A Team Architects

Home
Myanmar
Yangon
A Team Architects

Fast growing Architectural Design Firm in Myanmar with International Experience.

28/10/2026

Grass Pavers & Green Driveway
ခြံဝိုင်းအတွင်း အလှဆင်ထားနိုင်ရုံတင်သာမက
ရာသီဥတုအပူဒဏ်ကိုပါ သဘာဝအတိုင်း ဖြေရှင်းနိုင်တဲ့ Permeable Green Paving

ခြံဝိုင်းအတွင်း ကွန်ကရစ် အပြည့်လောင်းပြီး အပူဒဏ်ကိုစုပ်ယူပြီး ပြန်ထွက်လာတာမျိုးထက်
သဘာ၀အတိုင်း အပူချိန်ကို စုပ်ယူခြင်းမရှိဘဲ
အေးမြစေတဲ့ Grass Pavers & Green Driveway နဲ့ အလှဆင်ကြည့်ပါ။

မိုးကြီးချိန် ခြံဝိုင်းအတွင်း ရေဝပ်ခြင်းကို သဘာဝအတိုင်း မြေကြီးထဲသို့စိမ့်ဝင်သွားနိုင်အောင် လုပ်ဆောင်ပေးနိုင်တဲ့ အကောင်းဆုံးဒီဇိုင်းတစ်ခုဆိုလည်း မမှားပါဖူး။

26/10/2026

🙏🏻 ကျန်းမာပြီး ဘေးကင်းတဲ့
သီတင်းကျွတ်အခါသမယ ဖြစ်ပါစေ။

🌕Happy Thadingyut Festival

#သီတင်းကျွတ်

24/10/2026

ခေတ်မီ Tropical Modernism မှာ သုံးနေကြတဲ့ Slanted Louvers ဒီဇိုင်းတွေဆိုတာ
Slanted Zinc Awning ရဲ့ ရိုးရှင်းတဲ့သဘောတရားကိုပဲ ခေတ်မီ ပစ္စည်းတွေနဲ့ ပြန်လည် ဆန်းသစ်ထားတာမျိုးပါ။

မိုးရာသီနဲ့ နွေရာသီကို အံဝင်ခွင်ကျ ဖြစ်အောင် ဖြေရှင်းထားတဲ့ Shading Element တစ်ခုဖြစ်တဲ့ Slanted Zinc Awning တွေက
မိုးသည်းထန်စွာ ရွာသွန်းချိန်မှာ မိုးရေစိမ့်မဝင်အောင် အမိုးအစောင်းက အောက်ဆီ အမြန်ဆုံး စီးဆင်းစေနိုင်တဲ့အပြင်
မွန်းလွဲပိုင်း ပြင်းထန်တဲ့နေရောင်တွေ အိမ်တွင်းဆီသို့ တိုက်ရိုက်မဝင်နိုင်အောင် အရိပ်မိုးပေးထားနိုင်ပါတယ်။

21/10/2026

ဆောက်အအုံ ရေရှည်ခိုင်ခံ့ဖို့နဲ့
ကြမ်းအောက် အပူချိန်ကို ထိန်းပေးနိုင်ဖို့
Sub-floor Ventilation စနစ်တစ်ခုဖြစ်တဲ့ Plinth Vents

ဒါဟာ ရိုးရိုးအပေါက်ဖောက်ထားတာမျိုး မဟုတ်ဘဲ
မြေကြီးက တက်လာတဲ့စိုထိုင်းဆတွေကို
အောက်ခြေ လေပေါက်တွေကနေတဆင့် အပြင်ဘက်ဆီသို့ ထွက်သွားစေနိုင်ရန်နဲ့

သစ်သား ကြမ်းခင်းတွေ
တိုင်အောက်ခြေ ဆွေးမြေ့ခြင်းနဲ့ ခြစားခြင်းတွေကို
သဘာဝအတိုင်း ကာကွယ်ပေးနိုင်ရန်အတွက်ပဲဖြစ်ပါတယ်။

ခေတ်မီ Green Building တွေမှာ
မရှိမဖြစ် သုံးနေကြတဲ့ Sub-surface Air Flow နည်းစနစ်ဆိုတာကလည်း
ဒီသဘောတရားအတိုင်း တည်ဆောက်ထားတာပါ။

19/10/2026

Modern Minimalist,
Retro Style Cafe & Home Design တွေမှာ ပြန်လည်ခေတ်စားလာတဲ့
Terracotta & Cement Patterned Tiles

သက်တမ်းရင့် တိုက်အိမ်ကြီးတွေထဲ
ခြေချလိုက်တာနဲ့ အေးစိမ့်သွားတဲ့ ခံစားချက်
ဒါဟာ အဲကွန်းတွေကြောင့် မဟုတ်ဘဲ
ရှေးယခင် သုံးခဲ့ကြတဲ့ Terracotta လို့ခေါ်တဲ့ အုတ်ကြွေပြားနဲ့
Cement Patterned Tiles လို့ခေါ်တဲ့ ဘိလပ်မြေကြမ်းခင်းပြားတွေရဲ့
ဗိသုကာ သဘောတရားတွေကြောင့်ပါ။

ပါကေး သို့မဟုတ် ပလတ်စတစ် ကြမ်းခင်းတွေနဲ့ မတူဘဲ
သဘာဝတိုင်း မြေကြီး၊ ဘိလပ်မြေနဲ့ ပြုလုပ်ထားတဲ့ ကြွေပြားတွေက
မြေကြီးရဲ့ အေးမြမှုကို စုပ်ယူထားပြီး
အိမ်တွင်း အပူချိန်ကို
အောက်ခြေကနေ လျှော့ချပေးနိုင်တဲ့အပြင်
ပတ်ဝန်းကျင် အပူချိန်မြင့်တက်ချိန်မှာတောင်
အေးမြမှုကို ထိန်းထားပေးနိုင်ပြီး
ပူအိုက်အိုက် ရာသီဥတုတွေကိုတောင်
အိမ်တွင်းလေထုကို မျှတစေနိုင်တာကြောင့်ပါ။

17/10/2026

Terracotta Roof Tiles
မြေကြွပ်ပြား (အုတ်ကြွပ်အမိုး) ဆိုတာ
ယနေ့ခေတ် သွပ်မိုး၊ အလူမီနီယံမိုးတွေ ခေတ်စားလာပေမဲ့
မြေကြွပ်ပြားအမိုးတွေရဲ့ ဗိသုကာဆိုင်ရာ အားသာချက်ကိုတော့ မမှီနိုင်သေးတဲ့

မြေကြီး (ရွှံ့) နဲ့ ပြုလုပ်ထားတဲ့ အုတ်၊ ကြွပ်ပြားတွေဟာ
နေအပူကို အိမ်အတွင်းထဲဆီ တိုက်ရိုက် ကူးစက်မသွားအောင် တားဆီးပေးနိုင်စွမ်းရှိတဲ့အပြင်
မိုးသည်းထန်စွာ ရွာသွန်းချိန်မှာတောင် သွပ်မိုးတွေလို အသံဆူညံခြင်းမရှိဘဲ မိုးသံကို စုပ်ယူပေးထားနိုင်တာကြောင့် ငြိမ်သက်အေးချမ်းတဲ့ အိမ်တွင်းပတ်ဝန်းကျင်ကို ရရှိစေပါတယ်။

Modern Eco-Resort တွေနဲ့ Luxury Tropical Villas တွေလို
အဲကွန်းမလိုဘဲ အေးမြနေစေဖို့ ဒီမြေကြွပ်ပြား အမိုးဒီဇိုင်းတွေကို Modern Minimalist ပုံစံနဲ့ ပြန်လည် ဆန်းသစ် သုံးစွဲလာကြပါပြီ။

14/10/2026

အိမ်တစ်အိမ်နဲ့ တစ်အိမ်ကြား ဘေးချင်းကပ် ဆောက်တဲ့အခါ
အနည်းဆုံး ၂ ပေ၊ ၃ ပေခန့် ကြားခံ ဘေးလမ်းကြား (Setback) လေးတွေ
ဘာကြောင့်ချန်ထားတတ်ကြတာလဲ။

ဒါဟာ မြေကွက်နယ်နိမိတ် သတ်မှတ်ရုံတင်သာမက
မြို့ပြ ဗိသုကာရဲ့ Funnel Ventilation လို့ခေါ်တဲ့ လေစုပ်ယူမှု စနစ်ကို ဖန်တီးထားတာပါ။

Wind Funnel Effect
အဆောက်အအုံနှစ်ခုကြား
ကျဉ်းမြောင်းတဲ့လမ်းကြားက တိုက်ခတ်လာတဲ့ လေပူတွေကို
ဖိအားပေးပြီး မြန်ဆန်စွာ လေအေးတွေအဖြစ် ပြောင်းလဲပေးနိုင်ပါတယ်။

Natural Cross-Ventilation
ဘေးလမ်းကြားကနေတစ်ဆင့် အိမ်ရဲ့ ဘေးပြတင်းပေါက်တွေဆီ
လေအေးသစ်တွေ အမြဲမပြတ် စီးဝင်စိမ့်ဝင်နိုင်အောင် ကူညီပေးနိုင်ပါတယ်။

ခေတ်မီ Urban Planning တွေရဲ့ Wind Corridor သဘောတရားဆိုတာ ဒီ အိမ်ကြား လမ်းကြားလေးတွေပဲ ဖြစ်ပါတယ်။

11/10/2026

Eaves Gable Vent ဆိုတာဘာလဲ?
မြို့ကြီးတွေက အိမ်ဟောင်းတွေ၊
ဂိုဒေါင်တွေနဲ့ နှစ်ထပ်တိုက်တွေရဲ့ အမိုးအောက်တွေမှာ
မြင်တွေ့ရတဲ့ Gable မှာရှိတဲ့
သစ်သားဇာအကွက်
ဒါမှမဟုတ်
ဇယားကွက် လေပေါက်

ဒါဟာ အနုပညာလက်ရာအဖြစ်
အလှဆင်ထားတာမျိုး မဟုတ်ဘဲ
အိမ်တွင်း အပူချိန်ကို
အဓိကလျှော့ချပေးနိုင်တဲ့ Attic Ventilation လို့ခေါ်တဲ့
အမိုးအောက် လေပူထုတ်နည်းစနစ်ပဲ ဖြစ်ပါတယ်။

နေရောင်ခြည်ဟာ
သွပ်မိုး ဒါမှမဟုတ်
အုတ်ကြွပ်မိုးတွေပေါ် ကျရောက်လာတဲ့အခါ
အမိုးအောက်မျက်နှာကြက်ကြားမှာ
အပူချိန် ၅၀-၆၀ ဒီဂရီစင်တီဂရိတ်အထိ
ပူနွေးလာတတ်ပါတယ်။

အမိုးအောက် လေပူတွေကို
အပြင်ဆီ အလိုအလျောက် ထွက်သွားစေဖို့အတွက်
ဒီဇာအကွက် လေပေါက်တွေက
လုပ်ဆောင်ပေးနိုင်ပါတယ်။

ဒါ့အပြင် အဆောက်အဦးအတွင်း
စိုထိုင်းဆကြောင့် ဆွေးမြေ့မှုနည်းသွားအောင်
လေလမ်းကြောင်းတစ်ခု
အမြဲသွားလာနိုင်အောင် ဖန်တီးပေးထားနိုင်တာကြောင့်ပါ။

Green Building ဒီဇိုင်းတွေမှာ
အိမ်ရဲ့ အမိုးအောက်
အပူချိန်ကိုလျှော့ချဖို့ သုံးကြတဲ့ Roof Ridge Vents တွေရဲ့
မူလသဘောတရားဟာ
ဒါကိုပဲ အခြေခံထားကြတာပါ။

09/10/2026

အခုခေတ် အိမ်အများစုက ခြံဝန်းထဲ ကွန်ကရစ်တွေ အပြည့်လောင်းပြီး ခင်းလိုက်ကြပေမဲ့
ရှေးအိမ်ကြီးတွေနဲ့ ခေတ်ဆန်းကာလခြံဝိုင်းတွေထဲ ကြည့်မိရင်
အုတ်နီခဲများကို Brick Paving စတိုင်လ်
အစီစီခင်းထားတာ တွေ့ရပါလိမ့်မယ်။

ဒါဟာ လမ်းလျှောက်ရ သန့်ရှင်းရုံတင်မက
အိမ်ဝိုင်းတွင်း အပူချိန်ကိုပါ
အံ့ဩဖွယ်ထိန်းပေးနိုင်တဲ့ နည်းလမ်းတစ်ခုပါ။

Porous & Water Absorption - ရေစိမ့်ဝင်နိုင်စွမ်း
ကွန်ကရစ်လို အပူကို စုပ်ယူပြီး ပြန်ထုတ်ပေးတာမျိုး မဟုတ်ဘဲ
အုတ်နီခဲတွေဟာ ရေကို မြေကြီးထဲထိ စိမ့်ဝင်စေပြီး
နေပူချိန် စိုထိုင်းဆကို
သဘာဝအတိုင်း အငွေ့ပျံစေတာနိုင်တာကြောင့်ပါ။

Reduce Urban Heat Island Effect - မြို့ပြမှ အပူလျော့ကျခြင်း
ကွန်ကရစ်တွေလို လှိုင်းအပူဟပ်ခြင်းကို ကာကွယ်ပေးနိုင်ပြီး
ရေကြီးရေလျှံမှုကိုပါ
သဘာဝအတိုင်း ထိန်းချုပ်ပေးနိုင်ပါတယ်။

အခုခေတ် Landscape Architecture တွေမှာ
သဘာဝတိုင်း ရေစိမ့်ဝင်မှုရရှိအောင်သုံးကြတဲ့
Permeable Paving စနစ်ဆိုတာကလဲ
ဒီသဘောတရားကို အခြေခံထားခြင်းပါ။

07/10/2026

သာမန် အလှဆင်ထားတာမျိုးဆိုတာထက်
လေအရှိန်နဲ့ မိုးရေစီးဆင်းမှုကို
ဗိသုကာနည်းကျကျ ထိန်းချုပ်ထားတဲ့
အမိုးခုံးပုံစံ - Arch & Vault Awnings

လေပြင်း တိုက်ခတ်တဲ့အခါ
အမိုးခုံးပုံသဏ္ဌာန်တွေက
လေထုဖိအားကို ဘေးနှစ်ဖက်ဆီ
အလိုအလျောက် ခွဲထုတ်ပေးနိုင်တဲ့အပြင်
မိုးသည်းထန်စွာရွာချိန်မှာတောင်
အမိုးပေါ် ရေဝပ်မကျန်စေဘဲ
ဘေးနှစ်ဖက်ဆီ အမြန်ဆုံး စီးကျသွားစေနိုင်ပါတယ်။

ဒါဟာ ပြတင်းပေါက်ကို လေတိုက်ခတ်မှုဒဏ်နဲ့
မိုးရေစိမ့်ဝင်ခြင်းမှ ကာကွယ်ပေးနိုင်ပါတယ်။

Modern Tropical Architecture မှာ
လေဒဏ်၊ မိုးဒဏ်ခံနိုင်အောင်
ထည့်သွင်းဆောက်လုပ်ကြတဲ့ Curved Canopies တွေဟာလဲ
ဒီသဘောတရားကို အခြေခံထားကြခြင်းပဲဖြစ်ပါတယ်။

Address

Yangon
123456

Website

http://www.ateamarchitects.com/

Alerts

Be the first to know and let us send you an email when A Team Architects posts news and promotions. Your email address will not be used for any other purpose, and you can unsubscribe at any time.