19/07/2019
Ang turmeric ay isang spice na ginagamit sa pagkain sa Asya. Ito ang pangunahing sangkap ng curry. Ang ugat ng turmeÂric ang kadalsang ginagamit bilang gamot.
Ang luyang dilaw ay may itsura na kahalintulad ng pangkaraniwang luya ngunit nag-iiba sa kulay ng laman. Ang loob na baÂhagi ng luyang dilaw ay madilaw o kulay kahel.
Ito ay maliit lamang na halaman at may patulis na mga dahon. May bulaklak din na bahagyang madilaw o maputi.
Karaniwan din itong pananim sa mga taniman sa buong kapuluan ng Pilipinas, ngunit orihinal na nagmula sa bansang India.
Ang iba’t ibang bahagi ng halamang luÂyang dilaw ay maaaring makuhanan ng maraming uri ng kemikal at sustansya na maaaring may benepisyo sa kalusugan: Ang ugat ay mayroong curcumin (ang nagbibigay ng madilaw na kulay sa ugat) at may langis din na tumerone, atlantone, at zingiberone. Mayroon pa itong mineral na phosphorus at iron, at kaunting calcium.
Ang ugat na madilaw ang kalimitang ginagamit sa buong halaman. Ito’y maaaÂring pakuluan at inuÂmin na parang tsaa, ihalo sa langis at inumin, o kaya ay katasan. Maaari ding ipampahid sa bahagi ng katawan ang hiniwa na luyang dilaw.
Ito rin ay pinaÂtutuyo at pinupulbos upang maihalo sa ilang mga lutuin at pagkain.
Bulaklak. Maaari ding dikdikin ang bulaklak hanggang sa maging pino at magamit na pampahid sa balat.
Ilan sa mga sakit na posibleng nakakatulong ang turmeric ay:
1. High cholesterol. Ayon sa mga current researches, ang pagkain ng extract ng turmeric ay nakakapagpababa ng cholesterol, low-density lipoprotein (LDL) at triglycerides.
2. Osteoarthritis o rayuma. Ayon sa mga researches, ang turmeric extract ay nakakatulong mabawasan ang sakit at mas mapalakas ang mga buto at joints.
3. Pangangati. Ayon sa research ang pagkain ng turmeric ay nakakatulong na mabawasan ang pangangati sa may mga long-term kidney disease o sakit sa bato.
