Sun Energy Solar

Call Directions Website Contact the business

Sun Energy Solar Contact information, map and directions, contact form, opening hours, services, ratings, photos, videos and announcements from Sun Energy Solar, Solar Energy Service, TechPark 151, Blk A. No. 151 Yawgi Kyaung Street, 11th Ward, Hlaing Township, Yangon.

မြန်မာပြည်တွင်းမှာ ပထမဆုံး နောက်ဆုံးပေါ် နည်းစနစ်နဲ့ ထုတ်လုပ်ထားတဲ့ ဆိုလာပြား၊ အရည်အသွေးကိုလည်း လက်ရှိတင်သွင်းရောင်းချနေတဲ့ အမှတ်တံဆိပ်အများအပြားထက်သာလွန်အောင်ထုတ်လုပ်ထားတာဖြစ်လို့ ယုံကြည်စိတ်ချစွာ အသုံးပြုနိုင်ပါတယ်နော်၊

(၂၃-၁၀-၂၀၂၆) ရက်နေ့မှာ ကျင်းပခဲ့တဲ့ စက်မှုကြီးကြပ်ရေးနှင့်စစ်ဆေးရေးဦးစီးဌာနရဲ့ "လျှပ်စစ်ကျွမ်းကျင်မှုအခြေခံသင်တန်း (ဆိုလ...
23/10/2026

(၂၃-၁၀-၂၀၂၆) ရက်နေ့မှာ ကျင်းပခဲ့တဲ့ စက်မှုကြီးကြပ်ရေးနှင့်စစ်ဆေးရေးဦးစီးဌာနရဲ့ "လျှပ်စစ်ကျွမ်းကျင်မှုအခြေခံသင်တန်း (ဆိုလာစနစ်) အမှတ်စဉ် (၂/၂၀၂၄)" သင်တန်းဆင်းပွဲ အခမ်းအနားသို့ ကျွန်ုပ်တို့ SUN Energy မှ တာဝန်ရှိသူများ သွားရောက်တက်ရောက်ခဲ့ကြပါတယ်။
​ယနေ့ခေတ်မှာ ဆိုလာစနစ်အသုံးပြုမှုများ တိုးတက်လာသည်နှင့်အမျှ
ဆိုလာစနစ်ကို စနစ်တကျ မှန်ကန်စွာ တပ်ဆင်သွယ်တန်းရေး၊ ဘေးအန္တရာယ်ကင်းရှင်းရေးဆိုင်ရာ သတ်မှတ်ချက်များကို စိစစ်စစ်ဆေးရေးနဲ့ ထိန်းသိမ်းပြုပြင်ရေး နည်းလမ်းများကို စဉ်ဆက်မပြတ် လေ့လာသင်ယူနေဖို့က အလွန်ပင် အရေးကြီးပါတယ်။
​အခုလို သင်တန်းကို အောင်မြင်စွာ တက်ရောက်ပြီးမြောက်ခဲ့ကြတဲ့ သင်တန်းသား တာဝန်ရှိသူများအားလုံးလည်း သင်တန်းမှ ရရှိခဲ့တဲ့ နည်းပညာနဲ့ ဗဟုသုတများကို လက်တွေ့လုပ်ငန်းခွင်မှာ အကျိုးရှိရှိ အသုံးပြုပြီး လုပ်ငန်းစွမ်းဆောင်ရည်များ ဒီထက်မက တိုးတက်အောင်မြင်ကြပါစေကြောင်း ကျွန်ုပ်တို့ SUN Energy မိသားစုမှ ဆုမွန်ကောင်း တောင်းပေးလိုက်ရပါတယ်ခင်ဗျ။

☀️ Industrial Visit to SUN Energy ☀️​စက်မှုကြီးကြပ်ရေးနှင့် စစ်ဆေးရေးဦးစီးဌာနမှ ဖွင့်လှစ်သည့် လျှပ်စစ်ကျွမ်းကျင်မှုအခြေခ...
22/10/2026

☀️ Industrial Visit to SUN Energy ☀️
​စက်မှုကြီးကြပ်ရေးနှင့် စစ်ဆေးရေးဦးစီးဌာနမှ ဖွင့်လှစ်သည့် လျှပ်စစ်ကျွမ်းကျင်မှုအခြေခံသင်တန်း (ဆိုလာစနစ်) အမှတ်စဉ် (၂/၂၀၂၆) မှ သင်တန်းသား၊ သင်တန်းသူများ SUN Energy ဆိုလာပြားစက်ရုံသို့ (၄) ကြိမ်မြောက် လာရောက်လေ့လာခဲ့ကြပါတယ်ခင်ဗျာ။ ☀️
​လေ့လာရေးအစီအစဉ်တွင် Solar Module ထုတ်လုပ်မှုလုပ်ငန်းစဉ်များ၊ အရည်အသွေးထိန်းချုပ်မှုနှင့် စမ်းသပ်စစ်ဆေးမှုနည်းလမ်းများကို SUN Energy မှ အင်ဂျင်နီယာများက လက်တွေ့ရှင်းလင်းမျှဝေပေးခဲ့ကြပါတယ်။
​ထို့အပြင် ဆိုလာပြားများ၏ အရည်အသွေး၊ Product Warranty နှင့် Performance Warranty၊ Partial Shading၊ Bypass Diode၊ Solar Technology ၏ အနာဂတ်အလားအလာများနှင့် မြန်မာနိုင်ငံ၏ Solar Industry ဖွံ့ဖြိုးတိုးတက်ရေးဆိုင်ရာ အကြောင်းအရာများကိုလည်း ရင်းနှီးပွင့်လင်းစွာ အပြန်အလှန် ဆွေးနွေးမျှဝေနိုင်ခဲ့ကြပါတယ်။
​SUN Energy အနေဖြင့် လူမှုအသိုင်းအဝိုင်းအတွက် တာဝန်ယူမှု၊ တာဝန်ခံမှု (Corporate Social Responsibility - CSR) တစ်ရပ်အနေဖြင့် ကျွမ်းကျင်လူ့စွမ်းအားအရင်းအမြစ်များ ပျိုးထောင်ရေးနှင့် စက်မှုလုပ်ငန်းများ ရေရှည်ဖွံ့ဖြိုးတိုးတက်ရေးတို့အတွက် အသိပညာနှင့် လက်တွေ့အတွေ့အကြုံများကို ယခုကဲ့သို့ စဉ်ဆက်မပြတ် မျှဝေပေးလျက်ရှိပြီး၊ လာရောက်လေ့လာကြသော သင်တန်းသား၊ သင်တန်းသူများအနေဖြင့်လည်း လက်တွေ့လုပ်ငန်းခွင်အတွက် အထူးအကျိုးရှိ ထိရောက်မည်ဟု ယုံကြည်မျှော်လင့်ပါတယ်ခင်ဗျာ။
​ယခုလိုလေ့လာရေးအစီအစဉ်ကို စီစဉ်ပေးခဲ့ကြသော ဆရာ၊ ဆရာမများ၊ တာဝန်ရှိသူများနှင့်အတူ သင်တန်းသား၊ သင်တန်းသူများအားလုံးကို ကျေးဇူးအထူးတင်ရှိပါတယ်ခင်ဗျာ။ အမှတ်တရလက်ဆောင်များအတွက်လည်း အထူးကျေးဇူးတင်ရှိပါတယ်ခင်ဗျ။ 🙏
​☀️ SUN Energy Solar Team
​📞 ဆက်သွယ်ရန်
ရုံးချိန်အတွင်း – 09420105050 / 09420105055
ရုံးချိန်ပြင်ပ – 095007697
​

🔋 EV ကားအားသွင်းတဲ့အခါ ဘယ်လိုအန္တရာယ်တွေ ဖြစ်လာနိုင်လဲ?Electric Vehicle (EV) တွေဟာ ခေတ်မီနည်းပညာနဲ့ ထုတ်လုပ်ထားတဲ့ ကားတွ...
21/10/2026

🔋 EV ကားအားသွင်းတဲ့အခါ ဘယ်လိုအန္တရာယ်တွေ ဖြစ်လာနိုင်လဲ?

Electric Vehicle (EV) တွေဟာ ခေတ်မီနည်းပညာနဲ့ ထုတ်လုပ်ထားတဲ့ ကားတွေဖြစ်ပေမယ့် အားသွင်းတဲ့အခါမှာလည်း သတိထားရမယ့်အချက်တွေ ရှိပါတယ်။

EV ကားပိုင်ရှင်တွေအနေနဲ့ အားသွင်းနည်းကို သိထားရုံသာမက ဘေးကင်းလုံခြုံစွာ အားသွင်းတတ်ဖို့လည်း အရေးကြီးပါတယ်။ ⚡🚗

⚠️ 1. လျှပ်စစ်ရှော့ခ်ဖြစ်နိုင်ခြင်း (Electric Shock)

Charging Cable၊ Connector သို့မဟုတ် Charging Equipment တွေ ပျက်စီးနေခြင်း၊ လျှပ်စစ်စနစ် ချို့ယွင်းခြင်းနဲ့ ရေဝင်ခြင်းတို့ကြောင့် လျှပ်စစ်အန္တရာယ် ဖြစ်ပေါ်နိုင်ပါတယ်။

✅ အားသွင်းကြိုးနဲ့ Connector တွေမှာ အက်ကွဲခြင်း၊ အပူလွန်ကဲခြင်း ရှိ၊ မရှိ စစ်ဆေးပါ။

✅ ပျက်စီးနေတဲ့ Charging Equipment ကို မသုံးပါနဲ့။

🔥 2. အပူလွန်ကဲခြင်းနှင့် မီးလောင်နိုင်ခြင်း (Overheating & Fire Risk)

အရည်အသွေးမမီတဲ့ Charger၊ မသင့်တော်တဲ့ လျှပ်စစ်ဝါယာကြိုး၊ Socket သို့မဟုတ် လျှပ်စစ်စနစ် ချို့ယွင်းမှုတွေကြောင့် အပူလွန်ကဲခြင်းနဲ့ မီးလောင်မှု ဖြစ်ပေါ်နိုင်ပါတယ်။

✅ သတ်မှတ်ထားတဲ့ လျှပ်စစ်စံနှုန်းနဲ့ ကိုက်ညီတဲ့ Charger ကို အသုံးပြုပါ။

✅ ပုံမှန် Socket တွေကို မသင့်တော်တဲ့ Load နဲ့ အသုံးမပြုပါနဲ့။

🌧️ 3. မိုးရေနဲ့ ရေဝင်မှုအန္တရာယ်

EV Charger အများအပြားဟာ သတ်မှတ်ထားတဲ့ ရာသီဥတုအခြေအနေတွေအတွက် ရေစိုခံဒီဇိုင်းနဲ့ ထုတ်လုပ်ထားပါတယ်။ ဒါပေမယ့် Charger အားလုံးက ရေစိမ်ခံနိုင်တာ မဟုတ်ပါဘူး။

✅ Charger ရဲ့ ရေစိုခံအဆင့်နဲ့ ထုတ်လုပ်သူညွှန်ကြားချက်ကို လိုက်နာပါ။

✅ ရေထဲနစ်နေတဲ့ Connector သို့မဟုတ် ပျက်စီးနေတဲ့ Charging Equipment ကို မကိုင်တွယ်ပါနဲ့။

🔌 4. Charger နဲ့ ကား မကိုက်ညီခြင်း

EV ကားတိုင်းဟာ Connector Type နဲ့ Charging Capability တူညီတာ မဟုတ်ပါဘူး။

ဥပမာ — GB/T၊ CCS2 နဲ့ အခြား Connector Standard တွေ ကွာခြားနိုင်ပါတယ်။

✅ မိမိကားနဲ့ ကိုက်ညီတဲ့ Charger ကို ရွေးချယ်ပါ။

✅ Charger ရဲ့ Power (kW) ဟာ ကားရဲ့ လက်ခံနိုင်တဲ့ Charging Power နဲ့ ကိုက်ညီမှုရှိ၊ မရှိ စစ်ဆေးပါ။

🔋 5. Battery အပူချိန်နဲ့ Charging ပြဿနာများ

Battery အပူချိန် အလွန်မြင့်ခြင်း၊ Battery သို့မဟုတ် Charging System ချို့ယွင်းခြင်းတို့ကြောင့် အားသွင်းနှုန်း ကျဆင်းခြင်း၊ Charging ရပ်တန့်ခြင်းနဲ့ အချို့အခြေအနေတွေမှာ မီးဘေးအန္တရာယ် ဖြစ်ပေါ်နိုင်ပါတယ်။

✅ ကားမှာ ပြသတဲ့ Warning Message တွေကို လျစ်လျူမရှုပါနဲ့။

✅ Battery ပျက်စီးမှု၊ အနံ့ထူးခြားမှု၊ မီးခိုး သို့မဟုတ် အပူလွန်ကဲမှုတွေ တွေ့ရင် အားသွင်းခြင်းကို ရပ်တန့်ပြီး ဘေးကင်းရာကို ရွှေ့ပါ။ မီးခိုးထွက်ခြင်း သို့မဟုတ် အပူလွန်ကဲခြင်းရှိရင် ကားကို မထိတွေ့ဘဲ အရေးပေါ်ဝန်ဆောင်မှုကို ဆက်သွယ်ပါ။

✅ EV ကားပိုင်ရှင်တိုင်း မှတ်ထားသင့်တဲ့ Safety Tips

🔹 အားသွင်းမီ Cable နဲ့ Connector ကို စစ်ဆေးပါ။

🔹 သတ်မှတ်ထားတဲ့ Charger နဲ့ လျှပ်စစ်စနစ်ကိုသာ အသုံးပြုပါ။

🔹 Charging Equipment ကို ကိုယ်တိုင်ဖွင့်ပြုပြင်ခြင်း မလုပ်ပါနဲ့။

🔹 ကားထုတ်လုပ်သူရဲ့ Charging Instructions ကို လိုက်နာပါ။

🔹 မီးခိုး၊ မီးပွား၊ ပုံမှန်မဟုတ်တဲ့ အပူ သို့မဟုတ် ထူးခြားတဲ့အသံတွေ တွေ့ရင် အန္တရာယ်ရှိတဲ့နေရာကနေ ချက်ချင်းခွာပါ။

⚡ EV Charging ဆိုတာ အားသွင်းရုံတင်မဟုတ်ပါဘူး။ မှန်ကန်တဲ့အသိပညာနဲ့ ဘေးကင်းလုံခြုံစွာ အသုံးပြုခြင်းကလည်း အရေးကြီးပါတယ်။

🚗🔋 သင့် EV ကားကို ဘေးကင်းစွာ အားသွင်းပါ။ သင့်ရဲ့ Safety က ပထမဦးစားပေးပါ။

၂၀၂၆ ခုနှစ်၊ အောက်တိုဘာလ (၁၆) ရက်နေ့က Sedona Hotel ရဲ့ ပထမထပ် The Grand Ballroom တွင် ကျင်းပပြုလုပ်ခဲ့တဲ့ Responsible Bu...
19/10/2026

၂၀၂၆ ခုနှစ်၊ အောက်တိုဘာလ (၁၆) ရက်နေ့က Sedona Hotel ရဲ့ ပထမထပ် The Grand Ballroom တွင် ကျင်းပပြုလုပ်ခဲ့တဲ့ Responsible Business Fund Plus (RBF+) မိတ်ဆုံစားပွဲကြီးမှာ SUN Energy မိသားစုဝင်များ ပါဝင်တက်ရောက်ခဲ့ပြီး ခေတ်မီဆန်းသစ်တဲ့ ဆိုလာပြားများနှင့် ဆိုလာနည်းပညာ များကို အောင်မြင်စွာ ခင်းကျင်းပြသနိုင်ခဲ့ပါတယ်
​အဆိုပါ ပွဲအတွင်း စီးပွားရေးလုပ်ငန်းရှင်များ၊ ဧည့်သည်တော်များနဲ့အတူ တန်ဖိုးရှိတဲ့ အတွေ့အကြုံများကို ဝေမျှရင်း လုပ်ငန်းသုံးနဲ့ အိမ်သုံးဆိုလာစွမ်းအင် ထုတ်ကုန်များကို မိတ်ဆက်ပြသပေးနိုင်ခဲ့ပါတယ်
​ဒါ့အပြင် ဒီပွဲအခမ်းအနားမှာပဲ SUN Energy ရဲ့ ဖြတ်သန်းခဲ့ရတဲ့ ခရီးစဉ်တစ်လျှောက် ကြုံတွေ့ ခဲ့ရတဲ့ စိန်ခေါ်မှုများ၊ ဖြေရှင်းဆောင်ရွက်ခဲ့ပုံများနဲ့ Solar ကဏ္ဍမှတစ်ဆင့် လူမှုစီးပွားရေးအပေါ် အကျိုးသက်ရောက်မှုများကို EUxJobs ရဲ့ Nation of Entrepreneurs Interview မှာ အသေးစိတ် မျှဝေပြောကြားခွင့် ရရှိခဲ့ပါတယ်
​Responsible Business Fund Plus (RBF+) မှ တာ၀န်ရှိသူများနှင့်တကွ ယခုလို ပွဲကြီးသို့ လာရောက်လေ့လာအားပေးကြတဲ့ မိတ်ဆွေများ၊ လုပ်ငန်းရှင်တစ်ဦးချင်းစီတိုင်းကိုရော၊ အင်တာဗျူး အစီအစဉ်မှာ ပါဝင်ခွင့်ပေးခဲ့တဲ့ EUxJobs တာဝန်ရှိသူများအားလုံးကိုပါ SUN Energy မိသားစုမှ ကျေးဇူးအထူးတင်ရှိပါတယ် ခင်ဗျ

Solar လေ့လာရေးသွားတာ EV ကားတန်းကိုရောက်သွားလို့ပါ
18/10/2026

Solar လေ့လာရေးသွားတာ EV ကားတန်းကိုရောက်သွားလို့ပါ

🚗 EV ကားတစ်စီးရှိပြီဆိုရင် ကားအားသွင်းဖို့အတွက် လျှပ်စစ်ကို ဘယ်ကရမလဲဆိုတာလည်း စဉ်းစားဖို့လိုလာပါပြီ။EV ကားတွေကို အသုံးပြ...
13/10/2026

🚗 EV ကားတစ်စီးရှိပြီဆိုရင် ကားအားသွင်းဖို့အတွက် လျှပ်စစ်ကို ဘယ်ကရမလဲဆိုတာလည်း စဉ်းစားဖို့လိုလာပါပြီ။

EV ကားတွေကို အသုံးပြုလာကြတဲ့အခါ မကြာခဏ ကြားရတဲ့မေးခွန်းတစ်ခုရှိပါတယ်။

“EV Charger ကို Solar နဲ့ တွဲသုံးလို့ရလား။ တွဲသုံးရင် ဘာအကျိုးရှိလဲ?” ⚡

တကယ်တော့ Solar နဲ့ EV Charger ကို တွဲသုံးခြင်းဟာ ကားအားသွင်းဖို့အတွက် လျှပ်စစ်ရရှိရုံတင်မကပါဘူး။ ကိုယ်အသုံးပြုနေတဲ့ စွမ်းအင်ကို ပိုမိုထိရောက်စွာ စီမံခန့်ခွဲနိုင်ဖို့လည်း အထောက်အကူပြုပါတယ်။

☀️ ၁။ နေရောင်ခြည်ကို ကားအားသွင်းဖို့ တိုက်ရိုက်အသုံးချနိုင်တယ်

နေ့ခင်းဘက် Solar Panel တွေကနေ ထုတ်လုပ်ပေးတဲ့ လျှပ်စစ်ကို EV Charger မှာ အသုံးပြုနိုင်ပါတယ်။ ဒါကြောင့် နေရောင်ကောင်းတဲ့အချိန် ကားအားသွင်းလေ့ရှိသူတွေအတွက် ဓာတ်အားလိုင်းက လျှပ်စစ်ကို အသုံးပြုရမှု လျော့နည်းလာနိုင်ပါတယ်။

💰 ၂။ ရေရှည်အားသွင်းစရိတ်ကို လျှော့ချနိုင်တယ်

ကားအားသွင်းတိုင်း လျှပ်စစ်မီတာကိုပဲ အားကိုးနေရမယ့်အစား ကိုယ်တိုင်ထုတ်လုပ်ထားတဲ့ Solar Energy ကို အသုံးချနိုင်ပါတယ်။ အထူးသဖြင့် နေ့ခင်းဘက် ကားအားသွင်းနိုင်တဲ့ အိမ်တွေ၊ ရုံးတွေနဲ့ လုပ်ငန်းခွင်တွေအတွက် ပိုပြီးစဉ်းစားသင့်တဲ့ ရွေးချယ်မှုတစ်ခုပါ။

🔋 ၃။ လျှပ်စစ်နဲ့ Battery System ကို လိုအပ်သလို ပေါင်းစပ်အသုံးပြုနိုင်တယ်

ညဘက်မှာ ကားအားသွင်းဖို့ လိုအပ်တယ်ဆိုရင် Battery Storage System ကိုပါ ထည့်သွင်းစဉ်းစားနိုင်ပါတယ်။ ဒါပေမဲ့ Battery Capacity၊ Inverter Power နဲ့ Charger ရဲ့ လျှပ်စစ်သုံးစွဲမှုတို့ကို ကိုက်ညီအောင် တွက်ချက်ဖို့ လိုပါတယ်။

⚡ ၄။ လျှပ်စစ်မီးအပေါ် မှီခိုမှုကို လျှော့ချနိုင်တယ်

လျှပ်စစ်မီး အချိန်မှန်မရတဲ့နေရာတွေမှာ Solar System နဲ့ သင့်တော်တဲ့ Backup System ကို ပေါင်းစပ်ထားခြင်းက အထောက်အကူဖြစ်နိုင်ပါတယ်။ သို့သော် Solar တစ်ခုတည်းနဲ့ အချိန်တိုင်း ကားအားသွင်းနိုင်မယ်လို့တော့ မဆိုလိုပါဘူး။

ဒါဆို Solar နဲ့ EV Charger တွဲသုံးဖို့ စဉ်းစားတဲ့အခါ ဘာကို အရင်ကြည့်သင့်လဲ?

အရေးကြီးဆုံးက Charger ရဲ့ Power Rating၊ တစ်နေ့တာ ကားအားသွင်းမယ့် ပမာဏ၊ Solar Panel ထုတ်လုပ်နိုင်စွမ်းနဲ့ Battery လိုအပ်ချက်တွေကို အရင်တွက်ချက်ဖို့ပါ။

Solar နဲ့ EV Charger ကို မှန်ကန်စွာ တွဲဖက်အသုံးပြုနိုင်မယ်ဆိုရင် ကားအားသွင်းခြင်းကို စွမ်းအင်ကုန်ကျစရိတ် သက်သာစေမယ့် ပိုမိုကောင်းမွန်တဲ့ စနစ်တစ်ခုအဖြစ် ပြောင်းလဲနိုင်ပါတယ်။ ☀️🔌

Responsible Business Fund (RBF+) မှ SUN Energy အမှတ်တံဆိပ်ဆိုလာပြားများ ထုတ်လုပ်နေတဲ့ လုပ်ငန်းခွင်ကို ၁၀ ရက်နေ့ နံနက်ခင်...
12/10/2026

Responsible Business Fund (RBF+) မှ SUN Energy အမှတ်တံဆိပ်
ဆိုလာပြားများ ထုတ်လုပ်နေတဲ့ လုပ်ငန်းခွင်ကို ၁၀ ရက်နေ့ နံနက်ခင်းလေးမှာ လာရောက်​ပြီး လတ်တ​လော တပ်ဆင်ပီးစီးဖြစ်လို့ စတင်အသုံးပြုနေပီဖြစ်တဲ့ Automated Solar Stringer Laying Up Machine ရဲ့ စွမ်း​ဆောင်ရည်ကို ကြည့်ရှု အား​ပေး သွားကြပါတယ်။

တာဝန်ယူမှု၊တာဝန်ခံမှုရှိသော စီးပွားရေးရင်းနှီးမြှုပ်နှံမှု အတွက် တောင်သူလယ်သမားများ ၊ခေတ်မီသွင်းအားစုများနှင့် နည်းပညာကဏ္ဍများ တိုးတက်ဖို့ရည်ရွယ်ပြီး project အတွက် ကုန်ကြ​ငွေတချို့တဝက်ကိုလည်း ပံပိုးပေးတဲ့အတွက် SUN Energy မိသားစုမှ ​အထူးကျေးဇူးတင်ရှိ​ကြောင်းမှတ်တမ်းတင်အပ်ပါတယ်။

SUN Energy ရဲ့ Solar များ၏ စွမ်းဆောင်ရည်ကို ခိုင်မာစွာ သက်သေပြသွားတဲ့ ကျွမ်းကျင် installer အစ်ကို Khine Zaw Lynn အား ကျေ...
12/10/2026

SUN Energy ရဲ့ Solar များ၏ စွမ်းဆောင်ရည်ကို ခိုင်မာစွာ သက်သေပြသွားတဲ့ ကျွမ်းကျင် installer အစ်ကို Khine Zaw Lynn အား ကျေးဇူးအထူးတင်ရှိပါတယ်။ 🙏☀️
ကုန်ကြမ်းရရှိဖို့ အလျင်မမီတဲ့အတွက် ကုန်​ချောထုတ်လုပ်ပို့​ဆောင်​ပေးနိုင်ဖို့ လတ်တ​လော အခက်အခဲဖြစ်​နေတာကို နားလည်ခွင့်လွှတ်ပေးကြတဲ့ Ko Khine Zaw Lynn နှင့် အခြားသော installer ကြီးများ၊ သုံးစွဲသူ မိတ်ဆွေများကိုလည်း​ကျေးဇူးအထူးတင်ရှ်ိပါတယ် ခင်ဗျာ။ Ko Khine Zaw Lynn တိုင်းတာထားသော အချက်အလက်များကို လဲ တဆင့်ပြန်လည်မျှဝေပေးလိုက်ပါတယ်ခင်ဗျ

ပျဉ်းမနား (နေပြည်တော်) မှာ တပ်ဆင်ထားတဲ့ SUN Energy Solar 590W (32 pcs) ရဲ့ စွမ်းဆောင်ရည်ဟာ Watt ထွက်နှုန်း 83.09% (14.95 kW) အထိ ပုံမှန်ထက် ပိုမိုကောင်းမွန်စွာ ထွက်ရှိနေတာကို စနစ်တကျ Record နဲ့တကွ ဖော်ပြပေးလိုက်ပါတယ်။

Solar တပ်ဆင်တဲ့အခါ Watt ဘယ်​လောက်ထွက်လဲ??
ဆိုတဲ့​မေးခွန်း မကြာခဏ ​မေးတာကြုံဖူးပါတယ် ..
Solar Panel ​တွေက တပ်ဆင်ထားရုံနဲ့ Watt ထွက်​နေတာမျိုး မဟုတ်ပါဘူး ..
ထုတ်ယူသုံးစွဲမှု ရှိတဲ့အခါမှသာ လိုအပ်​သော ပမဏအလိုက် Watt ထွက်ပါတယ် ..
ဒါအပြင် အပူချိန်ရယ် Cell Temperature ၊ ​နေလမ်း​ကြောင်း Sun Azimuth ၊ ​လေတိုက်နှုန်း ​တွေအ​ပေါ်မှာလည်း Watt ထွက်နိုင်မှုက မတူညီနိုင်ပါဘူး၊

Solar Panel ​တွေမှာ သတ်မှတ်ထားတဲ့ Watt အတိုင်း အပြည့် ထွက်ဖို့ဆိုတာ အလွန်ရှားပါးတဲ့ အ​ခြေအ​နေပါ
ဒါ​ပေမယ့် .. ပုံမှန်အ​ခြေအ​နေမှာ 80% ဝန်းကျင် ထွက်တယ်ဆိုရင် ​ကောင်းမွန်တဲ့ အရည်အ​သွေးရှိတဲ့ Solar Panel အဖြစ် သတ်မှတ်လို့ ရပါတယ်၊
ကျွန်​တော်တို့အ​နေနဲ့ 65% 70% ထွက်ရင်​တောင် အဆင်​ပြေတယ်လို့ ​ပြောလို့ရပါတယ် ..

အခု ပြထားတဲ့ Data က​တော့
လွန်ခဲ့တဲ့ ၆ လကတည်းက တပ်ဆင်ထားပြီးဖြစ်တဲ့
SUN Energy Solar 590W x 32pcs ရဲ့
ဒီနေ့ အ​ခြေအ​နေပါ ..
မှတ်တမ်းတင်ထားတဲ့အချိန်က 11:45 AM
Temperature 29° ~ 33°C
​လေတိုက်နှုန်းက​တော့ ပုံမှန်အ​ခြေအ​နေပါပဲ ..
Location : ပျဥ်းမနား ( ​နေပြည်​တော် )

⚡ EV CHARGING KNOWLEDGE 🔋 AC Charging vs DC Fast Charging — ဘာတွေကွာခြားလဲ?EV Charger တွေကို လေ့လာတဲ့အခါ အများဆုံးတွေ့ရမ...
06/10/2026

⚡ EV CHARGING KNOWLEDGE

🔋 AC Charging vs DC Fast Charging — ဘာတွေကွာခြားလဲ?

EV Charger တွေကို လေ့လာတဲ့အခါ အများဆုံးတွေ့ရမယ့် အမျိုးအစား ၂ ခုကတော့ AC Charging နဲ့ DC Fast Charging ဖြစ်ပါတယ်။

နှစ်မျိုးလုံးက EV Battery ကို အားသွင်းပေးတာဖြစ်ပေမယ့် Power ကို Battery ဆီပို့တဲ့ပုံစံနဲ့ Charging Speed ကွာခြားပါတယ်။ ⚡

🔌 1. AC Charging ဆိုတာဘာလဲ?

AC ဆိုတာ Alternating Current ဖြစ်ပါတယ်။

AC Charger က Grid ကလာတဲ့ AC Power ကို EV ရဲ့ On-Board Charger (OBC) ဆီ ပို့ပေးပါတယ်။

ကားထဲမှာရှိတဲ့ OBC က—

AC Power → DC Power

အဖြစ် ပြောင်းလဲပြီး Battery ထဲကို အားသွင်းပေးပါတယ်။ 🔋

ဒါကြောင့် AC Charging မှာ Charging Speed ကို ကားရဲ့ On-Board Charger Capacity ကလည်း အရေးကြီးပါတယ်။

ဥပမာ—

⚡ 7 kW AC Charger
⚡ 11 kW AC Charger
⚡ 22 kW AC Charger

စတဲ့ Charger တွေကို တွေ့ရနိုင်ပါတယ်။

AC Charging က အများအားဖြင့်—

🏠 Home
🏢 Office
🏨 Hotel
🏘️ Condo
🅿️ Long-term Parking

လိုမျိုး ကားကို အချိန်အတော်ကြာ Parking ထားနိုင်တဲ့နေရာတွေမှာ သင့်တော်ပါတယ်။

⚡ 2. DC Fast Charging ဆိုတာဘာလဲ?

DC ဆိုတာ Direct Current ဖြစ်ပါတယ်။

DC Fast Charger မှာတော့ AC Power ကို Charger ရဲ့အတွင်းပိုင်းမှာ AC → DC ပြောင်းလဲပြီး Battery ဆီကို DC Power နဲ့ တိုက်ရိုက်ပို့ပေးနိုင်ပါတယ်။

ဒါကြောင့် EV ရဲ့ On-Board Charger ကို အသုံးပြုပြီး AC ကို DC ပြောင်းရတဲ့အဆင့်ကို ကျော်သွားနိုင်ပြီး ပိုမိုမြင့်မားတဲ့ Charging Power နဲ့ အားသွင်းနိုင်ပါတယ်။ ⚡🔋

ဥပမာ—

⚡ 30 kW
⚡ 60 kW
⚡ 120 kW
⚡ 180 kW
⚡ 240 kW
⚡ 350 kW

လိုမျိုး DC Fast Charger တွေကို တွေ့ရနိုင်ပါတယ်။

DC Fast Charging ကို အများအားဖြင့်—

🛣️ Highway
⛽ Public Charging Station
🛍️ Shopping Mall
🏢 Commercial Area
🚗 Rest Area

စတဲ့နေရာတွေမှာ အသုံးပြုကြပါတယ်။

🔋 AC နဲ့ DC ကို အလွယ်ဆုံးမှတ်မယ်ဆိုရင်

AC Charging
➡️ Power ကို ကားရဲ့ OBC က DC ပြောင်းပြီး Battery ထဲသွင်း
➡️ Charging Speed ပိုနှေး
➡️ Long Parking အတွက် သင့်တော်

DC Fast Charging
➡️ Charger က Power ကို DC ပြောင်းပြီး Battery ဆီ တိုက်ရိုက်ပို့
➡️ Charging Speed ပိုမြန်
➡️ Short Stop / Public Charging အတွက် သင့်တော်

ဒါပေမယ့် DC Charger က kW များတိုင်း ကားက အဲဒီ kW အပြည့်နဲ့ အားသွင်းနိုင်မယ်လို့ မဆိုနိုင်ပါဘူး။

ဥပမာ Charger က 120 kW ဖြစ်ပေမယ့် ကားရဲ့ Maximum DC Charging Power က 60 kW ပဲဆိုရင် ကားဘက်က လက်ခံနိုင်တဲ့ Power အတိုင်းသာ အားသွင်းနိုင်ပါတယ်။

အပြင် Battery ရဲ့ State of Charge (SOC)၊ Battery Temperature နဲ့ ကားရဲ့ Charging Curve တွေကြောင့်လည်း Charging Speed က အချိန်အလိုက် ပြောင်းလဲနိုင်ပါတယ်။

📌 ဒါကြောင့် EV Charging ကို နားလည်ဖို့ “Charger kW” တစ်ခုတည်းကို ကြည့်လို့မရပါဘူး။ Charger နဲ့ EV နှစ်ဖက်လုံးရဲ့ Charging Capability ကို တွဲကြည့်ဖို့ လိုပါတယ်။🚗⚡

💡 Solar မတပ်ခင် လူတိုင်း သိထားသင့်တဲ့ အချက် (၃) ချက်ကို မျှဝေပေးလိုက်ပါတယ် Solar တပ်တာက မီးပျက်တဲ့အချိန် မီးရဖို့တစ်ခုတည...
05/10/2026

💡 Solar မတပ်ခင် လူတိုင်း သိထားသင့်တဲ့ အချက် (၃) ချက်ကို မျှဝေပေးလိုက်ပါတယ်

Solar တပ်တာက မီးပျက်တဲ့အချိန် မီးရဖို့တစ်ခုတည်း မဟုတ်ပါဘူး။
ဒီနေ့ ကိုယ့်အိမ်အတွက် ရွေးချယ်လိုက်တဲ့ Solar က မနက်ဖြန်ရဲ့ စွမ်းအင်နဲ့ ပတ်ဝန်းကျင်အတွက်ပါ ရင်းနှီးမြှုပ်နှံမှုတစ်ခု ဖြစ်ပါတယ်။ 🌱

🔋 ၁။ Inverter & Battery — ကိုယ့်အိမ်နဲ့ ကိုက်ညီရဲ့လား?
Load၊ အသုံးပြုချိန်နဲ့ Backup Time ကိုတွက်ပြီး System ကိုရွေးပါ။
Battery မှာတော့ စျေးနှုန်းတစ်ခုတည်းမကြည့်ဘဲ Safety၊ သက်တမ်းနဲ့ အသုံးခံနိုင်မှု ကိုပါ ကြည့်ပါ။

☀️ ၂။ Panel — Watt တစ်ခုတည်း မကြည့်ပါနဲ့။
590W ဖြစ်လို့ကောင်း၊ 630W ဖြစ်လို့ပိုကောင်းဆိုတာမျိုးမဟုတ်ပါဘူး။
Efficiency၊ Degradation၊ Temperature Coefficient နဲ့ N-Type / TOPCon Technology တွေကိုပါ စစ်ဆေးပါ။

🛡️ ၃။ Quality & Warranty — ရေရှည်အတွက် စစ်ဆေးပါ။
Solar System က တစ်ရက်နှစ်ရက်သုံးဖို့ မဟုတ်ပါဘူး။
Brand၊ Certification၊ Warranty နဲ့ Installation Quality က နှစ်ပေါင်းများစွာ စိတ်ချစွာသုံးနိုင်ဖို့ အရေးကြီးပါတယ်။

🌍 Solar ရဲ့တန်ဖိုးက မီးရတာထက် ပိုပါတယ်။

သန့်ရှင်းတဲ့စွမ်းအင်ကို ရွေးချယ်ခြင်းက လောင်စာဆီအပေါ် မှီခိုမှုကို လျှော့ချပြီး ပိုမိုကောင်းမွန်တဲ့ ပတ်ဝန်းကျင် အတွက် တစ်လှမ်းတိုးခြင်း လည်း ဖြစ်ပါတယ်။

ဒီနေ့ ကိုယ့်အိမ်အတွက် ရွေးချယ်တဲ့ Solar က မနက်ဖြန် ကိုယ့်မိသားစုနေထိုင်မယ့် ကမ္ဘာအတွက်ပါ ရွေးချယ်မှုတစ်ခုပါ။ 🌱

☀️ Solar ရွေးချယ်တဲ့အခါ စျေးနှုန်းတစ်ခုတည်း မကြည့်ပါနဲ့။
အရည်အသွေး၊ လုံခြုံမှုနဲ့ ရေရှည်တန်ဖိုးကိုပါ ကြည့်ပါ။

SUN Energy — Clean Energy for a Better Tomorrow.

Address

TechPark 151, Blk A. No. 151 Yawgi Kyaung Street, 11th Ward, Hlaing Township
Yangon
11051

Telephone

+959750977830

Website

Alerts

Be the first to know and let us send you an email when Sun Energy Solar posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sun Energy Solar:

Shortcuts

Share

Category