MTO Steel Fabrication

25/06/2026

18/06/2026

How Water Is Transforming Burkina Faso

16/06/2026

MAGALONG: DAPAT PROTEKTAHAN ANG 18 WITNESSES SA FLOOD CONTROL SCANDAL

Naniniwala si Baguio City Mayor Benjamin Magalong na dapat bigyan ng proteksyon ng gobyerno ang 18 testigong nagsalita kaugnay ng umano'y anomalya sa flood control projects.

Ayon kay Magalong, mas tama umanong tawagin silang “18 witnesses” kaysa sa mga bansag na “Maleta Boys” o “kargadores” dahil hindi lahat sa kanila ay dating Marines at ang mahalaga ay ang kanilang naging papel bilang mga testigo at whistleblowers.

“I would rather call them as 18 witnesses. Ayaw ko rin i-under-mine o insultuhin sila.”

Dagdag ni Magalong, hindi dapat maliitin o insultuhin ang mga testigo dahil lumantad ang mga ito bilang mga whistleblowers na handang magsiwalat ng impormasyon sa kabila ng posibleng panganib sa kanilang sarili.

"Dapat protektahan sila kasi whistleblowers sila eh. Dapat bigyan natin sila ng proteksyon."

Binigyang-diin din niya na maling mensahe ang maipapadala kung pababayaan lamang ang mga lumalantad na testigo.

"Otherwise, that would send a wrong signal sa mga whistleblowers."

Ayon pa sa alkalde, maaaring matakot ang iba pang may nalalamang impormasyon na magsalita kung makikita nilang hindi napoprotektahan ang mga taong lumalantad laban sa mga makapangyarihang personalidad.

Nanawagan din si Magalong na magpakita ng seryosong interes ang pamahalaan sa pagbusisi sa mga alegasyon at alamin ang buong katotohanan sa likod ng mga testimonya.

"Dapat we have to seek out the truth."

Para kay Magalong, mahalagang mabigyan ng sapat na seguridad at proteksyon ang mga testigo upang hindi masayang ang pagkakataong mabunyag ang katotohanan sa isa sa mga pinakamalalaking kontrobersiyang kinakaharap ng bansa.