21/04/2026
🏠"СЭРҮҮН" КОМПАНИЙН ТҮҮХИЙГ БҮТЭЭЛЦЭГЧИД #4
#Сэрүүн35Жил
Зөвхөн гадаад түншүүдтэй гэрээ хийгээд зогсохгүй, оффисын уур амьсгалыг инээд хөөрөөр дүүргэж байдаг нэгэн бол манай Гадаад харилцааны менежер Т. ЭРДЭНЭЦОГТ. Манай багийн хамгийн 'амьд' бөгөөд эрч хүчтэй өнгө нь байсаар ирсэн. Түүний ажил, амьдрал болон манай хамт олны тухай өгсөн сонирхолтой хариултуудыг доороос уншаарай.
1.Сүүлийн 2 жилд "Сэрүүн" ХХК-д ажиллахдаа хамгийн их “сэрүүцсэн” (тархиа ажиллуулсан) болон хамгийн их “халуун” (дулаан мэдрэмж авсан) мөчөө хуваалцаач?
"Сүүлийн 2 жилд хамгийн 'сэрүүцсэн' буюу тархиа /хамгийн их ажиллуулсан/ мөч гэвэл гадаад түншүүдтэй яаралтай шийдвэр гаргах шаардлагатай, богино хугацаанд олон хувилбар бодож олж байсан үеүүд байсан. Харин хамгийн 'халуун' /дулаан мэдрэмж төрсөн/ нь хамт олон маань бие биенээ дэмжих, нэгэндээ санаа тавьсан сэтгэлийн тэр мэдрэмж мөн их ажлын дараа амжилт ололтоо хамтдаа тэмдэглэж байсан мөчүүд гэж л хэлье дээ."
2.Таны ажилд тохиолдсон хамгийн мартагдашгүй эсвэл хөгжилтэй пакт юу байв? Хэрвээ таны ажил нэг дуу байсан бол ямар дуу байх байсан бэ?
"Гадаад харилцааны менежер гэдэг албан тушаалыг хашаад удаагүй байлаа. Тэгсэн нэг өдөр гаднаас зочид ирэх болоод тэдний визний материалуудыг бүрдүүлж байсан юм. Тэгээд ирсэн зочдоо тосоод байж байтал нэг зочныг маань Монгол Улсын хилээр нэвтрүүлэх боломжгүй, учир нь виз аваагүй байна гээд буцааж байсан юм. Энэ үйл явдал хэдийгээр миний буруу байгаагүй ч авсан мэдрэмж бол үнэхээр аймшигтай байсан шүү!
Хэрвээ миний ажил дуу байсан бол OneRepublic-ийн "Counting Stars" байх байсан байх. Учир нь энэ ажлын байр маань зорилготой, тууштай байхыг, мөн өөрийгөө өдөр бүр хөгжүүлж, олон талын мэдлэгээр цэнэглэж байхыг сануулж байдаг билээ." 🎶
3. Гадаад харилцааны менежер хүнд хэлний мэдлэгээс гадна заавал байх ёстой хамгийн чухал чадвар юу вэ?
"Хамгийн чухал зүйл бол соёлтой боловсон байдал, сонсох чадвар, урьдчилан таамаглах, төсөөлөх ур ухаан, тухайн орчин болоод хүмүүсийг мэдрэх мэдрэмж гэж л хэлье дээ."
4.Манай хамт олныг ганцхан үгээр зүйрлэвэл?
"Би маш 'ЭВТЭЙ' хамт олон гэж хэлнэ! Аливаа зүйл дээр атгасан гар шиг байж чаддаг."
✨Үргэлж энэ эрч хүчээрээ "Counting Stars" мэт гэрэлтэж, биднийгээ баясгаж яваарай!
