06/11/2026
𝐃𝐀-𝐌𝐈𝐀𝐃𝐏 𝟏𝟎 𝐍𝐚𝐠𝐩𝐚𝐭𝐮𝐦𝐚𝐧 𝐬𝐚 𝐈𝐧𝐟𝐫𝐚𝐬𝐭𝐫𝐮𝐜𝐭𝐮𝐫𝐞 𝐐𝐮𝐚𝐥𝐢𝐭𝐲 𝐌𝐨𝐧𝐢𝐭𝐨𝐫𝐢𝐧𝐠 𝐚𝐧𝐝 𝐃𝐮𝐫𝐚𝐛𝐢𝐥𝐢𝐭𝐲 𝐒𝐲𝐬𝐭𝐞𝐦
CAGAYAN DE ORO CITY — Aron masiguro ang kalidad ug malungtaron nga mga imprastraktura sa agrikultura, ang Department of Agriculture–Mindanao Inclusive Agriculture Development Project (DA-MIADP) Regional Project Coordination Office 10 (RPCO 10) nagpahigayon sa pag roll-out sa Infrastructure Quality Monitoring and Durability System (IQMDS) niadtong Oktubre 4 hangtod 5, 2026, sa maong dakbayan.
Ang duha ka adlaw nga pagbansay gitambongan sa mga project engineer gikan sa Local Project Management and Implementation Unit (LPMIU) sa Malaybalay City kauban ang mga nakadaog nga kontraktor aron mapalig-on ang mga patakaran sa pag-atiman ug inspeksyon sa mga imprastraktura nga gipondohan sa World Bank (WB), sama sa farm-to-market roads (FMRs), potable water systems (PWS), ug mga post-harvest nga pasilidad.
Gipangunahan sa RPCO 10 Infrastructure Development Component (Component 2), ang kalihokan naghatag og gibug-aton sa mga pangunang sukdanan sa IQMDS: ang management support system, pamaagi sa pagrepaso sa kontrata, proseso sa inspeksyon ug pag-susi sa mga materyales, document control, ug ang sistema sa operasyon ug pag-atiman.
Gipatin-aw ni MIADP Project Support Office (PSO) Infrastructure Development Engineer Grace G. Doñus, kauban si RPCO 10 Infrastructure Development Specialist Frances Maira G. Benedicto, ang kahinungdanon sa pagtuman sa mga lagda sa kalidad batok sa sukdanan sa World Bank. Sa paghatag og gibug-aton sa saktong pagdokumento, nagpahinumdom si Engr. Doñus, “Tumanon jud unta ninyo ang mga documentation dili tungod kay required sa World Bank, para ra pud ni sa inyo. Kung naay mga problema, naa moy mabalikan and proof pud ni sa inyong accomplishment sa project.”
Dungan sa teknikal nga sukdanan, gipatalakay usab ni MIADP-PSO Environmental Safeguards Specialist Cripsy R. Patawaran ang mga lagda sa kalikopan ug katungod sa komunidad aron masiguro nga ang pagpatuman sa mga proyekto malungtaron ug nagpanalipod sa kinaiyahan. Samtang gipatin-aw usab ni RPCO 10 Geographic Information Systems (GIS) Officer Zechariah Isaac A. Agpalo ang mga patakaran sa geotagging nga gikinahanglan alang sa progress report ug pagproseso sa billing sa mga kontraktor.
Sa pagpadangat sa iyang nakat-onan, gipahayag ni SBM Builders representative Caprili Branzuela, “Dako ni nga factor sa amo aron ma-align among mga buhatonon sa construction, ilabi na sa pag billing sa project. Maayo ni kay systematic na, dali ra na namo ma relay sa among mga kauban.”
Pinaagi sa pag-establisar ug pagpatuman sa IQMDS sa mga proyekto, ang DA-MIADP RPCO 10 naghatag og proteksyon batok sa pagkadaot sa mga prokeyto, aron mapanalipdan ang pondo sa gobyerno ug maghatag og lig-on nga imprastraktura sa mga kaabag nga yutang kabilin sa Northern Mindanao.
𝘗𝘢𝘳𝘢 𝘴𝘢 𝘥𝘶𝘨𝘢𝘯𝘨 𝘯𝘨𝘢 𝘶𝘱𝘥𝘢𝘵𝘦𝘴 𝘴𝘢 𝘮𝘨𝘢 𝘬𝘢𝘭𝘪𝘩𝘰𝘬𝘢𝘯 𝘴𝘢 𝘋𝘈-𝘔𝘐𝘈𝘋𝘗 𝘙𝘗𝘊𝘖 10, 𝘪-𝘭𝘪𝘬𝘦, 𝘪-𝘧𝘰𝘭𝘭𝘰𝘸 𝘶𝘨 𝘪-𝘴𝘩𝘢𝘳𝘦 𝘢𝘯𝘨 𝘢𝘮𝘰𝘯𝘨 𝘱𝘢𝘨𝘦!
#𝗜𝗣𝘀𝗛𝗢𝗣𝗘 l 𝐼𝑛𝑑𝑖𝑔𝑒𝑛𝑜𝑢𝑠 𝑃𝑒𝑜𝑝𝑙𝑒𝑠 𝐻𝑎𝑟𝑛𝑒𝑠𝑠𝑖𝑛𝑔 𝑂𝑝𝑝𝑜𝑟𝑡𝑢𝑛𝑖𝑡𝑖𝑒𝑠 𝑓𝑜𝑟 𝑎 𝑃𝑟𝑜𝑔𝑟𝑒𝑠𝑠𝑖𝑣𝑒 𝐸𝑐𝑜𝑛𝑜𝑚𝑦
