10/09/2026
“Ухаалаг эмэгтэйчүүд Айфон биш, алт авдаг” гэсэн бичлэгийг Тик-Токоос уншлаа.
Үүнийг хүн бүр өөрийнхөөрөө тунгаан бодох биз. Гэхдээ илүүдэл мөнгө байвал алт худалдаж авахад буруудахгүй. Үнэ цэнээ алдахгүй. Тэр ч байтугай үнэ нь өсөх ч боломжтой. Сүүлийн 10 жилд нэлээд огцом өслөө.
🌐 Одоо олон улсын мэдээллээс бага зэрэг хуваалцъя.
2026 оны II улирлын дүнгээр Орос улс дэлхийд хамгийн их алт худалдсан улс болов. World Gold Council (WGC)-ийн мэдээлснээр Орос улс алт-валютын нөөцөөсөө 21.77 тонн алт зарсныг онцолжээ. Алтны борлуулалтаар хоёрдугаар байранд Турк орж байна. Тэд 4.23 тонн алт заргажээ. Гуравдугаар байранд Мексик орсон байна.
Оросын Төв банкны мэдээгээр, оны эхнээс долоодугаар сарын эцэст хүртэл Орос улс 49.7 тонн алт заргасан байна. Энэ нь 1998 оны дефолтоос хойшхи нэг удаагийн хамгийн том алтны борлуулалтад тооцогдож байна. Тэр үед Орос 118 тонн алт заргаж байжээ.
💰Алтыг хамгийн их худалдан авсан улсууд ч тодорхой болов.
Шилдэг эхний таван улс дараах байдалтай байна:
1. Польш — 50.79 тонн
2. Хятад — 32.97 тонн
3. Узбекстан — 16.17 тонн
4. Казахстан — 14.78 тонн
5. Сингапур — 9.86 тонн. Маш сайн. Боломж олдвол худалдан авалтаа улам нэмэгдүүлсэн нь дээр байх. Эдгээр орнууд алтны худалдан авалтаа нэмэгдүүлж байгаа нь АНУ-ын долларын хамаарлаас гарах (дедолларизаци) болон эдийн засгийн эрсдэлээс урьдчилан сэргийлэх бодлоготой шууд холбоотой.
Орос улс алтаа бөөнөөр нь зарж байгаа нь ойлгомжтой. Үндсэн шалтгаануудын нэг нь төсвийн алдагдлыг нөхөх явдал юм. Алтаа голчлон Хонконг руу зарж байгаа гэх мэдээлэл байна.
Гэсэн хэдий ч Москвад алтны нөөц одоо ч их хэвээр байна.
Trading Economics-ийн тооцоолсноор Оросын алтны нөөцөд 2283 тонн алт байгаа юм.
WGC-ийн мэдээгээр, 2026 оны эхний хагаст Казахстан 27 тонн алт худалдан авсан гэнэ.
Монголбанкны худалдан авах алтны суурь ханшаар 1 грамм цэвэр алт нь 480,000 - 520,000 төгрөг орчимд сувраж байна. Зах зээл дээрх 585 эсвэл 750 сорьцтой гоёл чимэглэлийн алтны үнэ ч мөн сорьцоосоо хамааран грамм нь 250,000 - 400,000 төгрөгийн хооронд байна.
