11/10/2023
တင်ပြဆွေးနွေးတဲ့postပါခင်ဗျ
လက်ရှိpageတွင်တင်ထားသော PAEဈေးများနှင့်ပတ်သက်၍ ဆွေးနွေးတင်ပြခြင်းဖြစ်ပါသည်
ကျွန်တော်တို့ တော်ဝင်ရနံ့ဆောက်လုပ်ရေးဂရုမှဝန်ဆောင်မှုပေးသော package ဈေးနှုန်းများအား pageတွင် ကြေငြာထားပြီးဖြစ်ပါသည်
လက်ရှိpageတွင်တင်ပြထားသော postများတွင် မြေဧရိယာများအလိုက်ဆောက်လုပ်နိုင်သောပုံစံများနှင့်ဈေးနှုန်းများအားတင်ပြထားရာ၌ ဈေးများနေသည်ဟုထင်နေကြမှုအပေါ်ရှင်းပြထားခြင်းဖြစ်ပါသည်
ကျွန်တော်တို့ဆရာဘိုဘိုကျော်မှတင်ထားမှုအား လေးစားဂါရဝပြုလျက်လည်းပြန်လည်ဖော်ပြထားပါသည်
Pageတွင်တင်ပြထားသော ဈေးနှုန်းများသည် ကျွန်တော်တို့ဆောက်လုပ်ရေးမှ ဝန်ဆောင်မှုအဆင့်မှီစွာ လုပ်ကိုင်ပေးမည့်အရာများအပေါ်တွက်ချက်တင်ပြထားခြင်းလည်းဖြစ်ပါသည်
ကျွန်တော်တို့ဝန်ဆောင်မှုပေးရာတွင် structure drawing/ architectural drawings အစရှိသော လိုအပ်သည့်ပုံများအားလည်း တက်ကျွမ်းနားလည်သည့် အင်ဂျင်နီယာများနှင့်ရေးဆွဲ၍ ပစ္စည်းပိုင်းတွင်လဲ အရည်အသွေးပြည့်မှီစွာတည်ဆောက်ပေးခြင်းဖြစ်သည့်အတွက် technical feesများပေါင်းထားခြင်းလည်းပါဝင်ပါသည်ဗျ
PAE တွင် ဈေးနှုန်းကွာဟမှုမှာ မည်သို့မည်ပုံဖြစ်ကြောင်းလဲဤpostမှာ ရှင်းပြခြင်းလဲဖြစ်ပါသည်ဗျ
လူကြီးမင်းတို့အနေဖြင့် အသေးစိတ်ဆွေးနွေးညှိနှိုင်းမှုများကိုလဲ ကျွန်တော်တို့ဘက်မှ အကောင်းဆုံးရှင်းပြဆွေးနွေးအကြံပေးမှာလဲဖြစ်ပါတယ်ဗျ
တာဝန်ယူမှုတာဝန်ခံမှုဖြင့်တည်ဆောက်ပေးနေခြင်းလဲဖြစ်ပါတယ်ဗျ
ဆရာဘိုဘိုကျော်ရဲ့ပြောပြချက်များလည်းဖတ်ရှုစေချင်ပါတယ်ဗျ
BoBo Kyaw ရေးသားပါသည်။
#အဆောက်အဦးတစ်ခုကို PAE ကျသင့်တာကို ကြည့်ပြီး နဲတယ်များတယ်ပြောမရဘူး။ ဒီနှုန်းလေးနဲ့ ကိုယ်ဆောက်မယ့်အဆောက်အဦကို ဆောက်သင့်မဆောက်သင့် ဆုံးဖြတ်လို့မရပါဘူး။
ကုန်ကျစရိတ် PAE ဆိုတာ
💥ကိုယ်လိုချင်တဲ့ အဆောက်အဦအဆင့်အတန်းပေါ်မူတည်ပြီး ကွာခြားပါတယ်။
ငလျင်ဒဏ်ခံလား မခံလား။ ငလျင်ဒဏ်ခံက ဘယ်လောက်ပြင်းအားအထိခံနိုင်တာလဲ။
အဆောက်အဦအရပ်အမြင့်က 14 ပေ လား 10ပေလား။ 9"အုတ်ရိုးလား 4.5"လား။ အုတ်စီတာ ဘိလပ်မြေနဲ့ပဲစီမှာလား။ နောက်ပြီး နောက်ထပ် လား ပေါင်းများစွာ,....
💥အဆောက်အဦက 15'×50' လား 35'x50' လား။ အကြမ်းအားဖြင့် မျက်နှာစာ အခန်းဖွဲ့နဲရင် PAE ပိုများကုန်တတ်ပါတယ်။ အဆောက်အဦသေးသေးကျဥ်းကျဥ်းလေးတွေက PAE နဲ့ဆိုများနေတတ်ပါတယ်။
💥အခန်းတွေအများကြီး ပြွတ်သိပ်ပြီးဖွဲ့မှာလား။ အခန်းကျယ် Hall တွေများနေမလား။ အခန်းဖွဲ့များရင် အုတ်ပိုကုန်မယ်။ ပြီး ဝိတ်များလို့ ထုတ်, တိုင်, ဖောင်ဒေးရှင်းပိုသုံးရမယ်။ တံခါးတွေ ပိုထည့်ရမယ်။ ရေချိုးခန်း အိမ်သာသုံးပစ္စည်းတွေပိုကုန်မယ်။ အုတ်နံရံဧရိယာပိုများတော့ ဆေးသုတ်တာ ကြွေပြားကပ်တာ ပိုသုံးရမယ်။ ဒါကြောင့်ပိုကုန်မယ်။
💥အခုပြောတာ အကြမ်းထည်လောက်ပြောတာပါ။ အချောထည်ဆိုပိုဆိုးပါတယ်။ ၁သိန်းတန် ဗိုလ်ထိုင်လား သိန်းသုံး လေးဆယ် ဗိုလ်ထိုင်လားဆိုတာ Range ကြီးက ကွာလွန်းပါတယ်။ ကြွေပြားတချပ်ဆိုလဲ ၃
သုံး လေးရာတန်လား သုံး လေးသောင်းတန်လားဆိုတာ ရှိပါတယ်။ မီးလုံးဆိုလဲ သုံး လေးထောင်တန်လား သုံး လေးသောင်းတန်လားရှိတယ်။ သိန်းရာချီတန် မီးဆိုင်းတွေလဲ ရှိမယ်။
💥လက်ရာပိုင်းကိုပြောမယ်ဆိုလဲ အကြမ်းထည်မှာ သံချီတာ အသေးစိတ်လိုက်နာရမှာတွေကို လိုက်နာပြီး သပ်သပ်ရပ်ရပ် အသေးစိတ်လုပ်တာလား။ ကွန်ကရစ်လောင်းမယ့်အထဲ သပွန်းဟင်းချက်သလို အကုန်ပစ်ထည့်ထားတာလား။ တွေ့တဲ့နေရာဆက် တွေ့သလိုသံတွေထိုး လုပ်သလားဆိုတာပေါ်မူတည်ပြီး လက်ခကွာပါမယ်။ မဖြစ်မနေ လုပ်ရမယ့် လုပ်သင့်တဲ့အဆင့်၁၀ခုရှိရင် ၃ခုပဲလုပ်မှာလား ၁၀ခုအပြင် ထပ်ဆောင်း လုပ်ဦးမလား စတာတွေပေါ် ကုန်ကျစရိတ်ကွာပါမယ်။
⚠️ဒါကြောင့် PAE နဲ့ မိမိအဆောက်အဦကို မဆုံးဖြတ်ကြဖို့ အကြံပေးလိုပါတယ်။ အဓိက ကိုယ်တတ်နိုင်တဲ့ပမာဏနဲ့ ထိုက်သင့်တဲ့အရည်အသွေးကို ရွေးချယ်ပါ။ ကိုယ်လိုချင်တဲ့အရည်အသွေးနဲ့ ကျသင့်တဲ့ပမာဏကို အသုံးပြုကျပါ။ ဘယ်လိုပဲလုပ်လုပ် အနဲဆုံးရှိရမယ့် Public Safety လိုအပ်ချက်တွေတော့ ပြည့်မီရပါမယ်။ ကိုယ်ဆောက်လိုက်တဲ့အဆောက်အဦ ကိုယ်နေမယ့်အဆောက်အဦဟာ နေထိုင်မယ့်လူတွေရဲ့ အသက်အိုးအိမ်စည်းစိမ်ကို လုံခြုံမှုပေးနိုင်ဖို့က အဓိကအရေးကြီးဆုံးပါပဲ။ 10 တန် တတ်နိုင်တာကို 10 တန်လောက်နဲ့ အခြေခံလိုအပ်ချက်တွေ ပြည့်မီရင် ဘာမှမဖြစ်ပေမယ့် ၂၀လောက်နဲ့မှ အခြေခံလိုအပ်ချက်ပြည့်မီမှာကို ၁၀လောက်နဲ့ဖြစ်အောင်လုပ်ရင်တော့ Public Safety အားနဲပါပြီ။ စိုးရိမ်ရပါပြီ။
ဗိုလ်ဗိုလ်ကျော်
ာဗိုလ်ဗိုလ်ကျော်
