31/10/2018
PUTINGAN HI AMAH
"Amah kaun nakaw"
"Kawni na anak kaun nakaw makansub na ako ubusa na ayaw nakaw magkapin kakoh"
"Amah magsaw na kita habul mahaggot"
"kawni na anak matatas da ako ha haggot ayaw kaw mag bimbang paghabol nakaw pagpahalok kaw matug"
"Amah maytah kaw waypa natug malaum dum na"
"Waypa ako kiyaruh anak tug nakaw balik pa skul pakaw kunsom"
"Amah mag field trip kami mabah ako magad"
" na houn manglawag naa ako cen dahun mo magfield trip anak"
"Amah yari in tubig inum kaw"
"kawni na anak way ako iyuhaw inuma na malayuh pa in panawun ta"
Amq
"Amah hiyapdih ako way pagkaun ta"
"Maaf anak way kasi ako piyabus sin piyaghihinangan ko, tagad kaw ha mangutang ako pa tinda"
"Mahunit amah in hinang mo? biyah
Laul laulan hja kaw pag uwi mo"
"Bukon anak maluhay ra in hinang ko aya muna taliah in hinang ko ukaba na hja in diyara ko yan kaymo"
"Masha Allah amah! Bago tsinelas, sah bago pa amah in tsinelas ko maytah kw nagsusa pa, sarang nami na hja kaw para kaymo sawab in tsinilas mo yan amah tyatahih na sin kawat"
Ok.ra anak ayaw muna ako susaha. In tsinelas mo yan usala ja bang kaw magpa skul"
"Amah magsukol hapag hatud mo kakoh mari pa skul"
"Ok anak! kadtu
Nakaw sud pa skul"
Simud na ako pa skul sah dimuhong ako lingih ko hi amah bang yaun pa. Pag lingih ko kan amah biyah nag uus us gimuwah sin skul. Iyurol ko bang maytah biyah nagdaragan hi amah pa guwah. Iyurol ko pa malayuh sambil kitah ko hi amah dimuhong ha hambook construction site. kitah ko hi amah byah sapanton nangayuh kamaafan ha hambouk tao naka sulog helmet hipaghihinang . Bang ko parasahanun biyah biyubungisan kanya. Simud na hi amah pa pa laum us us sambil kitah ko hi amah Pag guwah naka baju na mahabah nag papasan na sin karot semento harap pa guwah biyah landuh kiyabubugatan.
Doon da ako nag aatud kimikitah sin katan hinang hi amah. Pagkananaman ko in bugat sin piyapasaN hi amah ha waktu ko siya kalamanan nag dara mabugat.
Tyagaran ko sambil pa break time, kitah ko hi amah diyuhalan tinapay iban tubig sin tao. Liyuon hi amah pa bag nya perit perit in tinapay dihil kanya sin tao sartah tubig da in inum nya. Timuh n luhah daing ha mata ko kiyatumtuman ko pag uwi pag uwi nya awun hja tinapay diyata nya kakoh halaum bag. Bng ko cya asubuhon hauno nagkawah, in agi nya kakoh bini nya. Iyakkalan twih ako hi amah.
Doon da ako way minig tyagaran ko pa mahapon. Kitah ko na hi amah gimuwah daing ha construction site nag uus us miyanaw. Iyurol ko hi amah, sah naino ino ako in piyag labayan namuh bukon na amun kabiyaksahan piyag labayan iban bukon na amun dan tyaykuran namuh. Iyurol kora hi amah daing ha ulihan kitah ko hi amah simud pa hambook bay malagguh, pag guwah nya awun tyutoud niya karu. Iyurol ko hi amah daing ha ulihan nagtotoud da siya sin karu, sambil naka abut kami pa tabuh. awun kiyawah hi amah 1 basket checharon iban 1 basket Nahipuh sin siyupao piyanaug daing ha karu pumuwesto cya ha kid dan.
Awun na mga tao nagbi kanya. In katan mami kanya iyuuyuman niya amun uyum biyah sapanton bukon liyalaul yaun, Amun uyum bukon halaum kabinsanaan.
Pila jam pa ako nagtagad sambil tyuh tyuh na in mami kanya. Kitah ko hi amah limunok na in tuhod byah sapanton namidpid hapag tindugan. Miyanaw ako harap madtu kanya, dimuhong ako ha unahan nya. Kiyuot ko in biskuit ha bulsa ko na piyalutuh Nya kakoh pa skul. Diyuhal ko kanya Kiyublaan cya pagkitah nya kakoh diyuhalan ko cya biskuit.
"Kaun kaw amah" miyagad in luha daing ha mata ko timuh.
"Dih na anak way ako hiyapdih, nag uno di?"
In halaum sin atay ko putingan pa ako hi amah. Ingat nya bukon daing pa mhinaat ko cya iyuurol.
"Amah Ayaw ba sab kaw mamuting kakoh kaina tapa kaw iyuurol, agi mo maluhay ra in hinang mo"
"Ay bunnal da sab anak maluhay ra saini magtindug tindug hja.kagausan ko pa
Sab bang Pasalan mo anak."
"Sah amah liyalaul nakaw"
"Houn anak paglaulon dsab ako sah pagtalih pagtalih ko kaymo biyah pagpahira in laul ko malawah katan anak kanna ayaw kw magsusa kakoh"
"Maafa ako amah"
Ayaw kaw mangayuh kamaafan anak, tanggong jawab takaw.. tanggong jawab ko in mapalagguh takaw marayaw. Nag tuyuh ako mangman kaw mabiyah sin katan. In pangayoun kora kaymu pagta akkal kaw iban pag skul kaw marayaw anak. Dih sukol bang ako way na halaum nakaw kasanyangan ha auaungon way na pikalon ko kaymo"
"Houn Amah tumtomon ko toud in mga bisara mo katan.
"Magmaaf amah way ako nka sud pa skul.
"Ok ra anak balik ayaw mo man isabi"
"Iyuyuman ko hi amah
Giyulgol ko"
Ha tiap..
"Kawni na anak kaun nakaw makansub na ako ubusa na ayaw nakaw magkapin kakoh" in kasabunnalan hiyahapdih ako
Anak , sah mas labi mo kalagihan in pagkaun.
Hatiap..
Way pa ako anak kiyaruh tug nakaw..
Sah in kasabunalan Dih cya makatug magtalih bang byah diin in pag buhih nya kakoh. in kasabunnalan kiyakaruh na toud siya.
Ha tiap ..
inum nakaw Anak wayra ako iyuhaw. in kasabunnalan iyuuhaw ako anak sah ka sandalan ko para kaymo.
Ha tiap..
Anak kagausan ko pa sab maghinang bukon da mabugat in hinang ko ..
In kasabunnalan way na kaya ko anak iban kiya bugatan na ako sin karot cemento sah d ako mKa iyan mabugat. Pasal sin tyaliah ko uno in hika dihil ko kaymo kunsom.
Namuting hi amah..
Namuting siya sin parnanaman nya ha sawab sasja kadihilan nya ako kabuhih marayaw. Hinang nya in katan haggut pasuh tyahanan siyandalan ha mangman ako mabuhih iban mabiyah sin katan.
Pakawah pangadjian..
Sarang halgaan iban lasahun n kaamaan niyo. Ayaw na kamu simingud ha nag baktol sin story ini misan mabayah tumawag AMAH KARIKAW KUMAUN KITA. Way na amah tawagun.
Misan in kahalan pagkananaman nyo in amah nyo di malasa kanyu, atawa way halgah nyo. Kasaan dakukah in panalih nyo. Tumtuma nyo way amah in dih malasa mag Anak.
In sa tiap tikang hi amah mo mangabuhianan kaymo, in tikang nya tasbi iban jikir pa Allahutaala. Biyah da siya sin harap pa pag jiharan. In katan mangjilakah kanya lahnatun sin Allahutaala.
ya kaw anak Tumtuma in amah Amuna in salagguh lagguh putingan. Kagausan nila tumapok daing kaymo. Kagausan nila magpatilibun daingha kasabunnalan ha mangman sadja kaw umintol pa marayaw.
Bang in pangannal nyo dimalasa kanyu ha hawab sasja sin kasaan nyo hja in kkitah,
Nasah kamu ha panalih. In amah biyah sila CCTV mag monitor kaymo daing ha waktu pa waktu ha mangman kaw ligtas ha uno uno na kamuratan.
Pasal dih siya mka tahan mag atud kaymo kiya sigpitan iban kiyahunitan. dih siya mabayah kananaman mo in sigpit iban hunit piyag kananaman niya.
By Ulangig Pagkasi Lasa
