21/08/2026
ပုံစံ (၇) မြေကွက်ဝယ်ရင် ဒါတွေ သတိထား !
Ngapali ကပြောပြပေးသွားမယ့်
“မြေအကြောင်းသိကောင်းစရာ” ထဲကမှ
ပုံစံ (၇) ဆိုတာ ဘာလဲ ❓
ပုံစံ (၇) မြေကွက်ဝယ်ရင် ဘာတွေ သတိထား
သင့်လဲ ❓ စတဲ့ အကြောင်းအရာနဲ့ပတ်သက်ပြီး
တင်ထားပေးလိုက်ပါပြီ 👇🏻🙇🏻♂️
ပုံစံ (၇) ဆိုတာ လယ်ယာမြေ လုပ်ပိုင်ခွင့်ပြု လက်မှတ်၊ လယ်ယာမြေကို လက်ဝယ်ထားရှိပြီး စိုက်ပျိုးလုပ်ကိုင် အသုံးချခွင့်ပြုတဲ့ လက်မှတ်ကို ခေါ်ပါတယ် ✍️
ဒီမြေကွက်နဲ့ပတ်သက်ပြီး ဘာတွေသိထားသင့်သလဲဆိုရင်
ပုံစံ (၇) ရှိရုံနဲ့တင် ကိုယ်ပိုင်မြေလိုမျိုး ချက်ချင်း အိမ်ဆောက်ပြီး လူနေထိုင်ခွင့်မရှိသလို ❌
✔️ အိမ်ဆောက် လူနေထိုင်ဖို့ သို့မဟုတ် အခြား စီးပွားရေး လုပ်ငန်းတစ်ခုခု လုပ်ကိုင်ဖို့ဆိုရင်
လယ်ယာမြေ ဥပဒေ ပုဒ်မ (၃၀) အရ "အခြားနည်း သုံးစွဲခွင့်" ကို အစိုးရထံ အဆင့်ဆင့် ထပ်မံ လျှောက်ထားဖို့လိုပြီး
အစိုးရထံကနေ အမိန့်မကျသေးဘဲ အဆောက်အအုံ ဆောက်လုပ်မိပါက ဥပဒေအရ ပြန်လည် ဖျက်သိမ်းခိုင်းတာ၊ ဒဏ်ကြေးရိုက်ခံရတာတွေလည်း ကြုံတွေ့ရနိုင်ပါတယ်။
🏠 ပိုင်ဆိုင်မှုအတွက် ဂရန်မြေအဖြစ် ပြောင်းချင်တယ်ဆိုရင်တော့
လယ်ယာမြေ ဥပဒေ ပုဒ်မ (၃၀) အရ "အခြားနည်း သုံးစွဲခွင့်" ရထားပြီးမှ လျှောက်ထားနိုင်ခွင့်ရှိသလို အချိန်နဲ့ ကုန်ကျစရိတ်ကို ကြိုတင် တွက်ချက်ထားဖို့လည်း လိုပါမယ်။
ဒါကြောင့် ပုံစံ (၇) မြေကွက်တွေကို ဝယ်ယူတော့မယ်ဆိုရင် စာရွက်စာတမ်း ခိုင်မာမှု ရှိ/မရှိနဲ့ အခြားနည်း သုံးစွဲခွင့် လျှောက်ထားလို့ ရ/မရကို မဝယ်ခင် သေချာ စိစစ်ပြီးမှ ဝယ်ယူကြဖို့ တိုက်တွန်းလိုက်ပါတယ် 💯
အိမ်၊ ခြံ၊ မြေ ဝယ်ယူ ရင်းနှီးမြှုပ်နှံမှုဆိုင်ရာ အကြောင်းအရင်းတွေနဲ့ ခိုင်မာစိတ်ချရတဲ့ အိမ်ရာပရောဂျက်တွေအကြောင်းကိုတော့ Ngapali Page မှာ ဆက်လက် စောင့်မျှော် ဖတ်ရှုနိုင်ပါတယ်နော် 🏠🙇🏻♂️
