https://www.facebook.com/101662829486567/

A2L- Home Builders Construction & Decoration, Pauckchaung, Mogaung (2026)

06/02/2024

အိမ်ဆောက်တဲ့အခါ🏡🏡 သိထားသင့်တဲ့...

✅ဘိလပ်မြေ၊ အုတ်၊ သဲကျောက် တွက်ချက်နည်း
✅သံချောင်းတွက်နည်း
✅ ဘိလပ်မြေတွက်နည်း
✅ရေဝင်ဆန့်တွက်နည်း
✅အုတ်စီခြင်း ခန့်မှန်းကုန်ကျမည့် စာရင်းတွက်နည်းများကို ဗဟုသုတအနေနဲ့ မျှဝေပေးလိုက်ပါတယ်။

↔️ဘိလပ်မြေ၊ အုတ်၊ သဲကျောက် ခန့်မှန်းကုန်ကျမည့်
စာရင်းအကြမ်းတွက်ချက်နည်း

မြန်မာပြည် ဆောက်လုပ်ရေးမှာ ကျင်းနဲ့ပြောကြပါတယ်။
⏺️ကုဗကျင်း
⏺️စကွဲယားကျင်း ဆိုပြီးရှိပါတယ်။

⏺️ကုဗကျင်း

ကုဗကျင်းက အလျား အနံ အမြင့် ၃ ခု မြှောက်တာပါ။
၃ ခုမြှောက်လို့ ၁၀၀ ရရင် ၁ ကျင်းပါ။
၅၀ ဆို ကျင်းဝက်၊ ၂၅ ဆို ကျင်းတစ်မတ် စသဖြင့်ပါ။

ကုဗကျင်းကို...
-၉ လက်မနဲ့အထက် အုတ်စီခြင်းတို့
-ကွန်ကရစ်လောင်းခြင်းတို့
-မြေကြီးတူးခြင်းတို့မှာ အများဆုံးသုံးပါတယ်။

ရှိသမျှအလျားအနံအမြင့်တွေ လိုက်မြှောက် ပေါင်းလိုက်ရင် ကုဗကျင်းထွက်လာပါပြီ။ မြေကြီး၁ ကျင်းဆို ၁၀ပေပတ်လည် ၁ ပေ အနက် ရှိရပါမယ်။

🔸1:3:6 အချိုး ကွန်ကရစ်
ဘိလပ်မြေ ၁၃ အိတ်ခန့်၊ သဲကျင်းဝက်၊ ကျောက် ၁ ကျင်း
🔸1:2:4 အချိုး ကွန်ကရစ်
ဘိလပ်မြေ ၁၈ အိတ်ကျော်ခန့်၊ သဲကျင်းဝက်၊ ကျောက် ၁ ကျင်း
🔸1: 1-1/2 အချိုး ကွန်ကရစ်
ဘိလပ်မြေ ၂၅ အိတ်ခန့်၊ သဲကျင်းဝက်၊ ကျောက် ၁ ကျင်း
🧱အုတ်ဖိနပ်တွေမှာ အသုံးများတဲ့ ၉ လက်မအထက် အုတ်စီခြင်း
ကုဗတစ်ကျင်းဆို ၁၃၅၀ လုံးဘိလပ်မြေကတော့ သုံးတဲ့အချိုးမှာမူတည်ပါတယ်။ အများသုံးတဲ့ 1:4 အချိုးဆို ဘိလပ်မြေ ၆ အိတ်နီးပါး။ သဲ ၂၈ ကျင်းတစ်မတ် သာသာလောက်။

⏺️စကွဲယားကျင်း

စကွဲယားကျင်းက အလျားနဲ့အနံ ပဲမြှောက်ပြီး ၁၀၀ ဆို ၁ ကျင်း။
စကွဲယားကျင်းကို...
-၄လက်မခွဲ အုတ်စီခြင်း
-ဆေးသုတ်ခြင်းတို့
-အမိုးမိုးခြင်းတို့
-ကြွေပြားကပ်ခြင်းတို့မှာ သုံးပါတယ်။

🧱နံရံတွေမှာ အသုံးများတဲ့ ၄.၅ လက်မ အုတ်စီခြင်း
အုတ် ၅၅၀ လုံး 1:4 အချိုး ဘိလပ်မြေ 2.7 အိတ်
သဲ .11 ကျင်း

🔴သံချောင်းတွက်နည်း

သံချောင်းတစ်ချောင်းဟာ ဆိုက်မှန်ပါက ပေ ၄၀ ၁၂ မီတာရှိရပါတယ်။ သို့ပေမယ့် ၃၉ပေ ၆ လက်မလောက်ဆို မှန်တယ်ပြောရပါမယ်။ ဘာမားဖြစ်ကတော့ အတိအကျပြောလို့ မရပါဘူး။

တစ်တန်မှာရှိရမယ့် အချောင်းရေက -
10 မီလီ ၃မူး ( 3/8) မှာ ပေ၄၀ အရှည် ၁၃၅ ချောင်း
12 မီလီ ၅မူး ( 1/2) မှာ ၈၈ ချောင်း
16 မီလီ ၆မူး ( 5/8) မှာ ၅၃ ချောင်း
20 မီလီ ၃မတ် (3/4) မှာ ၃၃ ချောင်း
25 မီလီ ကျပ်လုံးမှာ (1) မှာ ၂၁ ချောင်းရှိပါတယ်။

🔴ဘိလပ်မြေတွက်နည်း

ဘိလပ်မြေ (၁) အိတ်ဟာ ၅၀ ကီလိုလေးပြီး အိတ်(၂၀) ဟာ ၁ တန်ပါ။
သံချောင်းတွေဆက်ဖို့လိုရင် တိုင်တွေမှာ အနည်းဆုံး အဆ ၄၀ ထပ်မိနေစေ ရပါမယ်။ ထုပ်တွေ ယက်မတွေမှာတော့ အဆ ၆၂ လောက်ထိသုံးတတ်ပါတယ်။ ခိုချင်ရင်တော့ ၅၀ဆလောက် ဆို ရလောက်ပါတယ်။ အခုနောက်ပိုင်း မီတာနဲ့သုံးလာပါတယ်။ ဆက်သွယ်ချက်က ၁မီတာ 1M မှာ ၃ ပေ ၃ လက်မ ၃ မူးရှိပါတယ်။ လက်သမားနဲ့ ယှဉ်ပြောလို့ရတဲ့အခေါ်ပါ။

1 M မီတာ= 3.281 ပေ
1 လက်မ= 25.4 mm မီလီမီတာ
1 ( 1m X 1m) မီတာ စကွဲယား= 10.78 ပေစကွဲယား
ကွန်ကရစ် 1 (1mX 1mX 1m) မီတာကျု = 35.32 ကုဗပေ Cuft

🔴ရေဝင်ဆန့်တွက်နည်း

ရေကန်တစ်ခု ရေဂါလံ ဘယ်လောက်ရှိလဲတွက်ချင်ရင်၁ကုဗပေမှာ ၆.၂၄ ဂါလံရှိပါတယ်။
အလျား အနံ အမြင့် တစ်ပေစီရှိတဲ့ ပုံးတစ်လုံးဟာ ရေ ၆.၂၄ ဂါလံဆန့်ပါတယ်။ ဒါကြောင့် ၆ပေအလျား ၄ ပေအနံ ၃ ပေ အမြင့်ရှိတဲ့ရေကန်ဟာ 6 X 4 X 3 X 6.24= 449.28 ရေ ၄၅၀ ဂါလံဆန့်ပါတယ်။ ရေတစ်ဂါလံ ၁၀ ပေါင်လေးလို့ ၄၅၀၀ ပေါင်လေးပါတယ်။
၂၂၄၀ ပေါင်= ၁ တန်လေးလို့ ၂ တန်လောက် အလေးချိန်ရှိပါမယ်။ ရေကန်ကို အပေါ်မှာ ထားရင် Dead Load ဝန်သေ ၂ တန်ကို ခံနိုင်အောင် သံချောင်း ကော်လံတိုင် ဆိုဒ်ကို သုံးရပါမယ်။
1 ဂါလံမှာ ၄.၅၄၆ လီတာရှိပါတယ်။ အခုနောက်ပိုင်း စတီးရေတိုင်ကီတွေကလီတာနဲ့ ပြထားတတ်လို့ ပြန်တွက်ကြည့်လို့ရပါလိမ့်မယ်။

🔴အုတ်စီခြင်း ခန့်မှန်းကုန်ကျမည့်စာရင်းတွက်နည်း

🧱လေးလက်မခွဲ ဆယ်ပေပတ်လည် အုတ်စီခြင်းလုပ်ငန်း
၁၀၀ စတုရန်းပေနှုန်း

➢ အုတ် ၄၀၀ လုံး
➢ ဘိလပ်မြေ ၃ အိတ်
➢ မြစ်သဲ ၁၀ ကုဗပေ

🧱၉ လက်မအုတ်စီခြင်းလုပ်ငန်း ၁၀၀ စတုရန်းပေနှုန်း

➢ အုတ် ၇၅၀ လုံး
➢ ဘိလပ်မြေ ၅.၅ အိတ်
➢ မြစ်သဲ ၁၀ ကုဗပေ

🧱၁:၂:၄ ကွန်ကရစ် တစ်ကျင်နှုန်း

➢ ဘိလပ်မြေ ၁၉ အိတ်
➢ မြစ်သဲ ၄၉ ကုဗပေ
➢ မြစ်ကျောက်စရစ် ၉၂ ကုဗပေ

🧱၁:၃:၆ ကွန်ကရစ် တစ်ကျင်နှုန်း

➢ ဘိလပ်မြေ ၁၃ အိတ်
➢ မြစ်သဲ ၄၆ ကုဗပေ
➢ မြစ်သဲကျောက်စရစ် ၉၆ ကုဗပေ

မှတ်ချက်။ ။
၁ ကုဗပေ = အလျား ၁ ပေ x အနံ ၁ ပေ x အမြင့် ၁ ပေ
သဲတစ်ကျင်း = အလျား ၁၀ ပေ x အနံ ၁၀ ပေ x အမြင့် ၁ ပေ = ၁၀၀ စတုရန်းပေ
သဲတစ်ကျင်း = ၁၀၀ ကုဗပေ။

👉စိတ်ကြိုက်Design ဆွဲပြီးဆွေးနွေးခြင်းကနေစလို့ Construction ပိုင်းထိသာမက အတွင်းပိုင်း Interior Decorations တွေကို ပါ
One Stop Service နဲ့ လုပ်နိုင်မဲ့
A2L-Home Builders Construction & Decoration မှ အကောင်းဆုံး ဝန်ဆောင်မှုနဲ့ သင့်စိတ်ကူးထဲကအိမ်ကလေးကို ပုံဖော်ဖန်တီးပေးဖို့ အသင့်ရှိနေပါပြီနော်…

☎️09794258035
☎️09794258035
ပေါက်ချောင်း-၁/မိတ္ထီလာမြို့

to original writer
#အိမ်ဆောက်ချင်သူများ #အိမ်ပုံစံလှလှလေး #အိမ်အတွင်းပိုင်းအလှဆင်ခြင်း
#မိတ်ထီလာ #သာစည် #ရမည်းသင်း #ရွှေညောင် #ညောင်ရွှေ #တောင်ကြီး

21/01/2024

ပိုမိုကောင်းမွန်တဲ့ Lifestyle (နေထိုင်မူပုံစံ )ကိုရရှိစေဖို့ Interior Designer (အတွင်းပိုင်းဒီဇိုင်နာ) တွေနဲ့ ဘာကြောင့် Design အရင်ဆွဲသင့်သလဲ ....?

💥 အတွင်းခန်းတစ်ခုကိုပြင်ဆင်တယ်ဆိုတာဟာ လှပမှုဆိုတာထက် ပိုပြီးအခြေခံကျတဲ့အရာကတော့ အဲ့ဒီအခန်းကိုအသူံးပြုမဲ့သူ သွားလာလှုပ်ရှားလို့အဆင်ပြေအောင်ရယ် ရှိသင့်ရှိထိုက်တဲ့အတိုင်းတာတွေရှိစေဖို့ လေဝင်လေထွက် နဲ့ အလင်းရောင်ကောင်းကောင်းရစေဖို့...စတာတွေပါ။

💥 ကိုကိုယ်တိုင်လုပ်မယ်ဆိုရင် အဲ့ဒီအချက်တွေအားလုံးကို စဉ်းစားဖို့ဆိုတာဟာ မလွယ်ကူလှပါဘူး Designer တွေအနေနဲ့ကတော့ အဲ့ဒီအကြောင်းအရာတွေကိုသေချာသင်ကြားထားတာဖြစ်တဲ့အတွက် ပိုမိုကောင်းမွန်တဲ့အရာတွေကိုပေးမှာဖြစ်တဲ့အတွက်သင့်အိမ်ခန်းလေးကို အသုံးပြုရအဆင်ပြပြီး
smart ကျလှပမူကို ရရှိစေပါတယ်။

💥 အဲ့ဒါအပြင်ကိုယ့်အခန်းတစ်ခုကို ပြင်ဆင်တဲ့အခါမှာ အဲ့ဒီအခန်းကို ရောက်တာနဲ့ဘယ်လိုခံစားမှုမျိုးကို ခံစားရအောင် ဘာအရောင်တွေသုံးမယ် ဘာပစ္စည်းတွေသုံးမယ်ဆိုတာကအစ သေချာ ပြုလုပ်ပေးနိုင်တာဖြစ်လို့ စိတ်ချမ်းသာမှုကိုရစေပါတယ် ။

💥ဒါ့အပြင်ကို ကိုယ့်မိတ်ဆွေအပေါင်းသင်းတွေလာတဲ့အခါမှာလည်း ကိုယ့်‌Lifestyle (နေထိုင်မူပုံစံ)ကိုသ‌ဘောကျအားကျတာတွေကိုခံစားရမှာပါ။ ကို့အိမ်ခန်း‌ လေးက စိတ်ကိုလန်းစန်းစေပြီး smart ကျလှပနေရင် သီးသန့်အပန်းဖြေသွားနေစရာ မလိုတော့တဲ့အထိ ပြည့်စုံနေမှာပါ။

🏡🏡ခိုင်ခံ့လှပ smartကျ ခေတ်မှီတဲ့ပရိဘောဂနဲ့ အိမ်တွင်း ဆိုင်တွင်း /ကျောင်းတွင်း/ ရုံးတွင်းအလှဆင်ဖို့လိုအပ် တယ်ဆိုရင် -Home Builders Construction & Decoration က အသင့်ရှိနေပါတယ်နော် ။

ရရှိနိုင်တဲ့ ဝန်‌ဆောင်မှုတွေကတော့
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
👉🏻 Interior Decoration
👉🏻 Renovation
👉🏻 Modern Furniture
👉🏻Design & Build
"One Stop Service " ၀န်ဆောင်မူပေးပါတယ်။

One Stop Service အတွက်ဆို
-.-.-.-.-.-.-.-.-.-.-.-.-.-.-.-.-.-.-.-.-.-.-.-.-
👉siteသို့လာရောက်တိုင်းတာပေးခြင်း
👉လုပ်ငန်းအပ်ပါက လိုအပ်သော Layout နှင့် 3D Design များလက်‌ဆောင်ရေးဆွဲပေးခြင်း
👉ဈေးနှုန်းများတွက်ချက်ပေးခြင်း
👉Confirm Designအတိုင်း လှပသပ်ရပ်/အချိန်တိကျစွာဆောင်ရွက်ပေးခြင်း

အသေးစိတ် သိရှိလိုပါက
Page Messenger နှင့်
☎️09794258035
☎️09959412305 တို့ကို ဆက်ပြီး စုံစမ်း
တိုင်ပင် ဆွေးနွေးအပ်နှံလို့ရပါပြီနော်။

#အိမ်အတွင်းပိုင်းအလှဆင်ခြင်း
#အိမ်ဆောက်ချင်သူများ
#အိမ်ပုံစံလှလှလေး

#မိတ်ထီလာ
#တောင်ကြီး
#ညောင်ရွှေ
#ရွှေညောင်
#ပျော်ဘွယ်
#ရမည်းသင်း
#သာစည်

19/01/2024

👨‍👨‍👧‍👧လူကြီးမင်းတို့၏ ကိုယ်ပိုင်မြေပေါ်မှာဆောက်လို့
ရမယ့် (16' x 20') Budtget အိမ်ငယ် Design လေးပါရှင့်

🏡ကိုယ်ပိုင်ဆိုင်တဲ့ မြေလေးပေါ်မှာ လုံးချင်းအိမ်လေး ဆောက်လုပ်ချင်တာလား❓

🏡အိမ်ဆောက်ဖို့ Construction ရှာနေတာလား❓

🏡နှစ်သစ်မှာ စိတ်ကူးထဲကအိမ်လေးအတိုင်း လှပသေသပ်ဖို့ ပြင်ဆင်ချင်တာလား❓

🏡ကိုယ်တိုင်ကလဲ အလုပ်တွေနဲ့မို့ ၊
အစအဆုံးရော ယုံကြည်စိတ်ချရပါ့မလားလို့
တွေးနေရပြီလား ❓

💁---ဒါတွေ အားလူံးစိတ်ပူနေစရာမလိုဘဲ စိတ်ကူးထဲက အိမ်ကလေးကို "One Stop Service "နဲ့ တိကျမြန်ဆန်စွာ စိတ်တိုင်းကျပုံဖော်ပေးမဲ့

-Home Builders Construction & Decoration ရှိနေပါပြီနော် ..

ဝန်ဆောင်မှုတွေ ကတော့

🪑Morden Furniture တခုချင်းကစလို့

🏗️Construction ပိုင်းသာမက ရူံးခန်း/နေအိမ်/ ဆိုင်ခန်း အတွင်းပိုင်း Decoration ပြင်ဆင်ခြင်း
တွေအထိ "One Stop Service " ၀န်ဆောင်မူပေးပါတယ်။

One Stop Service အတွက်ဆို

👉siteသို့လာရောက်တိုင်းတာပေးခြင်း
👉လုပ်ငန်းအပ်ပါက လိုအပ်သော Layout နှင့် 3D Design များလက်‌ဆောင်ရေးဆွဲပေးခြင်း
👉ဈေးနှုန်းများတွက်ချက်ပေးခြင်း
👉Confirm Designအတိုင်း လှပသပ်ရပ်/အချိန်တိကျစွာဆောင်ရွက်ပေးခြင်း

စုံစမ်းအပ်နှံလိုတဲ့ Customer များ
💁စျေးနှုန်းစုံစမ်းချင်လို့ပဲဖြစ်ဖြစ်
💁တိုင်ပင်ဆွေးနွေးချင်တာပဲဖြစ်ဖြစ်
ဆက်သွယ်စုံစမ်းမေးမြန်းနိုင်ပါတယ်ရှင့်။

👉စိတ်ကြိုက်Design ဆွဲပြီးဆွေးနွေးခြင်းကနေစလို့ Construction ပိုင်းထိသာမက အတွင်းပိုင်း Interior Decorations တွေကို ပါ
One Stop Service နဲ့ လုပ်နိုင်မဲ့
A2L-Home Builders Construction & Decoration မှ အကောင်းဆုံး ဝန်ဆောင်မှုနဲ့ သင့်စိတ်ကူးထဲကအိမ်ကလေးကို ပုံဖော်ဖန်တီးပေးဖို့ အသင့်ရှိနေပါပြီနော်…

☎️09794258035
☎️09959412305

#အိမ်ဆောက်ချင်သူများ
#အိမ်အတွင်းပိုင်းအလှဆင်ခြင်း
#အိမ်ပုံစံလှလှလေး
#တောင်ကြီး
#ရွှေညောင်
#ညောင်ရွှေ

#မိတ်ထီလာ

18/01/2024

🏡🏠အိမ်ကြီးအိမ်ကောင်းတွေကိုပဲ အားကျမနေပါနဲ့တော့။ သင့်ရဲ့ အိမ်ခန်းလေးဟာလည်း အိမ်ကြီးအိမ်ကောင်း ဖြစ်လာနိုင်ပါတယ်။

🏡🏡အိမ်ခန်းကျဉ်းကျဉ်းလေးဆိုပေမယ့် LUXURY ဆန်စေမယ့် အခန်းတွင်း အပြင်အဆင်လေးများ

နေရာမစားတဲ့ ပရိဘောဂတွေနဲ့ အသုံးအဆောင်တွေကို သူ့နေရာနဲ့သူ အံဝင်ခွင်ကျဖြစ်အောင် ပြင်ဆင်လိုက်မယ်ဆိုရင် ခမ်းနားဝင့်ထည်တဲ့ အိမ်ခန်းလေးတွေကို ပိုင်ဆိုင်ရမှာပါ။ ဒီလိုပြင်ဆင်ဖို့ ဒီဇိုင်းအကြောင်းနားလည်ပြီး လိုက်ဖက်တဲ့ အရာတွေကို ရွေးထုတ်တတ်ဖို့တော့ လိုပါတယ်။ ဒါမှသာ အိမ်ထဲဝင်လိုက်တာနဲ့ "အိမ်ကကျဉ်းလိုက်တာ" လို့ မခံစားရစေဘဲ "ဇိမ်ကျမယ့်၊ Luxury ဆန်တဲ့ အိမ်လေးအဖြစ်" ခံစားရစေမှာပါ။
စရိတ်သက်သက်သာသာနဲ့ အိမ်ခန်းလေး ဝင့်ဝင့်ထည်ထည် ဖြစ်စေဖို့ဆိုရင်တော့ ဒီစာလေးကို ဆုံးအောင်ဖတ်ကြည့်လိုက်နော်။

🏡၁။ အလင်းရောင်ကောင်းကောင်းရအောင် ဖန်တီးမယ်

သဘာဝအလင်းရောင်သာ အကောင်းဆုံးဆိုပေမယ့် တိုက်ခန်းတွေမှာဆိုရင် ထောင့်စွန်းခန်းတွေနဲ့ ဘေးတိုက်မရှိတဲ့ အခန်းတွေသာ သဘာ၀ အလင်းရောင် ကောင်းကောင်း ရနိုင်ပါတယ်။ ဒါပေမယ့် မီးအလင်းရောင်တွေနဲ့ အခန်းကို လင်းထိန်စေလို့ ရပါသေးတယ်။ နွေးထွေးတဲ့ ခံစားချက်အတွက် နံရံမှာ မီးကြိုးလေးတွေ၊ အလှဆင် မီးလုံးလေးတွေ၊ မီးအိမ်လေးတွေနဲ့ အလှဆင်နိုင်ပါတယ်။

🏡၂။ ထိုင်ခုံ၊ ဆိုဖာ၊ စားပွဲဝိုင်းတွေကို နံရံကပ်ထားပါ

အရာဝတ္တု အကြီးစားတွေဖြစ်တဲ့ ထိုင်ခုံတွေ၊ စားပွဲတွေ၊ ဆိုဖာတွေကို နံရံကပ်ထားလိုက်ခြင်းဟာ အကောင်းဆုံးပါပဲ။ အခန်းအလည်မှာ ထီးထီးကြီး ထားမယ့်အစား နံရံကပ်ထားလိုက်ခြင်းက သင့်အိမ်ကို ပိုကျယ်သွားစေနိုင်ပြီး အမြင်လည်း ရှင်းသွားစေပါတယ်။ အမြင်ရှင်းလင်းစွာနဲ့ သပ်သပ်ရပ်ရပ် ရှိခြင်းဟာလည်း Luxury ဆန်ခြင်း တစ်မျိုးပဲ မဟုတ်လား။

🏡၃။ နံရံကပ် ဗီရိုများ အသုံးပြုပါ

နေရာမစားတဲ့ နံရံကပ် ဗီရိုလေးတွေဟာ အခန်းကို နေရာကျယ်သွားသလို ဖြစ်စေပြီး တိုလီမိုလီနဲ့ ပွရှုပ်နေတဲ့ အခြားသော ပစ္စည်းများကိုလည်း သိမ်းဆည်းလို့ရလို့ သပ်သပ်ရပ်ရပ်ဖြစ်စေပါတယ်။ ဈေးလည်းအရမ်းမများသလို ပစ္စည်းများစွာလည်း သိမ်းဆည်းထားနိုင်လို့ အိမ်အတွက် အလွန်အသုံးဝင်ပါတယ်။

🏡၄။ ကန့်လန့်ကာများ ထားရှိပါ

Luxury အိမ်လေးဖြစ်ဖို့ ကန့်လန့်ကာကိုလည်း မေ့ထားလို့ မရပါဘူး။ ခန်းနားတဲ့ အိမ်တိုင်းမှာ ကန့်လန့်ကာ မရှိမဖြစ်ပါတတ်တာကို သတိထားမိမှာပါ။ ကန့်လန့်ကာ ရွေးချယ်ရာမှာ အလင်းမပေါက်ဖို့၊ အခန်းတွင်း အေးစေဖို့နဲ့ ဖုန်မှုန့်တွေ အိမ်ထဲ အလွယ်တကူ မဝင်ရောက်စေဖို့ အထူသားကို ရွေးချယ်သင့်ပါတယ်။

🏡၅။ မလိုအပ်တဲ့ ပစ္စည်းတွေကို လွှင့်ပစ်ပါ

အိမ်ခန်းလေးက ကျဉ်းပါတယ်ဆို တိုလီမိုလီ ပစ္စည်းတွေ၊ ဖုန်တက်နေတဲ့၊ ပင့်ကူမျှင် တက်နေတဲ့ မသုံးတော့တဲ့ အရာဝတ္တုလေးတွေက နေရာယူနေတယ်ဆိုရင် အိမ်ဟာအလိုလို ပွယောင်းယောင်း ဖြစ်နေတတ်ပါတယ်။ အဲ့ဒီ့အတွက် မလိုအပ်တဲ့၊ အသုံးမဝင်တော့တဲ့ ပစ္စည်းအဟောင်းတွေကို လွှင့်ပစ်ပါ။ သတင်းစာအဟောင်းတွေ၊ အိပ်ရာခင်းအဟောင်းတွေ၊ ဖော့အိပ်ရာ အဟောင်းတွေဟာ အိမ်မှာ မထားသင့်တော့ပါဘူး။

🏡၆။ အခန်းအရောင်ပြောင်းခြင်း

သစ်သားရောင်လို အညိုရောင်ဘက်သွားတဲ့ အရောင်တွေဟာ တည်ငြိမ်ခြင်း၊ နွေးထွေးခြင်း ခံစားချက်တွေကို ပေးစွမ်းနိုင်ပါတယ်။ အဖြူရောင်ကတော့ အခန်းတွင်းအရောင်ကို ပိုလင်းသွားစေပြီး ခံစားချက်တွေကို ရှင်းလင်းစေပါတယ်။ ကိုယ့်စိတ်ခံစားချက်မှာ သက်တောင့်သက်သာ ဖြစ်မယ့် အရောင်မျိုးကိုသာ ရွေးချယ်သင့်ပါတယ်။

🏡👉စိတ်ကြိုက်Design ဆွဲပြီးဆွေးနွေးခြင်းကနေစလို့ Construction ပိုင်းထိသာမက အတွင်းပိုင်း Interior Decorations တွေကို ပါ
One Stop Service နဲ့ လုပ်နိုင်မဲ့
A2L-Home Builders Construction & Decoration မှ အကောင်းဆုံး ဝန်ဆောင်မှုနဲ့ သင့်စိတ်ကူးထဲကအိမ်ကလေးကို ပုံဖော်ဖန်တီးပေးဖို့ အသင့်ရှိနေပါပြီနော်…

A2L- Home Builders Construction & Decoration
☎️09794258035/09959412305

#အိမ်ဆောက်ချင်သူများ
#အိမ်အကြောင်း
#ဆောက်လုပ်ရေး
#အိမ်အလှဆင်ခြင်း

#အိမ်ပုံစံလှလှလေး
#အိမ်အတွင်းပိုင်းအလှဆင်ခြင်း
#တောင်ကြီး
#ညောင်ရွှေ
#ရွှေညောင်
#ပင်းတယ
#ကလော
#အောင်ပန်း

08/01/2024

👷ဆောက်လုပ်ရေး မှတ်သားဖွယ်ရာအဖြာဖြာ👷‍♀️

မြေကြီးပုံသည့်အခါ တူးသည့်ကျင်း၏ ၂ပေ(သို့မဟုတ်) ၃ပေအကွာတွင် မြေကြီးပစ်ပုံထားရမည်။မြေကြီးပြန်လည်ဖို့သည့်အခါ တစ်ကြိမ်လျှင် ၆လက်မ အလွှာလိုက်ဖို့ပြီး သိပ့်သည်းအောင် ရေဖြန်း
ဒင်ဆောင့် လိုအပ်သည့် သိပ့်သည်းမှု့ အနေအထားရအောင်ဆောင်ရွက်ပေးရမည်။

* အဆောက်အဦအတွက် ပတ်တန်းရိုက်သည့်အခါ တောင့်တင်းခိုင်မာအောင်ရိုက်၍ပတ်တန်းတိုင်အား
မြေအဝင် ၃ပေ၄ပေဝင်အောင်ရိုက်
ထားသင့်ပါသည်။အဆောက်အဦ ကျင်တွယ်ဖမ်းသည့်အခါ အဆောက်အဦတစ်ခု၏ သုံးချိုးတစ်ချိုးတွင်ဖမ်းရမည်။
ကျင်တွယ်ဖမ်းနည်းကို အမျိုးမျိုးဖမ်းယူတတ်ကြသည်။ဥပမာ(၃၊၄၊၅) (၆၊၈၊၁၀) (၁၅ ၊ ၂၀၊ ၂၅)
တို့ဖြင့် အမျိုးမျိုးဖမ်းယူတတ်ကြသည်။
* အုတ်မစီခင် အုတ်ကို နှစ်နာရီ ကြိုတင်၍ ရေစိမ်ထားရမည်။
(သို့မဟုတ်)ရေလောင်းပေးရမည်။

* (၇)ပေအမြင့်ရှိသော ၊ (၇)ပေထက်ကျော်သော Slabဆိုလျှင်အနည်းဆုံး(၁၀)ရက်ထားပြီးမှ ဖြုတ်ရပါမည်။

* Slabလောင်းပြီး ( ၂ ) ရက်အတွင်း ကွန်ကရစ် အစိတ်အပိုင်းအပေါ် မည်သည့် ဝန်မျှမတင်ရ။

* Slabအပြင်သို့ အဝဲထုတ်သည့်အခါ Slab၏ အဝဲထုတ်မည့်
အတွင်းခွင်ပေ၏ (၅) ဆ (၁) ဆ ထုတ်ခွင့်ရှိသည်။ လူတို့သောက်သုံးနိုင်သောရေသည် ကွန်ကရစ်လုပ်ငန်း၌သုံးရန်သင့်တော်သည်။

ငန်ပျပျ အရသာရှိသောရေသည် ကွန်ကရစ်လုပ်ငန်း၌ သုံးရန်မသင့်သောရေဖြစ်သည်။ သံကူကွန်ကရစ်များအတွက် ပင်လယ်ရေကို သုံးရန်မသင့်။ အက်ဆစ်အနည်းငယ်ပါဝင်သောသဘာဝရေသည်ကွန်ကရစ်လုပ်ငန်းများတွင်သုံးနိုင်သောရေဖြစ်၏။ရေ၌ဆာလဖိတ်ဓာတ်(၀.၅)ရာခိုင်နှုန်းပါဝင်လျှင်ကွန်ကရစ်၏
ဝန်ခံနိုင်အား(၄)ရာခိုင်နှုန်းကျဆင်းမည်။ထို့အတူရေ၌ရိုးရိုးဆား(၅)ရာခိုင်နှုန်းပါဝင်လျှင်ကွန်ကရစ်၏ဝန်ခံနိုင်အား(၃၀)ရာခိုင်နှုန်းကျဆင်းပေမည်။
* အုတ်စီလုပ်ငန်းပြီးစီးသွားသည့်အခါ နေ့စဉ်တစ်နေ့လျှင်(၃)ကြိမ်(၇)ရက်တိတိရေဖြန်းပေးရပါသည်။
* အုတ်စီနံရံ အမြင့်အားတစ်နေ့လျှင်(၃)ပေသာစီပြီးD.P.C(Damp Proof Course)
ကျောက်လောင်းထားခြင်းကပိုကောင်းပါသည်။
* ဝါးငြမ်းများဆင်သောအခါ အဆောက်အဦ အပြင်နံရံမှ (၃)ပေအကွာတွင်တိုင်ထောင်ခိုင်းပြီး ဝါးလုံးတစ်လုံးနှင့်တစ်လုံး (၂) ပေခွဲသာ
ခြားခြင်းဖြင့် ငြမ်း၏ တောင့်တင်းခိုင်မာမှု့ကို ရစေပါသည်။
* သံကိုဖြတ်တောက်သည့်အခါ (၄၅) ဒီဂရီချိုးချင်သော သံချောင်း
ကို မိမိလိုချင်သော ပေထက် ( ၂)လက်မပိုဖြတ်ရမည်။(၉၀)ဒီဂရီချိုးချင်သော သံချောင်းကို မိမိလိုချင်သော ပေထက် (၉)လက်မပိုဖြတ်ရမည်။ (၁၃၅) ဒီဂရီ ချိုးချင်သော သံချောင်းကို မိမိလိုချင်သော ပေထက်(၁၄)လက်မ ပိုဖြတ်ပါ။(မှတ်ချက်။R.C column သံနှင့် Beam သံတို့အတွက်ဖော်ပြခြင်းဖြစ်ပါသည်။)
* တံခါးရွက်များကို အဆောက်အဦတစ်ခုလုံး၊ အခြားလုပ်ငန်းများပြီးစီးသည့်နေ့မှ တပ်ဆင်ရပါမည်။
* အုတ်ရိုးနှင့်ထိတွေ့မည့် သစ်သားမျက်နှာပြင်အားလုံးကို ဆေးကတ္တရာဖြင့်သုတ်ထားရပါမည်။
* အခန်း၏အမြင့်ကို မူတည်၍ တံခါး၏ အချိုးအစားကို တွက်ယူလိုလျှင် တံခါး၏ အမြင့်သည် အခန်းအမြင့်၏ ၁/၄+၄ပေ၆လက်မ ရှိရမည်။ တံခါး၏ အကျယ်သည် တံခါး၏ အမြင့်ထက် (၄)ပေလျော့နည်းရမည်။
* လှေကားပြုလုပ်ရာတွင် လှေကားထစ်အရေအတွက်ကို "ရာဇ'' ၊
"မရဏ '' ၊ ''လာဘ'' ဟူ၍ အစဉ်လိုက် မှတ်ယူသွားရာ ''မရဏ''ကျသည့်
လှေကားထစ်များကို ရှောင်ကျဉ်ကျသည်။
ဥပမာ - ရာဇ. ၁ ၊ ၄ ၊ ၇ ၊ ၁၀
မရဏ. ၂ ၊ ၅ ၊ ၈ ၊ ၁၁
လာဘ. ၃၊ ၆ ၊ ၉ ၊ ၁၂
အထက်ပါ '' မရဏ '' လှေကားထစ်များဖြစ်ကြသော ၂ ၊ ၅ ၊ ၈၊ ၁၁
စသည်တို့သည် ရှောင်ကျဉ်ရမည့် လှေကားထစ် အရေအတွက်များဖြစ်သည်ဟု ဆိုလိုသည်။လှေခါး Landing သည် ခြေနင်းအလျားထက်ပိုကျယ်ရမည်။

* နံရံမချောမီ အုတ်နံရံကို ရေလောင်းပါ ။ အုတ်နံရံတွင် ကျောက်ထုပ်များရှိပါက spotရိုက်၍ ဗြုတ်ထအောင် ဘိလပ်မြေအရည်ဖျော်၍
ကြိုတင်တစ်ရက် ရိုက်ထားပါက လေခိုခြင်းကင်းဝေးပါမည်။ နံရံချောပြီးသည့်နေမှစ၍ တစ်နေ့တွင်ခုနှစ်ရက်ရက်တိတိ နံရံကို ရေဖြန်းပေးရပါမည်။
* ဆေးသုတ်သည့်အခါ သုတ်ဆေးကို တစ်ထပ်ထက်ပို၍ သုတ်မည်
ဆိုပါက မူလသုတ်ဆေးကောင်းစွာခြောက်မှ နောက်တစ်ထပ်ကို သုတ်ရပါမည်။ သုတ်ဆေးကို အသုံးမပြုသေးပါက လေ လုံအောင် ပိတ်ထား
ရပါမည်။ ရောစပ်ပြီး မွှေထားသော သုတ်ဆေးတို့ကို တစ်ဝက်တစ်ပျက်အသုံးပြုပြီးဖြစ်လျှင်ပုံးထဲတွငကျန်ရှိမှရေဖြည့်ထားရပါမည်။

မြေကြီးကျင်းထဲသို့ concrete မလောင်းမီ Level ပေး၍ မျက်နှာပြင်ညီအောင်ညှိပေးရမည်။
Concrete လောင်းရာတွင်သုံးပေထက်မြင့်သောအမြင့်မှတိုက်ရိုက်လောင်းမချပဲ ၎င်းထက်နှိမ့်ချ၍လောင်းခြင်းကပိုမိုကောင်းပါသည်။ Concreteလောင်းချိန်vibrator အသုံးပြုရာတွင်rodတံကိုတည့်မတ်စွာထိုးရပါမည်။Rod တံကိုပြန်ထုတ်သည့်အခါRod တံထိုးသည့်နေရာသို့ကွန်ကရစ်အစားဝင်နိုင်ရေန်သတိပြုရမည်။Rod တံထိုးထည့်ထားရမည့်အချိန်မှာတစ်နေရာလျှင်အနည်းဆုံး(၁၅)စက္ကန့်မှအများဆုံး(၂၅)စက္ကန့်ထက်မကျော်စေရ။
Rod တံကိုအချိန်ကြာကြာထိုးစိုက်ထားလျှင်ကွန်ကရစ်များတစ်နေရာထဲတွင်မာခြင်းဖြစ်တတ်သည်ကိုသတိပြုရမည်။Rod တံကိုကိုင်တွယ်အသုံးပြုသူသည်အတွေ့အကြုံရှိပြီးကျွမ်းကျင်နားလည်သူဖြစ်ရမည်။ကွန်ကရစ်လောင်းပြီးသည့်အခါအမြဲတမ်းစိုစွတ်နေစေရန်ရေကိုအနည်းဆုံး တစ်နေ့သုံးကြိမ်လောင်းပေးသင့်ပါသည်။ရေကန်ငယ်ပြုလုပ်ပေးခြင်း၊စိုစွတ်သောအရာဝတ္ထုဖြင့်ကာရံဖုံးအုပ်ထားခြင်းတို့ဖြစ်ပါသည်။
*သံချောင်းဆက်ရာတွင် အချင်း၏လေးဆယ်ဆ (40D)အနည်းဆုံးရှိရပါမည်။
သံချောင်းများအသုံးပြုသည့်အခါသံချေးများ၊အမဲဆီများ၊မြေကြီးများ၊ဆီများကင်းစင်စေရန်လိုအပ်ပါသည်။ Concrete RC Column တိုင်လောင်းရာတွင်တစ်နေ့ (12')အမြင့်ထိသာလောင်းသင့်ပါသည်။
*အမိုးသွပ်မိုးသည့်အခါတစ်ချပ်နှင့်တစ်ချပ်ထပ်သည့်သွပ်ကိုနှစ်တွန့်တိတိထပ်စေရမည်။သွပ်ထိပ်ခြင်းဆက်သည့်အခါအနည်းဆုံး ခြောက်လက်မထပ်သင့်ပါသည်။
*Concrete 1m^3လျှင် 35.32ft^3 ရှိပါသည်။
* ရေကိုဂါလံတွက်သည့်အခါ အလျှား× အနံ × အမြင့် ×6.25နှင့်မြောက်လျှင့်ရေဂါလံရရှိပါမည်။ရေကိုလီတာဖြင့်တွက်သည့်အခါအလျား×အနံ×အမြင့်=ရလာတဲ့အဖြေကို4.54နှင့်မြှောက်ရပါမည်။

*(8"×8")ကြွေပြားတစ်ကျင်းလျှင်225ချပ်
(8"×12")ကြွေပြားတစ်ကျင်းလျှင်150ချပ်
(12"×12")ကြွေပြားတစ်ကျင်းလျှင်100ချပ်
(1 '×2')ကြွေပြားတစ်ကျင်းလျှင်50ချပ်
(2 '×2 ')ကြွေပြားတစ်ကျင်းလျှင်25ချပ်
*သစ်တစ်တန်တွင်ရှိရမည့် အတိုင်းအတာများ
(12"×1")=600'
(11"×1")=655'
(10"×1")=720'
(9"×1")=800'
(8"×1")=900'
(7"×1")=1029'
(6"×1")=1200'
(5"×1")=1440'
(4"×1")=1800'
(3"×1")=2400'
(2"×1")=3600'
(1"×1")=7200'
(2"×1-1/2")=7200 '
(3"×1-1/2")=1600 '
(6"×6")=200 '
( 3"×3")=800 '
(3"×2")=1200 '
(4"×4")=450 '
(4"×2")=900 '
(4"×1-1/2")=1200 '
(5"×5")=288 '
(5"×3")=480 '
(5"×2")=720 '
(6"×2")=600 '
(6"×1-1/2")=2400 '
1Ton တွင်ရှိသောသံချောင်းအရေအတွက်များ
တစ်ချောင်းလျှင်12mm=40ft
6.5mm=0.26kg/m
1ton=3834m
1 viss = 20.22=20'-3"
8mm=0.395kg/m
1ton=2531m
1 viss = 13.35=13'-4"
10mm=135 ချောင်း
12mm=88 ချောင်း
16mm=53 ချောင်း
18mm=41 ချောင်း
20mm=33 ချောင်း
22mm=27 ချောင်း
25mm=21 ချောင်း
1m=3.28ft
1 inch=25.4mm
1m^3=35.32ft^3
Water 1ft^3=62.4 lb
Water 1ft^3=624 Gal
Water 1 Gal=10lb
Water 1 Gal=4.54 Liter
1 Ton = 2240 Lb
1 Acre-ft=1234m^3
1 Acre=0.405 hectares
1 meter= 3.281 feet
1 km= 0.621 Mile
1 sq mile =2.59 sq km
တစ်ဧကလျှင် 208.71 ft ပတ်လည်ရှိသည်။
တစ်ဧက=43560 စတုရန်းပေ
ဘိလပ်မြေတစ်အိတ်လျှင် 50kg လေးပါသည်။
တစ်တန်လျှင် 1000 kg
ဘိလပ်မြေ 20 အိတ်လျှင် တစ်တန်ရှိပါသည်။
Sand(သဲ)
Sand coarse(သဲကြမ်း)
Sand fine(သဲ နု)
Gravel(ကျောက်စရစ်)
Cement(ဘိလပ်မြေ)
Water(ရေ)
Brick(အုတ်)
Brickwork (အုတ်စီခြင်း)
Plastering work(နံရံချောခြင်း)
Stair plastering work (လှေခါးချောခြင်း)
Bamboo( ဝါးလုံး)
Earth(soil)မြေတူး
Plywood(အထပ်သားပြား)
Dig earth(soil)မြေကြီးတူး
Earth (soil) compaction construction(မြေကြီးကြိတ်ခြင်း)
Earth(soil) leveling construction(မြေကြီးညှိခြင်း)
Water pump(ရေစုပ်စက်)
Backhoes(မြေတူး၊မြေကုတ်ကား)
Construction roller(မြေကြိတ်စက်)
Plate compactor(မြေရိုက်စက်)
Shrine room(ဘုရားခန်း)
Living room(ဧည့်ခန်း)
Single bed room (တစ်ယောက်အိပ်ခန်း)
Master bed room(မိသားစုအိပ်ခန်း)
Kitchen room(မီးဖိုခန်း)
Dining room(ထမင်းစားခန်း)
Bath room( ရေချိုးခန်း)
Toilet(အိမ်သာခန်း)
Common toilet(အများသုံးအိမ်သာခန်း)
Lounge room(sitting)အပန်းဖြေခန်း
Basement (cellar)မြေအောက်ခန်း
Study room(စာကြည့်ခန်း)
Roof (အမိုး)
Lighting rod(မိုးကြိုးလွှဲ)
Gutter(ရေတလျောက်)
Attic(ထပ်ခိုး)
Gable(မြင်းမိုရ်ပိတ်)
Water Tank(ရေလှောင်ကန်)
Ceiling(မျက်နှာကျက်)
Balcony(လသာဆောင်)
Verandah(ဝရံတာ)
Windows(ပြတင်းပေါက်များ)
Doors(တံ ခါးများ)
Ventilator(လေဝင်လေထွက်ပေါက်)
Portico(အိမ်ရှေ့ပေါ်တီကို)
Staircase/stairs(လှေခါးများ)
Gate(ဝင်းတံခါး)
Fence(ခြံစည်းရိုး)
Garden home(ဥယျာဉ်)
Letter box(အိမ်ရှေ့စာတိုက်ပုံး)
Door bell(အိမ်ရှေ့အချက်ပေးဘဲလ်)
Drain(ရေမြောင်း)

Crd by original
ခိုင်ခံ့လှပ ပြီး လုံခြုံစိတ်ချ ရတဲ့ အိမ်လေး များ ပိုင်ဆိုင်နိုင်ကြပါစေ…
~~~~~~~~~~~~~~~~~~~~~~~~~~~~~~~~~~~

-Home Builder Construction & Decoration
#ဆောက်လုပ်ရေး
#အိမ်ဆောက်ချင်သူများ

08/01/2024

#နံရံဟောင်းကိုဆေးသစ်ပြန်သုတ်နည်း

▪️အရင်ဆုံး နံရံအဟောင်းမှာ ကပ်နေတဲ့ ဆေးသားအဟောင်းတွေကို ကုန်စင်သွားအောင် ကျကျနန ခြစ်ထုတ်ပစ်ရပါမယ်။

▪️ပြီးရင်တော့ နံရံကို သန့်ရှင်းရေး သေချာပြန်လုပ်ပေးရပါမယ်။

▪️ဆေးမသုတ်ခင် နံရံဆားပေါက်မှု ရှိ/မရှိ စစ်ဆေးပါ။ နံရံ အစိုပျံနိုင်မှု ရှိ/ မရှိ စစ်ဆေးပါ။

အစိုပျံနိုင်မှုက
~~~~~~~~~~
(၁) ရေချိုးခန်း/ရေသိုလှောင်ခန်းနဲ့ ကပ်လျက်နေရာတွေ

(၂) တိုက်နံရံကိုတွယ်ပြီး အပင်(ညောင်ပင်) ပေါက်နေတာတွေ

(၃) အတွင်း၊ အပြင် ရေပိုက်လိုင်းတွေ ပေါက်နေတာ/ ရေယိုနေတာတွေ

(၄) အပြင်နံရံ မဆလာကိုင်ထားခြင်း မရှိတာတွေ

(၅) နံရံအက်ကြောင်းလိုက်နေတာတွေ ကြောင့် ဖြစ်နိုင်ပါတယ်။

ဒါကြောင့် ဆေးမသုတ်ခင် ဒါတွေကို အရင်ဆုံး စစ်ဆေးဖို့ လိုပါတယ်။ နံရံအစိုပျံနေမယ်ဆိုရင် ဆေးသုတ်ရတာ မကောင်းပါဘူး။

လိုရင်းကိုဆက်ရအောင်…

▪️ဆေးသုတ်ခါနီးမှာ ဆီလာ(ခံဆေး) အရင်သုတ်ရပါမယ်။ ဆေးသား ပိုစွဲအောင်ပါ။

▪️ဆီလာခြောက်သွားရင် (အစိုပျံနိုင်တဲ့ နေရာတွေမှာဆိုရင်) ရေတားဆေး သုတ်ပေးပါ။ ကိုယ့်တိုက်က အရမ်းကြာနေပြီဆိုရင်တော့ ရေငွေ့ရိုက်တဲ့ဒဏ်ကို ပိုခံနိုင်အောင် ရေတားဆေး နှစ်ထပ်လောက်ကို (၃ နာရီ) လောက်ခြားပြီး သုတ်ပေးလိုက်ပါ။

▪️ရေတားဆေး ခြောက်သွားရင်တော့ ပတ်တီးရိုက်ပါ။ ပြီးရင် ပတ်တီးကို ကော်ပတ်စားပြီး၊ ဆီလာတစ်ခေါက်ပြန်သုတ်ပြီး ဆေးသုတ်လို့ရပါပြီ။

▪️ဆေးကတော့ ကိုယ်ကြိုက်သလောက် ဘယ်နှထပ်ဖြစ်ဖြစ် သုတ်နိုင်ပါတယ်။

ဆီတွေစင်တတ်တဲ့ မီးဖိုချောင် (ဟင်းချက်တဲ့နေရာ) တွေကိုတော့ ဆေးသုတ်ဖို့ထက် ကြွေပြားကပ်လိုက်ဖို့ပဲ အကြံပြုချင်ပါတယ်။

“ဆေးသုတ်နည်းအကြောင်း” ကိုတော့ ဝေမျှခဲ့ပြီး ဖြစ်ပါတယ်။

ဆောက်လုပ်ရေးနဲ့ ပတ်သက်တဲ့ ဗဟုသုတလေးတွေကိုလည်း အမြဲဝေမျှပေးနေတာမို့ page ကို like and follow လုပ်ပေးထားပါဦးနော်။

-Home Builders Construction & Decoration
#ဆေးသုတ်လုပ်ငန်း
#ဆောက်လုပ်ရေး
#ဆေးသုတ်နည်း
#နံရံဆေးသုတ်နည်း

24/12/2023

🏠 စီးပွားတတ်သောအိမ် အကြောင်း သိကောင်းစရာ လေးများ 🏠

အိမ် ၏ ခေါင်းရင်း နေအိမ် သည်
မိမိ အိမ် ထက် မြင့်မည် ၊ ခြေရင်း
အိမ် သည်လည်းမိမိ အိမ် ထက်
မြင့် ပါက ကိုယ် နေသော အိမ်
သည် အမိုး နိမ့် နေလျှင်
အိမ်ပုခက် ဟု ခေါ်သည် ။
နေသော မိသားစု သည်
စီးပွား တက်၏ ။

ကိုယ့် အိမ် ခေါင်းရင်းအိမ် က အမိုး
နိမ့်မည် ၊ ကိုယ့် အိမ် ခြေရင်း ကလဲ
အမိုးနိမ့်မည် ကိုယ့်အိမ်က အလယ်
မှ အမိုး မြင့်မား နေပါက အိမ်မြင့်မိုရ်
ဟု ခေါ်သည် ။ လူကြီး မိဘ တို့ကို
ခေါင်းရင်းဘက် ထား၍ ပြုစု
လုပ်ကျွေးကာ သဒ္ဓါ ပြည့်က
အထူး ကောင်းမွန်၏ ။

ကိုယ့် အိမ် ၏ ခေါင်းရင်း က မြင့်မည် ၊
ကိုယ့် အိမ် ၏ ခြေရင်း က ကိုယ့် အိမ်
ထက် နိမ့် နေပါကအိမ်တောင်တန်း ဟု
ခေါ်သည် ။ တစ်စိမ့်စိမ့် စီးပွား ဖြစ်၏ ။

ကိုယ့် အိမ် ၏ခေါင်းရင်း က နိမ့် ၍
ကိုယ့်အိမ် ၏ ခြေရင်း အိမ် က မြင့်
နေပါကစီးပွား အသည်းအသန်
ရှာရ တတ်သည် ။ ရေဆန်အိမ်
ဟု ခေါ်သည် ။ ရှေးလူကြီး
များက မဝယ်သင့် ဟု
ဆိုကြ၏ ။

ကိုယ့် အိမ် ၏ ခေါင်းရင်း နားတွင် မီးဖို
အကြီးကြီး ဖြင့်စီးပွား ရှာသော အိမ်
ရှိနေပါက ထိုအိမ် ကို ဘုရားဆောင်
ရွှေ့ခြင်းသို့မဟုတ်အိမ် အမိုး ထပ်
မြှင့်ခြင်း ပြု အပ်၏ ။

မကျန်းမမာ ဖြစ် တတ်၏ ။ ဦးခေါင်း
အပူတိုက် ဟု ခေါ်ကြသည် ။
သတိထား အပ်၏ ။

ကိုယ့် အိမ် ၏ ဘေး ဘယ် ညာ အိမ် တို့
မှ ဆူညံ စကား ပြင်းသော အသံချဲ့စက်
ဆောင်းဘောက်စ် အသံ ၊ အဆဲ အဆို
နူတ်ကြမ်းတမ်းခြင်း ပြု လုပ်နေ ပါက
ထို အိမ်သည် နတ်ဆိုးလှည်းအိမ်
ဟု ခေါ်သည် ။

အမင်္ဂလာ အသံ ကြားတွင် ညပ်နေ၍
ဖြစ်၏ ။ မေတ္တသုတ် မပြတ် သရဇ္ဈယ်
အပ်၏ ။

အလွန် စပ်စပ် စုစု နိူင်သော အိမ်နီးပါးချင်း ၊
ငွေ အချေးအငှား အလွန် ပက်စက် ၍
ပြန်ဆပ် လျှင် လက်အလွန် ခက်သော
သူတို့ နှင့် နေထိုင် ရပါက

မရှိပါ ဟူသော စကား ကို လိမ်ညာ ပြော
တတ် ရ၍ သီလ မလုံသော ကံကို စီရင်
ဖန်တီး မိနေ တတ်၍ အလိမ္မာ ဖြင့်
ဝစီကံ ထိမ်းထိမ်း သိမ်းသိမ်း
သတိထား ပြောရ တတ်၏ ။

ဝစီ ဗေဒ ထိတိုင်း ရှ ဟူသည် နှင့် အညီ
ကိုယ် ပါ ဆင်းရဲ နွမ်းပါး လာတတ်၏ ။

#စီးပွားတတ်သောအိမ်
#အိမ်ဆောက်ချင်သူများ
#ဆောက်လုပ်ရေး
#ပြည်ပရောက်မြန်မာများ
#အိမ်လှလှလေး
#အိမ်အကြောင်း

24/12/2023

လှေကားစုံ-ထားရင်ခိုက်တတ်တယ် နဲ့ လှေကားမ-ဂဏန်း ထားရခြင်း အကြောင်းရင်းလေးကိုပြောပြချင်ပါတယ်
*****************************

လှေကား စုံ မထားရလို့ ကြားဖူးကြမှာပါ။ လှေကားစုံထားရင် ခိုက်တတ်ပါတယ်။ ဘာကြောင့်ခိုက်လဲဆိုတာ က လူ့သဘာဝကြောင့်ပါ။

လူဆိုတာ ကိုယ်စလှမ်းတဲ့ ခြေနဲ့ ခြေလှမ်းပြန်ဆုံးတတ်ပါတယ်။ ဥပမာ ညာခြေနဲ့ စလှမ်းရင် ညာခြေဆီ ဘယ်ခြေလာပြီး အဆုံးသတ်ပါတယ်။

ညာနဲ့စရင် ညာနဲ့ဆုံးပါတယ်။ အဲဒီလိုပဲ ဘယ်နဲ့စရင် ဘယ်နဲ့ဆုံးပါတယ်။ မယုံရင် ကိုယ့်ဘာသာ တမင်သက်သက် လုပ်မယူပဲ လှမ်းကြည့်ပါ။

ညာနဲ့စ ညာနဲ့ဆုံးလို့ ခြေလှမ်းရေ အရေအတွက်က မ, ဖြစ်ပါတယ်။ ဘယ်နဲ့စလဲ အတူတူပါပဲ။
အဲဒါကြောင့် လှေကားထစ်တွေ မ, သာ ထားတာပါ။

စုံ,ထားရင် တလှမ်းလိုနေလို့ အပေါ်တက်တဲ့ခါ ခြေထောက်က အလိုအလျှောက်လှမ်းမိပြီး ဟန်ချက် ပျက် ပြီး ချော်ကျနိုင်ပါတယ်။အောက်ဆင်းတဲ့အခါ ကြမ်းပြင်ပေါ်ရောက်နေတာကို နောက်ထပ် လှမ်းမိလို့ ဟန်ချက်ပျက်ပြီး မှောက်လဲတတ်ပါတယ်။

အဲလိုလဲရင် ထိခိုက်ဒဏ်ရာရပါတယ်။
အဲဒါ ခိုက်မိတာပါပဲ။အဲလိုခိုက်မိတာကို လှေကား စုံထားရင် ခိုက်တယ်ဆိုပီး စကားက ကားသွားတာပါ။

ဆရာကြီး_ဦးမိုးထက်

#လှေကား
#လှေကားဝေနည်း
#လှေကားအကြောင်း
#ဆောက်လုပ်ရေး
#အိမ်ဆောက်ချင်သူများ

08/08/2023

🍃Hard Core Work

Hard Core ရိုက်တာနဲ့ ပတ်သက်ပြီး မေးထားတာလေးကို ဖြေပေးလိုက်ပါတယ်။

🍃🍃🍃🍃🍃🍃🍃🍃🍃🍃🍃🍃🍃🍃

🍃အဆောက် အဦးတွေ မှာ Foundation အောက်မှာ Hard Core တွေ ခံကြတယ်။ အောက်ခံ မြေသား အမာခံ ရအောင်ပေါ့။ တစ်ချို့ဆို Retaining Wall မှာပါ ခံပေးကြတာလည်း တွေ့ပါတယ်။

🍃 တစ်ချို့ဆို ခြောက်လက်မ၊ တစ်ချို့ဆို ကိုးလက်မ ၊ တစ်ပေ အထိတောင် ခင်းပေးကြပါတယ်။

🍃 Hard Core အကြောင်းကို အရင်ပျက်သွားတဲ့ post မှာ အသေးစိပ် ရေးပေးဖူးပါတယ်။

🍃 Drawing တစ်ခု စ ဖတ်ပြီ ဆိုတာနဲ့ မြေကြီး တူးဖို့ လုပ်တဲ့ အခါ

🍃NGL Level စမှတ် ပြီးပြီ ဆိုတာနဲ့ Survey စပေးပြီး ၊ Plinth Level မှတ်ပါ။ သူက အရေးကြီးတဲ့ Level ပါ။ Grid Line တွေခွဲ၊ တူးရမည့် နေရာတွေ မှတ်ပါ။

(Survey အကြောင်း အသေးစိတ် မပြောတော့ပါဘူး။)

🍃ပြီးရင်တော့ ကိုယ်ဖတ်ထားတဲ့ Drawing မှာ Foundation က ဘယ်လောက် အနက်တူးရမယ်။ အောက်မှာ Lean Concrete နဲ့ Hard Core ထု ကြည့်ပြီး မြေကြီး တူးပါမယ်။

🍃တူးတဲ့ အခါမှာ Footing ကျင်းတွေ ကို Level အမှန်ရဖို့ Plinth Level ခေါ်ထားတဲ့ Level ကနေ Dimension တိုင်းယူပါ။ အဲဒီ‌‌ နေရာ ကပဲ အမှန်ရပါတယ်။

🍃 အဲလို တူးတဲ့ အခါ Footing အောက်က Lean Bed Level အထိပဲ အလုပ်လုပ်လို့ ကောင်းအောင် မြေကို ချဲ့တူးပါ။ စက်နဲ့ တူးရင်လည်း Level သေချာစစ်ပေါ့။ချဲ့လည်း အလွန်ဆုံး တစ်ပေ စီပေါ့။

🍃Hard Core ကို လုံး၀ ချဲ့ မတူးသင့်ပါဘူး။ သူက အကာအရံ မလုပ်ကြတဲ့ အတွက် Footing Concrete လောင်းတုန်း ကျောက်တွေ ဘေးကို ထွက်မသွား အောင်ပါ။

🍃သူ့ကိုတော့ လူအားလေးနဲ့ပဲ ကိုယ် လိုသလောက် အနက်နဲ အကျယ် ရအောင် တူးပြီး အောက်ခြေမြေလေးကို သိပ်သည်းအောင် သေချာ ဒင်စောင့် ၊ ပြီးရင် ကျောက် Size အကြီး အသေး သေချာလေး စီ၊ လွတ်သွားတဲ့ Area နည်းနိုင် သမျှ နည်းအောင်ပေါ့။

🍃 ပြီးရင် သဲထည့် ရေလောင်း၊ဒင်စောင့်။ သဲကတော့ ကျောက်တွေ လွတ်သွားတဲ့ နေရာတွေကို ရေနဲ့ အတူ မျောပါပြီး သိပ်သည်းမှု အားကောင်းအောင် ဖြည့်ပေးပါတယ်။

👉ဒီနေရာ အထိက အိုကေတယ်။ ဘာမှ ပြောစရာ မရှိဘူး။

🌺 ပြောစရာ ရှိတာက Building တစ်ခုလုံး အတွက် အမာခံရအောင် လုပ်ပေးရတဲ့ Hard Core ကတော့ အမာခံအားကောင်းဖို့တော့ အလွန် အရေးကြီးပါတယ်။

🌺အကောင်းဆုံး ကတော့ Hill Gravel ပေါ့။ ကျောက်တောင်တွေ က ရတဲ့ကျောက် ပေါ့။
သူက ဈေးကြီးတယ်။ နေရာတိုင်းမှာ အလွယ် တကူ မရနိုင်ဘူး။

🌺ဒါဆိုရင်တော့ Hard Core ရဲ့ Material ကို သေချာရွေးချယ်ရပါမယ်။

🌺ကိုယ်က ဘယ်ဟာသုံးမှ အမာခံ ရမှာလဲပေါ့လေ။

🌺ယနေ့ခေတ် မြင်နေရတဲ့ ဈေးကွက်က အုတ်ကျိုး သုံးမယ်ဆို ရင်တော့ သတိထားပါ။ တစ်ချို့ အုတ်တွေက နှာချေ သံကြားရင်တောင် ကွဲအက်တက်တဲ့ အမျိုး၊ ရေစိမ်ဖို့ မပြောနဲ့ ရေသံကြာရင်တောင် မူလပထမ မြေကြီးဘ၀ ကိုအောင်းမေ့ပြီး ရွံ့ ဖြစ်တက်တဲ့ အမျိုးတွေ အများကြီးပဲ။

🌺အောက်ခံ‌ မြေမကောင်းလို့ အမာခံ အတွက် သုံးပါတယ် ဆိုမှ သူက အမာခံမဖြစ်ရင် Footing settlement ဖြစ်နိုင်ပါတယ်။

🌺 Hard Core သည် ထည့်တိုင်းမကောင်းပါ။( ဒီနေရာမှာ လူတော်တော်များများနဲ့ ကိုယ်က သဘောထား ကွဲလွဲ နိုင်တယ်ဆိုတာ သိပါတယ်။ )

🌺နည်းစနစ်မှန်၊ ပစ္စည်းမှန်မှ အိုကေ တာပါ။

🌺Hard Core ကြောင့် အဆောက် အဦး ပြိုနိုင်ပါတယ်။ ပေါ့သေးသေး မထင်ပါနဲ့။

🌺လုပ်ပြီဆို အတိအကျ လုပ်မှ ရပါတယ်။

🌺တစ်ချို့ နေရာတွေ ဂဝံဆန်တဲ့ မြေနေရာတွေမှာဆို Footing ကို Lean Bed Level အထိတူးပြီး မြေကောင်းရင် Designer ကိုပြပြီး Hard Core မလိုရင် လျှော့လိုက်တယ်။ သူက ကိုယ်ထည့်မည့် Hard Core ထက် ပိုကောင်းနေတာကိုး။

🌺Footing ရဲ့ Bed Level ကလည်း မြေကြီးက အပေါ်က အလေး၀န်ကို ခံနိုင်တဲ့ အထိ ခေါ်ထားတာ ဆိုတော့ အိုကေတယ်လေ။

🌺 Construction မှာ ဘယ်ဟာမှ အပို လုပ်ကွက် မဟုတ်လို့ ဘာပဲလုပ်လုပ် သေချာလုပ်ပါ။ Hard Core ပဲကွာဆိုပြီး ပစ်ထားဖို့ မစဉ်းစားပါနဲ့ ။ သူက စ ရမှာပါ။

Core Work
#ဆောက်လုပ်ရေး

Credit
Daw Aye Aye Win

08/08/2023

ရေကန်အလေးချိန် နှင့် အမိုးဆလပ်ခိုင်ခံ့မှု

အခုပြောချင်တဲ့အကြောင်းအရာလေးကတော့ မိတ်ဆွေတို့ရဲ့RC အာစီ (သိူ့မဟုတ်) steel structureလို့ခေါ်တဲ့သံထည်အဆောက်အဦးရဲ့ အမိုးဆလပ်ပြင်ပေါ်မှာ တင်ထားတဲ့ ရေကန်အလေးချိန်အကြောင်းပါ။

အိမ်ဆောက်ကတည်းက အမိုးဆလပ်ပေါ် ရေကန်တင်မဲ့နေရာကို ကြိုစဥ်းစားသင့်ပါတယ်။ အိမ်ဆောက်ပီးမှ သင့်ရာထားမယ်လို့စိတ်ကူးနေတယ်ဆို စာဆုံးအောင်ဖတ်ပေးပါ။

အမိုးဆလပ်မှာ အုတ်ရေကန်ဘဲဆောက်ဆောက်၊ စတီးကန်ဘဲတင်တင်၊ ပလတ်စတစ်ကန်ဘဲထားထား မိမိတင်မဲ့ရေရဲ့ အလေးချိန်ကို သိပါသလား။

ရေတစ်ဂါလံဟာ 8ပေါင်ကနေ ၁၀ပေါင်အထိလေးပါတယ်။(မိမိတို့တင်ထားတဲ့ ရေဂါလံကို အခုဘဲ ၁၀ပေါင်နဲ့မြှောက်ကြည့်ပါ)

တစ်ပေပတ်လည် တစ်ပေအမြင့်ရှိတဲ့ရေရဲ့အလေးချိန်က 62ပေါင် ရှိပါတယ်။

ပိုရှင်းအောင်ပြောရရင် ၃ပေ ပတ်လည် ၃ပေအမြင့်ရှိတဲ့ရေကန်ရဲ့ရေအလေးချိန်က တန်ဝက်(ဘိလပ်မြေ ၁၀အိတ်အလေးချိန်) နီးပါးရှိပါတယ်။

ဒါတောင် အုတ်စီထားတဲ့ အလေးချိန်ထည့်မတွက်ရသေးပါဘူး။

အမိုးဆလပ်မှာ ရေဂါလံ ဘယ်လောက်ထားမယ်ဆိုတာ အိမ်မှာရှိမဲ့ လူဦးရေအရေအတွက်နဲ့ ပျှမ်းမျှတွက်ချက်ပီးတင်ကြပါတယ်။ ရေကန်ကြီးလေ အလေးချိန်ပိုများလေပါ။

ရေကန်တင်ဖို့နေရာရွေးပီးရင် ထိုနေရာမှာရှိတဲ့
ဆလပ်ပြင်ထမ်းနိုင်အား၊
သူ့အောက်က ထုပ်ရဲ့ Size၊
ထည့်မဲ့ သံချောင်းအရေအတွက် လုံလောက်ရဲ့လား အသေးစိတ်တွက်ချက်ရပါတယ်။ ဒါမှသာ တင်မဲ့ရေအလေးချိန်ကို အန္တရာယ်ကင်းကင်းနဲ့ အဆောက်အဦးက သက်တမ်းတစ်လျောက် ထမ်းထားနိုင်မှာပါ။

ရေကန်ထားမဲ့နေရာကို အလွယ်တကူမပြောင်းသင့်ပါဘူး။ ရေရဲ့အလေးချိန်က အထက်မှာပြောထားသလို ၃ပေ ပတ်လည်လေးတောင် တန်ဝက်(ပေါင် ၁၁၀၀) ရှိနေလို့ပါ။ နေရာပြောင်းလိုက်ရင် ပြောင်းထားမဲ့နေရာရှိ ဆလပ်၊ ထုပ် size လုံလောက်ရဲ့လား ပြန်စစ်ရပါမယ်။

ရေရဲ့အလေးချိန်က အရှင်ဖြစ်ပါတယ်။ ဆိုလိုတာက ကန်ပေါ်ရေတင်နေတုန်း ရေဟာ လှုပ်ရှားနေပါတယ် ။မြင်အောင်ပြောရရင် ဝက်တစ်ကောင်ကို အသေထမ်းထားတာနဲ့ အရှင်ထမ်းထားရတာ ဘယ်ဟာ ပိုအားသုံးရပါသလဲ။ အရှင်က ရှုန်းကန်နေတာပါ။

ဆိုတော့ အထက်ကပြောခဲ့သလို size မလုံလောက်ရင် အန္တရာယ်ကြီးပါတယ်။
ချိန်ကိုက်ဗုံးကို ခေါင်းပေါ်တင်ထားရသလိုပါဘဲ။ (ခုလိုပြောလို့ ခြောက်တယ်မထင်ပါနဲ့ ရေကန်ဝိတ်မနိုင်လို့ အိကျနေတဲ့ ဆလပ်ပြင်တွေ ရှိပါတယ်၊ ပြိုကျသွားခဲ့တဲ့အဆောက်အဦးတွေလည်းရှိပါတယ်)

အမိုးပေါ် အပင်စိုက်တဲ့ အိမ်ရှင်တွေလည်းရှိနေပြန်ပါသေးတယ်။ အစောကတည်းက အစီအစဥ်ရှိရင် ကန်ထရိုက်(သို့) အင်ယာကို ကြိုပြောပါ။ အပင်စိူက်မယ်ဆိုမြေကြီးတင်ရပါတယ်။

မြေကြီးရဲ့အလေးချိန်ဟာ တစ်ပေပတ်လည် တစ်ပေအမြင့် မှာ ပေါင်၁၂၀ရှိပါတယ်။ ဒါတောင် ရေလောင်းလိုက်လို့ မြေကြီးစိုသွားရင် ရေရဲ့ အလေးချိန်ပေါင်းထည့်ရတော့မှာပါ။

အိမ်မှာ မိသားစု၅ယောက်နေတယ်ဆိုရင်တောင် အလေးချိန် ပေါင် ၁၀၀၀လောက်ဘဲရှိတာပါ။

အမိုးဆလပ်ပေါ်မှာတော့ ရေဝိတ်၊ အပင်ဝိတ်၊ မြေကြီးဝိတ် ထမ်းထားရတာ ပိုများနေပါတယ်။ ဒီကြားထဲ မိုးများလို့ ရေဆင်းပိုက်က ရေချက်ချင်းမစီးနိုင်ရင် အဲ့မိုးရေ ဝိတ်ပါ ယာယီထမ်းရပါသေးတယ်။

ဒါပေမဲ့ ကန်ထရိုက်က အမိုးဆလပ်မို့ လူမနေဘူး၊ အခန်းမဖွဲ့ဘူး ဆိုပီး size၊ ထည့်မဲ့သံချောင်း လျော့ပီး ဆောက်သွားပေးတယ်ဆို တွေးကြည့်ရုံနဲ့ လန့်ရပါတယ်။

ပြောချင်တာက အိမ်ရှင်တွေက အမိုးဆလပ်ပေါ် ဘာတင်မယ် ဘာလုပ်မယ်ဆိုတာ စဥ်းစားမိသလောက် ကန်ထရိုက် or အင်ယာ ကိုသေချာပြောပြထားပေးပါ။ ပုံဆွဲကတည်းက မြင်သာအောင် ထည့်ဆွဲထားပါ။

သေချာ တွက်ချက်ဆောက်ခိုင်းပါ။
ပိုသေချာချင်ရင် နည်းလမ်းရှိပါတယ်။အင်ယာအခေါ် (load test) စမ်းတယ်ခေါ်ပါတယ်။

မိမိတို့တင်မဲ့ ရေဂါလံနဲ့ ၁၀ နဲ့မြှောက်ပါ။ ဥပမာဆိုပါစို့

ဂါလံ ၃၀၀တင်တယ်ဆိုပါစို့။ ၃၀၀x၁၀=၃၀၀၀ပေါင်
(ဘိလပ်မြေတစ်အိတ်က ၁၁၂ပေါင်လေးတယ်)
၃၀၀၀ကို ၁၁၂နဲ့စား= ၂၆.၇ အိတ်စာအလေးချိန်နဲ့ညီမျှတယ် ။

ပို အန္တရာယ် ကင်း (safe ) ဖြစ်အောင် ၂ဆတိုးရပါမယ်။ အဆောက်အဦးက ရေရှည်မှာ ခံနိုင်အားကျလာတတ်လို့ နောင်တစ်ချိန်မှာ အန္တရာယ်ကင်းအောင်ပါ။ အိတ်၅၀ လောက် ရေကန်တည်မဲ့နေရာကိုဘဲ ကွက်တင်ကြည့်လိုက်ပါ။ (အမိုးဆလပ်တစ်ပြင်လုံး ဖြန့်မတင်ရ ၊ ရေကန်ထားမဲ့ဧရိယာလေးအတိုင်း ဘိလပ်မြေအိတ် စီပီးထပ်တင်ကြည့်ရမယ်)
ဘာမှမဖြစ်ရင် ok ပြီ

အားလုံးဘဲ အဆင်ပြေသတိထားမိနိုင်ကြပါစေ။
#ဆောက်လုပ်ရေး
#အမိုးslab

Credit, Phyo Pyae Kyaw BE (Civil) MDY

07/08/2023

🙏မဂ်လာပါ ခဗျာ🙏

🏠အိမ်သုတ်ဆေး တွက်နည်း

~~~~~~~~~~~~~~~~~

အခန်းတစ်ခန်း၏ နံရံများကို ဆေးသုတ်ရန် လိုအပ်
သော ဆေးပမာဏကို တွက်ဆမည်ဆိုလျှင် နံရံ
များ၏ အလျားနှင့် အရှည်ပေများ အားလုံးကို
ပေါင်းပါ၊ ထို့နောက် ရလာသော အဖြေကို
အခန်း၏အမြင့်ပေ(ကြမ်းခင်းမှ မျက်နှာကျက်
အထိ)ဖြင့် မြှောက်ပါ၊ ရလာသော အဖြေသည် ယင်း
အခန်း၏ Square Footage ဖြစ်ပါသည်။

ဆေးသုတ်ရမည့် Square Footage တွက်နည်း

~~~~~~~~~~~~~~~~~~~~~~~~~~

တံခါးရွက်နှင့် ပြူတင်းပေါက်များသည် မတူညီ
သော ဆေးအမျိုးအစား သုတ်ရမည်ဖြစ်၍ ယင်း
ဧရိယာများကို နုတ်ပေးရပါမည်၊ ယေဘူယျ
အားဖြင့် တံခါးတစ်ချပ်ချင်းစီ အတွက်(20) Square
Feet နှင့် ပြူတင်းပေါက် တစ်ခုချင်းစီအတွက် (15)
Square Feet နုတ်ရမည် ဖြစ်ပါသည်။

ရလာသော အဖြေသည် ဆေးသုတ်ရမည့် အနီးစပ်
ဆုံး နံရံဧရိယာ ဖြစ်ပါသည်၊ ယင်းဧရိယာကို တစ်ဂါ
လံမှာ(350)Square Feet ရှိတဲ့အတွက်(350)ဖြင့်
စားလိုက်ပါက နံရံအတွက် လိုအပ်သော ဆေး
ပမာဏ(ဂါလံ)ကို ရရှိပါမည်၊ အဖြေတွင် စားကြွင်း
က(0,5) ထက်နည်းပါက ကွာတား(2) ဗူးဖြင့်
လုံလောက်နိုင်သော်လည်း (0,5) ထက်များပါက(1)
ဂါလံ ဝယ်ရပါမည်။

14×20 ပေအခန်း အမြင့် (8) ပေ တံခါး (2) ပေါက်၊
ပြူတင်းပေါက်(2)ခုရှိသော အခန်းကို ဥပမာ အနေ
နဲ့ တွက်ပြပေးပါမည်။

Ceiling ဆေးတွက်ဆမှု
~~~~~~~~~~~~~~~~~~
Ceiling ၏ အလျားပေ × အနံပေ = Ceiling Area
14×20=280 Square Feet

Ceiling အတွက် လိုအပ်သော ဆေးပမာဏ(ဂါလံ)
280÷350=0,8

ထိုအဖြေအရ Ceiling ဆေးတစ်ထပ် သုတ်ရန်(1)
ဂါလံ လိုအပ်ပါမည်၊(2) ထပ်သုတ်လျင် (2) ဂါလံ
လိုအပ်ပါမည်။

နံရံဆေးတွက်ဆမှု
~~~~~~~~~~~~~
နံရံတစ်ချပ်ချင်းစီ၏ အလျားပေကို ပေါင်းပါ။
14+ 20 + 14 + 20 = 68 ပေ

နံရံဧရိယာ တွက်ရန် အဖြေကို နံရံအမြင့်ပေဖြင့်
မြှောက်ပါ။
60 × 8 = 544 Square Feet

ဆေးတကယ်သုတ်ရန် လိုအပ်သောနံရံ ဧရိယာကို
ရှာရန် တံခါး (1) ချပ်စီတိုင်း အတွက် (20) Square
Feet နုတ်ပါ (20×2=40)၊ပြူတင်းပေါက် တစ်ခု
ချင်းစီတိုင်း အတွက် 15 Square Feet နုတ်ပါ(15×2
= 30)
544 - 70 = 474 Square Feet

နံရံ အတွက် လိုအပ်သော ဆေးပမာဏ(ဂါလံ)
474÷ 350 = 1,4

ထိုအဖြေအရ နံရံ ဆေးတစ်ထပ် သုတ်ရန်(1)ဂါလံ
(2)ကွာတားနှင့် (2) ထပ်သုတ်လျင် (2) ဆ လိုအပ်ပါ
မည်။

တံခါးနှင့် ပြူတင်းပေါက် ဆေးတွက်ဆမှု
~~~~~~~~~~~~~~~~~~~~~~~~~~~~~
20 Square Feet = တံခါး (1) ချပ်
တံခါးအရေအတွက်ကို (20) ဖြင့် မြှောက်ပါ။
2 × 20 = 40 Square Feet

ပြုတင်းပေါက် အရေအတွက်ကို (7,5) ဖြင့်မြှောက်
ပါ။
2 × 7,5 = 15 Square Feer

ထိုနောက် ရလာတဲ့ အဖြေများကို ပေါင်းပါ။
40 + 15 = 55

ပြီးလျှင် 350 ဖြင့်စားပါ။
54 ÷ 350 = 0,16

ထိုအဖြေအရ တံခါးနှင့် ပြူတင်းပေါက် အတွက်
ဆေး (1) ကွာတား ဝယ်ဖို့ လိုအပ်မည် ဖြစ်ပြီး တံခါး
နှင့် ပြူတင်းပေါက် တို့အား နှစ်ဖက်စလုံး သုတ်မည်
ဆိုပါက အဖြေကငိ (2) ဖြင့် မြှောက်ရမည် ဖြစ်
ပါသည်။

#အိမ်သုတ်ဆေးတွက်နည်း
#အိမ်ဆေးသုတ်
#ဆောက်လုပ်ရေး

A2L- Home Builders Construction & Decoration

06/02/2024

21/01/2024

19/01/2024

18/01/2024

08/01/2024

08/01/2024

24/12/2023

24/12/2023

08/08/2023

08/08/2023

07/08/2023

Address

Website

Alerts

Shortcuts

Share

Category

Listing takedown request