SBF Projects PTY LTD

16/04/2024

Kontak ons gerus indien jy goeie gehalte werk soek. Ons doen enige soort werk, van klein na groot. Enige staalwerke, afdakke, dakke, tafels bou, hekke, pallesades verf werke en vele meer. [email protected]. Sel no. 071 351 6903.

09/04/2024

Goeie more kind van God.

09 April 24 - Jaag die goeie na.

Ja, jaag die goeie. Ons teks gedeelte sê ook dat ons nie kwaad met kwaad moet vergeld nie. Maar is dit nie tog wat ons as mens doen nie?
Oog vir n Oog nie waar nie? Jy doen my leed aan, en ek wys jou wat ek aan jou gaan doen. Dis mos presies hoe ons werk, wil altyd die ander een laat geld vir sy dade.

Nou ja, die Bybel, die Woord van God, stel dit so - en lees saam met my die teksverse. Veral verse 15.

1 Tessalonisense 5:14 En ons versoek julle, broeders, vermaan die onordelikes, bemoedig die kleinmoediges, ondersteun die swakkes, wees lankmoedig teenoor almal.
15 Sorg dat niemand ‘n ander kwaad vir kwaad vergeld nie; maar jaag altyd ná wat goed is, teenoor mekaar sowel as teenoor almal.
16 Wees altyddeur bly.
17 Bid sonder ophou.
18 Wees in alles dankbaar, want dit is die wil van God in Christus Jesus oor julle.
19 Blus die Gees nie uit nie.
20 Verag die profesieë nie.
21 Beproef alle dinge; behou die goeie.
22 Onthou julle van elke vorm van kwaad.
23 En mag Hy, die God van die vrede, julle volkome heilig maak, en mag julle gees en siel en liggaam geheel en al onberispelik bewaar word by die wederkoms van onse Here Jesus Christus!
24 Hy wat julle roep, is getrou; Hy sal dit ook doen.

Onthou jou van ELKE VORM VAN KWAAD, MOENIE KWAAD MET KWAAD VERGELD NIE!!! Net vandag sien ek by ons skool hoe 3 seuns mekaar wil seermaak, nie visies nie, nee, dis bek gevegte en dreigemente en dit was slegs deur sagte woorde te spreek, waardeur daar ñ absolute vrede gekom het. Ja, God se Woord is die waarheid.

Kan ons as God se skeping, NIE MAAR BEGIN DIE VREDE ONDER MEKAAR BEWAAR NIE? KAN ONS NIE MAAR MEKAAR BEGIN VERGEWE NIE? Die Skrif sê, Ñ SAGTE ANTWOORD KEER DIE GRIMMIGHEID WEG. Al wat dit kos, is om te sê - dis oraait, ek vergewe jou. Om die minste te wees, wys net jy is die beter mens, of meer volwasse, of meer in die Gees van God. Dis mos maklik om net weg te stap en die vrede te bewaar, nie waar nie? Maar ons wil altyd beter wees, of sterker, of meer mislik???

Gebed,
Here, maak my U nederige kneg Here, sodat ek altyd die vrede sal najaag en die heiligmaking, want daarsonder, sal niemand U koningkryk sien nie. Dankie Abba Vader, dankie,

Amen en amen.
Wees geseënd en laat die Gees van God jou lei. 😇🙌😇👏👏

21/04/2023

https://sbfprojects.co.za/

Tailor-made property solutions to all building types in the retail, industrial and domestic sectors.

23/09/2022

Goeie more kind van God.

23 Sep 22 - Byna, amper, maar nee dankie.

Op hierdie rustige Vrydag, groet en een en elkeen in die Naam van Jesus Christus.

Lees saam met my en kyk of jy ook Amper beweeg kan word, soos koning Agrippa !!! Of sal ek sê - WERKLIK BEWEEG KAN WORD OM GOD TE DIEN !!!

Handelinge 26:26 Want die koning, met wie ek ook vrymoediglik spreek, weet van hierdie dinge; want ek glo nie dat aan hom iets van hierdie dinge onbekend is nie, want dit het nie in ‘n hoek gebeur nie.
27 Glo u die profete, koning Agríppa? Ek weet dat u glo.
28 En Agríppa sê vir Paulus: Jy beweeg my byna om ‘n Christen te word.
29 En Paulus sê: Ek sou wel God wil bid dat sowel byna as heeltemal nie alleen u nie, maar ook almal wat my vandag aanhoor, so mag word soos ek is, buiten hierdie boeie.

Terwyl Paulus sy saak aan koning Agripa verdedig, soos ń beskuldigde in die regtedbank, maar heeltemal onskuldig, raak die Woord van God die koning aan en hy spreek en sê - Jy beweeg my BYNA om ‘n Christen te word. Byna en dan ook seker, Eina...

Is jy waarlik Christen, of word jy ook daagliks BYNA Beweeg om ń christen te word. Jy sien, dis of Christus, of die wêreld, daar is nie ń middeweg nie, jy kan nie Byna 'n Christen wees nie, beweeg jy op die draad, of sal ek sê, SIT JY OP DIE DRAAD EN WONDER WATTER KAN TOE??? Besluit gou, dis of byna die hemel of byna die hel, WAT IS JOU KEUSE, WORD JY BYNA BEWEEG OM N CHRISTÈN TE WORD, OF BEWEEG DIE SATAN JOU BYNA OM HOM TE VOLG. Hoe weeg jou SKAAL?

Watter kant weeg die swaarste? Byna christen, of byna satan se maaitjie? Jy sien, jy kan nie jou brood aan albei kante gebotter hê nie. Gaan jy BYNA die hemel maak? Of gaan jy byna die hel maak? Moenie soos koning Agripa, byna beweeg word nie. Draai om en word beweeg deur die KRAG VAN DIE HEILIGE GEES EN BEKEER JOU TOT GOD, EN DALK NET BYNA, MIS JY DIE HEMEL EN SIT JY SAAM MET JESUS IN DIE PARRADYS.

Gebed,
Here, ek bid soos Paulus, dat elkeen wat hier lees, daadwerklik sy hart sal omkeer en U volg, nie net byna nie, maar absoluut in eerbiedigheid en in absolute nederigheid hulle, hul verneder onder die kragtige hand van God. Sal U elkeen dan red met U genade en vrede? Dankie Here, U bly getrou, hou ons ook getrou asseblief my Here, hou my getrou.

Amen en amen.
Hou my trou, Here Jesus, hou my trou, daars ń stryd wat ek moet stry, daars oorwinning te verkry, gee my krag, elke dag, hou my trou. Amen. Blessings. 😇🙌😇👏👏

19/09/2022

Goeie more kind van die Here.

19 Sep 22 - Gered uit??? - - Genade ja genade.

Effesiërs 2:4 Maar God, wat ryk is in barmhartigheid, het ons deur sy grote liefde waarmee Hy ons liefgehad het,
5 ook toe ons dood was deur die misdade, lewend gemaak saam met Christus—uit genade is julle gered
6 en saam opgewek en saam laat sit in die hemele in Christus Jesus,
7 sodat Hy in die eeue wat kom, kan betoon die uitnemende rykdom van sy genade in goedertierenheid oor ons in Christus Jesus.
8 Want uit genade is julle gered, deur die geloof, en dit nie uit julleself nie: dit is die gawe van God;
9 nie uit die werke nie, sodat niemand mag roem nie.
10 Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel.

God is ryk aan barmhartigheid en het jou en my gered uit Sy genade en die rykdom van Sy barmhartigheid en goedheid. Dis deur genade en genade alleen, geen werke, geen mooi woorde, nee, niks behalwe genade nie.

Uit genade is ons gered, deur Jesus Christus. Moenie dit verspeel nie, moenie dit weggooi nie. Dis jou bespreking tot die ewige Heerlikheid van God, die ewige lewe in Christus Jesus.

Gebed,
Dankie Here, dankie vir U genade, dankie vir my redding, dankie vir U Barmhartigheid, dankie Here, dankie,

Amen en amen.
Deur genade is jy gered, dank God. Bly geseënd. 😇🙌😇👏👏

08/09/2022

Goeie more geliefde van die Here.

08 Sep 22 - Loof die Here.

Psalm 145:1 ‘n Loflied van Dawid. Alef. o My God, o Koning, ek wil U verhoog en u Naam loof vir ewig en altyd.
2 Bet. Elke dag wil ek U loof en u Naam prys vir ewig en altyd.
3 Gimel. Die HERE is groot en baie lofwaardig, en sy grootheid is ondeurgrondelik

Ek wil U loof Here, ek wil U Naam prys, U is Lofwaardig, U is ons Verhewe God en Vader. Ek wil Psalm sing tot eer van U Naam, halleluja, amen. U liefde is ondeurgrondelik en vir altyd. Ek bring U al die Eer en die danksegging, want U is my Herder, my Here op wie ek vertrou, amen.

8 Get. Genadig en barmhartig is die HERE, lankmoedig en groot van goedertierenheid.

Dankie Here vir U barmhartigheid, dankke vir U lankmoedigheid, dankie HERE, VIR U GENADE, Halleluja, die Here is Lofwaardig en Heilig, waardig om geprys te word, halleluja, verhoog die Naam van onse Here en God, amen.

14 Samek. Die HERE ondersteun almal wat val, en Hy rig almal op wat neergeboë is.
15 Ajin. Die oë van almal wag op U, en U gee hulle hul spys op die regte tyd.
16 Pe. U maak u hand oop en versadig alles wat lewe met welbehae.
17 Sade. Die HERE is regverdig in al sy weë en goedgunstig in al sy werke.
18 Kof. Die HERE is naby almal wat Hom aanroep, almal wat Hom aanroep in waarheid.
19 Resj. Hy vervul die wens van die wat Hom vrees, en Hy hoor hul hulpgeroep en verlos hulle.
20 Sjin. Die HERE bewaar almal wat Hom liefhet, maar Hy verdelg al die goddelose.
21 Tau. My mond sal die lof van die HERE uitspreek, en laat alle vlees sy heilige Naam loof vir ewig en altyd.

Halleluja, die Here help almal, almal wie om Sy hulp roep, die Here hoor jou roep gebed, en antwoord en snel elkeen te hulp wat Hom aanroep in geregtigheid, ja, die Here help almal. Roep Hom aan en gee Hom eer. Dankie Here, so baie dankie vir elke goeie gawe wat van bo af neerdaal. Dankie Here vir elke uitkoms, dankie vir elke ontverming, dankie vir elke redding, dankie Here, vir elkeen wat kan werk, dankie vir U Salwing oor ons elkeen se lewe, dankie Here, baie baie dankie Here.

Gebed,
Dankie Here, is al wat ons kan Uiter, is dankie, dankie my God en my Vader, dankie Here, vir elke gawe, dankie vir elke beantwoorde gebed, dankie Here, baie dankie,

Amen en amen.
Dank God en gee Hom eers. Blessings. 😇🙌😇👏👏👏👏👏👏

05/09/2022

Goeie more geliefde van die Here.

05 Sep 22 - Welgeluksalig is jy.

Psalm 128:1 ‘n Bedevaartslied. Welgeluksalig is elkeen wat die HERE vrees, wat in sy weë wandel!
2 Die opbrings van jou hande sal jy sekerlik eet; gelukkig is jy, en dit gaan met jou goed!

Lees weer wat sê die Here vir jou, welgeluksalig is jy, as jy die Here vrees, of in die vrees van die Here leef. Prys die Here, loof Hom en gee Hom eer. Die Opbrings van jou hande, met ander woorde, jou werke wat jy doen of jou diens wat jy verrig, die beloning daarvan sal jy sekerlik geniet, jy sal die vrugte daarvan pluk en versadig kan word. Jy SAL GELUKKIG WEES EN DIT SAL GOED GAAN MET JOU. Ja, die Skrif stel dit duidelik, dit sal goed gaan met jou, as jy in die vrees van die Here lewe.

3 Jou vrou is soos ‘n vrugbare wingerdstok binne-in jou huis; jou kinders soos olyfboompies rondom jou tafel.
4 Kyk, so sal sekerlik geseën word die man wat die HERE vrees.
5 Mag die HERE jou seën uit Sion, dat jy die voorspoed van Jerusalem mag aanskou al die dae van jou lewe!

Weereens seên die Here vir jou, ja, jy wat die Here vrees, jy Sal Geseënd Wees. ""Sekerlik" geseënd word, is die woorde in die Bybel. Neem vandag jou seën van die Here en bly daarin en wandel in die vrees van die Here, elke dag.

6 En dat jy jou kindskinders mag aanskou! Vrede oor Israel!

En jy sal jou kleinkinders aanskou. Die Here sal jou dae verleng, sodat jy dit kan deurbring in die teenwoordigheid van jou kindskinderd, ja, geseênd sal jy wees. Amen en amen.

Gebed,
Dankie Abba Vader, vir elke goeie gawe wat van bo af op my neerdaal. Dankie Here en vergewe my, my sondes, in Jesus Naam bid ek dit.

Amen en amen.
Wees geseënd in Christus. 😇🙌😇👏👏

19/05/2022

Hallo

17/05/2022

Cartridge Cave se herstel werk.

17/05/2022

Goeie dag, ons is n gerigestreerde maatskappy en is hier om die publiek en die industriële sektor te bedien. Skakel ons of los n boodskap en ons bedien jou so gou moontlik. Stephanus Barnard, SBF Projects PTY LTD. Ons wag vir jou, ja, vir jou om ons te kontak. Blessings.