13/01/2026
📌 الفاتورة الإلكترونية في تونس — خطوة بخطوة (مهمّة برشا)
باش نفسّرلكم الفاتورة الإلكترونية خطوة بخطوة، ونحطّ الروابط لكل بخصوص باش الناس الكل تستفاد.
باش نحكيلكم على الحاجات الأساسية:
✅ الإمضاء الإلكتروني وأنواعه
✅ الانخراط في شبكة تونس للتجارة TTN
1) أول خطوة: شهادة الإمضاء الإلكتروني
لازمك تختار شنوّا شهادة الإمضاء اللي تناسبك. عنا 3 أنواع:
✅ 1) DigiGo (إيميل + OTP)
💰 السوم: 45 دينار
🧾 كيفاش تخدم؟ كل فاتورة تصحّحها يجيك OTP على التليفون (code à usage unique)، تحطّو في اللوجيسيال وتكمّل.
🎯 تنفع للشركات اللي ما عندهاش برشا فواتير في الشهر + شخص واحد مسؤول على الفواتير.
🔗 الرابط في أول تعليق
✅ 2) Certificat ID-Trust (USB)
💰 السوم: 450 دينار
🔌 USB كيما اللي عند الكنتابلي
✅ تصحّح بيه قد ما تحب
⚠️ أما مربوط بـ PC واحد وزيد ينجم يضيع ولا يتكسر
🎯 غالبًا ينفع اللي عندهم بين 1 و10 فواتير/شهر
📌 هو نفس USB متاع التصريح الجبائي والـ CNSS.
✅ 3) Cachet électronique (Enterprise-ID) — TunTrust
💰 أغلى واحد + لازم تراخيص معيّنة
🧠 يخدم مع API (حلّ الشركات الكبيرة)
🎯 للشركات اللي عندهم أكثر من 500 فاتورة/شهر
✅ يخدم على أكثر من PC وأكثر من مدينة في نفس الوقت
💳 على كل فاتورة: أقل شي 250 مليم
2) بعد اختيار الشهادة: الانخراط في TTN
بعد ما تختار الشهادة، تمشي لملف الانخراط في TTN.
📌 ملف الانخراط فيه:
عقد الانخراط
Fiche de renseignements
ورقة التصريح بالانخراط: تتصحّح وتتقدّم للقباضة
🔗 ملف الانخراط تلقاوه في التعليقات
3) دور اللوجيسيال (logiciel homologué)
بعد ما تولّي عندك شهادة + صبّيت الانخراط في TTN + اخترت logiciel homologué:
شنوّا يصير؟
✅ تخدم الفاتورة عادي
✅ اللوجيسيال يعمل إمضاء إلكتروني (عن طريق شهادة TunTrust)
✅ يبعثها لـ TTN
✅ TTN تصادق عليها كانها صحيحة، وتعطيها معرّف وحيد (identifiant unique)
✅ بعدها تبعثها للحريف وأمورك واضحة
⏱️ العملية الكل تاخو تقريبًا بين 3 و10 ثواني.
