18/11/2021
MEYE ABU MAFI TSADA GAME DA MACE?
Na jima ina Nazari dan in Gano "Me Annabi Musa (AS) yagani a jikin budurwar nan ta Madyana, Har ya yadda yai Shekara goma 10 na aiki a matsayin sadakinta?🤔
Saina samu amsar cikin faɗin Allaah (SW)
تَمْشِي عَلَى اسْتِحْيَاءٍ
"(Budurwar) tana tafiya cikin Kunya"
Allaah (SWT) bai Siffanta mana tsawonta ko dirin halittar taba, a'a saiya siffanta ta da abu mafi tsada dake tare da ita, shine kunya🧕
فَجَاءَتْهُ إِحْدَاهُمَا تَمْشِي عَلَى اسْتِحْيَاءٍ
Annabi Shu'aibu (Mahaifinta) ya tarbiyyantar da ƴ'ya'yansa kunya, sai Allaah (SWT) ya karramashi ya kuma karrama ƴ'ya'yansa ya koro musu Annabi matsayin siriki ya musu kiwon dabbobi.
Kunyar mace baya tauye mata komai cikin kamalarta, saidai ma ya ƙkara mata kyau da tsada, ta yadda Fasiki bazai iya taya farashinta ba.
Dan haka Ƴyar Uwatah kiji tsoron Allaah, kunya da kamewa shine sifofin tsadarki wajen mutanen kirki🤗🧔👳
Hirarraki da maza a groups ko private wannan yana daga cikin alamun rashin kunya da rashin kamewa Ne, wannan gudan dalili ne da yake kore nagartarki da tabbatar da rashin mutuncinki da rashin tarbiyyar gidanku
Mace ballagaza itace take washe baki wa kowane namiji
Surutunki barkatai da maza ako ina nuna gazawar iyayenki ne wajen yi miki tarbiyya da kuma bawa gidanku mummunar shaida
Duk abinda kikai a social media zaki iya yin fiye dashi a zahiri domin magana itace tushen fitina.
Fitar da tsiraici da mai da kanki arha kowa na kulaki bazai jawo miki kowa ba sai Qattin banza waɗanda zasu ɓata miki lokacinki daga ƙQarshe suki auranki bayan sun lalata miki rayuwarki.
