23/10/2026
๐ก๐ข๐ก๐๐๐ข ๐ฃ๐ข๐ช๐๐ฅ ๐ฅ๐๐ง๐ ๐จ๐ฃ๐๐๐ง๐: ๐๐ก๐ข ๐๐ก๐ ๐ฅ๐๐ฆ๐ข๐ก ๐ฆ๐ ๐ฃ๐๐๐ง๐๐๐ฆ ๐ฆ๐๐ก๐ ๐ฅ๐๐ง๐ ๐ฆ๐๐ก๐ ๐๐จ๐ฅ๐ฌ๐๐ก๐ง๐?
Ang NONECO nagapahibalo sa tanan nga Member-Consumer-Owners (MCOs) nga ang average rate sang kuryente para sa billing month sang Oktubre 2026 amo ang โฑ17.6261/kWh, may pagsaka nga โฑ0.4807/kWh (2.80%) halin sa โฑ17.1454/kWh sang nagligad nga bulan sang Setyembre 2026.
Ang pagsaka sang rate sini nga bulan resulta sang nagasunod nga mga rason:
๐ญ. ๐ฃ๐ฎ๐ด๐๐ฎ๐ธ๐ฎ ๐๐ฎ๐ป๐ด ๐ฝ๐ฟ๐ฒ๐๐๐ผ ๐๐ฎ ๐ช๐๐ฆ๐ . Ang wala ginapaabot nga pag-untat sang operasyon sang mga dalagko nga power plant sa Visayas Grid ang nagresulta sa mabug-at nga congestion sa transmission lines. Tungod sini, nagsaka ang presyo sang kuryente sa Wholesale Electricity Spot Market (WESM).
๐ฎ. ๐ฃ๐ฎ๐ด๐ธ๐ผ๐น๐ฒ๐ธ๐๐ฎ ๐๐ฎ๐ป๐ด ๐บ๐ด๐ฎ ๐ด๐ถ๐ป๐ฝ๐ฎ๐น๐ฎ๐๐ถ๐ด ๐ป๐ด๐ฎ ๐ฏ๐ฎ๐๐ฟ๐ฎ๐ป๐ฎ๐ป ๐๐ฎ๐ป๐ด ๐ป๐ฎ๐ด๐น๐ถ๐ด๐ฎ๐ฑ ๐ป๐ด๐ฎ ๐บ๐ด๐ฎ ๐ฏ๐๐น๐ฎ๐ป. Lakip sa rate sang Oktubre ang katapusan nga 25% installment sang ginpalawig nga bayranan sa WESM sang Hunyo 2026, ang ikatlo nga 21.25% installment sang Hulyo 2026, kag ang ikaduha nga 25% installment sang Agosto 2026.
๐ฏ. ๐ฃ๐ฎ๐ด๐ฏ๐ฎ๐ด-๐ผ ๐๐ฎ๐ป๐ด ๐ณ๐ผ๐ฟ๐ฒ๐ถ๐ด๐ป ๐ฒ๐
๐ฐ๐ต๐ฎ๐ป๐ด๐ฒ ๐ฟ๐ฎ๐๐ฒ๐ ๐ธ๐ฎ๐ด ๐ฝ๐ฎ๐ด๐๐ฎ๐ธ๐ฎ ๐๐ฎ๐ป๐ด ๐ฝ๐ฟ๐ฒ๐๐๐ผ ๐๐ฎ๐ป๐ด ๐ด๐ฎ๐๐ผ๐น๐ถ๐ป๐ฎ. Ang pagsaka sang exchange rate sang USD kontra PHP, upod ang pagtaas sang presyo sang gasolina, may epekto man sa presyo sang kuryente nga ginabakal sang NONECO halin sa mga power supplier.
Agud malikawan nga mabug-atan gilayon ang mga MCOs sa nagadungan nga pagsaka sang mga balayran, naghangyo ang NONECO sang staggered recovery plan para sa WESM bill sang Setyembre 2026. Sa baylo nga kolektahon ang bug-os nga balor sa isa ka tion, 20% lamang ang kolektahon sa Oktubre, samtang ang nabilin nga 80% ang ipahat-pahat sa Nobyembre kag Disyembre 2026. Paagi sini, ginapaninguhaan sang NONECO nga mapagamay ang gilayon nga epekto sang mga nagadugang nga bayranan sa badyet sang mga MCOs, samtang ginapadayon ang serbisyo sang kuryente.
Ginapathag sang NONECO nga 9.14% lamang sang kabug-usan nga rate ang nagakadto sa kooperatiba paagi sa Distribution, Supply, and Metering (DSM) charges kag Reinvestment Fund for Sustainable CAPEX (RFSC), nga ginagamit para sa administratibo kag operasyonal nga mga serbisyo kag pagpauswag sang sistema. Dugang pa, ang DSM charges sang NONECO wala nagbag-o halin pa sang Pebrero 2010, bisan pa nagasaka ukon naganubo ang kabug-usan nga rate sang kuryente kada bulan.
Ginapahanumdom sang NONECO ang tanan nga MCOs nga bantayan ang ila konsumo sang kuryente sa kilowatt-hour (kWh), kag indi lamang ang kabug-usan nga bayranan. Nagabag-o ang bill depende sa konsumo kag sa nagalain-lain nga pass-through charges nga apektado sang mga presyo sa merkado kag iban pa nga mga factor.
