14/05/2024
EV ကားတစ်စီး ဝယ်တော့မယ်ဆိုရင် ကိုယ်ဝယ်တဲ့ကားက ဘာတွေပါလဲ အထီးလားအမ လားသိထားသင့်ပါတယ် ။
Battery Capacity
EV ကားတစ်စီးရဲ့ အသက်က Battery ပါ ။ မြန်မာပြည်ကိုဝင်တာ Battery က 30kwh -ကနေ 106 kWh ထိ ရှိပါတယ် ။ Ice cream လိုကားကတော့ 13.9kwh ပဲရှိလို့ထည့်မပြောတော့ပါဘူး ။
BYD seagull ဆို 30kwh 40kwh ဆိုပီး လာတယ် ။ Geely Geometry C ကတော့ 70kwh ထည့်ပေးထားပီး Zeekr X ကတော့ 66 kWh နဲ့ Zeekr 001 ကတော့ 95kwh နဲ့ လာပါတယ် ။ Voyah Free dreamer ကတော့ မြန်မာပြည်မယ် အမြင့်ဆုံး ဖြစ်မယ်ထင်ပါတယ် 108kwh battery capacity ရှိလို့ ။ ၂ စီးလုံးက ကီလို 600 လောက်ပဲ range ပြပါတယ် ။
Range (သွားနိုင်သည့်အကွာအဝေး)
ဒီမှာတော့ Battery ထက် Range ကိုအမေးများကြပါတယ် ။ Range မှာ NEDC , CLTC , WLTP ဆိုပီး သတ်မှတ်ထားတာတွေပါပါတယ် ။
ဒါကို သိသူနည်းပါတယ် ။ NEDC ကတော့ 1980 လောက်က သတ်မှတ်ခဲ့တာဖြစ်ပီးတော့ WLTP ကတော့ 2017 မှာအသစ်ပြောင်းသတ်မှတ်ခဲ့တာပါ။ များသောအားဖြင့် ဒီမှာက CLTC range နဲ့ပြောကြတာများတယ် ။ WLTP range ကတော့ အနီးစပ်ဆုံးပြထားတဲ့ကီလိုမီတာ အတိုင်းမောင်းနှင်နိုင်ပါတယ်။ အောက်က ပုံထဲမှာ ပြထားပါတယ် ။ Tesla Modle 3 ကို CLTC နဲ့ 675 km မောင်းနှင်နိုင်တယ်လို့ပြထားပေမယ့် WLTP range နဲ့ကတော့ 547km သာသွားနိုင်မှာပါ။ ဒီတော့ အရေးကြီးတာက Range ကို သေချာသိဖို့ပါ မဟုတ်ရင် ကိုယ်သွားတဲ့ခရီးနဲ့ ကုန်သွားရင်လမ်းမှာ ဒုက္ခရောက်မှာပါ။ မြန်မာပြည်မှာတော့ အနည်းဆုံး 160km ကနေ 700km ထိမောင်းနှင်နိုင်တယ်ရေးထားပေမယ့် 20%-30% နှုတ်ပီးသွားဖို့တိုက်တွန်းပါရစေ ။ ဉပမာ BZ4 ဆိုရင် 615 km ပြောထားပေမယ့် 400km ကျော် လောက်သာ မောင်းနိုင်တာကိုတွေ့ရမှာပါ။
kWh (horsepower)
နောက်ကနေ လိုက်တာက မော်တာ ပါ ။ မော်တာက မြင်းကောင်ရေ နဲ့ပြောရရင် ဉပမာ 160kw ထွက်တယ်ဆိုရင် 220hp လောက်ရမှာပါ။ Lexus NX 2000cc turbo နဲ့ မြင်းကောင်ရေတူတူထွက်မှာပါ။အနိမ့်ဆုံးကတော့ 55kw ကနေ 400kw ထိရှိပါတယ် ။ ဉပမာ BYD seagull က 55kw = 74 hp ပါ ။ Geely Geometry C ကတော့ 150kw (200hp ) ထွက်ပီး Zeekr X ကတော့ 315kw(428hp) ထွက်ပါတယ် ။ Toyota bZ4X ကတော့ 160kw ထွကိပါတယ်။ BYD Han ကတော့ 363kw(487hp) နဲ့ Zeekr 001 ကတော့ 400kw (537hp) ထွက်ပါတယ် ။ ဒီတော့ Han တို့ Zeekr 001 တို့ကတော့ Sport ကားတစ်စီးလိုမြန်ဆန်ပါတယ် ။
Top speed
ဒါဆို အဲ့နောက်ကနေ မှ Top speed ဆိုတာ ရှိပါတယ် ။
Top speed 80 ကနေ 200km Over ထိရှိပါတယ် ။ လီဗာ တဆုံးနင်းပီးမောင်းနိုင်တဲ့ အမြန်ဆုံး Speed ကိုပြောတာပါ။ ဉပမာ ပြောရရင် Dayun Yuehu ဆိုရင် ကီလို ၁၀၀ ထက်ပိုနင်းလို့မရပါဘူး ။ Toyota BZ4X ကတော့ 160km/h ပါ။BYD Han တို့ Zeekr 001 တို့ကတော့ 200km အထက်ကိုနင်းလို့ရနိုင်မှာပါ။
Motor
နောက်တစ်ခုကတော့ Motor တွေကို Single motor dual motor Tri motor four electric motor ထိရှိပါတယ် ။ တနည်းပြောရရင် ရှေ့ 2 ဘီးကို မော်တာ ၁ လုံးနဲ့ လည်ပေးပီး နောက် ၂ ဘီးကို မော် တာ ၁ လုံးနဲ့လည်ပေးတာပါ။ Tesla ကတော့ ၃ လံုးနဲ့ပေါ့။ အဲ Mercedes G wagon ကတော့ အဆန်းကြီး ဘီး ၁ ဘီးကို မော်တာ ၁ လုံးစီနဲ့ 4 electric motor ထည့်ပေးထားတာပါ ။ မော် တာ ၁ လုံးစီကနေ 145 hp ထွက်လို့ ၄ လုံး ကို 580hp ထွကိမှာပါ။
Fastest electric
ဒါဆိုလာပါပီ အမြန်ဆုံးတွေက ဘာလဲမေးလာမှာ ပါ အပေါ်က ကားတွေက အကုန် တရုတ်ကားတွေပါ ။ ဒါဆို Tesla အကြောင်းဘာလို့မပြောတော့ တာလဲ သူကဆရာကြီးမလို့ပါ Tri motor နဲ့ 1000hp+
ထွက်ပီးတော့ Top speed 320km/h ကျော်ထိနင်းလို့ရပါတယ် ။
0-100km
နောက်တစ်ခုကျန်နေသေးတာရှိပါသေးတယ် အမြန်ဆုံးဆိုတဲ့ 0-100 km ကို ဘယ်လောက် ရလဲဆိုတာ ပါ။ Tesla ရဲ့ Model S ကတော့ Tri motor နဲ့ က 0-100 km ကို 2.3s ပဲကြာပါတယ် ။ မြန်ပြည်ကိုဝင်တဲ့ကားထဲမှာတော့ လောလောဆယ်မှာ BYD Han ရှိပါလိမ့်မယ် သူက 0-100 km ကို 3.9 second ပဲကြာပါလိမ့်မယ် Dual motor နဲ့ပါ ။ Leap C11 က 3.94s ပါ။ Zeekr X နဲ့ Zeekr 001 ကတော့ 0-100ကို 3.8s နဲ့ပါ ။ ဒီလောက်ဆိုတော်တော်များများသိလောက်ပါပီ ။
ဒါဆို EV ကားတစ်စီး ဝယ်ရင် စာရွက်ပေါ်ကထက် အပြင်ကလက်တွေ့ အတွေ့အကြံုတွေလဲ မေးမြန်းသင့်ပါတယ် ။ စာရွက်ပေါ်က range တွေ စာရွက်ပေါ်က Speed တွေ စာရွက်ပေါ်က အာမခံ တွေထက် လက်တွေ့ကျတာတွေက တော့ကိုယ်တိုင်စမ်းမှ သိတာမလို့ နားလည်သူတွေမေးမြန်းဝယ်ယူနိုင်ကြပါစေဗျာ
မောင်သန့်ဇင်
