Bint e Fatima

Bint e Fatima Contact information, map and directions, contact form, opening hours, services, ratings, photos, videos and announcements from Bint e Fatima, Gardener, Multan.

السلام و علیکم ورحمتہ اللہ وبرکاتہ
"نورِ قرآن سے دلوں کو روشن کیجیے۔ یہاں قرآنِ مجید کا اردو ترجمہ پیش کیا جاتا ہے، تاکہ ہم سب کلامِ الٰہی کو سمجھ کر عمل کرسکیں۔"

"اور یقیناً ہم نے قرآن کو نصیحت کے لیے آسان بنا دیا ہے، تو ہے کوئی نصیحت حاصل کرنے والا؟"

رسول الله ﷺ نے فرمایا:طاقتور مومن الله کے نزدیک کمزور مومن کی نسبت بہتر اور زیادہ محبوب ہے، جبکہ خیر دونوں میں موجود ہے....
22/04/2026

رسول الله ﷺ نے فرمایا:

طاقتور مومن الله کے نزدیک کمزور مومن کی نسبت بہتر اور زیادہ محبوب ہے، جبکہ خیر دونوں میں موجود ہے.

جس چیز سے تمہیں نفع فائدہ پہنچے اُس میں حرص (رغبت) کرو، اور الله سے مدد مانگو، اور کمزور نہ پڑو (مایوسی، سُستی کابلی نہ کرو.)

اور اگر تمہیں کوئی نقصان پہنچے تو یہ نہ کہو کہ کاش اگر میں یہ کرتا تو اس، طرح اس طرح ہوتا، بلکہ یہ کہو: "(یہ) الله کی تقدیر ہے، وہ جو چاہتا ہے کرتا ہے."

اس لئے کہ (حسرت سے لفظ) "اگر" (کہنا) شیطان کے عمل کو کھول دیتا ہے.

مسلم 6774 (ماجہ 4168، 79؛ حبان 5721 5722؛ بیہقی 20173؛ مشكوة 5298)

رسول الله ﷺ نے فرمایا:جس نے:1) قرآن پڑھا، اور2) اِس کو سیکھا، اور3) اِس پر عمل کیا،اُس کو قیامت کے دن نور کا ایک تاج پہن...
22/04/2026

رسول الله ﷺ نے فرمایا:

جس نے:

1) قرآن پڑھا، اور
2) اِس کو سیکھا، اور
3) اِس پر عمل کیا،

اُس کو قیامت کے دن نور کا ایک تاج پہنایا جائے گا، جس کی روشنی سورج کی روشنی کی طرح ہوگی. اور اُس کے والدین کو دو لباس (حُلّے) پہنائے جائیں گے، جن کی قیمت پوری دنیا بھی نہیں ہوسکتی.

تو وہ (والدین) پوچھیں گے: ہمیں یہ لباس کیوں پہنایا گیا؟ اُن کو جواب دیا جائے گا: تمہارے بچے کے قرآن حاصل کرنے (پڑھنے، سیکھنے اور عمل کرنے) کی وجہ سے.

المستدرک للحاكم 2086

قالَ النبی ﷺ:ایک آدمی فوت ہوا اور جنت میں داخل ہوا، تو اُس سے کہا گیا: تو کیا عمل کرتا تھا؟ اس نے کہا: "میں لوگوں سے (قر...
22/04/2026

قالَ النبی ﷺ:

ایک آدمی فوت ہوا اور جنت میں داخل ہوا، تو اُس سے کہا گیا: تو کیا عمل کرتا تھا؟ اس نے کہا: "میں لوگوں سے (قرض پر) خرید و فروخت کرتا تھا، تو میں تنگ دست کو مہلت دیتا اور سکہ اور نقدی وصول کرنے میں نرمی کرتا تھا."
تو اُس کی مغفرت کر دی گئی.

مسلم 3995
(بخاری 2391، 2078؛ حبان 5042، 5046؛ مسند احمد 7569، 8369)

حضرت حذیفہ ؓ اور حضرت ابومسعود انصاری ؓ اکٹھے ہوئے تو حضرت حذیفہ ؓ نے کہا:

ایک آدمی الله عزوجل کے حضور پیش ہوا تو الله نے پوچھا: "تو نے کیا عمل کیا؟" اس نے کہا: میں نے کوئی نیکی نہیں کی سوائے اس کے کہ میں مالدار آدمی تھا، میں لوگوں سے اس میں سے دیئے ہوئے قرض) کا مطالبہ کرتا تو مالدار سے خوش دلی سے قبول کرتا، اور تنگ دست سے درگزر (مزید مہلت دیتا یا نہ دے سکتا تو معاف) کرتا.

فرمایا: "(تم بھی) میرے بندے سے درگزر کرو."
(یہ سن کر) حضرت ابومسعود ؓ نے کہا: میں نے بھی رسول الله ﷺ کو اس طرح فرماتے ہوئے سنا ہے.

مسلم 3994 (ماجہ 2420)

حضرت ابوقتادہ ؓ نے اپنے ایک قرض دار کو تلاش کیا تو وہ اُن سے چھپ گیا، پھر (بعد میں) اُنہوں نے اُسے پا لیا، تو اُس شخص نے...
20/04/2026

حضرت ابوقتادہ ؓ نے اپنے ایک قرض دار کو تلاش کیا تو وہ اُن سے چھپ گیا، پھر (بعد میں) اُنہوں نے اُسے پا لیا، تو اُس شخص نے کہا: میں تنگدست ہوں (ادائیگی سے عاجز ہوں). اس پر ابوقتادہ ؓ نے پوچھا: کیا الله کی قسم؟ اُس شخص نے جواب دیا: الله کی قسم!

ابوقتادہ ؓ نے کہا: میں نے رسول الله ﷺ سے سنا تھا، آپ ﷺ فرما رہے تھے:

"جس شخص کو یہ پسند ہو کہ الله اُسے روز قیامت کی سختیوں سے نجات دے دے، تو وہ تنگدست کو سہولت دے، یا اُسے (قرض) معاف کر دے."

مسلم 4000
(مشکوٰۃ المصابيح 2902، 2903)

قالَ النبی ﷺ:مسلمان کو جو بھی تھکاوٹ پہنچے، یا بیماری لگے، یا فکر لاحق ہو، یا رنج ہو، یا کوئی تکلیف ہو، یا کوئی غم ہو، ی...
16/04/2026

قالَ النبی ﷺ:

مسلمان کو جو بھی تھکاوٹ پہنچے، یا بیماری لگے، یا فکر لاحق ہو، یا رنج ہو، یا کوئی تکلیف ہو، یا کوئی غم ہو، یہاں تک کہ اگر اُسے ایک کانٹا بھی چبھ جائے، تو الله تعالیٰ اس کے بدلے میں اُس کے گناہوں کا کفارہ کر دیتا ہے.

بخاری 5642
(بخاری 5641، 5640؛ مسلم 6565، 6568؛ ترمذی 966، 3038؛ مسند احمد 8014، 8405، 11020، 11158؛ ابی شیبہ 10911؛ حبان 2905، 2906، 2925؛ بیہقی 6536؛ مشکوٰۃ 1537)

حضرت ابوبکر صدیق ؓ نے ایک مرتبہ نبی ﷺ سے عرض کیا، یا رسول الله! اس آیت کے بعد کیا بہتری باقی رہ جاتی ہے کہ "تمہاری خواہشات اور اہل کتاب کی خواہشات کا کوئی اعتبار نہیں، جو برا عمل کرے گا، اُس کا بدلہ پائے گا." [النساء: 123]

تو کیا ہمیں ہر برے عمل کی سزا دی جائے گی؟ نبی ﷺ نے ارشاد فرمایا، اے ابوبکر! الله آپ کی مغفرت فرمائے، کیا تم بیمار نہیں ہوتے؟ کیا تم تھکاوٹ اور مشقت نہیں اٹھاتے؟ کیا تم غمگین نہیں ہوتے؟ کیا تمہیں مصیبتیں اور سختیاں نہیں پہنچتیں؟ حضرت ابوبکر ؓ نے عرض کیا: "کیوں نہیں؟ آپ ﷺ نے فرمایا: "تو یہی وہ چیز ہے جس کے بدلے میں تمہیں جزا دی جاتی ہے."
(یعنی دنیا کی یہ مصیبتیں، بیماریاں تھکاوٹ، غم اور سختیاں مومن کے گناہوں کا کفارہ بن جاتی ہیں.)

مسند احمد 68
(مسند احمد 69، 71؛ حبان 2910)

حضرت علی بن ابی طالب ؓ سے روایت ہے،کہا: ‏حضرت فاطمہ علیہا السلام آپ ﷺ کی خدمت میں حاضر ہوئیں اور آپ سے ایک خادم (لونڈی، ...
14/04/2026

حضرت علی بن ابی طالب ؓ سے روایت ہے،کہا: ‏حضرت فاطمہ علیہا السلام آپ ﷺ کی خدمت میں حاضر ہوئیں اور آپ سے ایک خادم (لونڈی، غلام، نوکر) مانگا، تو آپ ﷺ نے فرمایا:

کیا میں تمہیں ایک ایسی چیز دوں جو تمہارے لئے اس سے بہتر ہو؟

(1) سوتے وقت 33 مرتبہ سبحان الله،
(2) 33 مرتبہ الحمدلله، اور
(3) 34 مرتبہ الله اكبر پڑھ لیا کرو.

(راوی حدیث) سفیان بن عیینہ نے کہا کہ ان میں سے ایک کلمہ چونتیس بار کہہ لو. حضرت علی ؓ نے کہا کہ پھر میں نے ان کلموں کو کبھی نہیں چھوڑا. حضرت علی ؓ سے پوچھا گیا جنگ صفین کی راتوں میں بھی نہیں؟ کہا کہ (جنگِ) صفین کی راتوں میں بھی نہیں.

بخاری 5362 (مسلم 6918؛ ابوداؤد 2988؛ مسند احمد 604، 996، 1229؛ ابی شیبہ 30445؛ حاكم 4724؛ حبان 5529؛ مشکوٰۃ 2288)

قالَ النبی ﷺ:ہر فرض نماز کے بعد ایک دوسرے کے پیچھے کہے جانے والے چند کلمات ہیں، ان کا کہنے والا یا ادا کرنے والا کبھی نا...
14/04/2026

قالَ النبی ﷺ:

ہر فرض نماز کے بعد ایک دوسرے کے پیچھے کہے جانے والے چند کلمات ہیں، ان کا کہنے والا یا ادا کرنے والا کبھی ناکام یا نامراد نہیں رہتا:

(1) تینتیس (33) مرتبہ سبحان الله،
(2) تینتیس (33) مرتبہ الحمدلله، اور
(3) چونتیس (34) مرتبہ الله اکبر کہنا.

مسلم 1349، 1350
(نسائی 1350؛ ترمذی 3412؛ حبان 2019؛ ابی شیبہ 29862؛ مشکوٰۃ 966)

قالَ النبی ﷺ:جس نے نماز کی پابندی کی تو وہ اس کے لئے روز قیامت نور، دلیل اور نجات ہوگی.اور جس نے اس کی پابندی نہ کی تو ر...
14/04/2026

قالَ النبی ﷺ:

جس نے نماز کی پابندی کی تو وہ اس کے لئے روز قیامت نور، دلیل اور نجات ہوگی.

اور جس نے اس کی پابندی نہ کی تو روز قیامت اُس کے لئے نہ نور ہوگا، نہ دلیل اور نہ نجات.

اور وہ روز قیامت قارون، فرعون، ہامان اور ابی بن خلف کے ساتھ ہوگا.

مسند احمد 6576
(حبان 1457؛ دارمی 2763؛ مشکوٰۃ 578)

حضرت ابوہریرہ ؓ بیان کرتے ہیں، رسول الله ﷺ نے فرمایا:

"مجھے بتاؤ اگر تم میں سے کسی شخص کے گھر کے سامنے نہر ہو، اور وہ ہر روز اس میں پانچ مرتبہ غسل کرتا ہو، تو کیا اُس کے جسم پر کوئی میل باقی رہ جائے گا؟"

صحابہ نے عرض کیا، اُس کے جسم پر کوئی میل باقی نہیں رہے گا، آپ ﷺ نے فرمایا: "یہی پانچ نمازوں کی مثال ہے، الله ان کے ذریعے خطائیں مٹا دیتا ہے."

مشکوٰۃ المصابيح 565 (بخاری 528؛ مسلم 1522؛ ترمذی 2868؛ نسائی 463؛ مسند احمد 8911، 518؛ دارمی 1221؛ ابی شیبہ 7732؛ بیہقی 1693، 4971)

قالَ النبی ﷺ:جب تم میں سے کوئی اپنی مسجد میں نماز (باجماعت) ادا کر لے تو اپنی نماز میں سے اپنے گھر کے لئے بھی کچھ (نفل و...
14/04/2026

قالَ النبی ﷺ:

جب تم میں سے کوئی اپنی مسجد میں نماز (باجماعت) ادا کر لے تو اپنی نماز میں سے اپنے گھر کے لئے بھی کچھ (نفل وغیرہ) رکھے. کیونکہ الله اس کے گھر میں اس کے نماز پڑھنے کی وجہ سے خیر و بھلائی رکھے گا.

مسلم 1822
(ماجہ 1376؛ مسند احمد 11588، 11589، 14448؛ ابی شیبہ 6511؛ بیہقی 3036؛ مشکوٰۃ 1297)

حضرت عبدالله بن سعد ؓ نے رسول الله ﷺ سے سوال کیا: میرا کون سا عمل افضل ہے: گھر میں نماز پڑھنا، یا مسجد میں نماز پڑھنا؟ آپ ﷺ نے فرمایا:

"کیا تم میرا گھر نہیں دیکھتے کہ وہ مسجد سے کتنا قریب ہے؟ مجھے مسجد میں نماز پڑھنے سے اپنے گھر میں نماز پڑھنا زیادہ محبوب ہے، سوائے اس کے کہ فرض نماز ہو."

ماجہ 1378
(مسند احمد 19216؛ ابوداؤد 1044؛ خزیمہ 1202)

قالَ النبی ﷺ:الله تبارک و تعالیٰ اپنے بندے کو اُس چیز سے آزماتا ہے جو اُس کو عطا کرتا ہے. پس جو الله عزوجل کی تقسیم پر ر...
13/04/2026

قالَ النبی ﷺ:

الله تبارک و تعالیٰ اپنے بندے کو اُس چیز سے آزماتا ہے جو اُس کو عطا کرتا ہے. پس جو الله عزوجل کی تقسیم پر راضی ہوجائے، الله اُس کے لئے (اُس چیز میں) برکت کرتا ہے اور وسعت عطا کرتا ہے. اور جو اس تقسیم پر راضی نہیں ہوتا، اُسے (اُس میں) برکت نہیں دی جاتی.

مسند احمد 20545
(الصحيحة 1334)

[سورۃ التوبة، 9:59] ترجمہ: جو کچھ بھی انہیں الله اور اُس کے رسول نے دے دیا تھا، کیا اچھا ہوتا کہ یہ اُس پر راضی رہتے، اور یہ کہتے کہ: "الله ہمارے لئے کافی ہے، آئندہ الله اپنے فضل سے ہمیں نوازے گا، اور اُس کا رسول بھی، ہم تو الله ہی سے لو لگائے ہوئے ہیں."

‏رسول الله ﷺ نے فرمایا:لوگوں میں سے بہترین وہ ہیں جو (قرض یا حق کی) ادائیگی کرنے میں سب سے اچھے ہوں.بخاری 2392(بخاری 230...
13/04/2026

‏رسول الله ﷺ نے فرمایا:

لوگوں میں سے بہترین وہ ہیں جو (قرض یا حق کی) ادائیگی کرنے میں سب سے اچھے ہوں.

بخاری 2392
(بخاری 2305، 2390، 2393، 2606؛ مسلم 4110)

حضرت ابورافع ؓ سے روایت ہے، کہا:

رسول الله ﷺ نے ایک آدمی سے قرض کے طور پر ایک بَكْرًا (دو سالہ نو عمر نر اونٹ) لیا، جب آپ ﷺ کے پاس زکوٰۃ کے اونٹ آئے تو آپ ﷺ نے حضرت ابورافع ؓ کو حکم دیا کہ وہ اُس آدمی کو اُس کے نو عمر اونٹ کی ادائیگی کر دیں.

حضرت ابورافع ؓ لوٹ کر آپ کے پاس آئے اور عرض کیا: میں نے تو آئے ہوئے ان اونٹوں میں صرف ایک بہتر رَبَاعِيًا (یعنی چار سالہ چار دانت والا اچھا اونٹ) ہی پایا ہے.

تو آپ نے فرمایا: "اسے وہی دے دو، کیونکہ لوگوں میں سب سے بہترین وہ ہے جو (قرض، حق کی) ادائیگی کرنے میں سب سے اچھا ہو."

مسلم 4018
(بخاری 2392، 2305، 2390، 2393، 2606؛ مسلم 4110؛ ابوداؤد 3346؛ ترمذی 1318؛ نسائی 4621؛ ماجہ 2285، 2286؛ مسند احمد 8884، 9095، 9379، 9881َ مالک 1386؛ دارمی 2607؛ خزیمہ 2332؛ مشکوٰۃ 2905)

قالَ النبی ﷺ:(1) مالدار شخص کی طرف سے (قرض ادا کرنے میں) ٹال مٹول کرنا ظلم ہے،(2) اور اگر تم میں سے کسی کا قرض کسی مالدا...
13/04/2026

قالَ النبی ﷺ:

(1) مالدار شخص کی طرف سے (قرض ادا کرنے میں) ٹال مٹول کرنا ظلم ہے،
(2) اور اگر تم میں سے کسی کا قرض کسی مالدار پر حوالہ دیا جائے تو اسے قبول کرے.

بخاری 2287، 2288
(مسلم 4002؛ ترمذی 1308، 1309؛ ابوداؤد 3345؛ ماجہ 2403؛ نسائی 4692، 4695؛ احمد 7332؛ مالک 1282؛ مشکوٰۃ 2907)

حوالہ: اپنے ذمہ کا قرض دوسرے کے ذمہ کر دینا یہی حوالہ ہے. مثلاً زید عمرو کا مقروض ہے، پھر زید عمرو کا سامنا سعد سے یہ کہہ کر کرا دے کہ اب میرے ذمہ کے قرض کی ادائیگی سعد کے ذمہ ہے اور سعد اسے تسلیم بھی کر لے، تو عمرو کو یہ حوالگی قبول کر لینی چاہیئے.

Address

Multan

Website

Alerts

Be the first to know and let us send you an email when Bint e Fatima posts news and promotions. Your email address will not be used for any other purpose, and you can unsubscribe at any time.

Shortcuts

Share

Category