန်းခွင်ကျ ဒီလောက်စဥ်းစားခွင့်မရ
အလုပ်ပိရငိ XyZ ထဲ မှာ ဖိဆွဲနေရတတ်တာမို့
စဥ်းစားတတ်တဲ့အကျင့်..လိုတယ်ထင်ပါသည်

ပုံထွက် Result ဦးစားပေးထက်
Practice ဦးစားပေး လုပ်ခြင်း အတွေ့အကြုံကောင်းကို
နောင်တချိန်တွင်..နားလည်လာမည်လို့
ဆရာဆရာမများက ထင်မြင်မိပါသည်

Novatek Design School
မန္တလေး

27/02/2026

Making Snow Palace Hotel