21/04/2026
🚩 အပူချိန်မြင့်ချိန် အဲကွန်းတွေမအေးရင်
♦️ပုံမှန်အခြေအနေမှာအေးနေတဲ့အဲကွန်းတွေ နွေရောက်ရင်နေ့လည်ချိန်မအေးတာက ပြင်ပအပူချိန်ကအဲကွန်းစက်အများစုရဲ့ ဒီဇိုင်းအပူချိန်ကိုကျော်နေလို့ဖြစ်တတ်ပါတယ်။
(မြန်မာပြည်အိမ်သုံးအဲကွန်းစက်အများစုရဲ့ပြင်ပဒီဇိုင်းအပူချိန်က 35'C to 42'Cကြားပါ၊ အဲဒါမှ စက်စွမ်းအားအပြည့်အလုပ်လုပ်နိုင်ဖို့သတ်မှတ်ထုတ်လုပ်ထားကြပါတယ်)
🌞 အဲကွန်းအောက်ဒိုးက အရိပ်ထဲရှိမနေတဲ့စက်အများစုကစက်ဖွင့်ထားပေမယ့် ပတ်၀န်းကျင်အပူချိန်က နေ့လည်၁၂နာရီကနေ ညနေ၄နာရီလောက်ကြား ဒီဇိုင်းအပူချိန်ထက်မြင့်နေလို့ မအေးတတ်ပါ။
🌞 အဲဒီအချိန်မှာဆိုရင် ပြင်ပအပူချိန်ကမြင့်လို့ အဲကွန်းအောက်ဒိုးယူနစ်ရဲ့အပူထုတ်အားက ပုံမှန်အောက် အရမ်းကျနေရတဲ့ကြားထဲ အဲကွန်းတပ်ထားတဲ့အခန်းကလည်းအပူချိန်မြင့်ပြန်ဆိုတော့ ဒယ်ဘလယ်ဖြစ်ပြီးဂျာအေးသူ့အမေရိုက်နေချိန်မလို့ပါ။
🌞 ပတ်၀န်းကျင်အပူချိန်က 40'C အပေါ်ဆိုရင် မြန်မာပြည်သွင်းတဲ့အိမ်သုံးအဲကွန်းတော်တော်များများက မအေးတတ်(အခန်းထဲကအပူထုတ်အားနည်းသွားတတ်လို့ပါ)
ဒီဇိုင်းအပူချိန် T1 , T3 နဲ့စက်တွေကတော့အဆင်ပြေပါတယ်။
ဒီလိုပူတဲ့ရာသီမှာအဲကွန်းအောက်ဒိုးယူနစ်ကို နေတည့်တည့်ထိုးတဲ့စက်ဆိုရင် ပိုဆိုးပါတယ်။
အဲဒီလိုမျိုးစက်တွေက
ညပိုင်းကြရင် ပြန်အေးပါလိမ့်မယ်။
(ညပိုင်းထိပြန်မအေးရင်တော့ ကျွမ်းကျင်သူသာခေါ်ပါတော့)
⛔ မီးအားနိမ့်တဲ့နေရာတွေဆိုရင်
အပူချိန်အရမ်းမြင့်ချိန်မှာဖွင့်ရင် လျှပ်စီးကပုံမှန်ထက်ပိုဆွဲလို့
အဲကွန်းကွန်ပရက်ဆာနဲ့ ပန်ကာမော်တာတွေပျက်စီးတာမျိုးပါဖြစ်နိုင်ပါတယ်။
⛔ တချို့ကလဲ ရာသီဥတုပူချိန် အဲကွန်းက အပူချိန်များလွန်းလို့ စက်မအေးရင် ပိုအေးအောင်ဆိုပြီး.ရီမုတ်ကို 16'C ထိ လွဲမှားစွာထားတတ်ကြပါတယ်။
ရီမုတ်ကို အပူချိန်နိမ့်ထားလို့လည်း စက်ကပိုအေးတာမဟုတ်ပါ။
⛔ ရီမုတ်ကအပူချိန်က အခန်းရဲ့အပူချိန်ကို ကိုယ်လိုချင်တဲ့အနေအထား အပူချိန်ကိုချိန်ပေးတာပါ။ စက်ကိုပိုအေးအောင် မလုပ်ပေးနိုင်ပါ။
အခန်းအပြင်မှာ အရမ်းပူပြင်းချိန် အခန်းကို အရမ်းအေးနေအောင်အပူချိန်ကိုချိန်ထားခြင်းဟာ အဲဒီအခန်းမှာနေသူ အပြင်ကိုရုတ်တရက်ထွက်ရင် အခန်းနဲ့အခန်းပြင်ပအပူချိန်ကွာဟချက်ကြောင့်ကိုယ်ခန္ဓာမှာ ရုတ်တရက် အပူချိန်ပြောင်းလဲမှုဒဏ်ရပြီး အန္တရာယ်ဖြစ်နိုင်ပါတယ်။အထူးသတိထားပါ။
ရီမုတ်က အပူချိန်ကို နှိမ့်ထားလေလေ မလိုအပ်ပဲ မီတာခပိုကုန်တာပဲအဖတ်တင်မှာပါ။
အကောင်းဆုံးထားသင့်တဲ့အပူချိန်ကဘယ်ရာသီဖြစ်ဖြစ် 22'C နဲ့ 25'C ကြားပါ။ စက်ကောင်းနေရင်အေးပါတယ်။
တကယ်လို့ ဒီရာသီမှာစက်ကကောင်းကောင်းမွန်မွန်အလုပ်လုပ်လို့
အခန်းအပူချိန်နိမ့်ထားမိရင် မတော်တဆ အပြင်ကပြန်လာချိန် အဲဒီအခန်းထဲဝင်မိရင်
အပူချိန်ကွာဟချက်က... 40'C ..ကနေ 20'C အောက်အခန်းထဲရောက်သွားလို့ ခန္ဓာကိုယ်အတွက် အပူချိန်အပြောင်းအလဲများလွန်းလို့
မလိုလားအပ်တဲ့ပြဿနာဖြစ်ပြီး ဖျားတာနာတာဖြစ်နိုင်ပါတယ်။
အခုအချိန်မှာ စက်ကပူလွန်းလို့အလုပ်မလုပ်နိုင်ရင်
♦️ခဏတနာရီလောက် အနားပေးပြီးမှပြန်ဖွင့်ပါ။
♦️အပူချိန်မြင့်လို့စက်လည်လိုက်ရပ်လိုက်ဖြစ်ချိန်အတင်းဖွင့်ထားရင် စက်ပျက်စီးနိုင်ပါတယ်။
♦️ဒါမှမဟုတ် Fan Mode ပဲ High ထားပြီးဖွင့်ထားပါ။
♦️ညပိုင်းထိပြန်မအေးတော့ရင်တောဖြစ်စေ၊အဲကွန်းအောက်ဒိုးကကျနေဘက်မှာမရှိပဲအရိပ်ထဲမှာရှိနေလျှက်နဲ့ မအေးတော့ရင်ဖြစ်စေအဲကွန်းကိုဆားဗစ်လုပ်ပါ။
♦️တတ်ကျွမ်းသူနဲ့စစ်ဆေးပြီးလိုအပ်တာကိုပြုပြင်ပါ။
♦️အဲကွန်းဆားဗစ်မလုပ်လို့ ညစ်ပတ်နေပြီး အပူထုတ်အားကျလို့
အခန်းထဲမှာအပူချိန်မကျပဲ စက်ကမအေးတာလဲဖြစ်နိုင်သလိုဂက်စ်နည်းလို့ စက်ချွတ်ယွင်းနေလို့လည်းဖြစ်နိုင်လို့ပါ။
#ကိုနန္ဒမိုး
