Faiz Science Academy Tando Hyder

13/05/2026

🌟 ECHOES OF PAKISTAN

| FEATURED EDUCATOR 🌟

MAZHAR HUSSAIN CHANDIO

Licensed Teacher | EST | Educationist | Biology Mentor | Hyderabad, Sindh

“Hard work, dedication, and passion for teaching create lasting impact.”

Mazhar Hussain Chandio is a dedicated educator whose journey reflects academic excellence, professional commitment, and continuous service in the field of education. Born on 29 August 1985 in Village Tando Ghulam Muhammad, District Hyderabad, he began his educational journey under the guidance of his grandfather, Ustad Khan Muhammad Chandio.

📚 Academic Qualifications

🎓 Intermediate (Pre-Medical) — Govt. Degree College Qasimabad
🎓 BS Honors in Zoology — University of Sindh (2007)
🎓 B.Ed — First Division
🎓 M.Ed — First Division
🎓 M.Phil in Entomology — University of Sindh Jamshoro (2016)

🏫 Professional Journey

▪️ Appointed as Teacher in 2008
▪️ Secured 1st Position in PTC Examination (2010)
▪️ Secured 1st Position in CT Examination (2011) ▪️ 17 Years of Service in Education Sector
▪️ 14 Years Teaching Biology at Faiz Science Academy
▪️ Successfully Qualified STEDA Teaching License Examination
▪️ Appointed as EST at Government Boys Higher Secondary School Shaikh Hafiz Mori Mungar (2025)

🔬 Contribution to Education

Mazhar Hussain Chandio has dedicated his career to spreading knowledge through both theoretical teaching and practical scientific experiments. His passion for Biology and student-centered learning has inspired countless students toward academic success.

🌱 Educational Impact & Vision

▪️ Career counseling for students
▪️ Motivation for higher education
▪️ Board examination preparation guidance
▪️ Practical learning through experiments
▪️ Encouraging students toward excellence

🏆 Achievements & Recognition

✨ Academic distinction in professional examinations
✨ Recognized for dedication and commitment in teaching
✨ Appreciated for promoting science education and student development

His journey proves that consistency, sincerity, and love for education can transform lives and communities.

📩 Know an inspiring educator? Share their story with Echoes of Pakistan

📧 [email protected]

✨ REAL STORIES • REAL EDUCATORS • REAL IMPACT ✨

25/03/2026

Contact: 03435528257

01/02/2026

استاد مظهر حسين چانڊيو
ليکڪ: اڪرم حيدري

ٽنڊو غلام محمد جي مٽيءَ ۾ مٺاس بہ آهي، محنت بہ آهي، ۽ مروت بہ آهي؛
اها ڌرتي جتي دلون ڌڙڪن ٿيون، خوابن جا ڏيئا ٻرن ٿا، اُتي ئي 29 آگسٽ 1985ع تي هڪ اهڙو ٻار جنم ورتو،
جنهن جي قسمت ۾ قلم هو، قدم هو، ۽ قوم جي خدمت جو قسم هو۔
اهو ٻار ــ مظهر حسين چانڊيو ــ علم جو امين، عمل جو آئين، ۽ اخلاق جو زين ٿيو۔
هو ڪو عام نالو نہ رهيو،
هو درس جو دروازو ٿيو،
هو سچ جو ستارو ٿيو،
هو شاگردن لاءِ سهارو ٿيو۔
تعليم جي تڙ تان
پرائمريءَ جي پهرين پڳ پنهنجي اباڻي اسڪول،
گورنمينٽ پرائمري اسڪول ٽنڊو غلام محمد ۾ رکيائين،
جتي سندس ڏاڏو اُستاد خان محمد چانڊيو
صرف استاد نہ، پر تربيت جو ترجمان هو،
رهنمائي جو روشن مينار هو،
۽ اخلاق جو اعليٰ معيار هو۔
ڏاڏي جي دعا، استاد جي نظر،
ننڍپڻ کان ئي نصيب بڻيا هن جا سفر۔
هو پڙهندو رهيو، وڌندو رهيو،
قلم سان قسمت ڳڙهندو رهيو۔
2001ع ۾ گورنمينٽ هاءِ اسڪول ٽنڊو حيدر مان مئٽرڪ ڪيائين،
جتي عبدالجبار عباسي، مقبول گراڻو، قادر بخش پرهياڙ،
وڪيو ڀرڳڙي، پنهون مل اوڏ، صادق حسين خاصخيلي ۽ خان محمد چانڊيو جهڙا استاد
هن جي ذهن جا زرخيز زميندار بڻيا۔
اهي استاد نہ هئا صرف پڙهائيندڙ،
اهي هئا راھ ڏيکاريندڙ،
اهي هئا خواب اُڀاريندڙ،
اهي هئا شخصيت سنواريندڙ۔
سائنس سان سچائيءَ جو ساٿ
پري ميڊيڪل گروپ ۾ 2003ع ۾ انٽر،
پوءِ سنڌ يونيورسٽيءَ جي زولاجي شعبي ۾ داخلا،
بي ايس BSآنرز 2007ع ۾ مڪمل ڪيائين۔
علم هن لاءِ ڊگري نہ هو،
علم هن لاءِ روشني هو،
علم هن لاءِ ذميواري هو،
علم هن لاءِ بندگي هو۔
حياتيات پڙهندي هن حياتيءَ جو مقصد سکي ورتو،
جاندارن جي بناوٽ سان گڏ انسانيت جي اهميت بہ سمجهي ورتي۔
استادي — عزت جو عنوان
پهرين آگسٽ 2008ع تي
گ.ب.ل.س.س ٽنڊو غلام محمد ۾ اُستاد مقرر ٿيو۔
اهو ڏينهن رڳو مقرري نہ هو،
اهو ڏينهن قسمت جو ڪرارو هو،
اهو ڏينهن علم جي سفر جو سچو سهارو هو۔
پي ٽي سي PTC ۾ پهرين پوزيشن،
سي ٽي CT ۾ بہ اعليٰ حيثيت
هر امتحان ۾ امتياز،
هر ڪوشش ۾ ڪمال انداز۔
2014ع ۾ B.Ed فرسٽ ڊويزن،
2017ع ۾ M.Ed فرسٽ ڊويزن،
2016ع ۾ Entomology ۾ M.Phil —
اهو سلسلو هو صرف ڪاميابيءَ جو،
نہ هار جو، نہ بيقراريءَ جو۔
ليبارٽريءَ جو لالٽين
فيض سائنس اڪيڊمي ٽنڊو حيدر ۾
چوڏهن سالن کان بايولاجي پڙهائيندي
هو رڳو ڪتابي استاد نہ رهيو،
پر تجربن جو ترجمان رهيو۔
ڪڏهن مائڪروسڪوپ هيٺ زندگي ڏيکاري،
ڪڏهن ليبارٽريءَ ۾ راز اُجاڳا ڪيا،
ڪڏهن نظريي کي عمل بڻايو،
ڪڏهن خوابن کي حقيقت بڻايو۔
شاگرد چون:
"سر اسان کي صرف پڙهائي نٿا ڏين،
هو اسان کي سوچڻ سيکارين ٿا،
جيئڻ سيکارين ٿا،
ڪامياب ٿيڻ سيکارين ٿا۔"

شخصيت ، شرافت جي شڪل....
مظهر حسين چانڊيو
نرم نيت، نيڪ نيت،
محبت ڀريو مزاج، مسڪراهٽ جو تاج۔
هر دلعزيز، هر دلنواز،
ملنسار، مهربان، مخلص انداز۔
نہ وڏائي، نہ وڏائيءَ جو واءُ،
نہ غرور، نہ گمان جو گاءُ۔
سادي زندگي، سچو سلوڪ،
دل ۾ درد، زبان ۾ ذوق۔
شاگردن جو سچو سهارو
هو شاگردن کي صرف ڪتاب تائين محدود نٿو رکي،
هو سندن هٿ پڪڙي مستقبل ڏانهن وٺي وڃي ٿو۔
ڪيريئر ڪائونسلنگ ڪري،
حوصلو افزائي ڪري،
بورڊ تي آڻي،
اعليٰ تعليم ڏانهن ڌڪي۔
چوي:
"اوهان منهنجو فخر آهيو،
اوهان منهنجو مستقبل آهيو،
اوهان ئي قوم جو اصل سرمايو آهيو۔"
مثالي استاد جو مثال
سندس وڏو ڪمال هي آهي
جو هن پنهنجي اولاد کي بہ
سرڪاري اسڪول ۾ پڙهايو۔
اهو عمل اعلان آهي،
اهو عمل اعتماد آهي،
اهڙو استاد ئي اصل استاد آهي۔
جيڪو پنهنجي ڳالھ تي پاڻ عمل ڪري،
ساڳي رستي تي پنهنجو گهر بہ هلائي،
اهو ئي سچو اڳواڻ،
اهڙو ئي سچو انسان۔
ٽيچنگ لائسنس TEACHING LICENSE ڪاميابيءَ جو نئون ڪِرڻ
اسٽيڊاSTEDA جو امتحان پاس ڪري
پهرين آڪٽوبر 2025ع تي
گ.ب.ھ.س.س شيخ حافظ موري منگر ۾
اي ايس ٽي مقرر ٿيا۔
هي رڳو ترقي نہ هئي،
هي محنت جو ميوو هو،
هي جذبي جو جلوو هو،
هي لگن جو لعل هو۔
هو علم جو آئينو، عمل جو آئينو،
هو قوم جو سرمايو، دلين جو آئينو۔
هو محنت جو محور، محبت جو محور،
هو روشنيءَ جو رهبر، راهن جو رهبر۔
هو سچ جو ساٿي، سپنن جو ساٿي،
هو شاگردن جو ڀاڳ، مستقبل جو ساٿي۔
هو درس جو ڏيئو، دلين جو ڏيئو،
هو علم جو سمنڊ، سچ جو ڏيئو۔

اختتامي تاثّر...
ٽنڊو غلام محمد جي اها مٽي خوشنصيب آهي
جنهن اهڙو فرزند پيدا ڪيو۔
اهو استاد نہ، ادارو آهي؛
اهو ماڻهو نہ، مثال آهي؛
اهڙو انسان صدين ۾ پيدا ٿيندو آهي۔
مظهر حسين چانڊيو
نالي ۾ مظهر،
ڪردار ۾ گوهر،
محنت ۾ محور،
۽ اخلاق ۾ انور۔
الله پاڪ کيس صحت، سعادت، عزت ۽ استقامت عطا فرمائي،
۽ سندس علم جي روشني نسلن تائين جاري رکي۔
ڇاڪاڻ⁠ تہ اهڙا استاد قومن جا قسمت ساز هوندا آهن،
اهڙا استاد تاريخ جا روشن باب هوندا آهن۔

ورتل ڪتاب حيدرآباد تعلقو ٻھراڙي علمي ۽ ادبي شخصيتون
مرتب اڪرم حيدري

31/01/2026

پروفيسر راشد احمد ڪيريو
ليکڪ: اڪرم حيدري

ڳوٺ جي ڳاڙهي مٽيءَ مان جڏهن ڪا شخصيت اڀري ٿي تہ اها رڳو انسان نہ رهندي آهي، پر اُميدن جو اُجرو اُفق، محنتن جو مهڪندڙ مهتاب ۽ خدمت جو سچو سُر بڻجي ويندي آهي۔ اهڙي ئي سچي سونهن، سادگيءَ جي سرهاڻ ۽ سخاوت جي ساک رکندڙ شخصيت جو نالو آهي راشد احمد ڪيريو ولد عبدالواحد ڪيريو. جنهن جي زندگي جدوجهد جي جوت، جذبي جي جرئت ۽ جاکوڙ جي جلال سان جرڪي ٿي۔
راشد احمد ڪيريو جو جنم 1988ع ۾ ڳوٺ ٽنڊوحيدر جي پاڪيزه فضا ۾ ٿيو۔ اها ڌرتي، جتي سادگي سرمايو آهي، محبت ميراث آهي ۽ محنت معيار آهي۔ هن ننڍپڻ کان ئي علم کي اجالو سمجهي، ڪتابن کي ڪعبو بڻائي، قلم کي قبيلو بڻايو۔ سندس ابتدائي تعليم پنهنجي ئي ڳوٺ ٽنڊوحيدر مان حاصل ڪئي، جتي مٽيءَ جي مهڪ ۽ ماءُ جي دعائن سان گڏ هن جي من ۾ سکيا جو سج اڀريو۔
وقت گذرندو ويو، خواب وڌندا ويا، ۽ هو پنهنجي محنت سان منزلن ڏانهن وڌندو ويو۔ سنڌ يونيورسٽي مان فزڪس ۾ ماسٽرز ڪري هن ثابت ڪيو تہ ڳوٺ جو ڇوڪرو بہ علم جي آسمان تي تارو بڻجي سگهي ٿو۔ فزڪس جهڙي ڏکئي، ڏاهپ ڀري، دليلن واري شعبي ۾ مهارت حاصل ڪرڻ سندس ذهانت، زهد ۽ ذوق جو زنده ثبوت آهي۔ اها تعليم رڳو ڊگري نہ هئي، پر سندس دماغ جي روشني ۽ دل جي دانائي جو دليل هئي۔
2016ع ۾ ليڪچرار طور ٽنڊوڄام ڪاليج ۾ مقرري سندس جدوجهد جي جت ۽ جاکوڙ جي جزا هئي۔ جڏهن هو استاد بڻيو تہ رڳو نوڪري نہ ملي، پر هڪ مقدس ذميواري ملي۔ استاد ٿيڻ معنيٰ قوم جو معمار ٿيڻ، نسلن جو نگهبان ٿيڻ ۽ مستقبل جو معنيٰ بڻجڻ آهي۔ هن اها ذميواري دل جي ڌڙڪن سان نڀائي، ايمان جي اخلاص سان نڀائي۔
پر سندس خدمت جو سفر صرف سرڪاري ڪرسيءَ تائين محدود نہ رهي۔ 2010ع کان ڪوچنگ سينٽر “فيض سائنس اڪيڊمي ٽنڊوحيدر” مين شيخ ڀرڪيو روڊ ايٽ آغا خان ڪميونٽي اسڪول ۾ بطور ايڊمنسٽريٽر خدمتون سرانجام ڏيندو رهيو آهي۔ هتي هن انتظام، اخلاق ۽ استادن جي اهتمام سان تعليم کي آسان، سولو ۽ سستو بڻايو۔ ڪيترائي شاگرد جيڪي مايوسيءَ جي منڊير تي ويٺا هئا، سي هن جي رهنمائيءَ سان اميدن جي اوج تي پهتا۔
زندگيءَ ۾ کيس حيدرآباد شهر مان وڏيون پيشڪشون مليون، وڏا عهدا، وڏا ادارا، وڏيون آڇون، پر هن جي دل ۾ ڳوٺ جي گهٽي، غريبن جي گلي ۽ نياڻين جي نصيبن جو نور هو۔ هن شهر جي چمڪ کي ڇڏي، پنهنجي ڳوٺ جي چانڊوڪي چونڊي۔ هن وڏن مفادن کي وساري، ننڍن معصومن جي مستقبل کي سنواري ڇڏيو۔ اها قرباني، اها وفاداري، اها انسانيت سندس عظمت جو آئينو آهي۔
سندس سڀ کان وڏو ڪارنامو اهو آهي تہ ٽنڊوحيدر جي نياڻين ۽ ڇوڪرن کي صحيح معنيٰ ۾ يونيورسٽي جو رستو ڏيکارڻ وارو شخص بڻيو۔ هن علم جا در کولي ڇڏيا، خوابن جا ڏيئا ٻاري ڇڏيا، همتن جا هٿ وڌائي ڇڏيا۔ ڪيترائي شاگرد جيڪي اڻپڙهيل رهجي وڃن ها، سي سندس رهنمائي سان يونيورسٽين تائين پهتا۔ ڪو آفيسر ٿيو، ڪو انجنيئر، ڪو استاد، ۽ هر ڪاميابيءَ جي پٺيان راشد ڪيريو جي محنت جي مهر لڳل آهي۔
هو محبتي، قربائتو، احساس رکندڙ، غريبن جو غمخوار، درد کي سمجهڻ وارو، شفيق طبيعت جو انسان آهي۔ سندس چهري تي مسڪراهٽ، لفظن ۾ وڻجندڙ وزن، ۽ ورتاءُ ۾ وڻندڙ وقار آهي۔ شاگردن لاءِ استاد کان وڌيڪ دوست، دوستن لاءِ ڀاءُ، ۽ ڳوٺ وارن لاءِ سهارو آهي۔ سندس دل دريا وانگر، ذهن مينهن وانگر، ۽ مزاج مهربان ماڪ وانگر آهي۔
سندس شخصيت کي بلاشبہ چئي سگهجي ٿو:
هو علم جو علمبردار، اخلاق جو اقرار،
محنت جو معيار، محبت جو مينار۔
هو درد جو دارو، دلين جو ديدار،
شاگردن جو ساٿار، سماج جو سنڀار۔
هو خدمت جو سفر، سچائيءَ جو ثمر،
اميدن جو اثر، مستقبل جو فخر۔
راشد احمد ڪيريو جي زندگي سادي سهي، پر سُونهري آهي؛ خاموش سهي، پر اثرائتي آهي؛ ننڍڙي سهي، پر نوري آهي۔ هن ثابت ڪيو تہ اصل عظمت دولت ۾ نہ، پر دل ۾ آهي؛ اصل اوچائي عهدن ۾ نہ، پر عمل ۾ آهي۔
اڄ جڏهن سماج خود غرضيءَ جي هوائن ۾ وهي رهيو آهي، تڏهن اهڙا استاد انسانيت جا اڏول ديوار آهن۔ هو نسلن کي سنواري رهيا آهن، علم کي اجاگر ڪري رهيا آهن، ۽ مستقبل کي محفوظ بڻائي رهيا آهن۔
آخر ۾ دل جي گهرائين سان دعا آهي:
الله پاڪ سائين راشد احمد ڪيريو کي صحت، سلامتي، سڪون ۽ سرفرازي عطا فرمائي، سندس علم ۾ واڌارو ڪري، عمر ۾ برڪت ڏئي، ۽ کيس هميشہ شاگردن لاءِ روشنيءَ جو مينار بڻائي رکي. آمين۔
بيشڪ،
راشد ڪيريو رڳو نالو ناهي،
پر علم جو آئينو،
اخلاص جو اثاثو،
۽ انسانيت جو اڻمٽ افسانو آهي۔

ورتل ڪتاب( حيدرآباد تعلقو ٻھراڙي ٫علمي ۽ ادبي شخصيتون؛)
مرتب اڪرم حيدري

30/01/2026

Mid-terms 2025 at Faiz science academy tando haider 🌹

26/12/2025

26/12/2025

Qawali act presented by xii class students!!

Bilawal Keerio
Aman Keerio
Yasir shaikh
Saqib bhurgari
Asad bhurgari
Farhan detho

26/12/2025

Celebrating SINDHI CULTURAL DAY 2K25
(ALBUM 2)

26/12/2025

فيض سائنس اڪيڊمي ٽنڊو حيدر ۾ سنڌي ٽقافت کي اجاگر ڪرڻ لاء ٽقافتي ڏھاڙو وڏي جوش و خروش سان ملھايو
ھن ثقافتي تقريب ۾معزز مھمان يو سي چيئرمين حاجي غلام نبي ڪوري ، سينئر استاد سائين يونس خاصخيلي خاص طور شرڪت ڪئي

(Album 01)